Yeˬlaˬmiˇ 33:22 - Akha

²² Mˬ taˆ tsehˬ-eu aˬ guiˇ hawˇ-eu laˆ shaˆ lawˇ deh kʼaˇ shuiꞈ maˬ gui jiˇ coeˇ-eu loꞈ-ehˇ, ngaˬ-euˬ zaˬ kʼaˆ Daˬbiˇ-euˬ zaˬ deuˬ uˆ deuˬ hawˇ-eu, Leˬbiˇ tsawˇ jeuˬ laꞈ kʼoeˇ piˇ ma geuꞈ-eu tsawˇ haˬ deuˬ, maˬ gui jiˇ coeˇ gaˇ keuˆ ni bi jeuˬ bi o le ma.”

Yeˬlaˬmiˇ 33:22 Referans Kwoze

Aˇ dahˬ 22:17

Nawˬ-euˬ zaˬ nawˬ-euˬ uˆ deuˬ-ahˇ, mˬ kʼoeˇ taˆ jaˆ-eu aˬ guiˇ deuˬ loꞈ-ehˇ maˬ ehˇ, iˬ ma laˆ shaˆ lawˇ deh-ahˇ jaˆ-eu kʼaˇ shuiꞈ deh loꞈ-ehˇ maˬ ehˇ, ngaˇ bi jeuˬ bi o le ma. Aˬ yawꞈ maꞈ-aˬ, aˬ yawꞈ maꞈ-ahˇ muiˇ-eu deuˬ-ahˇ gʼaˬ leˇ tehꞈ-a.

HeˬByehˇ 11:12

Ziˇ jiˇ-eu dawˬ peh peh le-euˬ tsawˇ haˬ kʼoeˇ tiˬ gʼaˬ o neh, mˬ taˆ tsehˬ-eu aˬ guiˇ hawˇ-eu iˬ ma laˆ shaˆ lawˇ deh-ahˇ jaˆ-eu kʼaˇ shuiˬ loꞈ-ehˇ myaˬ dui dui-eu zaˬ deuˬ uˆ deuˬ jeuˬ le o le-euˬ meh.

Aˇ dahˬ 15:5

Sahˬpaˬ Miˬyehˇ aˬ yawꞈ-ahˇ laꞈ nyiˇ paw sheuˬ doˆ gʼeh-awˇ ehˇ nehˬ-eu, “Mˬ paw gʼawˇ leuˇ-awˇ aˬ guiˇ kʼoeˇ deuˬ-ahˇ nawˇ gui haw sheˇ. Nawˬ-euˬ zaˬ nawˬ-euˬ uˆ deuˬ aˬ guiˇ kʼoeˇ deuˬ loꞈ-ehˇ jeuˬ le o le tehꞈ-a.”

Yeˬlaˬmiˇ 31:37

Mˬ-ahˇ aˇ lmˇ lmˇ haw nya-awˇ, miˇ tsaˬ ciˇ tahˬ mawˇ laˇ ngeh nah hawˇ-eu, Iˇsaˬleˬlaˆ tsawˇ jeuˬ mˇ-euˬ iˬ baˇ baˬ da, aˬ yawꞈ maꞈ-ahˇ byehˇ dzeh ma lehˇ, Sahˬpaˬ Miˬyehˇ ehˇ taˬ-euˬ meh.

Iˇsaˬyaˇ 66:21

Aˬ yawꞈ maꞈ tiˬ paˆ na deuˬ-ahˇ piˇ ma hawˇ-eu Leˬbiˇ tsawˇ haˬ bi geuꞈ ma.

Zaˬkaˬliˇ 12:8

Aˇ yamˬ kʼoeˇ yamˬ keuˆ laˇ ngeh, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ Sahˬpaˬ Miˬyehˇ haw piˇ-awˇ, gʼaˬ baˬ dui dui-eu tsawˇ haˬ tiˬ gʼaˬ-ahˇ keuˆ ni, Daˬbiˇ naˆ ni gʼaˬ ahˇ tehꞈ-a. Daˬbiˇ-euˬ zaˬ deuˬ uˆ deuˬ, Sahˬpaˬ Miˬyehˇ-euˬ gʼaˬ kʼehˇ loꞈ-ehˇ maˬ ehˇ, Miˬyehˇ-euˬ mawˇ do loꞈ-ehˇ maˬ ehˇ, aˬ yawꞈ maꞈ-ahˇ sheuˬ gʼeh tehꞈ-a.

Hawˇseˬ 1:10

Iˇsaˬleˬlaˆ tsawˇ haˬ deuˬ-aˬ, iˬ ma laˆ shaˆ kʼaˇ shuiꞈ loꞈ-ehˇ maˬ gui jiˇ coeˇ ni myaˬ laˇ tehꞈ-a. “Naw maꞈ ngaˬ-euˬ tsawˇ haˬ maˬ ngeuˇ” lehˇ, iˬ nah aˬ yawꞈ maꞈ-ahˇ Miˬyehˇ ehˇ kʼawꞈ, “Naw maꞈ-aˬ, dehꞈ luꞈ-eu Miˬyehˇ-euˬ zaˬ deuˬ meh” lehˇ, aˬ yawꞈ maꞈ-ahˇ aˬ yawꞈ paˇ ehˇ-eu aˇ nah keuˆ le tehꞈ-a.

Yeˬsaˬgeˬlaˇ 44:15

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Ehˇ kʼawꞈ, Iˇsaˬleˬlaˆ tsawˇ haˬ deuˬ ngaˬ-ahˇ byehˇ dzeh ngeh, Leˬbiˇ tsawˇ jeuˬ laꞈ kʼoeˇ Zaˬdoˆ-euˬ zaˬ deuˬ uˆ deuˬ pyeuꞈ-eu piˇ ma deuˬ, ngaˬ-ahˇ saˇ jaˇ ziꞈ-eu laꞈ kʼoeˇ, Uˬ duˬ tahˬ nymˇ nymˇ ma laꞈ kʼoeˇ gaˇ mˇ-euˬ meh. Kʼoeˇ miˇ neh, aˬ yawꞈ maꞈ-ahˇ ngaˇ jawˇ gaˇ bi uˇ laˇ-awˇ, shaˬ tsuˇ hawˇ-eu shiˬ lawˇ-eu gaˇ bi mˇ ma.

Jaceuq 89:29

Aˬ yawꞈ-euˬ dzoeˬ dzaˬ mˬ maˬ maˬ byaˆ zaˇ ziˇ ziꞈ-awˇ, aˬ yawꞈ-euˬ zaˬ deuˬ uˆ deuˬ aˬ myah luꞈ sahˬ paˬ geuꞈ tehꞈ-a.

Jaceuq 22:30

Aˬkaˇ tiˬziˇ saˇ-iˬ tiˬziˇ, SahˬpaˬMiˬyehˇ-ahˇgʼoe tehꞈ-a. SahˬpaˬMiˬyehˇhuiˬ-eu gaˇkawˆ, nahˬziˇdeuˬ-ahˇja mehˬtehꞈ-a.

Aˇ dahˬ 28:14

Nawˬ-euˬ zaˬ nawˬ-euˬ uˆ deuˬ, miˇ tsaˬ kʼoeˇ taˆ jaˆ-eu kʼaˬ lehˇ loꞈ-ehˇ myaˬ dui dui laˇ tehꞈ-a. Miˇ tsaˬ heu yawˬ paw yawˬ na luꞈ aˬ yawꞈ maꞈ jawˇ byah jiˇ tehꞈ-a. Nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ gʼoe-awˇ tsawˇ jeuˬ dawˬ tawˆ luꞈ-ahˇ ngaˇ guiˬ lahˬ biꞈ nehˬ ma.

Aˇ dahˬ 13:16

Nawˬ-euˬ zaˬ nawˬ-euˬ uˆ deuˬ-ahˇ, tsawˇ haˬ tiˬ gʼaˬ-iˬ maˬ gui jiˇ coeˇ gaˇ keuˆ ni ngaˇ bi jeuˬ bi o le ma. Miˇ tsaˬ kʼaˇ shuiꞈ-ahˇ maˬ gui jiˇ nya-eu loꞈ-ehˇ, nawˬ-euˬ zaˬ nawˬ-euˬ uˆ deuˬ-ahˇ maˬ gui jiˇ nya-aˇ.

Iˇsaˬyaˇ 48:19

Naw maꞈ-euˬ o neh jeuˬ le o le-euˬ zaˬ deuˬ uˆ deuˬ, kʼaˇ shuiꞈ loꞈ-ehˇ maˬ gui jiˇ coeˇ gaˇ keuˆ ni myaˬ-awˇ, aˬ yawꞈ maꞈ maˬ ya cawˆ-iˇ ni, ngaˇ kamˬ tsehˆ nehˬ-euˬ baw tehꞈ-a.”

Yeˬlaˬmiˇ 30:19

Kʼoeˇ gaˇ jawˇ-eu tsawˇ haˬ deuˬ ja ceuˬ-eu caˇ dawˬ caˇ-awˇ, laˬ kʼaˬ cehˇ cehˇ-ehˇ guˇ tehꞈ-a. Ngaˬ-euˬ guiˬ lahˬ baˬ da aˬ yawꞈ maꞈ jeuˬ le o le-awˇ, aˬ yawꞈ maꞈ-ahˇ aˬ cawˬ taˬ huiˬ taˬ mahˇ tehꞈ-a.

Yeˬlaˬmiˇ 33:18

Kʼoeˇ loꞈ-ehˇ duˇ ni, ngaˬ-euˬ gaˇ mˇ-awˇ, miˬ dzaˬ dzah puiˆ-awˇ lawˇ-eu jeˬ, dzaˬ la gʼo cehˇ lawˇ-eu jeˬ hawˇ-eu, lawˇ-eu shehˇ-eu jeˬ mˇ-eu gʼaˇ duˬ, Leˬbiˇ tsawˇ jeuˬ laꞈ kʼoeˇ piˇ ma geuꞈ-eu tsawˇ haˬ maˬ tsehˆ leˇ ni doˆ laˇ tehꞈ-a.”

Yeˬlaˬmiˇ 33:23

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh.

Yeˬsaˬgeˬlaˇ 37:10

Ngaˬ-ahˇ kʼaˇ ehˇ nehˬ laꞈ-euˬ loꞈ-ehˇ ngaˇ ngehˬ dah ngeh, gʼawˇ mawˇ kʼoeˇ deuˬ laꞈ kʼoeˇ saꞈ ahˇ leˇ-euˬ miˇ neh, dehꞈ laˇ jiˇ-awˇ gawˬ yawꞈ yawꞈ laˇ-euˬ meh. Aˬ yawꞈ maꞈ-aˬ, guiˇ guiˇ maꞈ tiˬ maꞈ geuꞈ nya paˬ-ehˇ myaˬ dui dui-eu meh.

Zaˬkaˬliˇ 2:4

Mˬ taˆ gʼaˬ kʼehˇ yaw beh gʼaˬ, aˬ yawꞈ jawˇ gaˇ oe-euˬ mˬ taˆ gʼaˬ kʼehˇ kʼoeˇ gʼaˬ-ahˇ heu loꞈ-ehˇ ehˇ nehˬ-euˬ meh. “Yaw kawˇ-ehˇ cehˆ coeˬ coeˬ-awˇ, daˇ dza aˇ caˆ yuˇ luꞈ-eu zaˬ guˬ kʼoeˇ gʼaˬ-ahˇ heu loꞈ-ehˇ ehˇ nehˬ-iˇ-awˬ. Yeˬluˇsaˬlehˬ meuˬ laꞈ kʼoeˇ, jeˬ zaˬ hawˇ-eu tsawˇ haˬ aˇ dzehˬ myaˬ dzeuˇ-eu miˇ neh, meuˬ meuˬ lahˇ kʼoeˇ maˬ deˇ leˇ-a. Teu miˇ neh meuˬ meuˬ lahˇ maˬ bi jaˆ nya-a lehˇ ehˇ nehˬ-awˬ.

Zaˬkaˬliˇ 10:8

“Ngaˬ-euˬ tsawˇ haˬ-ahˇ ngaˇ kuˇ-awˇ, tiˬ gaˇ bi uiˬ bi bymˇ laˇ ma. Aˬ yawꞈ maꞈ-ahˇ ngaˇ ka kʼoꞈ-awˇ, aˇ hu loꞈ-ehˇ bi behˇ laˇ ma.