“Naw maꞈ-euˬ tsawˇ jeuˬ Iˇsaˬleˬlaˆ tsawˇ haˬ kʼaˬ dzeˇ zaˬ maˬ ehˇ, zaˬ miˬ zaˬ maˬ ehˇ, tiˬ gʼaˬ na, nawˬ-euˬ zaˬ kʼaˆ geuꞈ-eu gʼaˇ duˬ yawˬ haˇ yawˬ ha ahˬ dzaˬ naˇ, nawˬ-euˬ zaˬ kʼaˆ koꞈ kʼoꞈ geuꞈ gʼaˬ ngeh, aˬ yawꞈ-ahˇ ya pyehˬ nehˬ meh. Shiꞈ kʼoꞈ tiˬ kʼoꞈ keuˆ laˇ ngeh, aˬ yawꞈ-ahˇ pyehˬ nehˬ-awˇ ya bi gʼoꞈ-iˇ meh.
Yeˬlaˬmiˇ 34:14 - Akha14 Shiꞈ kʼoꞈ tiˬ poˆ, zaˬ kʼaˆ koꞈ kʼoꞈ geuꞈ keuˆ laꞈ-euˬ Heˬbyehˇ tsawˇ haˬ yawˬ gʼaˬ na luꞈ-ahˇ, zaˬ kʼaˆ maˬ paˇ bi geuꞈ ni ya pyehˬ nehˬ meh lehˇ ehˇ taˬ-euˬ ma. Ehˇ kʼawꞈ, naw maꞈ-euˬ aˬ poeˬ aˬ bawˇ deuˬ ngaˬ neh ehˇ taˬ-euˬ dawˬ-ahˇ maˬ naˇ haˬ geuꞈ-a. Gade chapit la |
Yeˬlaˬmiˇ 34:14
28 Referans Kwoze
Maˬ muiˬ-eu cehˇ deuˬ-ahˇ kʼawꞈ nga maꞈ aˇ poeˬ ahˬ kʼaˆ nya ma. Yawˬ ha-euˬ dziˇ dzoˆ maˬ tsoeˬ kʼoꞈ nya-ehˇ, sehˬ nawˆ tiˬ juꞈ aˇ poeˬ kʼawꞈ maˬ tsoeˬ tsehˆ nya-eu iˇ shaˬ zaˬ tiˬ gʼaˬ na tahˬ puˬ le tehꞈ-a. Kʼoeˇ ngeh jawˇ, zaˬ kʼaˆ bi geuꞈ-eu gʼaˇ duˬ aˬ yawꞈ-euˬ gʼawˇ mawˇ mawˇ lah-ehˇ zeuˇ tsehˆ ma.”
Sahˬpaˬ Miˬyehˇ ehˇ-eu, “Iˇsaˬleˬlaˆ miˇ kʼahˬ-ahˇ jawˇ-eu tsawˇ haˬ deuˬ tiˬ poˆ saˇ-iˬ tiˬ poˆ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ aˬ diˇ aˬ maˇ kʼehˬ nehˬ kʼaˆ nehˬ ma. Aˬ yawꞈ maꞈ-ahˇ dziˇ dzoˆ maˬ tsoeˬ nehˬ nya-eu yaw sui yaw dawˇ tsawˇ haˬ deuˬ hawˇ-eu, sehˬ nawˆ tiˬ juꞈ aˇ poeˬ maˬ tsoeˬ tsehˆ nya gaˇ keuˆ ni shaˬ-eu tsawˇ haˬ deuˬ-ahˇ, aˬ cawˬ zaˬ kʼaˆ bi geuꞈ-eu lehˇ aˬ yawꞈ maꞈ ahˬ dzaˬ-euˬ meh.
Ehˇ kʼawꞈ, aˬ yawꞈ maꞈ ngaˬ-ahˇ puiˬ-awˇ, ngaˬ-euˬ ehˇ dawˬ maˬ naˇ haˬ geuꞈ-a. Nui daˆ daˆ laˇ paˬ-ehˇ gʼeh-eu aˬ yawꞈ maꞈ-euˬ tahˬ pahˬ aˬ ma mawˇ kawˇ kʼoeˇ deuˬ-ahˇ maˬ biˬ dzeh-ehˇ, nui daˆ daˆ laˇ paˬ-ehˇ gʼeh-eu Iˇjiˇtuˆ miˬyehˇ deuˬ-ahˇ kʼawꞈ, aˬ yawꞈ maꞈ maˬ byehˇ coeˇ-a. Kʼoeˇ gaˇ, Iˇjiˇtuˆ miˇ kʼahˬ laꞈ kʼoeˇ, aˬ yawꞈ maꞈ-ahˇ ngaˬ-euˬ nui ma bi mawˇ-eu lehˇ ngaˇ noeˬ tsehˆ-euˬ ma.
Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ tiˬ gʼaˬ miˬ zaˬ kʼoꞈ-awˇ bi gʼoꞈ-iˇ-eu loꞈ-ehˇ, ngaˬ-euˬ tsawˇ haˬ-ahˇ ngaˇ teh dzeh-euˬ nga lehˇ noeˬ te loˇ. Toˆ-ehˇ ngeuˇ naˇ miˬ zaˬ kʼoꞈ-euˬ seuˬ gʼaˬ aˬ gaˇ jaˆ ta. Yawˬ ha-euˬ zaˬ aˬ cawˬ zaˬ kʼaˆ bi geuꞈ-eu lehˇ, ahˬ dzaˬ byoˆ-eu tsawˇ haˬ loꞈ-ehˇ, naw maꞈ-ahˇ ngaˇ ahˬ dzaˬ-euˬ nga lehˇ noeˬ te loˇ. Naw maꞈ iˬ baˇ ahˇ-eu miˇ neh, aˬ cawˬ miˇ kʼahˬ-ahˇ bi nyehꞈ gʼeh-euˬ meh. Naw maꞈ yaw lehˬ toˆ-eu miˇ neh bi sheuˬ byoˆ gʼeh-euˬ meh.
Nawˇ nui ma gʼawˬ mahˇ ni taˬ-awˇ, tiˬ kʼoꞈ saˇ-iˬ tiˬ kʼoꞈ aˬ yawꞈ maꞈ-ahˇ mehˬ-euˬ meh. Miˬyehˇ gʼaˇ duˬ ngehˬ dah-eu deuˬ-ahˇ nawˬ-euˬ Yaw sahˇ sheuˬ gʼeh nehˬ-awˇ, aˬ yawꞈ maꞈ-ahˇ dawˬ bi ngehˬ cawˬ kʼawꞈ, aˬ yawꞈ maꞈ naˬ bawˇ maˬ gaˬ leˇ-eu miˇ neh, aˬ cawˬ tsawˇ jeuˬ deuˬ neh aˬ yawꞈ maꞈ-ahˇ nawˇ bi deuˆ gʼaˬ-euˬ meh.
Aˇ saˬ saˬ laˇ ngeh, aˬ yawꞈ-euˬ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ dui dui laˇ-awˇ, buˬ-iˇ law-iˇ-eu gaˇ ma maˬ dahˇ ehˇ pyeuꞈ laˇ ngeh keuˆ ni, Miˬyehˇ neh pyehˬ gʼeh leꞈ-euˬ deuˬ-ahˇ aˬ yawꞈ maꞈ ja bu ja doeˇ-awˇ, aˬ yawꞈ-euˬ ehˇ dawˬ-ahˇ maˬ naˇ haˬ geuꞈ-ehˇ, Miˬyehˇ gʼaˇ duˬ ngehˬ dah-eu deuˬ-ahˇ naˬ gʼa naˬ gʼa-ehˇ uiˇ-euˬ meh.
Miˬyehˇ gʼaˇ duˬ ngehˬ dah-eu deuˬ pyeuꞈ-eu ngaˬ-euˬ zaˬ kʼaˆ deuˬ-ahˇ naw maꞈ jawˇ gaˇ maˬ tsehˆ leˇ ni ngaˇ pyehˬ gʼeh leꞈ-awˇ, yaw haiˬ jeˬ mˇ-eu byehˇ-awˇ, yaw tsaˬ yaw dawˇ jeˬ mˇ-awˬ lehˇ bi ehˇ le-euˬ ma. Naw maꞈ-euˬ aˬ poeˬ aˬ bawˇ deuˬ hawˇ-eu naw maꞈ-ahˇ ngaˬ neh biꞈ taˬ-euˬ miˇ kʼahˬ heu kʼahˬ laꞈ kʼoeˇ naw maꞈ dehꞈ daˆ jawˇ daˆ leꞈ nya ni, miˬ yehˇ nui deuˬ-ahˇ uˬ duˬ taˬ tahˬ lehˇ, Miˬyehˇ gʼaˇ duˬ ngehˬ dah-eu kʼoeˇ deuˬ naw maꞈ-ahˇ yaw kʼaˆ kʼaˆ-ehˇ mehˬ nehˬ gʼaˬ-euˬ meh. Ehˇ kʼawꞈ, ngaˬ-euˬ dawˬ naw maꞈ-euˬ naˬ bawˇ-ahˇ maˬ ahˇ leˇ-a.
Kʼoeˇ loꞈ-ehˇ jahˇ-awˇ, kʼoꞈ tsaˬ tsoˆ taˬ-euˬ aˇ kʼoꞈ pyeuꞈ-eu ngaˬ tseˇ kʼoꞈ tiˬ kʼoꞈ-ahˇ, naw maꞈ miˇ kʼahˬ laꞈ kʼoeˇ kʼaˇ jawˇ-eu jeˬ, ya buˬ ya law-iˇ-eu aˇ kʼoꞈ pyeuꞈ-eu gaˇ kawˆ bi tsaꞈ gaˬ doe-iˇ-awˬ. Kʼaˇ ahˬ dzaˬ-euˬ jeˬ dawˬ tawˆ luꞈ, aˇ kʼoꞈ kʼoeˇ kʼoꞈ keuˆ laˇ ngeh, ahˬ sahˇ gʼaˬ-ahˇ maˬ ngeuˇ naˇ, aˬ yawꞈ-euˬ zaˬ deuˬ uˆ deuˬ-ahˇ ya biꞈ kʼoꞈ-awˇ, ahˬ nehˬ-euˬ zaˬ kʼaˆ deuˬ kʼawꞈ, yawˬ ha-euˬ nymˇ-ahˇ paˇ ya bi gʼoꞈ-iˇ meh.
Dziˇ dzoˆ ya byehˇ-eu aˇ kʼoꞈ pyeuꞈ-eu shiꞈ kʼoꞈ tiˬ kʼoꞈ keuˆ le-eu dawˬ peh peh laˇ-euˬ miˇ neh, aˬ yawꞈ-ahˇ tiˬ jeˬ paˬ maˬ ngaˬ maˬ paˇ nehˬ mawꞈ-eu nui ma taˬ bi jaˆ. Kʼoeˇ loꞈ-ehˇ gʼeh-eu maˬ tsaˬ maˬ dawˇ-eu nui noeˬ naw maꞈ laꞈ kʼoeˇ taˬ bi ahˇ. Naw maꞈ maˬ ngaˬ maˬ paˇ nehˬ ni jawˇ naˇ, naw maꞈ-euˬ gaˇ kawˆ Sahˬpaˬ Miˬyehˇ-ahˇ aˬ yawꞈ ngoeˇ haw nehˬ-awˇ, naw maꞈ kʼoeˇ taˆ iˬ baˇ jaˆ laˇ tehꞈ-a.
Piblisite