Yeˬlaˬmiˇ 32:36 - Akha

³⁶ Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Yeˬlaˬmiˇ-oˇ, guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ baˬ da neh, Yeˬluˇsaˬlehˬ meuˬ heu Baˬbuˇloˬ sahˬ paˬ-euˬ laꞈ-ahˇ ahˇ leˇ-eu ngaˇ lehˇ, meuˬ laꞈ kʼoeˇ jawˇ-eu tsawˇ haˬ deuˬ ehˇ luꞈ meh. Ngaˇ ehˇ gaˇ tiˬ poˆ paˇ naˇ haˬ siˬ.

Yeˬlaˬmiˇ 32:36 Referans Kwoze

Yeˬlaˬmiˇ 32:24

“Yeˬluˇsaˬlehˬ meuˬ-ahˇ deuˆ gʼaˬ-eu gʼaˇ duˬ Baˬbuˇloˬ tsawˇ haˬ deuˬ meuˬ jawˬ jawˬ-ehˇ miˇ tsaˬ ciˬ goˇ-awˇ guiˇ deuˆ luꞈ meh. Guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ baˬ da neh, meuˬ heu meuˬ aˬ yawꞈ maꞈ-euˬ laꞈ-ahˇ ya ahˇ leˇ-eu yaw duˬ baw-eu meh. Nawˬ neh kʼaˇ ehˇ taˬ-euˬ jeˬ keuˆ le taˬ-euˬ gaˇ nawˇ mawˇ luꞈ meh.

Yeˬlaˬmiˇ 32:3

Sahˬpaˬ Miˬyehˇ neh ehˇ-euˬ dawˬ deuˬ-ahˇ ngaˇ dzawˇ gaˬ-euˬ miˇ neh, sahˬ paˬ Zeˬdaˬkiˇ ngaˬ-ahˇ paꞈ kuˆ laꞈ kʼoeˇ nyehꞈ ahˇ-euˬ meh. Sahˬpaˬ Miˬyehˇ neh ehˇ-euˬ dawˬ-aˬ, heu loꞈ-ehˇ meh. “Meuˬ heu meuˬ-ahˇ Baˬbuˇloˬ sahˬ paˬ neh bi deuˆ gʼaˬ-eu lehˇ ngaˇ gʼeh-eu ma.

Yeˬlaˬmiˇ 32:28

Yeˬluˇsaˬlehˬ meuˬ heu, Baˬbuˇloˬ sahˬ paˬ Neˬbuˬkaˬneˬzaˬ hawˇ-eu aˬ yawꞈ-euˬ guiˇ maꞈ deuˬ-ahˇ ngaˇ a nehˬ-awˇ, bi deuˆ gʼaˬ ma.

Lormav 5:20

Zahˇ dawˬ kʼoꞈ dawˬ biꞈ leꞈ-euˬ-aˬ, yaw lehˬ mˇ-eu bi myaˬ laˇ-eu gʼaˇ duˬ meh. Ehˇ kʼawꞈ, iˬ baˇ kʼaˇ myaˬ laˇ gaˇ Miˬyehˇ-euˬ guiˬ lahˬ kʼoeˇ myaˆ maˬ tseˇ myaˬ laˇ luꞈ-eu meh.

Hawˇseˬ 2:14

Kʼoeˇ baˬ da neh aˬ yawꞈ-ahˇ ngaˇ, bawˇ tsahˬ bawˇ dahˇ-ahˇ sheuˬ gʼeh-awˇ, dawˬ nahˬ yu ni ngehˬ-eu laꞈ kʼoeˇ, ngaˬ-ahˇ gaˬ kʼoꞈ laˇ ni mˇ ma.

Yeˬlaˬmiˇ 32:37

Ngaˇ nui ma pehˇ-eu laꞈ kʼoeˇ aˬ cawˬ miˇ kʼahˬ doe ni bi jawˇ byaˆ taˬ-euˬ ngaˬ-euˬ tsawˇ haˬ heu deuˬ-ahˇ paˇ sheuˬ uiˬ-awˇ, jawˇ duˬ heu tsahˇ-ahˇ paˇ sheuˬ kʼoꞈ keuˆ nehˬ-awˇ, nui saˇ oꞈ-eu laꞈ kʼoeˇ bi dehꞈ ma.