Yeˬlaˬmiˇ 33:2 - Akha

² Miˇ tsaˬ tahˬ kʼawˇ-ahˇ beh-euˬ Sahˬpaˬ Miˬyehˇ, miˇ tsaˬ pyawˬ naˬ sawˆ di-eu Sahˬpaˬ Miˬyehˇ, ngaˬ-ahˇ dawˬ ngehˬ cawˬ le-euˬ meh. Sahˬpaˬ Miˬyehˇ lehˇ myahˇ-euˬ gʼaˬ ngaˬ-ahˇ ehˇ nehˬ laꞈ-euˬ-aˬ, heu loꞈ-ehˇ meh.

Yeˬlaˬmiˇ 33:2 Referans Kwoze

Iˇsaˬyaˇ 37:26

“Heu deuˬ dawˬ tawˆ luꞈ pyeuꞈ laˇ ni, aˇ hu ba neh ngaˬ neh gaˇ kawˆ kawˆ taˬ jiˇ-euˬ nawˇ maˬ gaˬ-aˬ loˇ. Nymˬ-mˇ kʼoeˇ loꞈ-ehˇ pyeuꞈ laˇ ni ngaˇ jahˇ luꞈ-eu ma. Ziꞈ dah ni tsoˆ taˬ-euˬ meuˬ deuˬ-ahˇ byaˆ-iˇ ni jahˇ nya-eu baoˬ, nawˬ-ahˇ ngaˇ biꞈ taˬ-euˬ ma.

Doˆ-iˇ 15:3

Sahˬpaˬ Miˬyehˇ-aˬ, guiˇ deuˆ-eu yaw sahˇ pyeuꞈ-awˇ aˬ yawꞈ-euˬ tsawˇ myahˇ Sahˬpaˬ Miˬyehˇ meh.

Doˆ-iˇ 6:3

Aˬ byaˬ haˬ, Iˇtsaˆ hawˇ-eu Yaˬkoˆ-ahˇ, Baoˬ huiˬ-eu Miˬyehˇ loꞈ-ehˇ ngaˬ-euˬ gʼawˇ mawˇ ngaˇ pah mehˬ nehˬ-euˬ ma. Ehˇ kʼawꞈ, Sahˬpaˬ Miˬyehˇ lehˇ kuˇ-eu muiˬ-eu shawˇ-eu ngaˬ-euˬ tsawˇ myahˇ aˬ yawꞈ maꞈ-ahˇ maˬ bi siˬ-aˬ.

Panmaeq 21:10

Yaw sahˇ Miˬyehˇ ngaˬ-ahˇ uˆ lahˇ le-awˇ, goˇ dui dui-eu gawˬ jawˬ uˬ du sheuˬ daˆ nehˬ laꞈ-euˬ meh. Muiˬ-eu shawˇ-eu Meuˬ meuˬ ma pyeuꞈ-eu Yeˬluˇsaˬlehˬ kʼoeˇ, mˬ-ahˇ Miˬyehˇ jawˇ gaˇ neh zaꞈ ka le luꞈ gaˇ aˬ yawꞈ ngaˬ-ahˇ mehˬ nehˬ laꞈ-euˬ meh.

Iˇsaˬyaˇ 62:7

Yeˬluˇsaˬlehˬ meuˬ-ahˇ aˬ yawꞈ paˇ laˆ ziꞈ-awˇ, miˇ tsaˬ dawˬ tawˆ luꞈ ya ja ceuˬ-eu meuˬ maˬ bi pyeuꞈ laˇ kʼoeˇ keuˆ, aˬ yawꞈ maꞈ aˬ yawꞈ-ahˇ gʼaˬ naˬ maˬ bi naˬ-a.

Iˇsaˬyaˇ 43:21

Aˬ yawꞈ maꞈ-aˬ ngaˬ-euˬ gʼaˇ duˬ, ngaˬ neh beh-euˬ tsawˇ jeuˬ pyeuꞈ-awˇ, ngaˬ-ahˇ ja ceuˬ-euˬ caˇ dawˬ-ahˇ, aˬ yawꞈ maꞈ caˇ tehꞈ-a.”

Iˇsaˬyaˇ 43:1

Iˇsaˬleˬlaˆ-oˇ, nawˬ-ahˇ beh-euˬ Miˬyehˇ heu loꞈ-ehˇ ehˇ-eu meh. “Taˬ guˆ. Nawˬ-ahˇ ngaˇ ka kʼoꞈ ma. Nawˬ-ahˇ ngaˇ tsawˇ myahˇ kuˇ-awˇ tseˇ-euˬ ma. Nawˇ ngaˬ-euˬ tsawˇ haˬ ma.

Iˇsaˬyaˇ 14:32

Piˇliˇtiˆ tsawˇ haˬ dawˬ dzawˇ mˇ-eu tsawˇ haˬ deuˬ-ahˇ, aˬ joˆ-ehˇ ehˇ nehˬ nmˇ. Ziˇoˬ meuˬ-ahˇ Sahˬpaˬ Miˬyehˇ laˆ ziꞈ-awˇ, shaˬ zahˬ mˇ-euˬ aˬ yawꞈ-euˬ tsawˇ jeuˬ-ahˇ, nui saˇ bi oꞈ-eu meh lehˇ ehˇ nehˬ ma.”

Jaceuq 102:16

Ziˇoˬ meuˬ-ahˇ Sahˬpaˬ Miˬyehˇ paˇ tsoˆ muiˬ ngeh, aˬ yawꞈ huiˬ-eu mahˇ-eu gaˇ kawˆ pah mehˬ tehꞈ-a.

Jaceuq 87:5

Ziˇoˬ meuˬ-ahˇ taꞈ leˇ-awˇ heu loꞈ-ehˇ ehˇ tehꞈ-a. Tsawˇ jeuˬ dawˬ tawˆ luꞈ Ziˇoˬ-euˬ pyeuꞈ-awˇ, meuˬ kʼoeˇ meuˬ gʼaˬ kʼaˆ laˇ ni Baoˬ huiˬ-eu gʼaˬ jahˇ tehꞈ-a.

Panmaeq 21:2

Kʼoeˇ ngeh, Muiˬ-eu shawˇ-eu Meuˬ pyeuꞈ-eu Yeˬluˇsaˬlehˬ meuˬ-aˬ, smˇ miˇ iˇ-eu lehˇ gʼeh-eu zaˬ miˬ zaˬ tiˬ gʼaˬ yawˬ ha-euˬ kʼaˬ dzeˇ zaˬ jawˇ gaˇ iˇ-eu lehˇ dm gʼaˬ dm lmˇ tiˬ kuꞈ dm-awˇ lehˬ hmˬ taˬ-euˬ loꞈ-ehˇ, mˬ-ahˇ Miˬyehˇ jawˇ gaˇ neh zaꞈ ka le-euˬ meh.

HeˬByehˇ 11:16

Kʼoeˇ naˆ maˬ tseˇ muiˬ dzehˬ-eu mˬ taˆ miˇ kʼahˬ-ahˇ aˬ yawꞈ maꞈ noeˬ tsoˆ taˬ-euˬ meh. Kʼoeˇ miˇ neh, tsawˇ haˬ kʼoeˇ deuˬ Miˬyehˇ-ahˇ aˬ yawꞈ maꞈ-euˬ Miˬyehˇ ma lehˇ kuˇ gaˇ Miˬyehˇ maˬ shaꞈ dawˇ-a. Aˬ jeˬ miˇ neh ehˇ naˇ, aˬ yawꞈ maꞈ gʼaˇ duˬ meuˬ tiˬ meuˬ aˬ yawꞈ lehˬ hmˬ taˬ-euˬ meh.

HeˬByehˇ 11:10

Aˬ jeˬ miˇ neh ehˇ naˇ, Miˬyehˇ neh shaˇ noeˬ-awˇ tsoˆ taˬ-euˬ mˬ maˬ maˬ byaˆ zaˇ ziˇ ziꞈ-eu meuˬ-ahˇ Aˬbyaˬhaˬ noeˬ tmˬ taˬ-euˬ meh.

Aˬmoˆ 9:6

Sahˬpaˬ Miˬyehˇ mˬ-euˬ kʼoeˇ taˆ, aˬ yawꞈ jawˇ-eu nymˇ tsoˆ taˬ-awˇ, laˆ shaˆ iˇ cuꞈ-ahˇ kuˇ daˆ-awˇ, miˇ tsaˬ kʼoeˇ taˆ shehˆ shehˬ-euˬ meh. Yawꞈ tsawˇ myahˇ Sahˬpaˬ Miˬyehˇ meh.

Aˬmoˆ 5:8

Sahˬpaˬ Miˬyehˇ aˬ guiˇ beh-awˇ, yaw zahˇ-ahˇ mˬ bi bya laˇ-awˇ, nah gʼahˇ-ahˇ mˬ bi ciꞈ le meh. Laˆ shaˆ iˇ cuꞈ yawꞈ kuˇ daˆ-awˇ, miˇ tsaˬ kʼoeˇ taˆ shehˆ shehˬ-eu meh. Yawꞈ tsawˇ myahˇ Sahˬpaˬ Miˬyehˇ meh.

Yeˬlaˬmiˇ 32:18

Tsawˇ haˬ aˇ heˇ aˇ muiˇ gʼaˬ kʼoeˇ taˆ, nawˬ-euˬ gʼoeˇ-eu gaˬ-eu jeˬ maˬ tsehˆ leˇ ni nawˇ bi mawˇ-euˬ meh. Ehˇ kʼawꞈ, aˬ ma aˬ da deuˬ neh mˇ-euˬ iˬ baˇ baˬ da neh, zaˬ ziˇ-ahˇ keuˆ ni nawˇ kʼehˬ nehˬ kʼaˆ nehˬ-euˬ meh. Nawˇ-aˬ, baoˬ huiˬ dui dui-eu Miˬyehˇ meh. Nawˇ-aˬ, baoˬ huiˬ-eu Sahˬpaˬ Miˬyehˇ meh.

Yeˬlaˬmiˇ 10:16

Yaˬkoˆ-euˬ Miˬyehˇ aˬ yawꞈ maꞈ-ahˇ maˬ duˇ-a. Yawˬ jeˬ na luꞈ-ahˇ beh-euˬ gʼaˬ aˬ yawꞈ pyeuꞈ-awˇ, aˬ yawꞈ-euˬ tsawˇ jeuˬ bi pyeuꞈ-eu gʼaˇ duˬ, Iˇsaˬleˬlaˆ-ahˇ aˬ yawꞈ neh tseˇ doˆ-euˬ meh. Aˬ yawꞈ tsawˇ myahˇ Baoˬ huiˬ-eu Sahˬpaˬ Miˬyehˇ meh.

Yeˬlaˬmiˇ 16:21

Kʼoeˇ miˇ neh, Sahˬpaˬ Miˬyehˇ ehˇ-euˬ, “Mˬ maˬ maˬ byaˆ zaˇ ziˇ maˬ ngehˇ leˇ coeˇ ni, tsawˇ jeuˬ kʼoeˇ deuˬ-ahˇ ngaˬ-euˬ baoˬ ngaˇ bi mawˇ ma. Ngaˇ Sahˬpaˬ Miˬyehˇ pyeuꞈ-eu gaˇ kawˆ aˬ yawꞈ maꞈ ya siˬ du tehꞈ-a.”

Yeˬlaˬmiˇ 51:19

Yaˬkoˆ-euˬ Miˬyehˇ kʼoeˇ loꞈ-ehˇ maˬ ngeuˇ-a. Yawˬ jeˬ na luꞈ aˬ yawꞈ beh-awˇ, Iˇsaˬleˬlaˆ aˬ yawꞈ-euˬ tsawˇ jeuˬ pyeuꞈ laˇ ni, aˬ yawꞈ tseˇ doˆ-euˬ meh. Aˬ yawꞈ-euˬ tsawˇ myahˇ Sahˬpaˬ Miˬyehˇ meh.

Iˇsaˬyaˇ 42:8

“Sahˬpaˬ Miˬyehˇ pyeuꞈ-eu ngaˇ tiˬ gʼaˬ tehꞈ-ehˇ, nawˬ-euˬ Miˬyehˇ pyeuꞈ-eu ma. Ngaˬ-euˬ yaw shehꞈ kʼahˬ sehˇ miˬ yehˇ nui deuˬ-ahˇ ngaˇ maˬ biꞈ. Ngaˬ-ahˇ ja ceuˬ-eu jeˬ tahˬ pahˬ aˬ ma mawˇ kawˇ deuˬ-ahˇ maˬ oꞈ.