Yeˬlaˬmiˇ 34:21 - Akha

²¹ Yuˇdaˆ sahˬ paˬ Zeˬdaˬkiˇ hawˇ-eu aˬ yawꞈ-euˬ gaˇ mˇ-eu yaw huiˬ yaw mahˇ deuˬ-ahˇ, aˬ yawꞈ maꞈ-ahˇ sehꞈ mawꞈ-euˬ muiˇ-eu deuˬ-euˬ aˬ laꞈ laꞈ kʼoeˇ ngaˇ a nehˬ ma. Naw maꞈ-ahˇ guiˇ maˬ deuˆ ni naˬ leˇ-awˇ jawˇ-eu Baˬbuˇloˬ guiˇ maꞈ-euˬ aˬ laꞈ laꞈ kʼoeˇ, aˬ yawꞈ maꞈ-ahˇ ngaˇ a nehˬ ma.

Yeˬlaˬmiˇ 34:21 Referans Kwoze

Yeˬlaˬmiˇ 39:6

Yiˇbaˬlahˬ meuˬ-ahˇ, Zeˬdaˬkiˇ-euˬ mehˬ shi, Zeˬdaˬkiˇ-euˬ aˬ li deuˬ-ahˇ Neˬbuˬkaˬneˬzaˬ neh bi sehꞈ-euˬ meh. Yuˇdaˆ miˇ kʼahˬ laꞈ kʼoeˇ yaw huiˬ yaw mahˇ geuꞈ-eu deuˬ-ahˇ kʼawꞈ aˬ yawꞈ bi sehꞈ-euˬ meh.

Yeˬsaˬgeˬlaˇ 17:16

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu, “Ngaˇ dehꞈ luꞈ-eu Miˬyehˇ kʼaˇ pyeuꞈ kʼoeˇ keuˆ ni, sahˬpaˬ heu gʼaˬ Baˬbuˇloˬ miˇ kʼahˬ-ahˇ ya shiˇ-eu yaw duˬ baw tehꞈ-a. Aˬ jeˬ miˇ neh ehˇ naˇ, yawˬ ha neh kamˬ tsehˆ-euˬ dawˬ-ahˇ maˬ caw teh-eu uˬ taꞈ, aˬ yawꞈ-ahˇ sahˬpaˬ ka nehˬ yaꞈ-euˬ Baˬbuˇloˬ sahˬpaˬ nehˬ-ehˇ dzaˬ-euˬ saˇ jaˇ-ahˇ, aˬ yawꞈ puiˬ-euˬ meh.

Yeˬlaˬmiˇ 52:10

Yiˇbaˬlahˬ meuˬ-ahˇ, Zeˬdaˬkiˇ-euˬ mehˬ shi Zeˬdaˬkiˇ-euˬ aˬ li deuˬ-ahˇ aˬ yawꞈ sehꞈ-awˇ, Yuˇdaˆ tsawˇ haˬ yaw huiˬ yaw mahˇ deuˬ-ahˇ kʼawꞈ, aˬ yawꞈ sehꞈ-euˬ meh.

Ngoeˇ dawˬ 4:20

Muiˇ-eu deuˬ guiˇ deuˆ uˇ laꞈ gaˇ, nga maꞈ-ahˇ haw piˇ-eu gʼaˇ duˬ, Sahˬpaˬ Miˬyehˇ neh tseˇ doˆ-euˬ, nga maꞈ-euˬ saꞈ gʼawˇ kahˬ pyeuꞈ-eu, nga maꞈ tsawˇ jeuˬ-euˬ sahˬ paˬ-ahˇ, aˬ yawꞈ maꞈ neh nyehꞈ mi-euˬ meh.

Yeˬlaˬmiˇ 32:4

Sahˬ paˬ Zeˬdaˬkiˇ-aˬ, Baˬbuˇloˬ tsawˇ haˬ deuˬ-euˬ aˬ laꞈ laꞈ kʼoeˇ maˬ cehˆ dzeuˇ nya-aˇ. Aˬ yawꞈ-ahˇ Baˬbuˇloˬ sahˬ paˬ jawˇ gaˇ bi nyehꞈ keuˆ gʼeh-awˇ, Baˬbuˇloˬ sahˬ paˬ-ahˇ myaˆ pyawˬ ya ciˬ daˬ leˇ-awˇ, dawˬ ya ngehˬ cawˬ tehꞈ-a.

2 Sahˬpaˬ 25:6

Yiˇbaˬlahˬ meuˬ-ahˇ jawˇ luꞈ-eu sahˬ paˬ Neˬbuˬkaˬneˬzaˬ jawˇ gaˇ Zeˬdaˬkiˇ-ahˇ nyehꞈ gʼeh-awˇ, Neˬbuˬkaˬneˬzaˬ neh aˬ yawꞈ-ahˇ yaˇ kʼaˬ daˇ nehˬ-euˬ meh.

Yeˬlaˬmiˇ 22:25

Nawˇ guˆ-eu nawˬ-ahˇ sehꞈ-eu lehˇ jawˬ luꞈ-eu tsawˇ haˬ deuˬ-euˬ aˬ laꞈ laꞈ kʼoeˇ, nawˬ-ahˇ ngaˇ a nehˬ ma. Baˬbuˇloˬ sahˬ paˬ Neˬbuˬkaˬneˬzaˬ hawˇ-eu aˬ yawꞈ-euˬ yehˇ deuˬ-euˬ aˬ laꞈ laꞈ kʼoeˇ a nehˬ ma.

Yeˬlaˬmiˇ 32:3

Sahˬpaˬ Miˬyehˇ neh ehˇ-euˬ dawˬ deuˬ-ahˇ ngaˇ dzawˇ gaˬ-euˬ miˇ neh, sahˬ paˬ Zeˬdaˬkiˇ ngaˬ-ahˇ paꞈ kuˆ laꞈ kʼoeˇ nyehꞈ ahˇ-euˬ meh. Sahˬpaˬ Miˬyehˇ neh ehˇ-euˬ dawˬ-aˬ, heu loꞈ-ehˇ meh. “Meuˬ heu meuˬ-ahˇ Baˬbuˇloˬ sahˬ paˬ neh bi deuˆ gʼaˬ-eu lehˇ ngaˇ gʼeh-eu ma.

Yeˬlaˬmiˇ 44:30

Yuˇdaˆ sahˬ paˬ Zeˬdaˬkiˇ-ahˇ, aˬ yawꞈ-ahˇ muiˇ-awˇ sehꞈ mawꞈ-eu Baˬbuˇloˬ sahˬ paˬ Neˬbuˬkaˬneˬzaˬ-euˬ laꞈ-ahˇ ngaˬ neh a nehˬ-euˬ loꞈ-ehˇ, Iˇjiˇtuˆ sahˬ paˬ Hawˇpaˬyaˬ-ahˇ kʼawꞈ, aˬ yawꞈ-ahˇ muiˇ-awˇ sehꞈ mawꞈ-eu deuˬ-euˬ aˬ laꞈ laꞈ kʼoeˇ ngaˇ a ahˇ nehˬ ma’ lehˇ ehˇ-eu meh.”

Yeˬlaˬmiˇ 52:8

Ehˇ kʼawꞈ, Baˬbuˇloˬ guiˇ maꞈ sahˬ paˬ Zeˬdaˬkiˇ-euˬ mehˬ nah teh-awˇ, Yeˬliˇkoˇ meuˬ dawˬ peh jaˆ-eu deh ga-ahˇ nyehꞈ mi-euˬ meh. Kʼoeˇ ngeh, aˬ yawꞈ-euˬ yehˇ dawˬ tawˆ luꞈ, aˬ yawꞈ-ahˇ byehˇ dzeh-awˇ cehˆ-euˬ meh.

Yeˬsaˬgeˬlaˇ 17:12

“Yaw jeˬ ma jeˬ kʼoeˇ-euˬ gaˇ kawˆ dawˬ tsuiꞈ siˬ nya ma loˇ lehˇ, ngaˬ-ahˇ puiˬ-eu tsawˇ haˬ kʼoeˇ deuˬ-ahˇ naˇ haˬ-iˬ sheˇ. Baˬbuˇloˬ sahˬpaˬ Yeˬluˇsaˬlehˬ meuˬ-ahˇ oe-awˇ, Yuˇdaˆ sahˬpaˬ hawˇ-eu gaˇ mˇ-eu yaw huiˬ yaw mahˇ deuˬ-ahˇ Baˬbuˇloˬ miˇ kʼahˬ-ahˇ nyehꞈ ka gʼeh-euˬ meh.

Yeˬsaˬgeˬlaˇ 17:20

Shaˬ jiˇ beuˆ-eu tsawˇ haˬ zmˬ-euˬ za neh, aˬ yawꞈ-ahˇ dzeh pymˬ-awˇ nyehꞈ ma. Aˬ yawꞈ ngaˬ-ahˇ saˇ jaˇ puiˬ-euˬ miˇ neh, Baˬbuˇloˬ miˇ kʼahˬ-ahˇ nyehꞈ gʼeh-awˇ, kʼoeˇ gaˇ kʼehˬ nehˬ ma.