Yeˬlaˬmiˇ 33:8 - Akha

⁸ Aˬ yawꞈ maꞈ neh ngaˬ-ahˇ mˇ lehˬ-euˬ iˬ baˇ-ahˇ ngaˇ tsiˬ shawˇ nehˬ-awˇ, aˬ yawꞈ maꞈ-euˬ yaw lehˬ hawˇ-eu ngaˬ-ahˇ puiˬ-euˬ jeˬ-ahˇ, iˬ baˇ pyehˬ nehˬ ma.

Yeˬlaˬmiˇ 33:8 Referans Kwoze

Zaˬkaˬliˇ 13:1

Baoˬ huiˬ-eu Sahˬpaˬ Miˬyehˇ ehˇ-eu, “Aˇ nah aˇ yamˬ kʼoeˇ keuˆ laˇ ngeh, Daˬbiˇ-euˬ zaˬ deuˬ uˆ deuˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-euˬ iˬ baˇ yaw jawꞈ yaw laꞈ tsiˬ shawˇ-eu gʼaˇ duˬ, iˇ cuꞈ lawˇ kʼawꞈ tiˬ gawˆ pah tehꞈ-a.

Yeˬsaˬgeˬlaˇ 36:25

Shawˇ jehˆ ni gʼeh-eu iˇ cuꞈ naw maꞈ-ahˇ ngaˇ byaˆ shehˬ-awˇ, bi shawˇ laˇ ma. tahˬ pahˬ aˬ ma mawˇ kawˇ-ahˇ uˬ duˬ tahˬ-eu jeˬ hawˇ-eu, naw maꞈ-ahˇ kʼaˇ bi jawꞈ-iˇ-euˬ yawˬ jeˬ na luꞈ laꞈ kʼoeˇ, naw maꞈ-ahˇ ngaˇ bi shawˇ laˇ ma.

Jaceuq 51:2

Ngaˬ-euˬ laꞈ kʼoeˇ ahˇ-eu yaw haiˬ jeˬ dawˬ tawˆ luꞈ-ahˇ tsiˬ shawˇ nehˬ laꞈ-awˇ, iˬ baˇ laꞈ kʼoeˇ ngaˬ-ahˇ bi shawˇ-iˇ laꞈ-awˬ.

Panmaeq 1:5

Saˇ jaˇ ziꞈ-eu tsawˇ haˬ pyeuꞈ-awˇ, shiˇ-euˬ laꞈ kʼoeˇ Miˬyehˇ neh bi gʼoꞈ dehꞈ beh beh laˇ-awˇ, miˇ kʼahˬ sahˬ paˬ sahˬ ma dawˬ tawˆ luꞈ koeˇ taˆ uˆ lahˇ-eu gʼaˬ pyeuꞈ-eu Yeˬsuˇ Ka li jawˇ gaˇ neh doˆ le-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ jaˆ luꞈ-uˇ. Aˬ yawꞈ aˬ dui-ahˇ gaˬ-awˇ gʼawˇ mawˇ shiˇ dah-eu laꞈ kʼoeˇ, iˬ baˇ laꞈ kʼoeˇ bi buˬ-iˇ laꞈ-euˬ meh.

Yeˬsaˬgeˬlaˇ 36:33

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ-euˬ iˬ baˇ dawˬ tawˆ luꞈ ngaˇ tsiˬ shawˇ gʼaˬ ngeh, naw maꞈ-euˬ meuˬ deuˬ laꞈ kʼoeˇ paˇ bi jawˇ-awˇ, kʼaˇ cawˆ-iˇ taˬ-euˬ jeˬ bi gawˬ bi tsoˆ muiˬ ma.

Yeˬlaˬmiˇ 31:34

Ngaˬ-ahˇ siˬ nya laˇ ni, aˬ yawꞈ maꞈ tiˬ gʼaˬ tiˇ gʼaˬ mehˬ-eu tsoˆ-eu maˬ paˇ loˬ-aˇ. Aˬ jeˬ miˇ neh ehˇ naˇ, huiˬ zaˬ nyiˇ zaˬ dawˬ tawˆ luꞈ ngaˬ-ahˇ siˬ nya jiˇ tehꞈ-a. Aˬ yawꞈ maꞈ-ahˇ ngaˇ iˬ baˇ pyehˬ nehˬ-awˇ, aˬ yawꞈ maꞈ-euˬ yaw lehˬ ngaˇ maˬ paˇ noeˬ taˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 50:20

Aˇ yamˬ kʼoeˇ yamˬ keuˆ laˇ ngeh, Iˇsaˬleˬlaˆ miˇ kʼahˬ laꞈ kʼoeˇ iˬ baˇ maˬ poˆ mawˇ nya ehˇ, Yuˇdaˆ miˇ kʼahˬ laꞈ kʼoeˇ yaw haiˬ jeˬ maˬ jaˆ ni pyeuꞈ-iˇ tehꞈ-a. Aˬ jeˬ miˇ neh ehˇ naˇ, ngaˬ neh bi buˬ bi law-iˇ-euˬ tsawˇ haˬ kʼoeˇ deuˬ-ahˇ ngaˇ iˬ baˇ pyehˬ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Iˇsaˬyaˇ 44:22

Mˬ dmˇ lawˬ-iˇ-eu loꞈ-ehˇ nawˬ-euˬ iˬ baˇ ngaˇ shiˆ shawˇ gʼaˬ-euˬ ma. Ngaˇ jawˇ gaˇ gʼoꞈ laˇ-awˬ. Ngaˇ nawˬ-ahˇ ka kʼoꞈ-eu gʼaˬ ma.”

Jaceuq 65:3

Yawˬ ha-euˬ iˬ baˇ gaˇ kawˆ-ahˇ taꞈ leˇ-awˇ ya laˇ tehꞈ-a. Nga maꞈ-euˬ iˬ baˇ nga maꞈ-ahˇ gʼaˬ leˇ taˬ-euˬ kʼawꞈ, nawˇ iˬ baˇ pyehˬ nehˬ laꞈ-euˬ meh.

Yawˇlaˆ 3:21

Shiˬ laˆ yoeˇ-euˬ tsawˇ haˬ deuˬ-ahˇ, maˬ bi dzeuˇ-iˇ ni kʼehˬ nehˬ ma. Sahˬpaˬ Miˬyehˇ pyeuꞈ-eu ngaˇ-aˬ, Ziˇoˬ gawˬ jawˬ kʼoeˇ taˆ jawˇ ma.”

Iˇsaˬyaˇ 56:7

ngaˬ-euˬ muiˬ-eu shawˇ-eu gawˬ jawˬ-ahˇ sheuˬ daˆ-awˇ, ngaˬ-euˬ guiˬ lahˬ shaˇ nymˇ laꞈ kʼoeˇ, aˬ yawꞈ maꞈ-ahˇ ngaˇ laˬ kʼaˬ bi cehˇ ma. Aˬ yawꞈ maꞈ neh lawˇ-euˬ shehˇ-euˬ jeˬ-ahˇ, ngaˬ-euˬ lawˇ duˬ kʼoeˇ taˆ ngaˇ ha geuꞈ ma. Ngaˬ-euˬ Uˬ duˬ tahˬ nymˇ nymˇ ma heu-ahˇ, tsawˇ jeuˬ dawˬ tawˆ luꞈ-euˬ uˬ duˬ tahˬ nymˇ lehˇ myahˇ tehꞈ-a.”

Iˇsaˬyaˇ 4:2

Miˇ kʼahˬ heu kʼahˬ laꞈ kʼoeˇ, Sahˬpaˬ Miˬyehˇ sahˬ lahˬ aˇ bawˇ deuˬ paˇ bi jeˬ laˇ-awˇ, haw muiˬ dui dui-eu aˇ nah keuˆ le tehꞈ-a. Kʼaˇ dzeuˇ-iˇ-euˬ Iˇsaˬleˬlaˆ tsawˇ haˬ dawˬ tawˆ luꞈ, dzaˬ la gʼo cehˇ za dui dui le gaˇ kʼahˬ sehˇ ya jehˆ tehꞈ-a.

Uˬ duˬ 16:30

Aˬ yawꞈ maꞈ shawˇ laˇ ni, iˬ baˇ buˬ-iˇ-awˇ bi muiˬ bi shawˇ laˇ-eu zahˇ-ahˇ, kʼoeˇ ngeh nah ya jahˇ meh.

Jaceuq 130:4

Ehˇ kʼawꞈ nawˬ-euˬ mehˬ shi nga maꞈ guˆ-awˇ yawꞈ laˇ coeˇ ni, iˬ baˇ pyehˬ nehˬ laꞈ-awˬ.

Ngoeˇ dawˬ 4:22

Ziˇoˬ meuˬ-oˇ, nawˬ-ahˇ kʼehˬ-eu, gʼawˬ myahˇ ni maˬ paˇ ya daˬ meh. Aˬ cawˬ miˇ kʼahˬ laꞈ kʼoeˇ, aˬ dui, gʼawˬ myahˇ ni maˬ paˇ ya shaˬ meh. Ehˇ kʼawꞈ Eˬdoˬ meuˬ-oˇ nawˇ-aˬ, nawˬ-euˬ iˬ baˇ bi pah dzeh-awˇ, Sahˬpaˬ Miˬyehˇ neh bi kʼehˬ meh.

Jaceuq 130:8

Aˬ yawꞈ-euˬ tsawˇ haˬ pyeuꞈ-eu Iˇsaˬleˬlaˆ tsawˇ jeuˬ-ahˇ, iˬ baˇ dawˬ tawˆ luꞈ laꞈ kʼoeˇ aˬ yawꞈ ka kʼoꞈ tehꞈ-a.