Yeˬlaˬmiˇ 34:22 - Akha

²² Ngaˇ dawˬ biꞈ nehˬ ngeh, meuˬ heu meuˬ-ahˇ aˬ yawꞈ maꞈ guiˇ paˇ deuˆ poˆ le-awˇ, miˬ dzaˬ dzah puiˆ dzeh tehꞈ-a. Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ, tsawˇ haˬ tiˬ gʼaˬ-iˬ maˬ jawˇ-eu kʼaˇ shuiꞈ deh ga loꞈ-ehˇ bi pyeuꞈ-iˇ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 34:22 Referans Kwoze

Yeˬlaˬmiˇ 9:11

Sahˬpaˬ Miˬyehˇ heu loꞈ-ehˇ ehˇ-eu meh. “Yeˬluˇsaˬlehˬ meuˬ-ahˇ meuˬ coeˬ jehˆ bymˇ bi pyeuꞈ-iˇ-awˇ, bawˇ tsahˬ aˬ kuiˬ jawˇ duˬ bi pyeuꞈ-iˇ ma. Yuˇdaˆ miˇ kʼahˬ-euˬ meuˬ deuˬ, bawˇ tsahˬ bawˇ dahˇ bi pyeuꞈ-iˇ ma.”

Yeˬlaˬmiˇ 39:8

Kʼoeˇ ngeh, Baˬbuˇloˬ tsawˇ haˬ deuˬ sahˬ paˬ-euˬ hawˇ nymˇ hawˇ-eu miˇ kʼahˬ zaˬ-euˬ nymˇ deuˬ keuˬ dzeh-awˇ, Yeˬluˇsaˬlehˬ meuˬ-euˬ meuˬ meuˬ lahˇ deh byaˆ-euˬ meh.

Yeˬlaˬmiˇ 52:13

Uˬ duˬ tahˬ nymˇ nymˇ ma maˬ ehˇ, sahˬ paˬ-euˬ hawˇ nymˇ maˬ ehˇ, nymˇ yaw muiˬ dawˬ tawˆ luꞈ-ahˇ maˬ ehˇ, aˬ yawꞈ miˬ dzaˬ keuˬ dzeh-euˬ meh.

Yeˬlaˬmiˇ 52:7

meuˬ meuˬ lahˇ pehꞈ-iˇ-euˬ meh. Baˬbuˇloˬ tsawˇ haˬ deuˬ neh meuˬ-ahˇ loꞈ jawˬ taˬ-euˬ kʼawꞈ, yehˇ dawˬ tawˆ luꞈ uˬ ciꞈ paw cehˆ dzeuˇ jiˇ-euˬ meh. Sahˬ paˬ-euˬ yaˇ kmˇ paw neh aˬ yawꞈ maꞈ iˇ-awˇ, meuˬ lahˇ nyiˬ tiˆ aˇ kaˬ-ahˇ dahˇ-eu lahˇ kʼehˬ-ahˇ neh cehˆ doˆ-awˇ, Yawˇdaˬ lawˇ baˬ deh kʼawꞈ paw cehˆ-euˬ meh.

Yeˬlaˬmiˇ 44:22

Iˬ nah naw maꞈ-euˬ miˇ kʼahˬ cawˆ-iˇ-awˇ, tsawˇ haˬ tiˬ gʼaˬ-iˬ maˬ jawˇ-ehˇ, guˆ dui dui laˇ paˬ-ehˇ pyeuꞈ-iˇ taˬ-euˬ miˇ neh, aˬ cawˬ yaˬ kʼehˇ yaˬ ngeh tsawˇ myahˇ kuˇ duˬ pyeuꞈ-iˇ-euˬ maˬ ngeuˇ-a loˇ. Naw maꞈ neh mˇ-euˬ yaw haiˬ jeˬ hawˇ-eu maˬ muiˬ maˬ jaˬ-eu jeˬ-ahˇ, Sahˬpaˬ Miˬyehˇ maˬ oˇ coeˇ laˇ-euˬ miˇ neh, kʼoeˇ loꞈ-ehˇ bi keuˆ le-euˬ maˬ ngeuˇ nga loˇ.

Yeˬlaˬmiˇ 33:10

Sahˬpaˬ Miˬyehˇ heu loꞈ-ehˇ ehˇ-eu meh. “Jawˇ duˬ heu tsahˇ-aˬ, kʼaˇ shuiꞈ deh ga-ahˇ duˇ-awˇ, tsawˇ haˬ hawˇ-eu jeˬ zaˬ jawˇ zaˇ maˬ mawˇ nga lehˇ aˬ cawˬ ehˇ tehꞈ-a. Aˬ yawꞈ maꞈ ehˇ-eu tsaˬ meh. Yuˇdaˆ miˇ kʼahˬ-ahˇ jaˆ-eu meuˬ deuˬ hawˇ-eu Yeˬluˇsaˬlehˬ meuˬ laꞈ kʼoeˇ, tsawˇ haˬ hawˇ-eu jeˬ zaˬ maˬ jawˇ ni ciˬ cuˇ ni jaˆ-eu meh. Ehˇ kʼawꞈ, jawˇ duˬ heu tsahˇ laꞈ kʼoeˇ lawꞈ gʼa luꞈ-eu teˇ saˇ-ahˇ nawˇ paˇ ya gaˬ poˆ tehꞈ-a.

Maꞈtehˬ 22:7

Kʼoeˇ ngeh jawˇ, sahˬ paˬ kʼoeˇ gʼaˬ nui ma pehˇ laˇ-awˇ, aˬ yawꞈ-euˬ guiˇ maꞈ pyehˬ gʼeh-awˇ, aˬ yawꞈ-euˬ zaˬ kʼaˆ deuˬ-ahˇ sehꞈ-euˬ tsawˇ haˬ kʼoeˇ deuˬ-ahˇ bi sehꞈ-awˇ, aˬ yawꞈ maꞈ-euˬ meuˬ-ahˇ miˬ dzaˬ bi keuˬ dzeh-euˬ meh.

Zaˬkaˬliˇ 7:14

Jaˬ lehˇ lehˇ ma baw-eu loꞈ-ehˇ, aˬ yawꞈ maꞈ-ahˇ aˬ cawˬ miˇ kʼahˬ doe ni baw dzeh gʼeh-awˇ bi jawˇ byaˆ jiˇ-awˇ, muiˬ-eu miˇ kʼahˬ heu kʼahˬ laꞈ kʼoeˇ tsawˇ haˬ tiˬ gʼaˬ-iˬ maˬ dzeˇ ni bi pyeuꞈ-iˇ-euˬ ma.”

Zaˬkaˬliˇ 1:12

Kʼoeˇ ngeh, mahˬ yaw neˇ dziꞈ luꞈ-eu mˬ taˆ gʼaˬ kʼehˇ kʼoeˇ gʼaˬ ehˇ-eu, “Baoˬ huiˬ-eu Sahˬpaˬ Miˬyehˇ-oˇ, Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ-ahˇ nawˇ nui ma pehˇ luꞈ-eu shiꞈ tseˇ kʼoꞈ byah laˇ-euˬ meh. Aˬ yawꞈ maꞈ-ahˇ nawˇ gʼawˬ shaˬ maˬ gaˬ nehˬ ni aˇ myah keuˆ ni paˇ byehˇ taˬ-eu gʼeh te.”

Miˇkaˬ 7:13

Ehˇ kʼawꞈ, miˇ tsaˬ kʼoeˇ taˆ jawˇ-eu tsawˇ haˬ zaˬ deuˬ yaw haiˬ jeˬ mˇ-eu baˬ da neh, miˇ kʼahˬ nui deuˬ dawˬ tawˆ luꞈ ciˬ cuˇ ni gʼeh-eu kʼaˇ shuiꞈ shuiꞈ yaˇ loꞈ-ehˇ pyeuꞈ jiˇ tehꞈ-a.

Aˬmoˆ 3:6

Tsawˇ haˬ maˬ bi tsawˬ guˆ-iˇ ni meuˬ laꞈ kʼoeˇ guiˇ deuˆ-eu daˇ heh baw mahˇ nya meh loˇ. Sahˬpaˬ Miˬyehˇ neh maˬ jahˇ-euˬ gaˇ, luˬ-iˇ seˇ-iˇ-eu jeˬ meuˬ kʼoeˇ taˆ keuˆ le nya meh loˇ.

Ngoeˇ dawˬ 1:1

Tsawˇ haˬ tiˬ teuˇ jawˇ-euˬ meuˬ kʼoeˇ, nymˬ-mˇ ciˬ cuˇ ni jaˆ-eu meh. Miˇ kʼahˬ tsawˇ jeuˬ tiˬ tahˇ tiˬ yaˇ, yaw zeu baw dui dui-euˬ meuˬ kʼoeˇ, miˬ coeˬ coeˬ-iˇ gaˇ duˇ-eu meh. Meuˬ kʼaˇ jaˆ-eu dawˬ tawˆ mehˬ shi, sahˬ paˬ zaˬ miˬ-ahˇ duˇ-euˬ meuˬ, aˬ cawˬ zaˬ kʼaˆ pyeuꞈ-iˇ-euˬ meh.

Yeˬlaˬmiˇ 38:23

Kʼoeˇ naˇ, ngaˇ heu loꞈ-ehˇ paˇ ehˇ nehˬ-euˬ ma. “Nawˬ-euˬ zaˬ miˬ zaˬ deuˬ hawˇ-eu aˬ buˇ aˬ li dawˬ tawˆ luꞈ Baˬbuˇloˬ tsawˇ haˬ deuˬ jawˇ gaˇ bi sheuˬ gʼeh jiˇ-awˇ, nawˇ kʼawꞈ, aˬ yawꞈ maꞈ-euˬ laꞈ-ahˇ maˬ dzeuˇ-iˇ-aˇ. Baˬbuˇloˬ sahˬ paˬ nawˬ-ahˇ nyehꞈ-awˇ, meuˬ heu meuˬ-ahˇ miˬ dzaˬ keuˬ byoˆ dzeh tehꞈ-a.”

Yeˬlaˬmiˇ 32:29

Baˬbuˇloˬ tsawˇ haˬ kʼoeˇ deuˬ meuˬ laꞈ kʼoeˇ uˇ laˇ-awˇ, nymˇ mˬ kʼoeˇ taˆ Baˬlaˇ miˬ yehˇ-ahˇ yaw saw jeˬ doꞈ damˬ-awˇ, miˬ yehˇ nui deuˬ-ahˇ aˬ gaꞈ dzaˇ uiˇ lawˇ nehˬ-eu laꞈ kʼoeˇ, ngaˇ nui ma pehˇ ni mˇ-euˬ nymˇ kʼoeˇ deuˬ nehˬ-ehˇ tiˬ kawˆ loꞈ-ehˇ, meuˬ kʼoeˇ meuˬ-ahˇ aˬ yawꞈ maꞈ miˬ dzaˬ dzah puiˆ dzeh tehꞈ-a.

Yeˬlaˬmiˇ 4:7

Dzuˇ zaꞈ taˬ-euˬ aˇ laˬ jaˬ shiˇ coeˬ doˆ leꞈ-eu loꞈ-ehˇ, miˇ kʼahˬ tsawˇ jeuˬ-ahˇ laˆ cawˆ-eu gʼaˬ oe luꞈ meh. Yuˇdaˆ miˇ kʼahˬ-ahˇ laˆ cawˆ-eu lehˇ aˬ yawꞈ oe luꞈ meh. Yuˇdaˆ miˇ kʼahˬ-euˬ meuˬ deuˬ ya cawˆ-iˇ jiˇ-awˇ, tsawˇ haˬ tiˬ gʼaˬ-iˬ maˬ jawˇ ni pyeuꞈ-iˇ tehꞈ-a.

Iˇsaˬyaˇ 64:10

Nawˬ-euˬ muiˬ-eu shawˇ-eu meuˬ deuˬ, bawˇ tsahˬ bawˇ dahˇ pyeuꞈ jiˇ-euˬ meh. Yeˬluˇsaˬlehˬ hawˇ-eu Ziˇoˬ meuˬ tsoeˬ tsoeˬ-iˇ-euˬ meh.

Iˇsaˬyaˇ 37:26

“Heu deuˬ dawˬ tawˆ luꞈ pyeuꞈ laˇ ni, aˇ hu ba neh ngaˬ neh gaˇ kawˆ kawˆ taˬ jiˇ-euˬ nawˇ maˬ gaˬ-aˬ loˇ. Nymˬ-mˇ kʼoeˇ loꞈ-ehˇ pyeuꞈ laˇ ni ngaˇ jahˇ luꞈ-eu ma. Ziꞈ dah ni tsoˆ taˬ-euˬ meuˬ deuˬ-ahˇ byaˆ-iˇ ni jahˇ nya-eu baoˬ, nawˬ-ahˇ ngaˇ biꞈ taˬ-euˬ ma.

Iˇsaˬyaˇ 24:12

Meuˬ pyaˆ-iˇ shaˆ-iˇ-awˇ, meuˬ lahˇ laˇ gʼoˆ kʼehꞈ-iˇ kʼoeˆ-iˇ-euˬ meh.

Iˇsaˬyaˇ 13:3

Sahˬpaˬ Miˬyehˇ nui ma pehˇ-eu deuˬ-ahˇ kʼehˬ-eu gʼaˇ duˬ, aˬ yawꞈ nui kʼaˬ tsmˬ-awˇ jah coeˇ-eu yehˇ deuˬ-ahˇ, muiˬ-eu shawˇ-eu jeˬ gʼaˇ duˬ guiˇ deuˆ leˇ-awˬ lehˇ, aˬ yawꞈ dawˬ biꞈ-euˬ meh.

Iˇsaˬyaˇ 6:11

“Aˇ myah keuˆ ni kʼoeˇ loꞈ-ehˇ jahˇ nehˬ nmˇ” lehˇ, Sahˬpaˬ Miˬyehˇ-ahˇ ngaˇ naˇ haˬ ngeh, heu loꞈ-ehˇ ehˇ kʼoꞈ nehˬ laꞈ-euˬ meh. “Meuˬ deuˬ cawˆ-iˇ jiˇ-awˇ, tsawˇ haˬ tiˬ gʼaˬ-iˬ maˬ jawˇ-ehˇ pyeuꞈ-iˇ ngeh keuˆ ni, nymˇ laꞈ kʼoeˇ tsawˇ haˬ tiˬ gʼaˬ-iˬ maˬ ya mawˇ-ehˇ, miˇ kʼahˬ kʼahˬ lah-ehˇ ciˬ cuˇ ni pyeuꞈ-iˇ ngeh keuˆ ni, kʼoeˇ loꞈ-ehˇ jahˇ nehˬ ma.

2 Laˬsaˬbaˬ 36:17

Kʼoeˇ miˇ neh, Sahˬpaˬ Miˬyehˇ neh Baˬbuˇloˬ sahˬ paˬ-ahˇ pyehˬ gʼeh leꞈ-awˇ, aˬ yawꞈ maꞈ-ahˇ guiˇ bi deuˆ le-euˬ meh. Sahˬpaˬ kʼoeˇ gʼaˬ Yuˇdaˆ tsawˇ haˬ zaˬ guˬ deuˬ-ahˇ Uˬ duˬ tahˬ nymˇ nymˇ ma laꞈ kʼoeˇ sehꞈ-euˬ meh. Tsawˇ mawˬ zaˬ guˬ maˬ ehˇ, kʼaˬ dzeˇ zaˬ hawˇ-eu zaˬ miˬ zaˬ maˬ ehˇ, naˇ-eu deuˬ hawˇ-eu jawˇ saˇ doˆ-eu deuˬ maˬ ehˇ, maˬ tseˇ paˆ ni, tiˬ gʼaˬ-ahˇ-iˬ gʼawˬ shaˬ maˬ gaˬ nehˬ ni sehꞈ-euˬ meh. Aˬ yawꞈ maꞈ dawˬ tawˆ luꞈ-ahˇ Neˬbuˬkaˬneˬzaˬ-euˬ aˬ laꞈ laꞈ kʼoeˇ Miˬyehˇ neh a nehˬ-euˬ meh.

2 Saˬmeuˬlaˆ 16:11

Aˬbiˇshaiˇ hawˇ-eu yaw huiˬ yaw mahˇ kʼoeˇ deuˬ-ahˇ Daˬbiˇ ehˇ nehˬ-eu, “Ngaˬ li maˇ maˇ ni gʼeh-eu gʼaˬ kʼawꞈ, ngaˬ-ahˇ sehꞈ-eu lehˇ leh jeh luꞈ-eu maˬ ngeuˇ-a loˇ. Aˬ jeˬ miˇ neh Beˬyaˬmiˬ tsawˇ jeuˬ heu gʼaˬ-ahˇ naw maꞈ zahˬ leˇ-eu nya. Sahˬpaˬ Miˬyehˇ neh aˬ yawꞈ-ahˇ kʼoeˇ loꞈ-ehˇ yaˬ kʼehˇ bi yaˬ-euˬ meh. Aˬ yawˇ yawꞈ kʼaˇ ehˇ mawꞈ-eu jeˬ ehˇ ehˇ-ehˇ jawˇ luꞈ-uˇ.

2 Sahˬpaˬ 25:6

Yiˇbaˬlahˬ meuˬ-ahˇ jawˇ luꞈ-eu sahˬ paˬ Neˬbuˬkaˬneˬzaˬ jawˇ gaˇ Zeˬdaˬkiˇ-ahˇ nyehꞈ gʼeh-awˇ, Neˬbuˬkaˬneˬzaˬ neh aˬ yawꞈ-ahˇ yaˇ kʼaˬ daˇ nehˬ-euˬ meh.

Yeˬlaˬmiˇ 34:2

Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Yuˇdaˆ sahˬ paˬ Zeˬdaˬkiˇ jawˇ gaˇ iˇ-awˇ, heu loꞈ-ehˇ ehˇ nehˬ-iˇ-awˬ. Sahˬpaˬ Miˬyehˇ pyeuꞈ-eu ngaˇ-aˬ, Yeˬluˇsaˬlehˬ meuˬ heu-ahˇ Baˬbuˇloˬ sahˬ paˬ-euˬ aˬ laꞈ laꞈ kʼoeˇ a nehˬ-awˇ, miˬ dzaˬ bi dzah puiˆ dzeh ma.

Yeˬlaˬmiˇ 50:13

Ngaˇ nui ma pehˇ-eu jeˬ baˬ da neh, Baˬbuˇloˬ miˇ kʼahˬ tsawˇ haˬ tiˬ gʼaˬ-iˬ maˬ jawˇ gaˇ keuˆ ni cawˆ-iˇ-awˇ, kʼaˇ iˇ kʼaˇ laˇ tsehˆ-eu tsawˇ haˬ deuˬ zahˬ leˇ-awˇ tsawˬ guˆ-iˇ tehꞈ-a.

Yeˬsaˬgeˬlaˇ 13:22

“Ngaˇ maˬ bi mˇ coeˬ mawꞈ-eu tsawˇ muiˬ deuˬ-ahˇ, naw maꞈ jaˬ myawꞈ mehˇ shuiˇ neh guˆ tsiˬ nyehꞈ-euˬ meh. Haiˬ-eu tsawˇ haˬ deuˬ yaw haiˬ jeˬ byehˇ dzeh-awˇ, saꞈ laˇ buˬ-iˇ ni maˬ bi mˇ-eu gʼaˇ duˬ, naw maꞈ laˆ tsoeˬ-euˬ meh.

2 Sahˬpaˬ 25:9

Uˬ duˬ tahˬ nymˇ nymˇ ma maˬ ehˇ, sahˬ paˬ-euˬ hawˇ nymˇ maˬ ehˇ, Yeˬluˇsaˬlehˬ meuˬ laꞈ kʼoeˇ tsawˇ myahˇ doˆ-eu tsawˇ haˬ deuˬ-euˬ nymˇ dawˬ tawˆ luꞈ maˬ ehˇ, aˬ yawꞈ neh miˬ dzaˬ keuˬ dzeh jiˇ-euˬ meh.

Yeˬlaˬmiˇ 2:15

Aˇ laˬ jaˬ shiˇ loꞈ-ehˇ aˬ yawꞈ maꞈ aˬ yawꞈ-ahˇ lmˬ-awˇ, aˬ yawꞈ-euˬ miˇ kʼahˬ kʼaˇ shuiꞈ deh yaˇ laˆ pyeuꞈ-awˇ, aˬ yawꞈ-euˬ meuˬ deuˬ cawˆ jiˇ-awˇ, meuˬ tsoeˬ tsoeˬ jiˇ-euˬ meh.