Yeˬlaˬmiˇ 34:20 - Akha

²⁰ Aˬ yawꞈ maꞈ-ahˇ sehꞈ mawꞈ-euˬ muiˇ-eu deuˬ-euˬ aˬ laꞈ laꞈ kʼoeˇ, aˬ yawꞈ maꞈ-ahˇ ngaˇ a nehˬ-awˇ aˬ yawꞈ maꞈ-euˬ gʼawˇ mawˇ-ahˇ, bawˇ tsahˬ jeˬ zaˬ hawˇ-eu aˇ jiˇ deuˬ neh bi dzaˬ jiˇ ma.

Yeˬlaˬmiˇ 34:20 Referans Kwoze

Yeˬlaˬmiˇ 7:33

Tsawˇ haˬ zaˬ shiˇ taˬ-awˇ ga gaˇ, bawˇ tsahˬ jeˬ zaˬ hawˇ-eu aˇ jiˇ deuˬ dzaˬ le-awˇ, teh piˇ nehˬ-eu gʼaˬ maˬ jawˇ ni pyeuꞈ-iˇ tehꞈ-a.

Yeˬlaˬmiˇ 19:7

Jawˇ duˬ heu tsahˇ-ahˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ laꞈ kʼoeˇ jawˇ-eu tsawˇ haˬ deuˬ-euˬ nui kʼahˇ dawˬ tawˆ luꞈ, ngaˇ laˆ cawˆ nehˬ jiˇ ma. Muiˇ-eu deuˬ neh aˬ yawꞈ maꞈ-ahˇ guiˇ bi deuˆ gʼaˬ-awˇ, bi deuˆ sehꞈ jiˇ ma. Aˬ yawꞈ maꞈ-ahˇ, aˇ jiˇ hawˇ-eu bawˇ tsahˬ jeˬ zaˬ deuˬ-euˬ dzaˇ bi pyeuꞈ-iˇ ma.

Yeˬlaˬmiˇ 16:4

Guˆ dui dui laˇ paˬ-ehˇ gʼeh-eu naˇ gawˇ baˬ da neh aˬ yawꞈ maꞈ ya shiˇ-awˇ, aˬ yawꞈ maꞈ gʼaˇ duˬ tsawˇ ngoeˇ ngoeˇ nehˬ-awˇ, baꞈ pahˬ nehˬ-eu tsawˇ haˬ maˬ jawˇ ni pyeuꞈ laˇ tehꞈ-a. Aˬ nyoˬ mawˇ neˇ-euˬ keˬ tawˆ bymˇ taˬ-euˬ loꞈ-ehˇ, aˬ yawꞈ maꞈ miˇ tsa shiˇ uiˬ taˬ-awˇ ga tehꞈ-a. Guiˇ deuˆ-eu laꞈ kʼoeˇ maˬ ehˇ, mehꞈ-eu shuꞈ-eu baˬ da neh maˬ ehˇ, aˬ yawꞈ maꞈ ya shiˇ-awˇ, aˇ jiˇ hawˇ-eu bawˇ tsahˬ jeˬ zaˬ deuˬ aˬ yawꞈ maꞈ-ahˇ dzaˬ tehꞈ-a.

Yeˬlaˬmiˇ 11:21

Aˬnaˬtawˇ meuˬ-ahˇ jawˇ-eu deuˬ ngaˬ-ahˇ bi shiˇ mawꞈ-awˇ, Sahˬpaˬ Miˬyehˇ neh bi ngehˬ bi tmˇ-euˬ jeˬ-ahˇ ngaˇ dzawˇ gaˬ dzawˇ gaˬ-ehˇ cah naˇ, aˬ yawꞈ maꞈ ngaˬ-ahˇ sehꞈ ma lehˇ ehˇ-eu meh.

1 Sahˬpaˬ 16:4

Meuˬ laꞈ kʼoeˇ kʼaˇ shiˇ-euˬ nawˬ-euˬ nymˇ kʼahˬ zaˬ deuˬ-ahˇ aˬ kuiˬ dzaˬ-awˇ, bawˇ tsahˬ-ahˇ kʼaˇ shiˇ-euˬ nawˬ-euˬ nymˇ kʼahˬ zaˬ deuˬ-ahˇ jeˬ shiˇ kʼaˬ dzeˇ dzaˬ tehꞈ-a.”

Yeˬlaˬmiˇ 22:25

Nawˇ guˆ-eu nawˬ-ahˇ sehꞈ-eu lehˇ jawˬ luꞈ-eu tsawˇ haˬ deuˬ-euˬ aˬ laꞈ laꞈ kʼoeˇ, nawˬ-ahˇ ngaˇ a nehˬ ma. Baˬbuˇloˬ sahˬ paˬ Neˬbuˬkaˬneˬzaˬ hawˇ-eu aˬ yawꞈ-euˬ yehˇ deuˬ-euˬ aˬ laꞈ laꞈ kʼoeˇ a nehˬ ma.

Yeˬlaˬmiˇ 21:7

Ehˇ kʼawꞈ, nawˇ hawˇ-eu nawˬ-euˬ gaˇ mˇ-eu yaw huiˬ yaw mahˇ deuˬ-ahˇ maˬ ehˇ, guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ gawˇ, heu deuˬ-ahˇ kʼaˇ dzeuˇ-iˇ-euˬ tsawˇ haˬ deuˬ-ahˇ maˬ ehˇ, sahˬ paˬ Neˬbuˬkaˬneˬzaˬ hawˇ-eu naw maꞈ-ahˇ sehꞈ mawꞈ-euˬ muiˇ-eu deuˬ neh bi nyehꞈ jiˇ ma. Neˬbuˬkaˬneˬzaˬ naw maꞈ-ahˇ sehꞈ tehꞈ-a. Naw maꞈ-ahˇ aˬ yawꞈ gʼawˬ shaˬ maˬ gaˬ ni, tiˬ gʼaˬ-iˬ maˬ bi dzeuˇ-iˇ ni sehꞈ jiˇ tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

1 Sahˬpaˬ 14:11

Nawˬ-euˬ nymˇ kʼahˬ zaˬ deuˬ laꞈ kʼoeˇ, meuˬ-ahˇ shiˇ dzeh taˬ-euˬ deuˬ-ahˇ aˬ kuiˬ dzaˬ-awˇ, bawˇ tsahˬ-ahˇ kʼaˇ shiˇ-euˬ deuˬ-ahˇ jeˬ shiˇ kʼaˬ dzeˇ dzaˬ tehꞈ-a. Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu ma’ lehˇ ehˇ-eu meh lehˇ ehˇ nehˬ-awˬ.”

1 Saˬmeuˬlaˆ 17:46

Iˬ nah Sahˬpaˬ Miˬyehˇ-aˬ, nawˬ-euˬ gʼawˇ mawˇ-ahˇ ngaˬ-euˬ aˬ laꞈ laꞈ kʼoeˇ a nehˬ laꞈ tehꞈ-a. Nawˬ-ahˇ ngaˇ deuˆ gʼaˬ-awˇ, nawˬ-euˬ uˬ duˬ ngaˇ toˆ tsehˆ ma. Kʼoeˇ naˇ, shiˇ taˬ-awˇ ga-eu Piˇliˇtiˆ yehˇ deuˬ, aˇ jiˇ hawˇ-eu bawˇ tsahˬ jeˬ zaˬ deuˬ-ahˇ ngaˇ bi dzaˬ ma. Kʼoeˇ ngeh, Iˇsaˬleˬlaˆ tsawˇ jeuˬ nehˬ-ehˇ Miˬyehˇ jawˇ-eu gaˇ kawˆ, miˇ kʼahˬ dawˬ tawˆ luꞈ ya siˬ tehꞈ-a.

1 Saˬmeuˬlaˆ 17:44

“Laˇ-awˬ, kʼoeˇ taˆ paw zaw-eu aˇ jiˇ deuˬ hawˇ-eu bawˇ tsahˬ jeˬ zaˬ deuˬ-ahˇ, nawˬ-eu shaˬ jiˇ bi dzaˬ ma” lehˇ, Daˬbiˇ-ahˇ aˬ yawꞈ ehˇ nehˬ-euˬ meh.

Yeˬsaˬgeˬlaˇ 32:4

Nawˬ-ahˇ ngaˇ miˇ tsa baꞈ dzeh -awˇ, miˇ tsaˬ kʼoeˇ taˆ kʼaˇ jawˇ luꞈ-eu, jeˬ zaˬ hawˇ-eu aˇ jiˇ dawˬ tawˆ, kuˇ uiˬ-awˇ nawˬ-ahˇ bi dzaˬ ma.

Yeˬsaˬgeˬlaˇ 29:5

Nawˇ hawˇ-eu ngaˬ shaˬ kʼoeˇ deuˬ-ahˇ, kʼaˇ shuiꞈ deh ga-ahˇ biˬ dzeh ma. Nawˬ-ahˇ maˬ duˬ pahˬ ni byehˇ-awˇ, miˇ tsa bi ga yaꞈ-eu laꞈ kʼoeˇ, bawˇ tsahˬ jeˬ zaˬ aˇ jiˇ deuˬ neh, nawˬ-euˬ shaˬ jiˇ bi dzaˬ jiˇ ma.

Yeˬlaˬmiˇ 49:37

Aˬ yawꞈ maꞈ-ahˇ sehꞈ mawꞈ-eu muiˇ-eu deuˬ-ahˇ guˆ guˆ-ehˇ bi shaˬ-awˇ, ngaˇ nui ma pehˇ dui dui-eu miˇ neh, Eˇlamˬ tsawˇ haˬ kʼoeˇ deuˬ-ahˇ laˆ cawˆ nehˬ ma. Aˬ yawꞈ maꞈ-ahˇ ngaˇ maˬ laˆ cawˆ jiˇ kʼoeˇ keuˆ ni, aˬ yawꞈ maꞈ jawˇ gaˇ guiˇ maꞈ deuˬ pyehˬ gʼeh ma.

Yeˬlaˬmiˇ 44:30

Yuˇdaˆ sahˬ paˬ Zeˬdaˬkiˇ-ahˇ, aˬ yawꞈ-ahˇ muiˇ-awˇ sehꞈ mawꞈ-eu Baˬbuˇloˬ sahˬ paˬ Neˬbuˬkaˬneˬzaˬ-euˬ laꞈ-ahˇ ngaˬ neh a nehˬ-euˬ loꞈ-ehˇ, Iˇjiˇtuˆ sahˬ paˬ Hawˇpaˬyaˬ-ahˇ kʼawꞈ, aˬ yawꞈ-ahˇ muiˇ-awˇ sehꞈ mawꞈ-eu deuˬ-euˬ aˬ laꞈ laꞈ kʼoeˇ ngaˇ a ahˇ nehˬ ma’ lehˇ ehˇ-eu meh.”

Yeˬlaˬmiˇ 38:16

Kʼoeˇ ngeh, sahˬ paˬ Zeˬdaˬkiˇ ngaˬ-ahˇ ciˬ cuˇ ni kʼoeˬ saˆ-awˇ, “Nawˬ-ahˇ ngaˇ maˬ sehꞈ-eu uˬ taꞈ, nawˬ-ahˇ sehꞈ mawꞈ-eu deuˬ-euˬ laꞈ-ahˇ kʼawꞈ maˬ bi ahˇ leˇ lehˇ, aˬ dui-ahˇ dehꞈ-eu saꞈ laˇ biꞈ laꞈ-euˬ Miˬyehˇ pyeuꞈ-eu, dehꞈ luꞈ-eu Miˬyehˇ mehˬ shi ngaˇ kamˬ-eu ma.”

Yeˬlaˬmiˇ 4:30

Yeˬluˇsaˬlehˬ meuˬ-oˇ, nawˬ-euˬ kʼoeˇ taˆ dawˇ keuˆ le luꞈ-eu meh. Aˬ jeˬ miˇ neh aˇ poeˬ kʼaˆ-eu myawˬ guˇ geuꞈ-awˇ, myaˆ nuiˆ-ahˇ naˬ ba lehꞈ muiˬ te. Aˇ gʼehˇ laˆ muiˬ-eu yawˬ ngehꞈ meh. Zaˬ kʼaˆ deuˬ nawˬ-ahˇ byehˇ dzeh-awˇ, nawˬ-ahˇ sehꞈ-eu lehˇ gʼeh-eu meh.

Dawˬmehˬ 28:26

Naw maꞈ shiˇ ngeh, aˇ jiˇ deuˬ hawˇ-eu bawˇ tsahˬ jeˬ zaˬ deuˬ naw maꞈ shiˇ taˬ-awˇ ga gaˇ, naw maꞈ-euˬ shaˬ jiˇ dzaˬ le tehꞈ-a. Ehˇ kʼawꞈ, jeˬ zaˬ hawˇ-eu aˇ jiˇ kʼoeˇ deuˬ-ahˇ teh piˇ-eu tsawˇ haˬ maˬ jawˇ-aˇ.

Jaceuq 79:2

Nawˬ-euˬ tsawˇ haˬ deuˬ-euˬ gʼawˇ mawˇ jeˬ shiˇ kʼaˬ dzeˇ-ahˇ bi dzaˬ-awˇ, nawˬ-euˬ zaˬ kʼaˆ deuˬ-euˬ gʼawˇ mawˇ bawˇ tsahˬ jeˬ zaˬ deuˬ-ahˇ bi dzaˬ-euˬ meh.

Yeˬlaˬmiˇ 12:9

Ngaˬ neh tseˇ doˆ-euˬ tsawˇ jeuˬ-aˬ, kʼaˬ dzeˇ baˬ maꞈ neh bi tsuˆ-euˬ aˇ jiˇ meh. Aˇ jiˇ kʼoeˇ mawˇ-ahˇ bi dzaˬ-eu gʼaˇ duˬ, bawˇ tsahˬ jeˬ zaˬ dawˬ tawˆ luꞈ kuˇ uiˬ-awˬ.

Yeˬsaˬgeˬlaˇ 23:28

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nawˇ bye-awˇ nui daˆ daˆ-eu tsawˇ haˬ deuˬ-euˬ aˬ laꞈ laꞈ kʼoeˇ, nawˬ-ahˇ ngaˇ a ahˇ nehˬ ma.

Yeˬlaˬmiˇ 39:6

Yiˇbaˬlahˬ meuˬ-ahˇ, Zeˬdaˬkiˇ-euˬ mehˬ shi, Zeˬdaˬkiˇ-euˬ aˬ li deuˬ-ahˇ Neˬbuˬkaˬneˬzaˬ neh bi sehꞈ-euˬ meh. Yuˇdaˆ miˇ kʼahˬ laꞈ kʼoeˇ yaw huiˬ yaw mahˇ geuꞈ-eu deuˬ-ahˇ kʼawꞈ aˬ yawꞈ bi sehꞈ-euˬ meh.