Yeˬlaˬmiˇ 33:24 - Akha

²⁴ “Ngaˬ neh tseˇ doˆ-euˬ nymˇ jiˇ nyiˬ nymˇ-ahˇ duˇ-eu, Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ-ahˇ ngaˬ neh byehˇ dzeh nehˬ-euˬ gaˇ kawˆ-ahˇ, aˬ cawˬ aˬ joˆ-ehˇ ja luꞈ-eu nawˇ gaˬ maˬ loˇ. Aˬ yawꞈ maꞈ ngaˬ-euˬ tsawˇ jeuˬ-ahˇ taˬ nyiˇ-awˇ, tsawˇ jeuˬ tiˬ jeuˬ lehˇ maˬ paˇ sawˇ meh.

Yeˬlaˬmiˇ 33:24 Referans Kwoze

Jaceuq 83:4

“Iˇsaˬleˬlaˆ tsawˇ myahˇ byoˆ-iˇ ni, miˇ kʼahˬ laˆ cawˆ nehˬ kaˇ-euˇ” lehˇ, aˬ yawꞈ maꞈ bawˬ luꞈ meh.

Yeˬsaˬgeˬlaˇ 37:22

Miˇ kʼahˬ heu kʼahˬ laꞈ kʼoeˇ, Iˇsaˬleˬlaˆ gawˬ jawˬ deuˬ kʼoeˇ taˆ, aˬ yawꞈ maꞈ-ahˇ miˇ kʼahˬ tiˬ kʼahˬ bi pyeuꞈ laˇ ma. Aˬ yawꞈ maꞈ sahˬ paˬ tiˬ gʼaˬ tehꞈ-ehˇ uˆ lahˇ-eu uˬ moˆ tiˬ kawˆ loꞈ-ehˇ jawˇ-awˇ, tsawˇ jeuˬ nyiˬ jeuˬ maˬ paˇ bi baw-ehˇ, miˇ kʼahˬ nyiˬ kʼahˬ maˬ paˇ bi dehꞈ paˆ ma.

Yeˬsaˬgeˬlaˇ 36:2

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ ehˇ nehˬ-awˬ. ‘Aˇ hu ba neh jaˆ-euˬ gawˬ jawˬ kʼoeˇ deuˬ, nymˬ-mˇ poˆ jawˇ-aˬ nga maꞈ-euˬ ma’ lehˇ Iˇsaˬleˬlaˆ-ahˇ muiˇ-eu deuˬ ehˇ luꞈ-eu meh.

Yeˬsaˬgeˬlaˇ 26:2

“Tsawˇ haˬ zaˬ-oˇ, Duˇlu meuˬ-ahˇ jawˇ-eu tsawˇ haˬ deuˬ laˬ kʼaˬ cehˇ-awˇ, heu loꞈ-ehˇ guˇ luꞈ meh. ‘Yeˬluˇsaˬlehˬ meuˬ pyaˆ-iˇ gʼaˬ meh. Aˬ yawꞈ jeˬ gaꞈ jeˬ ka maˬ paˇ gʼeh nya ehˇ, aˬ dui tehꞈ-ehˇ nui kʼahˇ tiˬ shiˇ ya gaꞈ ya ka-eu ngaˇ’ lehˇ guˇ luꞈ meh.

Yeˬsaˬgeˬlaˇ 25:3

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ gaˇ naˇ haˬ-awˬ lehˇ, aˬ yawꞈ maꞈ-ahˇ ehˇ nehˬ-awˬ. Ngaˬ-euˬ uˬ duˬ tahˬ nymˇ nymˇ ma jawꞈ-iˇ-euˬ gaˇ maˬ ehˇ, Iˇsaˬleˬlaˆ miˇ kʼahˬ cawˆ-iˇ-awˇ ciˬ cuˇ ni jaˆ gaˇ maˬ ehˇ, Yuˇdaˆ tsawˇ haˬ deuˬ aˬ cawˬ miˇ kʼahˬ-ahˇ bi nyehꞈ byoˆ gʼeh gaˇ maˬ ehˇ, naw maꞈ mawˇ ngeh laˬ kʼaˬ cehˇ-euˬ meh.

Ngoeˇ dawˬ 4:15

“Maˬ shawˇ-eu deuˬ heu gaˇ taˬ laˇ. Maˬ tahˬ ciˆ laˇ ni cehˆ-awˬ” lehˇ, aˬ cawˬ neh bi teh dzeh-euˬ meh. Aˬ cawˬ miˇ kʼahˬ doe ni iˇ kʼawꞈ, tiˬ gʼaˬ-iˬ maˬ ha geuꞈ nehˬ-a.

Yeˬlaˬmiˇ 30:17

Ziˇoˬ gawˬ jawˬ-aˬ, biˬ dzeh-euˬ myawˬ kuˬ-ahˇ duˇ-awˇ, myaˆ haw cawˬ nehˬ-eu gʼaˬ maˬ jawˇ-a lehˇ, naw maꞈ-ahˇ muiˇ-eu tsawˇ haˬ deuˬ ehˇ kʼawꞈ, naw maꞈ-ahˇ ngaˇ paˇ bi dehꞈ dzaˬ laˇ-awˇ, naw maꞈ-euˬ naˇ gawˇ laˆ taˬ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Jaceuq 94:14

Sahˬpaˬ Miˬyehˇ-aˬ, aˬ yawꞈ-euˬ tsawˇ haˬ deuˬ-ahˇ maˬ ngehˇ-a. Aˬ yawꞈ-ahˇ taꞈ-eu tsawˇ haˬ deuˬ-ahˇ aˬ yawꞈ maˬ byehˇ dzeh-a.

Jaceuq 71:11

Aˬ yawꞈ maꞈ ngaˬ-euˬ gaˇ kawˆ heu loꞈ-ehˇ ja luꞈ meh. “Miˬyehˇ aˬ yawꞈ-ahˇ byehˇ dzeh-euˬ miˇ neh, aˬ dui maꞈ aˬ yawꞈ-ahˇ nyehꞈ-iˇ kaˇ beuˇ. Aˬ yawꞈ-ahˇ ngehˬ gʼeh-eu tiˬ gʼaˬ-iˬ maˬ paˇ jawˇ meh.”

Iˇsaˬyaˇ 7:17

“Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ biˇ paˆ ngeh nah neh dahˬ beh-awˇ, iˬ nah keuˆ ni kʼaˇ ya tahˬ puˬ haw-euˬ shaˬ zahˬ dawˬ tawˆ luꞈ naˆ maˬ tseˇ doeˇ dui dui-eu jeˬ, nawˬ-euˬ kʼoeˇ taˆ maˬ ehˇ, nawˬ-euˬ tsawˇ haˬ deuˬ kʼoeˇ taˆ maˬ ehˇ, nawˬ-euˬ aˇ jeuˬ aˇ ca dawˬ tawˆ luꞈ kʼoeˇ taˆ maˬ ehˇ, Sahˬpaˬ Miˬyehˇ bi keuˆ le tehꞈ-a. Aˬshuˇliˆ sahˬ paˬ-ahˇ aˬ yawꞈ sheuˬ ahˇ leꞈ tehꞈ-a.

Iˇsaˬyaˇ 11:13

Iˇsaˬleˬlaˆ miˇ kʼahˬ Yuˇdaˆ miˇ kʼahˬ-ahˇ myaˆ maˬ paˇ naˆ-ehˇ, Yuˇdaˆ miˇ kʼahˬ Iˇsaˬleˬlaˆ miˇ kʼahˬ-ahˇ muiˇ-eu nui ma byoˆ-iˇ tehꞈ-a.

Yeˬlaˬmiˇ 3:7

Aˬ yawꞈ kʼoeˇ loꞈ-ehˇ mˇ dehˆ shaˇ dehˆ gʼaˬ naˇ, ngaˇ jawˇ gaˇ gʼoꞈ kʼoꞈ laˇ-eu yaw duˬ baw tehꞈ-a lehˇ noeˬ-euˬ ma. Ehˇ kʼawꞈ aˬ yawꞈ maˬ gʼoꞈ laˇ-a. Aˬ yawꞈ maˬ gʼoꞈ laˇ gaˇ, saˇ jaˇ maˬ ziꞈ-eu aˬ yawꞈ-euˬ aˬ nyiˇ gʼaˬ pyeuꞈ-eu Yuˇdaˆ kʼawꞈ ya mawˇ-euˬ meh.

Yeˬlaˬmiˇ 3:8

Iˇsaˬleˬlaˆ ngaˬ-ahˇ byehˇ dzeh yaꞈ-awˇ, meh maˬ laˇ geuꞈ iˇ-euˬ baˬ da neh, aˬ yawꞈ-ahˇ ngaˇ kʼoꞈ-awˇ teh dzeh nehˬ-euˬ gaˇ, Yuˇdaˆ mawˇ duˬ taˬ-euˬ meh. Ehˇ kʼawꞈ, Iˇsaˬleˬlaˆ-euˬ aˬ nyiˇ gʼaˬ pyeuꞈ-eu saˇ jaˇ maˬ ziꞈ-eu Yuˇdaˆ-aˬ, guˆ-eu nui ma maˬ ahˇ-ehˇ, aˬ yawꞈ gʼaˬ kʼawꞈ meh maˬ laˇ paˇ geuꞈ-euˬ meh.

Yeˬlaˬmiˇ 31:37

Mˬ-ahˇ aˇ lmˇ lmˇ haw nya-awˇ, miˇ tsaˬ ciˇ tahˬ mawˇ laˇ ngeh nah hawˇ-eu, Iˇsaˬleˬlaˆ tsawˇ jeuˬ mˇ-euˬ iˬ baˇ baˬ da, aˬ yawꞈ maꞈ-ahˇ byehˇ dzeh ma lehˇ, Sahˬpaˬ Miˬyehˇ ehˇ taˬ-euˬ meh.

Yeˬlaˬmiˇ 33:23

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh.

Yeˬlaˬmiˇ 33:26

Yaˬkoˆ-euˬ zaˬ deuˬ uˆ deuˬ hawˇ-eu ngaˬ-euˬ zaˬ kʼaˆ Daˬbiˇ-ahˇ ngaˬ neh dzaˬ taˬ-euˬ saˇ jaˇ heu, maˬ poˆ maˬ paˇ laˇ ni bi ziꞈ ma. Aˬbyaˬhaˬ, Iˇtsaˆ hawˇ-eu Yaˬkoˆ-euˬ zaˬ deuˬ uˆ deuˬ-ahˇ bi uˆ lahˇ-eu gʼaˇ duˬ, Daˬbiˇ-euˬ zaˬ deuˬ uˆ deuˬ laꞈ kʼoeˇ, sahˬ paˬ tiˬ gʼaˬ ngaˇ tseˇ doˆ ma. Ngaˬ-euˬ tsawˇ jeuˬ-ahˇ ngaˇ gʼawˬ shaˬ gaˬ-awˇ, paˇ bi dehꞈ dzaˬ laˇ ma.”

Yeˬlaˬmiˇ 51:5

Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ Miˬyehˇ-aˬ, Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ-ahˇ maˬ byehˇ dzeh. Iˇsaˬleˬlaˆ-euˬ muiˬ-eu shawˇ-eu gʼaˬ pyeuꞈ-eu ngaˬ-ahˇ aˬ yawꞈ maꞈ mˇ lehˬ kʼawꞈ, ngaˇ maˬ byehˇ dzeh.

Yeˬsaˬgeˬlaˇ 36:20

Aˬ yawꞈ maꞈ kʼaˇ iˇ kʼaˇ laˇ keuˆ gaˇ, ngaˬ-euˬ muiˬ-eu shawˇ-eu tsawˇ myahˇ laˆ cawˆ-euˬ meh. Aˬ jeˬ miˇ neh ehˇ naˇ, ‘Tsawˇ haˬ heu deuˬ Sahˬpaˬ Miˬyehˇ-euˬ tsawˇ haˬ pyeuꞈ kʼawꞈ, aˬ yawꞈ-euˬ miˇ kʼahˬ-ahˇ maˬ ya jawˇ nga’ lehˇ, aˬ cawˬ ehˇ-eu meh.

Yeˬsaˬgeˬlaˇ 37:11

Miˬyehˇ ngaˬ-ahˇ ehˇ-eu, “Tsawˇ haˬ zaˬ-oˇ, Iˇsaˬleˬlaˆ tsawˇ haˬ deuˬ-aˬ, shaˬ yoeˬ heu deuˬ-ahˇ duˇ-eu meh. Aˬ yawꞈ maꞈ-euˬ shaˬ yoeˬ koˆ jiˇ-awˇ, noeˬ tmˬ kʼaˇ maˬ paˇ za-eu uˬ taꞈ, geuꞈ-eu jeˬ tiˬ pawꞈ-iˬ maˬ paˇ ahˇ miˇ-a lehˇ, aˬ yawꞈ maꞈ ehˇ luꞈ meh.

Jaceuq 83:5

Aˬ yawꞈ maꞈ nui ma tiˬ gaˇ taꞈ-awˇ, nawˬ-ahˇ deuˆ-eu gʼaˇ duˬ gm leˇ-euˬ meh.

Yeˬlaˬmiˇ 31:36

Mˬ hawˇ-eu miˇ kʼaˇ ziꞈ kʼoeˇ keuˆ, Iˇsaˬleˬlaˆ tsawˇ jeuˬ maˬ bi byoˆ-iˇ ma lehˇ, Sahˬpaˬ Miˬyehˇ saˇ jaˇ dzaˬ taˬ-euˬ meh.