Yeˬlaˬmiˇ 33:10 - Akha

¹⁰ Sahˬpaˬ Miˬyehˇ heu loꞈ-ehˇ ehˇ-eu meh. “Jawˇ duˬ heu tsahˇ-aˬ, kʼaˇ shuiꞈ deh ga-ahˇ duˇ-awˇ, tsawˇ haˬ hawˇ-eu jeˬ zaˬ jawˇ zaˇ maˬ mawˇ nga lehˇ aˬ cawˬ ehˇ tehꞈ-a. Aˬ yawꞈ maꞈ ehˇ-eu tsaˬ meh. Yuˇdaˆ miˇ kʼahˬ-ahˇ jaˆ-eu meuˬ deuˬ hawˇ-eu Yeˬluˇsaˬlehˬ meuˬ laꞈ kʼoeˇ, tsawˇ haˬ hawˇ-eu jeˬ zaˬ maˬ jawˇ ni ciˬ cuˇ ni jaˆ-eu meh. Ehˇ kʼawꞈ, jawˇ duˬ heu tsahˇ laꞈ kʼoeˇ lawꞈ gʼa luꞈ-eu teˇ saˇ-ahˇ nawˇ paˇ ya gaˬ poˆ tehꞈ-a.

Yeˬlaˬmiˇ 33:10 Referans Kwoze

Yeˬlaˬmiˇ 32:43

Miˇ kʼahˬ heu kʼahˬ-aˬ, tsawˇ haˬ zaˬ hawˇ-eu jeˬ zaˬ deuˬ maˬ jawˇ nya-eu kʼaˇ shuiꞈ deh yaˇ loꞈ-ehˇ pyeuꞈ-iˇ-awˇ, Baˬbuˇloˬ tsawˇ haˬ deuˬ-euˬ laꞈ-ahˇ ahˇ leˇ tehꞈ-a lehˇ, tsawˇ haˬ heu deuˬ ehˇ luꞈ meh. Ehˇ kʼawꞈ, miˇ kʼahˬ heu kʼahˬ laꞈ kʼoeˇ deh yaˇ ahˬ taꞈ zeuˇ taˬ-eu aˇ nah paˇ keuˆ le tehꞈ-a.

Yeˬsaˬgeˬlaˇ 37:11

Miˬyehˇ ngaˬ-ahˇ ehˇ-eu, “Tsawˇ haˬ zaˬ-oˇ, Iˇsaˬleˬlaˆ tsawˇ haˬ deuˬ-aˬ, shaˬ yoeˬ heu deuˬ-ahˇ duˇ-eu meh. Aˬ yawꞈ maꞈ-euˬ shaˬ yoeˬ koˆ jiˇ-awˇ, noeˬ tmˬ kʼaˇ maˬ paˇ za-eu uˬ taꞈ, geuꞈ-eu jeˬ tiˬ pawꞈ-iˬ maˬ paˇ ahˇ miˇ-a lehˇ, aˬ yawꞈ maꞈ ehˇ luꞈ meh.

Yeˬlaˬmiˇ 32:36

Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Yeˬlaˬmiˇ-oˇ, guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ baˬ da neh, Yeˬluˇsaˬlehˬ meuˬ heu Baˬbuˇloˬ sahˬ paˬ-euˬ laꞈ-ahˇ ahˇ leˇ-eu ngaˇ lehˇ, meuˬ laꞈ kʼoeˇ jawˇ-eu tsawˇ haˬ deuˬ ehˇ luꞈ meh. Ngaˇ ehˇ gaˇ tiˬ poˆ paˇ naˇ haˬ siˬ.

Uˬ duˬ 26:32

Naw maꞈ-euˬ miˇ kʼahˬ-ahˇ ngaˇ nui kʼahˇ tiˬ shiˇ laˆ cawˆ-euˬ miˇ neh, naw maꞈ miˇ kʼahˬ-ahˇ deuˆ gʼaˬ-euˬ naw maꞈ-ahˇ muiˇ-eu tsawˇ haˬ deuˬ kʼawꞈ, ya tsawˬ guˆ-iˇ gaˇ keuˆ tehꞈ-a.

Yeˬlaˬmiˇ 26:9

“Nawˇ-aˬ, ya bi diˬ sehꞈ gaˇ keuˆ-eu ngaˇ. Uˬ duˬ tahˬ nymˇ nymˇ ma heu Shiˇloˬ meuˬ loꞈ-ehˇ ya pyeuꞈ-iˇ-awˇ, meuˬ heu meuˬ tsawˇ haˬ tiˬ gʼaˬ-iˬ maˬ jawˇ-ehˇ pyeuꞈ-iˇ gaˇ keuˆ ni bi laˆ cawˆ tehꞈ-a lehˇ, Sahˬpaˬ Miˬyehˇ -euˬ tsawˇ myahˇ uˬ moˆ aˬ jeˬ miˇ neh nawˇ dawˬ ngehˬ te” lehˇ guˇ-eu meh. Kʼoeˇ naˇ, tsawˇ haˬ dawˬ tawˆ luꞈ, ngaˬ-euˬ dawˬ peh ga uiˬ laˇ-euˬ meh.

Yeˬlaˬmiˇ 34:22

Ngaˇ dawˬ biꞈ nehˬ ngeh, meuˬ heu meuˬ-ahˇ aˬ yawꞈ maꞈ guiˇ paˇ deuˆ poˆ le-awˇ, miˬ dzaˬ dzah puiˆ dzeh tehꞈ-a. Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ, tsawˇ haˬ tiˬ gʼaˬ-iˬ maˬ jawˇ-eu kʼaˇ shuiꞈ deh ga loꞈ-ehˇ bi pyeuꞈ-iˇ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Haˬgaiˇ 1:4

“Ngaˬ-euˬ Uˬ duˬ tahˬ nymˇ nymˇ ma yaw pyaˆ-ehˇ jaˆ luꞈ ngeh, naw maꞈ nymˇ muiˬ tsoˆ-awˇ ya jawˇ ta loˇ.

Jaceuq 85:7

Sahˬpaˬ Miˬyehˇ-oˇ, maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ mehˬ nehˬ laꞈ-awˇ, nawˬ-euˬ ka kʼoꞈ-eu jeˬ bi keuˆ le nehˬ laꞈ.

Jaceuq 147:13

Nawˬ-euˬ lahˇ kʼehˬ laˇ gʼoˆ-ahˇ aˬ yawꞈ neh laˆ ziꞈ-awˇ, nawˬ-euˬ tsawˇ haˬ deuˬ-ahˇ aˬ yawꞈ guiˬ lahˬ biꞈ-euˬ meh.