Yeˬlaˬmiˇ 34:7 - Akha

⁷ Kʼoeˇ ngeh, Baˬbuˇloˬ sahˬ paˬ-euˬ guiˇ maꞈ deuˬ meuˬ kʼoeˇ meuˬ-ahˇ guiˇ deuˆ luꞈ-eu meh. Yuˇdaˆ meuˬ nui deuˬ laꞈ kʼoeˇ, aˬ cawˬ neh maˬ bi deuˆ gʼaˬ dah-ehˇ ziꞈ dah ni dzeˇ luꞈ-eu meuˬ-aˬ, Laˬkiˇshaˆ meuˬ hawˇ-eu Aˬzeˬkaˬ meuˬ kʼoeˇ nyiˬ meuˬ tehꞈ meh. Kʼoeˇ nyiˬ meuˬ-ahˇ kʼawꞈ, guiˇ maꞈ kʼoeˇ deuˬ guiˇ deuˆ luꞈ-eu meh.

Yeˬlaˬmiˇ 34:7 Referans Kwoze

Yawˇshuˆ 10:3

Kʼoeˇ miˇ neh, Heˬbyoˬ sahˬ paˬ Hoˬhamˬ, Jaˬmuˆ sahˬ paˬ Piˇlamˬ, Laˬkiˇshaˆ sahˬ paˬ Jaˬpiˇyaˬ hawˇ-eu, Eˇgaˬloˬ sahˬ paˬ Deˬbeuˬ heu deuˬ jawˇ gaˇ sahˬ paˬ Aˬdoˬniˇzeˬdehˇ tsawˇ haˬ pyehˬ gʼeh-awˇ, heu loꞈ-ehˇ bi tsaꞈ gaˬ-iˇ-euˬ meh.

Yeˬlaˬmiˇ 4:5

Miˇ kʼahˬ doe ni daˇ heh baw-awˇ, yaw duˬ duˬ-ehˇ guˇ gaˬ nehˬ-awˬ. Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu deuˬ-ahˇ, ziꞈ dah ni gʼeh-eu meuˬ deuˬ-ahˇ cehˆ uˇ leˇ-awˬ lehˇ guˇ nehˬ-awˬ.

Yawˇshuˆ 15:35

Jaˬmuˆ meuˬ, Aˬduˬlamˬ meuˬ, Sawˇkoˬ meuˬ, Aˬzeˬkaˬ meuˬ,

Miˇkaˬ 1:13

Laˬkiˇshaˆ meuˬ-ahˇ jawˇ-eu tsawˇ haˬ deuˬ-oˇ, mahˬ laˆ lawˬ lehˬ hmˬ-awˬ. Iˇsaˬleˬlaˆ miˇ kʼahˬ iˬ baˇ mˇ-euˬ gaˇ naw maꞈ dzaw geuꞈ-awˇ, Yeˬluˇsaˬlehˬ meuˬ iˬ baˇ mˇ ni naw maꞈ jahˇ-euˬ meh.

Yeˬlaˬmiˇ 34:1

Baˬbuˇloˬ sahˬ paˬ Neˬbuˬkaˬneˬzaˬ hawˇ-eu aˬ yawꞈ-euˬ guiˇ maꞈ deuˬ nehˬ-ehˇ, aˬ yawꞈ uˆ lahˇ-eu uˬ moˆ kʼaˇ jawˇ-eu miˇ kʼahˬ hawˇ-eu tsawˇ jeuˬ deuˬ-euˬ guiˇ maꞈ dawˬ tawˆ luꞈ gm leˇ-awˇ, Yeˬluˇsaˬlehˬ meuˬ hawˇ-eu dawˬ peh jaˆ-eu meuˬ deuˬ-ahˇ guiˇ deuˆ luꞈ ngeh, Sahˬpaˬ Miˬyehˇ ngaˬ-ahˇ dawˬ ngehˬ cawˬ le-euˬ meh.

Yeˬlaˬmiˇ 11:12

Kʼoeˇ naˇ, Yuˇdaˆ miˇ kʼahˬ-euˬ Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ, aˬ yawꞈ maꞈ lawˇ nehˬ shehˇ nehˬ luꞈ-eu miˬ yehˇ deuˬ jawˇ gaˇ iˇ-awˇ, caw ba nehˬ laꞈ lehˇ shaˇ-iˇ tehꞈ-a. Ehˇ kʼawꞈ, luˬ-iˇ seˇ-iˇ-eu jeˬ keuˆ le ngeh, miˬ yehˇ kʼoeˇ deuˬ aˬ yawꞈ maꞈ-ahˇ maˬ ka kʼoꞈ nehˬ nya-a.

Yeˬlaˬmiˇ 8:14

Miˬyehˇ-euˬ tsawˇ haˬ deuˬ ehˇ-eu, “Aˬ jeˬ miˇ neh aˬ dui maꞈ dzuˇ dzuˇ-ehˇ jawˇ te. Ziꞈ dah ni gʼeh-eu meuˬ deuˬ-ahˇ cehˆ-awˇ, kʼoeˇ gaˇ shiˇ leˇ kaˇ-euˇ. Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, aˬ dui kʼoeˇ taˆ shiˇ-eu jeˬ bi keuˆ le-euˬ meh. Aˬ dui aˬ yawꞈ-ahˇ mˇ lehˬ-euˬ miˇ neh, aˬ dui-ahˇ dzaˇ doꞈ bi dawˇ laꞈ-euˬ meh.

2 Laˬsaˬbaˬ 27:4

Yuˇdaˆ miˇ kʼahˬ gawˬ jawˬ deuˬ-ahˇ aˬ yawꞈ meuˬ daˬ-awˇ, aˇ bawˇ sahˬ kʼaˆ doe ni loꞈ-eu nymˇ goˇ deuˬ hawˇ-eu taˆ deuˬ tsoˆ-euˬ meh.

2 Sahˬpaˬ 19:8

Aˬshuˇliˆ sahˬ paˬ-aˬ, Laˬkiˇshaˆ meuˬ-ahˇ neh doˆ-iˇ-awˇ, Liˇbaˬnahˬ meuˬ-ahˇ guiˇ deuˆ luꞈ-eu gaˇ kawˆ, Aˬshuˇliˆ tsawˇ haˬ yaw huiˬ yaw mahˇ kʼoeˇ gʼaˬ ya gaˬ ngeh, kʼoeˇ gaˇ iˇ-awˇ sahˬ paˬ-ahˇ mehˬ bawˬ mˇ-iˇ-euˬ meh.

Yawˇshuˆ 15:39

Laˬkiˇshaˆ meuˬ, Bawˇzaˬkaˇ meuˬ, Eˇgaˬloˬ meuˬ,

Yawˇshuˆ 12:11

Jaˬmuˆ meuˬ, Laˬkiˇshaˆ meuˬ,

Dawˬmehˬ 28:52

Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ neh nawˬ-ahˇ biꞈ-euˬ miˇ kʼahˬ laꞈ kʼoeˇ kʼaˇ jaˆ-eu meuˬ yawˬ meuˬ na luꞈ-ahˇ, aˬ yawꞈ maꞈ guiˇ deuˆ le-awˇ, nawˬ-euˬ gʼoe duˬ pyeuꞈ-eu goˇ dui dui-eu meuˬ meuˬ lahˇ deuˬ byaˆ-iˇ tehꞈ-a.

Yawˇshuˆ 10:5

Aˬmawˇliˆ sahˬ paˬ deuˬ pyeuꞈ-eu Yeˬluˇsaˬlehˬ sahˬ paˬ, Heˬbyoˬ sahˬ paˬ, Jaˬmuˆ sahˬ paˬ, Laˬkiˇshaˆ sahˬ paˬ hawˇ-eu, Eˇgaˬloˬ sahˬ paˬ heu ngaˬ gʼaˬ gm leˇ-awˇ, Giˇbyoˬ meuˬ-ahˇ jawˬ lahˇ-awˇ guiˇ deuˆ-euˬ meh.

2 Sahˬpaˬ 14:19

Yeˬluˇsaˬlehˬ meuˬ laꞈ kʼoeˇ, Aˬmaˬziˇ-ahˇ aˬ cawˬ sehꞈ kʼoeˬ-eu lehˇ lehˬ hmˬ luꞈ-eu miˇ neh, Laˬkiˇshaˆ meuˬ-ahˇ cehˆ-euˬ meh. Ehˇ kʼawꞈ, aˬ yawꞈ-ahˇ muiˇ-eu deuˬ kʼoeˇ gaˇ keuˆ ni caw teh-iˇ-awˇ, aˬ yawꞈ-ahˇ sehꞈ-euˬ meh.

Iˇsaˬyaˇ 36:2

Kʼoeˇ naˇ, aˬ yawꞈ-euˬ guiˇ maꞈ deuˬ kʼoeˇ taˆ uˆ lahˇ-eu yaw huiˬ yaw mahˇ-ahˇ, guiˇ maꞈ maꞈ ma sheuˬ-awˇ Laˬkiˇshaˆ meuˬ-ahˇ neh Yeˬluˇsaˬlehˬ meuˬ-ahˇ sahˬ paˬ Heˬsaˬgiˇ jawˇ gaˇ bi iˇ-euˬ meh. Laꞈ taˆ paw-euˬ lah-ahˇ neh meuˬ-ahˇ iˇ cuꞈ yuˇ ahˇ-euˬ uiˇ kʼehˬ dawˬ peh, saˬ nmˇ saˬ paˇ mˇ-eu jawˇ duˬ-ahˇ jaˆ-eu gaˇ jawˬ-ahˇ, yaw huiˬ yaw mahˇ kʼoeˇ gʼaˬ jawˇ naˬ-euˬ meh.