Yeˬlaˬmiˇ 32:24 - Akha

²⁴ “Yeˬluˇsaˬlehˬ meuˬ-ahˇ deuˆ gʼaˬ-eu gʼaˇ duˬ Baˬbuˇloˬ tsawˇ haˬ deuˬ meuˬ jawˬ jawˬ-ehˇ miˇ tsaˬ ciˬ goˇ-awˇ guiˇ deuˆ luꞈ meh. Guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ baˬ da neh, meuˬ heu meuˬ aˬ yawꞈ maꞈ-euˬ laꞈ-ahˇ ya ahˇ leˇ-eu yaw duˬ baw-eu meh. Nawˬ neh kʼaˇ ehˇ taˬ-euˬ jeˬ keuˆ le taˬ-euˬ gaˇ nawˇ mawˇ luꞈ meh.

Yeˬlaˬmiˇ 32:24 Referans Kwoze

Yeˬlaˬmiˇ 33:4

Yeˬluˇsaˬlehˬ meuˬ laꞈ kʼoeˇ jaˆ-eu meuˬ deuˬ hawˇ-eu sahˬ paˬ-euˬ hawˇ nymˇ ya coˬ pyaˆ jiˇ tehꞈ-a. Meuˬ-euˬ laꞈ nyiˇ doˆ-iˇ-awˇ, Baˬbuˇloˬ tsawˇ haˬ deuˬ neh guiˇ deuˆ-eu gʼaˇ duˬ miˇ tsaˬ ciˬ goˇ taˬ-euˬ gaˇ deuˆ-iˇ kʼawꞈ, maˬ deuˆ deuˬ nya-a. Kʼoeˇ loꞈ-ehˇ jahˇ-eu baˬ da neh, ngaˇ nui ma pehˇ-awˇ sehꞈ-eu lehˇ gʼeh-eu tsawˇ haˬ deuˬ meuˬ laꞈ kʼoeˇ shiˇ byah taˬ tehꞈ-a. Meuˬ laꞈ kʼoeˇ jawˇ-eu tsawˇ haˬ deuˬ neh mˇ-euˬ yaw haiˬ jeˬ baˬ da neh, meuˬ heu meuˬ-ahˇ ngaˇ byehˇ dzeh-eu ma.

Yeˬlaˬmiˇ 32:36

Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Yeˬlaˬmiˇ-oˇ, guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ baˬ da neh, Yeˬluˇsaˬlehˬ meuˬ heu Baˬbuˇloˬ sahˬ paˬ-euˬ laꞈ-ahˇ ahˇ leˇ-eu ngaˇ lehˇ, meuˬ laꞈ kʼoeˇ jawˇ-eu tsawˇ haˬ deuˬ ehˇ luꞈ meh. Ngaˇ ehˇ gaˇ tiˬ poˆ paˇ naˇ haˬ siˬ.

Dawˬmehˬ 4:26

Mˬ hawˇ-eu miˇ-ahˇ tsawˇ kaˬ bi geuꞈ-awˇ, naw maꞈ-ahˇ iˬ nah ngaˇ heu loꞈ-ehˇ ehˇ-eu ma. Ngaˬ-euˬ ehˇ dawˬ-ahˇ naw maꞈ maˬ naˇ haˬ geuꞈ naˇ, miˇ kʼahˬ kʼoeˇ kʼahˬ laꞈ kʼoeˇ, tiˬ kʼehˇ laˇ kʼehˬ laꞈ kʼoeˇ tehꞈ-ehˇ naw maꞈ ya luˬ ya seˇ-iˇ tehꞈ-a. Naw maꞈ jawˇ leˇ-eu lehˇ gʼeh-eu Yawˇdaˬ lawˇ baˬ nui baˬ-ahˇ jaˆ-eu miˇ kʼahˬ kʼoeˇ kʼahˬ laꞈ kʼoeˇ, gʼawˬ myahˇ ni maˬ ya jawˇ-aˇ. Geuꞈ-eu jeˬ maˬ ahˇ gaˇ keuˆ ni laˆ luˬ laˆ seˇ nehˬ-eu jeˬ-ahˇ ya daˬ tehꞈ-a.

Zaˬkaˬliˇ 1:6

Miˬyehˇ gʼaˇ duˬ ngehˬ dah-eu ngaˬ-euˬ zaˬ kʼaˆ deuˬ-ahˇ kʼehˇ-awˇ, naw maꞈ-euˬ aˬ poeˬ aˬ bawˇ deuˬ-ahˇ ngaˬ-euˬ dawˬ biꞈ-eu laꞈ kʼoeˇ, dehꞈ paˇ-eu gʼaˇ duˬ yaw kʼaˆ kʼaˆ-ehˇ mehˬ nehˬ-euˬ kʼawꞈ, aˬ yawꞈ maꞈ maˬ naˇ haˬ geuꞈ-euˬ miˇ neh, yaw kʼaˆ-ehˇ ya shaˬ-euˬ meh. Kʼoeˇ naˇ, aˬ yawꞈ maꞈ iˬ baˇ noeˬ poˆ-awˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ-aˬ, ngaˬ neh noeˬ tsehˆ taˬ-euˬ loꞈ-ehˇ, aˬ yawꞈ maꞈ-ahˇ oꞈ-eu geuˇ-eu kʼehˬ-eu kʼaˆ-eu jeˬ bi keuˆ le-euˬ meh lehˇ, aˬ yawꞈ maꞈ noeˬ siˬ noeˬ mawˇ-euˬ meh.”

Yeˬsaˬgeˬlaˇ 21:22

Nymˬ-mˇ poˆ jawˇ, aˬ yawꞈ-euˬ aˇ maˇ laꞈ-ahˇ, Yeˬluˇsaˬlehˬ meuˬ-ahˇ iˇ-awˬ lehˇ kʼehˇ-eu kaˆ myaˬ tuˆ tehˬ taˬ-euˬ meh. Kaˆ myaˬ kʼoeˇ aˬ yawꞈ-ahˇ heu loꞈ-ehˇ ehˇ-eu meh. Meuˬ meuˬ lahˇ tahˬ pyaˆ-eu dmˬ ma jahˇ tsoꞈ-awˇ, guiˇ deuˆ-eu dawˬ guˇ-awˇ, meuˬ lahˇ tahˬ pyaˆ-eu dmˬ ma kʼoeˇ meuˬ lahˇ-ahˇ ciˬ tsehꞈ-awˇ, miˇ tsaˬ ciˬ goˇ-awˇ, duˬ kʼahˬ kʼahˬ-awˬ lehˇ ehˇ-eu meh.

Yeˬsaˬgeˬlaˇ 14:21

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Doeˇ dui dui-eu kʼehˬ-eu kʼaˆ-eu oeˬ jeˬ pyeuꞈ-eu, guiˇ deuˆ-eu, mehꞈ-eu shuꞈ-eu, jeˬ zaˬ yaw haiˬ deuˬ hawˇ-eu, naˇ-eu gawˇ-eu heu oeˬ jeˬ Yeˬluˇsaˬlehˬ meuˬ kʼoeˇ taˆ ngaˇ bi keuˆ le-awˇ, tsawˇ haˬ hawˇ-eu jeˬ zaˬ deuˬ bi shiˇ ma.

Yeˬlaˬmiˇ 32:3

Sahˬpaˬ Miˬyehˇ neh ehˇ-euˬ dawˬ deuˬ-ahˇ ngaˇ dzawˇ gaˬ-euˬ miˇ neh, sahˬ paˬ Zeˬdaˬkiˇ ngaˬ-ahˇ paꞈ kuˆ laꞈ kʼoeˇ nyehꞈ ahˇ-euˬ meh. Sahˬpaˬ Miˬyehˇ neh ehˇ-euˬ dawˬ-aˬ, heu loꞈ-ehˇ meh. “Meuˬ heu meuˬ-ahˇ Baˬbuˇloˬ sahˬ paˬ neh bi deuˆ gʼaˬ-eu lehˇ ngaˇ gʼeh-eu ma.

Maꞈtehˬ 24:35

Mˬ hawˇ-eu miˇ tsaˬ maˬ jaˆ coeˇ ni ya byoˆ-iˇ tehꞈ-a. Ehˇ kʼawꞈ, ngaˬ-euˬ dawˬ tiˬ jawˇ-iˬ maˬ byoˆ-iˇ-aˇ.

Yeˬlaˬmiˇ 52:6

Kʼoeˇ ngeh kʼoꞈ ba la oeˬ siˬ tiˬ siˬ gʼoeˬ nah tiˬ nah-ahˇ, mehꞈ dui shuꞈ dui dui-eu miˇ neh, dzaˬ-eu tiˬ jeˬ-iˬ maˬ jaˆ-ehˇ pyeuꞈ laˇ ngeh,

Yeˬlaˬmiˇ 32:25

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, Baˬbuˇloˬ tsawˇ haˬ deuˬ meuˬ heu meuˬ-ahˇ deuˆ gʼaˬ-eu keuˆ laˇ taˬ-euˬ kʼawꞈ, tsawˇ kaˬ heu deuˬ-euˬ mehˬ shi deh yaˇ zeuˇ-eu gʼaˇ duˬ nawˇ ngaˬ-ahˇ dawˬ biꞈ laꞈ-euˬ meh.”

Yeˬlaˬmiˇ 24:10

Aˬ yawꞈ maꞈ hawˇ-eu aˬ yawꞈ maꞈ-euˬ aˬ poeˬ aˬ bawˇ deuˬ-ahˇ ngaˬ neh biꞈ taˬ-euˬ miˇ kʼahˬ laꞈ kʼoeˇ, aˬ yawꞈ maꞈ tiˬ gʼaˬ-iˬ maˬ dzeˇ-ehˇ pyeuꞈ-iˇ ngeh keuˆ ni, guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ, aˬ yawꞈ maꞈ kʼoeˇ taˆ ngaˇ bi keuˆ le ma.”

Yeˬlaˬmiˇ 16:4

Guˆ dui dui laˇ paˬ-ehˇ gʼeh-eu naˇ gawˇ baˬ da neh aˬ yawꞈ maꞈ ya shiˇ-awˇ, aˬ yawꞈ maꞈ gʼaˇ duˬ tsawˇ ngoeˇ ngoeˇ nehˬ-awˇ, baꞈ pahˬ nehˬ-eu tsawˇ haˬ maˬ jawˇ ni pyeuꞈ laˇ tehꞈ-a. Aˬ nyoˬ mawˇ neˇ-euˬ keˬ tawˆ bymˇ taˬ-euˬ loꞈ-ehˇ, aˬ yawꞈ maꞈ miˇ tsa shiˇ uiˬ taˬ-awˇ ga tehꞈ-a. Guiˇ deuˆ-eu laꞈ kʼoeˇ maˬ ehˇ, mehꞈ-eu shuꞈ-eu baˬ da neh maˬ ehˇ, aˬ yawꞈ maꞈ ya shiˇ-awˇ, aˇ jiˇ hawˇ-eu bawˇ tsahˬ jeˬ zaˬ deuˬ aˬ yawꞈ maꞈ-ahˇ dzaˬ tehꞈ-a.

2 Saˬmeuˬlaˆ 20:15

Sheˬba kʼoeˇ gaˇ jawˇ-eu gaˇ kawˆ Yoˇbaˬ-euˬ tsawˇ haˬ deuˬ ya gaˬ-euˬ miˇ neh, aˬ yawꞈ maꞈ iˇ-awˇ, meuˬ kʼoeˇ meuˬ-ahˇ jawˬ lahˇ-euˬ meh. Meuˬ meuˬ lahˇ laꞈ nyiˇ tiˆ-euˬ gaˇ dzeˇ aˬ yawꞈ maꞈ miˇ tsaˬ ciˬ goˇ daˆ leꞈ-awˇ, meuˬ meuˬ lahˇ kʼoeˇ bi coˬ-iˇ-eu gʼaˇ duˬ, dawˬ dah paw duˬ kʼeuꞈ kʼeuꞈ-euˬ meh.

Iˇsaˬyaˇ 37:33

“Aˬshuˇliˆ sahˬ paˬ-euˬ gaˇ kawˆ-ahˇ taꞈ leˇ-awˇ, Sahˬpaˬ Miˬyehˇ heu loꞈ-ehˇ ehˇ taˬ-euˬ meh. ‘Meuˬ heu meuˬ-ahˇ aˬ yawꞈ maˬ ya uˇ keuˆ laˇ-eu uˬ taꞈ, kaˆ myaˬ tiˬ myaˬ-iˬ maˬ ya beuˆ ahˇ laꞈ-a. Dehˬ daˬ duˬ baꞈ luꞈ-eu aˬ yawꞈ-euˬ yehˇ tiˬ gʼaˬ-iˬ meuˬ dawˬ peh maˬ ya laˇ tehˬ-eu uˬ taꞈ, meuˬ-ahˇ deuˆ -eu gʼaˇ duˬ meuˬ lahˇ jawˬ jawˬ-ehˇ taˆ maˬ ya tsoˆ goˇ-a.

Yeˬlaˬmiˇ 6:6

Baoˬ huiˬ-eu Sahˬpaˬ Miˬyehˇ-aˬ, Sahˬ paˬ kʼoeˇ deuˬ-ahˇ heu loꞈ-ehˇ ehˇ-eu meh. “Yeˬluˇsaˬlehˬ meuˬ-ahˇ deuˆ-eu gʼaˇ duˬ, aˇ bawˇ tuˇ-awˇ jeh guiˇ guiˇ-awˬ. Kʼehˬ-eu kʼaˆ-eu jeˬ byah luꞈ-eu miˇ neh. meuˬ heu meuˬ-ahˇ ngaˇ kʼehˬ nehˬ ma.

Yeˬlaˬmiˇ 20:5

Meuˬ heu meuˬ laꞈ kʼoeˇ kʼaˇ jaˆ-eu aˬ yawꞈ maꞈ-euˬ pyuˇ shuiˇ myawˬ gahˬ dawˬ tawˆ luꞈ hawˇ-eu, Yuˇdaˆ sahˬ paˬ deuˬ-euˬ pyuˇ shuiˇ dawˬ tawˆ luꞈ kʼawꞈ, muiˇ-eu deuˬ neh bi yuˇ geuꞈ jiˇ-awˇ, yawˬ jeˬ na luꞈ Baˬbuˇloˬ miˇ kʼahˬ-ahˇ bi yuˇ gʼeh jiˇ gaˇ keuˆ tehꞈ-a.

Yeˬlaˬmiˇ 29:17

Baoˬ huiˬ-eu Sahˬpaˬ Miˬyehˇ ehˇ-eu, ‘Guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ, aˬ yawꞈ maꞈ kʼoeˇ taˆ ngaˇ bi keuˆ le-awˇ, maˬ dzaˬ nya ni buꞈ-iˇ taˬ-euˬ siˬ guˬ aˇ siˬ loꞈ-ehˇ, aˬ yawꞈ maꞈ-ahˇ ngaˇ bi pyeuꞈ-iˇ ma.

Yeˬlaˬmiˇ 29:18

Guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ aˬ yawꞈ maꞈ-ahˇ ngaˇ ciˬ tehˬ nehˬ-awˇ miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ, kʼoeˇ gaˇ ya mawˇ ngeh guˆ dui dui-iˇ tehꞈ-a. Aˬ yawꞈ maꞈ-ahˇ ngaˬ neh teh byaˆ-awˇ kʼaˇ bi jawˇ-euˬ jawˇ duˬ-ahˇ, aˬ yawꞈ maꞈ kʼoeˇ taˆ keuˆ le-euˬ jeˬ-ahˇ ya mawˇ ngeh, aˬ cawˬ laˇ baˇ-iˇ tehꞈ-a. Aˬ cawˬ aˬ yawꞈ maꞈ-ahˇ ja bu ja doeˇ-awˇ, yaˬ kʼehˇ yaˬ ngeh aˬ yawꞈ maꞈ-euˬ tsawˇ myahˇ kuˇ-awˇ yaˬ tehꞈ-a.

Yeˬlaˬmiˇ 32:5

Zeˬdaˬkiˇ-ahˇ Baˬbuˇloˬ miˇ kʼahˬ-ahˇ bi nyehꞈ daˆ gʼeh-awˇ, aˬ yawꞈ-euˬ gaˇ kawˆ ngaˇ maˬ shaˇ noeˬ kʼoeˇ keuˆ ni kʼoeˇ gaˇ ya jawˇ tehꞈ-a. Baˬbuˇloˬ tsawˇ haˬ deuˬ-ahˇ aˬ yawꞈ guiˇ deuˆ kʼawꞈ, maˬ deuˆ gʼaˬ nya-aˇ lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 32:28

Yeˬluˇsaˬlehˬ meuˬ heu, Baˬbuˇloˬ sahˬ paˬ Neˬbuˬkaˬneˬzaˬ hawˇ-eu aˬ yawꞈ-euˬ guiˇ maꞈ deuˬ-ahˇ ngaˇ a nehˬ-awˇ, bi deuˆ gʼaˬ ma.

Yeˬlaˬmiˇ 34:17

Kʼoeˇ miˇ neh, naw maꞈ ngaˬ-euˬ ehˇ dawˬ maˬ naˇ haˬ nga lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma. Naw maꞈ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ deuˬ-ahˇ naw maꞈ maˬ pyehˬ nehˬ-a. Muiˬ tehꞈ-a. Ngaˇ naw maꞈ-ahˇ pyehˬ-awˇ, naw maꞈ-euˬ nui noeˬ bi dehꞈ ma. Ngaˇ naw maꞈ-ahˇ pyehˬ nehˬ-awˇ, guiˇ deuˆ-eu jeˬ, naˇ-eu gawˇ-eu jeˬ hawˇ-eu, mehꞈ-eu shuꞈ-eu jeˬ laꞈ kʼoeˇ bi shiˇ jiˇ ma. Ngaˬ neh naw maꞈ-ahˇ jahˇ nehˬ-euˬ jeˬ-ahˇ tsawˇ jeuˬ yawˬ jeuˬ na luꞈ tsawˬ guˆ-iˇ ngeh keuˆ ni ngaˇ mˇ ma.

Yeˬlaˬmiˇ 52:4

Kʼoeˇ miˇ neh, Zeˬdaˬkiˇ sahˬ paˬ geuꞈ-eu gʼoeˬ kʼoꞈ tiˬ kʼoꞈ, ba la tseˇ siˬ tiˬ siˬ, tseˇ nah tiˬ nah-ahˇ, Neˬbuˬkaˬneˬzaˬ guiˇ maꞈ dawˬ tawˆ luꞈ sheuˬ-awˇ, Yeˬluˇsaˬlehˬ meuˬ-ahˇ guiˇ deuˆ le-euˬ meh. Meuˬ-euˬ laꞈ nyiˇ paw aˬ yawꞈ maꞈ sehˬ gʼawˆ gʼawˆ-awˇ jawˇ-awˇ, meuˬ-euˬ tiˬ jawˬ guiˇ deuˆ-eu lahˇ ciˬ-euˬ meh.

Yeˬsaˬgeˬlaˇ 26:8

Iˬ ma laˆ shaˆ-ahˇ yaw kʼaˆ-ehˇ maˬ peh-eu pehˇ tsahˇ tsahˇ ma-ahˇ jawˇ-eu deuˬ-aˬ, guiˇ deuˆ-awˇ bi deuˆ sehꞈ tehꞈ-a. Muiˇ-eu deuˬ kuˬ kaˬ duˬ-awˇ, miˇ tsaˬ ciˬ goˇ-eu laꞈ kʼoeˇ, nawˇ guiˇ deuˆ le gaˇ ciˬ daˬ tehꞈ-a.

Haˬbaˬkuˆ 1:10

Sahˬ paˬ deuˬ-ahˇ aˬ jaꞈ jaꞈ-awˇ, sahˬ ma deuˬ-ahˇ naˬ gʼa-eu meh. Taˆ tsoˆ ziꞈ taˬ-euˬ gaˇ uiˇ-awˇ, miˇ tsaˬ ciˬ goˇ daˆ keuˆ leꞈ-awˇ, deuˆ byoˆ deuˆ laˆ jiˇ nehˬ-eu meh.

Yeˬsaˬgeˬlaˇ 4:2

Kʼoeˇ naˇ, meuˬ-ahˇ loꞈ jawˬ-awˇ, guiˇ deuˆ ngeh kʼaˇ jahˇ-eu loꞈ-ehˇ, tsaˬ byaˆ kʼoeˇ-euˬ tiˬ jawˬ, kuˬ kaˬ duˬ-eu, miˇ tsaˬ ciˬ goˇ-eu, sehˬ gʼawˆ gʼawˆ-eu hawˇ-eu meuˬ lahˇ tuˆ byaˆ-eu keu ka deuˬ baꞈ taˬ-awˇ jaˆ-eu, heu loꞈ-ehˇ gʼeh-eu yawˬ jeˬ na luꞈ-euˬ aˇ baˇ jahˇ kuꞈ taˬ-awˬ.

Yeˬsaˬgeˬlaˇ 21:27

Yaw cawˆ tehꞈ meh. Yaw cawˆ tehꞈ meh. Meuˬ heu meuˬ-ahˇ ngaˇ laˆ cawˆ ma. Ehˇ kʼawꞈ, meuˬ heu meuˬ-ahˇ bi laˆ cawˆ-eu lehˇ ngaˬ neh tseˇ doˆ-euˬ gʼaˬ maˬ oe keuˆ kʼoeˇ keuˆ ni, kʼoeˇ loꞈ-ehˇ maˬ jahˇ te siˬ. Kʼoeˇ gʼaˬ-ahˇ meuˬ heu meuˬ biꞈ tsehˆ nehˬ ma.