Yeˬlaˬmiˇ 33:21 - Akha

²¹ Daˬbiˇ-euˬ zaˬ deuˬ uˆ deuˬ laꞈ kʼoeˇ sahˬ paˬ geuꞈ-eu tsawˇ haˬ tiˬ gʼaˬ aˬ myah luꞈ bi doˆ laˇ-eu gʼaˇ duˬ, ngaˬ-euˬ zaˬ kʼaˆ Daˬbiˇ-ahˇ ngaˬ neh dzaˬ taˬ-euˬ saˇ jaˇ hawˇ-eu, aˬ myah luꞈ ngaˬ-euˬ gaˇ mˇ-eu piˇ ma bi geuꞈ-eu gʼaˇ duˬ, Leˬbiˇ tsawˇ haˬ deuˬ-ahˇ ngaˬ neh dzaˬ taˬ-euˬ saˇ jaˇ heu bi ziꞈ ma.

Yeˬlaˬmiˇ 33:21 Referans Kwoze

Jaceuq 89:34

Dzaˬ taˬ-euˬ dawˬ ma saˇ jaˇ-ahˇ maˬ puiˬ-ehˇ, kʼaˇ dzaˬ taˬ-euˬ tiˬ jeˬ-iˬ maˬ yuˇ kʼoꞈ.

2 Laˬsaˬbaˬ 7:18

Iˇsaˬleˬlaˆ miˇ kʼahˬ-ahˇ aˬ yawꞈ-euˬ zaˬ deuˬ uˆ deuˬ aˬ myah luꞈ ya uˆ lahˇ tehꞈ-a lehˇ nawˬ da Daˬbiˇ-ahˇ ngaˬ neh dzaˬ taˬ-euˬ saˇ jaˇ dawˬ kʼoeˇ dawˬ-ahˇ ngaˇ ziꞈ ma.

2 Laˬsaˬbaˬ 21:7

Ehˇ kʼawꞈ, Daˬbiˇ-euˬ nymˇ jiˇ-ahˇ Sahˬpaˬ Miˬyehˇ maˬ laˆ cawˆ mawꞈ-a. Aˬ jeˬ miˇ neh ehˇ naˇ, Daˬbiˇ-euˬ zaˬ deuˬ uˆ deuˬ-ahˇ aˬ myah luꞈ sahˬ paˬ geuꞈ-eu dzoeˬ dzaˬ bi oꞈ ma lehˇ Daˬbiˇ nehˬ-ehˇ dawˬ ma saˇ jaˇ dzaˬ taˬ-eu jaˆ-eu meh.

2 Saˬmeuˬlaˆ 23:5

Ngaˬ-euˬ zaˬ deuˬ uˆ deuˬ kʼoeˇ taˆ, guiˬ lahˬ kʼoeˇ deuˬ Miˬyehˇ biꞈ meh. Mˬ maˬ maˬ byaˆ ziꞈ-eu saˇ jaˇ, aˬ yawꞈ ngaˬ-ahˇ dzaˬ taˬ-euˬ meh. Ngaˬ-euˬ nui kʼahˇ byah jiˇ laˇ ni, muiˇ-eu deuˬ-ahˇ ngaˇ gʼaˬ leˇ ni, Miˬyehˇ mˇ-eu yaw duˬ baw meh.

Panmaeq 5:10

Yawꞈ maꞈ Miˬyehˇ-euˬ gaˇ mˇ-eu, piˇ ma miˇkʼahˬ pyeuꞈ laˇ nya ni, nawˬ neh jahˇ nehˬ gʼaˬ-euˬ loꞈ-ehˇ, yawꞈ maꞈ miˇ tsaˬ heu-euˬ kʼoeˇ taˆ, uˆ lahˇ-eu deuˬ ya geuꞈ tehꞈ-a.”

Maꞈtehˬ 24:35

Mˬ hawˇ-eu miˇ tsaˬ maˬ jaˆ coeˇ ni ya byoˆ-iˇ tehꞈ-a. Ehˇ kʼawꞈ, ngaˬ-euˬ dawˬ tiˬ jawˇ-iˬ maˬ byoˆ-iˇ-aˇ.

Daˬyeˬlaˇ 7:14

Miˇ tsaˬ tsawˇ jeuˬ tsawˇ ca dawˬ tawˆ luꞈ hawˇ-eu, miˇ kʼahˬ dawˬ tawˆ luꞈ aˬ yawꞈ-euˬ laꞈ oˆ bi jawˇ-eu gʼaˇ duˬ, uˆ lahˇ-eu baoˬ hawˇ-eu miˇ kʼahˬ dawˬ tawˆ luꞈ maˬ ehˇ, taˬ huiˬ taˬ mahˇ-eu jeˬ hawˇ-eu yaw shehꞈ kʼahˬ sehˇ dawˬ tawˆ luꞈ maˬ ehˇ, aˬ yawꞈ-ahˇ biꞈ-euˬ meh. Aˬ yawꞈ uˆ lahˇ-eu jeˬ mˬ maˬ maˬ byaˆ zaˇ ziˇ ziꞈ-awˇ, aˬ yawꞈ-euˬ miˇ kʼahˬ tiˬ jawˇ-iˬ maˬ cawˆ-iˇ-a.

Yeˬlaˬmiˇ 33:18

Kʼoeˇ loꞈ-ehˇ duˇ ni, ngaˬ-euˬ gaˇ mˇ-awˇ, miˬ dzaˬ dzah puiˆ-awˇ lawˇ-eu jeˬ, dzaˬ la gʼo cehˇ lawˇ-eu jeˬ hawˇ-eu, lawˇ-eu shehˇ-eu jeˬ mˇ-eu gʼaˇ duˬ, Leˬbiˇ tsawˇ jeuˬ laꞈ kʼoeˇ piˇ ma geuꞈ-eu tsawˇ haˬ maˬ tsehˆ leˇ ni doˆ laˇ tehꞈ-a.”

Iˇsaˬyaˇ 55:3

“Naˬ bawˇ ciˬ kʼmˇ-awˇ ngaˇ jawˇ gaˇ laˇ-awˬ. Dehꞈ-eu saꞈ laˇ za ni naˇ haˬ laˇ-awˬ. Mˬ maˬ maˬ byaˆ zaˇ ziˇ ziꞈ-eu dawˬ ma saˇ jaˇ, naw maꞈ nehˬ-ehˇ ngaˇ dzaˬ-eu ma. Daˬbiˇ-ahˇ saˇ jaˇ biꞈ taˬ-euˬ guiˬ lahˬ, naw maꞈ-ahˇ ngaˇ biꞈ ma.

Jaceuq 132:17

Heu gaˇ Daˬbiˇ-euˬ zaˬ deuˬ uˆ deuˬ laꞈ kʼoeˇ, huiˬ-eu sahˬ paˬ tiˬ gʼaˬ ngaˇ bi doˆ laˇ-awˇ, ngaˬ neh tseˇ doˆ-euˬ sahˬ paˬ heu gaˇ bi uˆ lahˇ ma.

Jaceuq 89:36

Nahˇ ma maˬ byoˆ tsehˆ kʼoeˇ keuˆ ni, aˬ yawꞈ-euˬ zaˬ deuˬ uˆ deuˬ aˬ myah luꞈ dehꞈ-awˇ jawˇ-awˇ, aˬ yawꞈ-euˬ miˇ kʼahˬ-ahˇ ngaˇ haw piˇ ma.

Iˇsaˬyaˇ 66:22

“Ngaˬ-euˬ baoˬ baˬ da neh, mˬ yaw shuiꞈ hawˇ-eu miˇ kʼahˬ yaw shuiꞈ maˬ cawˆ-iˇ ni ziꞈ-eu loꞈ-ehˇ, naw maꞈ-euˬ zaˬ deuˬ uˆ deuˬ hawˇ-eu naw maꞈ-eu tsawˇ myahˇ, maˬ cawˆ-iˇ ni ziꞈ tehꞈ-a.