Yeˬlaˬmiˇ 31:7 - Akha

⁷ Sahˬpaˬ Miˬyehˇ heu loꞈ-ehˇ ehˇ-eu meh. “Dawˬ tawˆ kʼoeˇ taˆ huiˬ-eu tsawˇ jeuˬ pyeuꞈ-eu, Iˇsaˬleˬlaˆ gʼaˇ duˬ laˬ kʼaˬ cehˇ-eu caˇ dawˬ caˇ-awˬ. Sahˬpaˬ Miˬyehˇ aˬ yawꞈ-euˬ tsawˇ jeuˬ ka kʼoꞈ-awˇ, kʼaˇ dzeˇ luꞈ-eu deuˬ-ahˇ sheuˬ kʼoꞈ laꞈ-euˬ meh lehˇ, ja ceuˬ-eu caˇ dawˬ caˇ-awˬ.

Yeˬlaˬmiˇ 31:7 Referans Kwoze

Iˇsaˬyaˇ 37:31

Yuˇdaˆ miˇ kʼahˬ laꞈ kʼoeˇ maˬ luˬ maˬ seˇ-iˇ-ehˇ kʼaˇ ya dzeuˇ-iˇ-euˬ tsawˇ haˬ dawˬ tawˆ luꞈ, yaw naꞈ-ahˇ duˬ ciˇ toeˬ ziꞈ-awˇ mehˇ laˇ-euˬ miˇ neh aˇ siˬ sahˇ le-eu sahˬ lahˬ aˇ bawˇ loꞈ-ehˇ, dehꞈ doˆ dzaˬ laˇ tehꞈ-a.

Jaceuq 28:9

Sahˬpaˬ Miˬyehˇ-oˇ, nawˬ-euˬzaˬdeuˬ-ahˇ ka kʼoꞈ-awˇ, nawˬ-euˬuˆdeuˬ-ahˇlahˬ biꞈ-awˬ. Yawˇbo-eu loꞈ-ehˇ bo saˆ-awˇ, mˬmaˬmaˬbyaˆ dah teˬnehˬ-awˬ.

Jaceuq 14:7

Iˇsaˬleˬlaˆ-ahˇ ka kʼoꞈ-eu, Ziˇoˬgawˬjawˬ-ahˇneh oe meh. Aˬyawꞈmaꞈpaˇdehꞈdzaˬlaˇni, SahˬpaˬMiˬyehˇ caw ba nehˬngeh, Yaˬkoˆlaˬkʼaˬcehˇdui dui-awˇ, Iˇsaˬleˬlaˆ byawˬdui tehꞈ-a.

Yeˬlaˬmiˇ 23:3

Dzeˇ luꞈ-eu ngaˬ-euˬ tsawˇ haˬ deuˬ-ahˇ, ngaˬ neh aˬ yawꞈ maꞈ-ahˇ teh byaˆ taˬ-euˬ miˇ kʼahˬ deuˬ laꞈ kʼoeˇ neh paˇ sheuˬ kʼoꞈ doˆ laꞈ-awˇ, aˬ yawꞈ maꞈ-euˬ miˇ kʼahˬ-ahˇ paˇ bi gʼoꞈ jawˇ laˇ ma.

Lormav 11:5

Nymˬ-mˇ kʼawꞈ, kʼoeˇ gaˇ duˇ-eu meh. Miˬyehˇ gʼawˬ shaˬ gaˬ-awˇ tseˇ doˆ taˬ-euˬ tsawˇ haˬ ui cuiˆ dzeˇ-eu meh.

Lormav 9:27

Iˇsaˬ leˬ laˇ tsawˇ jeuˬ gaˇ kawˆ Iˇsaˬyaˇ neh heu loꞈ-ehˇ ehˇ taˬ-euˬ meh. “Iˇsaˬleˬlaˆ tsawˇ haˬ deuˬ iˬ ma laˆ shaˆ lawˇ deh-ahˇ jaˆ-eu kʼaˇ shuiꞈ loꞈ-ehˇ myaꞈ kʼawꞈ, ka kʼoꞈ-eu jeˬ za-eu tsawˇ haˬ cuiˆ dui dui tehꞈ-a.

Zeˬpaˬniˇ 2:9

Ngaˇ Baoˬ huiˬ-eu Sahˬpaˬ Miˬyehˇ, Iˇsaˬleˬlaˆ tsawˇ jeuˬ kʼoeˇ taˆ, Miˬyehˇ kʼaˇ pyeuꞈ luꞈ kʼoeˇ keuˆ ni, Mawˇbaˆ hawˇ-eu Aˬmoˬ tsawˇ jeuˬ, Sawˇdoˬ Gawˇmawˇlaˆ meuˬ loꞈ-ehˇ, kʼehˬ nehˬ kʼaˆ nehˬ gaˇ bi daˬ ma. Saˬ deuꞈ duˬ kʼahˬ pyeuꞈ-iˇ jiˇ-awˇ, yaˇ moꞈ neh bi uˆ tehˬ byoˆ-awˇ, yaˇ ziˇ yaw cawˆ-ehˇ jaˆ tehꞈ-a. Buˬ-iˇ-euˬ ngaˬ-euˬ tsawˇ haˬ deuˬ, miˇ kʼahˬ kʼoeˇ deuˬ ya geuꞈ tehꞈ-a.”

Miˇkaˬ 7:18

Sahˬpaˬ Miˬyehˇ-oˇ, nawˬ-ahˇ duˇ-eu miˬ yehˇ nui gʼaˬ maˬ jawˇ-a. Luˬ-iˇ seˇ-iˇ-eu jeˬ-ahˇ buˬ-iˇ law-iˇ-euˬ nawˬ-euˬ tsawˇ haˬ deuˬ-euˬ iˬ baˇ-ahˇ nawˇ pyehˬ nehˬ-euˬ meh. Nawˇ-aˬ, aˬ myah luꞈ nui ma pehˇ pehˇ-ehˇ maˬ jawˇ ni, maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ nga maꞈ-ahˇ bi mawˇ-eu laꞈ kʼoeˇ nawˇ nui kʼahˇ shiˇ-eu meh.

Miˇkaˬ 2:12

“Ehˇ kʼawꞈ, kʼaˇ dzeuˇ-iˇ-euˬ naw maꞈ Iˇsaˬleˬlaˆ tsawˇ haˬ deuˬ-ahˇ ngaˇ kuˇ uiˬ ma. Kuˆ-ahˇ gʼoꞈ uˇ laˇ-eu yawˇ deuˬ loꞈ-ehˇ naw maꞈ-ahˇ ngaˇ tiˬ gaˇ tehꞈ-ehˇ sheuˬ uiˬ ma. Gaˆ dzaˬ duˬ-ahˇ yawˇ tiˬ byah ni gaˆ luꞈ-eu loꞈ-ehˇ, naw maꞈ miˇ kʼahˬ laꞈ kʼoeˇ tsawˇ haˬ paˇ myaˬ laˇ tehꞈ-a.”

Aˬmoˆ 5:15

Yaw haiˬ jeˬ-ahˇ bye-awˇ, yaw muiˬ jeˬ-ahˇ gaˬ-eu laꞈ kʼoeˇ, yaˇ kʼaˬ daˇ-eu saˇ naˇ-ahˇ yaw tsaˬ yaw dawˇ jeˬ bi doˆ laˇ-awˬ. Miˇ kʼahˬ heu kʼahˬ laꞈ kʼoeˇ maˬ shiˇ-ehˇ kʼaˇ dzeˇ yaꞈ-euˬ deuˬ-ahˇ Sahˬpaˬ Miˬyehˇ gʼawˬ shaˬ gaˬ nehˬ laꞈ-eu duˇ.

Yawˇlaˆ 2:32

Sahˬpaˬ Miˬyehˇ-euˬ tsawˇ myahˇ-ahˇ, kuˇ-eu tsawˇ haˬ yawˬ gʼaˬ na luꞈ, ka kʼoꞈ-eu jeˬ-ahˇ za tehꞈ-a. Sahˬpaˬ Miˬyehˇ ehˇ taˬ-euˬ-aˬ. ‘Yeˬluˇsaˬlehˬ meuˬ-ahˇ jawˇ-eu, tiˬ paˆ na deuˬ ya dzeuˇ-iˇ-awˇ, ngaˬ neh tseˇ doˆ taˬ-euˬ kʼoeˇdeuˬ, buˬ-iˇ law-iˇ dzeuˇ-iˇ tehꞈ-a.’ ”

Hawˇseˬ 1:7

Ehˇ kʼawꞈ, Yuˇdaˆ miˇ kʼahˬ zaˬ deuˬ-ahˇ ngaˬ-euˬ nui gaˬ bi mawˇ ma. Aˬ yawꞈ maꞈ-euˬ Miˬyehˇ pyeuꞈ-eu ngaˇ Sahˬpaˬ Miˬyehˇ, aˬ yawꞈ maꞈ-ahˇ ka kʼoꞈ nehˬ ma. Ehˇ kʼawꞈ, guiˇ deuˆ-awˇ ka kʼoꞈ nehˬ-eu lehˇ gʼeh-eu maˬ ngeuˇ, mi cehˇ neh maˬ ehˇ, kaˆ neh maˬ ehˇ, kaˆ myaˬ neh maˬ ehˇ, mahˬ neh maˬ ehˇ, mahˬ dziˬ-eu yehˇ deuˬ neh maˬ ehˇ, aˬ yawꞈ maꞈ-ahˇ ka kʼoꞈ-eu lehˇ gʼeh-eu maˬ ngeuˇ.”

Yeˬsaˬgeˬlaˇ 6:8

“Tsawˇ haˬ tiˬ paˆ na deuˬ-ahˇ, maˬ bi sehꞈ ni bi dzeuˇ-iˇ-awˇ, aˬ cawˬ miˇ kʼahˬ laꞈ kʼoeˇ bi jawˇ byaˆ jiˇ ma.

Iˇsaˬyaˇ 61:9

Miˇ kʼahˬ tsawˇ jeuˬ kʼoeˇ taˆ aˬ yawꞈ maꞈ-euˬ tsawˇ myahˇ doˆ-awˇ, aˬ yawꞈ maꞈ ngaˬ neh guiˬ lahˬ biꞈ nehˬ-euˬ tsawˇ jeuˬ pyeuꞈ-eu gaˇ kawˆ, aˬ yawꞈ maꞈ-ahˇ kʼaˇ mawˇ-eu deuˬ siˬ nya tehꞈ-a.”

Iˇsaˬyaˇ 44:23

Mˬ-oˇ, laˬ kʼaˬ cehˇ-awˇ guˇ-awˬ. Miˇ tsaˬ yaw naꞈ tsahˇ-oˇ, guˇ-awˬ. Gawˬ jawˬ deuˬ laˬ kʼaˬ cehˇ-awˇ yaw kʼaˆ-ehˇ guˇ-awˬ. Sahˬ kʼaˆ-ahˇ kʼaˇ dehꞈ-eu aˇ bawˇ yawˬ bawˇ na luꞈ guˇ-awˬ. Iˇsaˬleˬlaˆ tsawˇ jeuˬ-ahˇ Sahˬpaˬ Miˬyehˇ ka kʼoꞈ-eu laꞈ kʼoeˇ, aˬ yawꞈ huiˬ-eu mahˇ-eu gaˇ kawˆ bi mawˇ-euˬ meh.

Iˇsaˬyaˇ 37:4

Aˬshuˇliˆ sahˬ paˬ neh aˬ yawꞈ-euˬ yaw huiˬ yaw mahˇ gʼaˬ-ahˇ pyehˬ gʼeh leꞈ-awˇ, dehꞈ luꞈ-eu Miˬyehˇ-ahˇ yehˬ bawˬ sehˇ lu-ehˇ bi ehˇ le-euˬ meh. Kʼoeˇ loꞈ-ehˇ yehˬ bawˬ sehˇ lu-ehˇ ehˇ-eu dawˬ-ahˇ nawˬ-euˬ Miˬyehˇ pyeuꞈ-eu Sahˬpaˬ Miˬyehˇ ya gaˬ-awˇ, kʼoeˇ loꞈ-ehˇ ehˇ-eu tsawˇ haˬ deuˬ-ahˇ kʼehˬ nehˬ kʼaˆ nehˬ luꞈ-uˇ. Kʼoeˇ miˇ neh, maˬ luˬ maˬ seˇ-iˇ-ehˇ dzeˇ-eu aˬ dui-euˬ tsawˇ haˬ deuˬ gʼaˇ duˬ, Miˬyehˇ-ahˇ guiˬ lahˬ shaˇ nehˬ laꞈ-awˬ.”

Iˇsaˬyaˇ 11:11

Aˇ nah aˇ yamˬ kʼoeˇ yamˬ keuˆ le ngeh, Sahˬpaˬ Miˬyehˇ aˬ laꞈ cawˬ ja-awˇ, aˬ cawˬ-euˬ miˇ kʼahˬ-ahˇ dzeˇ luꞈ-eu aˬ yawꞈ-euˬ tsawˇ haˬ deuˬ-ahˇ sheuˬ kʼoꞈ laꞈ tehꞈ-a. Aˬshuˇliˆ miˇ kʼahˬ, Iˇjiˇtuˆ miˇ kʼahˬ, Paˬdaˬloˆ miˇ kʼahˬ, Suˬdaˬ miˇ kʼahˬ, Eˇlamˬ miˇ kʼahˬ, Baˬbuˇloˬ miˇ kʼahˬ, Haˬmaˆ miˇ kʼahˬ hawˇ-eu, iˬ ma laˆ shaˆ lawˇ deh caw caw-ehˇ jaˆ-eu miˇ kʼahˬ deuˬ hawˇ-eu iˬ ma laˆ shaˆ laꞈ kʼoeˇ jaˆ-eu iˇ jaw lahˇ deuˬ laꞈ kʼoeˇ kʼaˇ dzeˇ-eu aˬ yawꞈ-euˬ tsawˇ haˬ deuˬ-ahˇ, aˬ yawꞈ sheuˬ kʼoꞈ doˆ laꞈ tehꞈ-a.

Iˇsaˬyaˇ 1:9

Baoˬ huiˬ-eu Sahˬpaˬ Miˬyehˇ neh, aˬ dui tiˬ paˆ na deuˬ-ahˇ maˬ bi dzeuˇ-iˇ law nmˇ-aˬ, Sawˇdoˬ meuˬ hawˇ-eu Gawˇmawˇlaˆ meuˬ loꞈ-ehˇ, ya shiˇ cuˆ jiˇ-eu yaw duˬ baw law hawˇ nga.

Jaceuq 106:47

Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nga maꞈ-ahˇ ka kʼoꞈ nehˬ laꞈ. Nga maꞈ nawˬ-ahˇ guiˬ lahˬ huiˬ-awˇ, muiˬ-eu shawˇ-eu nawˬ-euˬ tsawˇ myahˇ-ahˇ ja ceuˬ nya ni, tsawˇ jeuˬ teu myaˆ ni gʼeh-eu yaw kaˬ-ahˇ jawˇ luꞈ-eu, nga maꞈ-ahˇ sheuˬ kʼoꞈ doˆ nehˬ laꞈ.

Jaceuq 69:35

Yeˬluˇsaˬlehˬ meuˬ-ahˇ aˬ yawꞈ maꞈ ka kʼoꞈ-awˇ, Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ-ahˇ aˬ yawꞈ tsoˆ muiˬ tehꞈ-a. Aˬ yawꞈ-euˬ tsawˇ haˬ deuˬ kʼoeˇ gaˇ ya jawˇ-awˇ, miˇ kʼahˬ kʼoeˇ aˬ yawꞈ maꞈ-ahˇ oꞈ tehꞈ-a.

Jaceuq 67:1

Miˬyehˇ aˬ dui-ahˇ gʼawˬ shaˬ gaˬ-awˇ, guiˬ lahˬ biꞈ laꞈ luꞈ-uˇ. Aˬ dui kʼoeˇ taˆ myaˆ pyawˬ pyuˇ luꞈ-uˇ.

Dawˬmehˬ 32:43

“Miˇ kʼahˬ tsawˇ jeuˬ dawˬ tawˆ luꞈ-oˇ, Sahˬpaˬ Miˬyehˇ-euˬ tsawˇ haˬ-ahˇ, naw maꞈ ya ja ceuˬ gaˇ keuˆ meh. Aˬ yawꞈ maꞈ-ahˇ sehꞈ-eu deuˬ-ahˇ, aˬ yawꞈ kʼehˬ nehˬ kʼaˆ nehˬ tehꞈ-a. Muiˇ-eu deuˬ-ahˇ laꞈ poˆ poˆ-awˇ, aˬ yawꞈ-euˬ tsawˇ haˬ deuˬ-ahˇ-aˬ, aˬ yawꞈ iˬ baˇ pyehˬ nehˬ tehꞈ-a.”

Dawˬmehˬ 28:13

Tsawˇ jeuˬ heu myaˆ ni gʼeh-eu laꞈ kʼoeˇ, nawˬ-ahˇ aˬ cawˬ aˬ yuiꞈ bi geuꞈ laꞈ-awˇ, nawˇ aˬ cawˬ mehˬ nah maˬ ya cah-aˇ. Iˬ nah ngaˇ nawˬ-ahˇ biꞈ-euˬ aˬ yawꞈ-euˬ zahˇ dawˬ kʼoꞈ dawˬ deuˬ-ahˇ nawˇ saˇ jaˇ ziꞈ-eu laꞈ kʼoeˇ naˇ haˬ geuꞈ naˇ, aˬ myah luꞈ baw le za le-awˇ, maˬ ya shaˬ maˬ ya zahˬ-aˇ.

Yeˬlaˬmiˇ 3:23

Gawˬ duˇ uˬ du kʼaˇ ngeuˇ gaˇ lawˇ ciꞈ zaˬ deuˬ uˬ duˬ tahˬ-eu jeˬ, nga maꞈ gʼaˇ duˬ tiˬ jeˬ-iˬ gaˇ dahˇ maˬ tsoeˬ nya. Iˇsaˬleˬlaˆ-ahˇ caw ba-euˬ jeˬ-aˬ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ jawˇ gaˇ neh doˆ le-eu tehꞈ meh.

Yeˬlaˬmiˇ 20:13

Sahˬpaˬ Miˬyehˇ-ahˇ caˇ-awˇ ja ceuˬ-awˬ. Sahˬpaˬ Miˬyehˇ-ahˇ ja ceuˬ-awˬ. Haiˬ-eu tsawˇ haˬ deuˬ neh bi kʼehˬ-euˬ tsawˇ haˬ-ahˇ, aˬ yawꞈ ka kʼoꞈ doˆ nehˬ-eu meh.

Yeˬlaˬmiˇ 31:12

Aˬ yawꞈ maꞈ Ziˇoˬ gawˬ jawˬ-ahˇ laˇ-awˇ, laˬ kʼaˬ cehˇ-eu caˇ dawˬ caˇ laˇ tehꞈ-a. Ngaˬ neh biꞈ-euˬ laꞈ sawˬ pyeuꞈ-eu, dzaˬ la gʼo cehˇ, aˬ gaꞈ dzaˇ uiˇ, saˬ loˬ tsiˇ deuˬ hawˇ-eu, mawˇ nyoˬ jeˬ kaˇ deuˬ-ahˇ aˬ yawꞈ maꞈ nui kʼahˇ shiˇ tehꞈ-a. Iˇ cuꞈ tiˬ loꞈ za-eu yaˇ kmˇ tiˬ kmˇ loꞈ-ehˇ, aˬ yawꞈ maꞈ ehˇ kʼaˇ maˬ za ni dehꞈ dzaˬ tehꞈ-a.

Ngoeˇ dawˬ 1:1

Tsawˇ haˬ tiˬ teuˇ jawˇ-euˬ meuˬ kʼoeˇ, nymˬ-mˇ ciˬ cuˇ ni jaˆ-eu meh. Miˇ kʼahˬ tsawˇ jeuˬ tiˬ tahˇ tiˬ yaˇ, yaw zeu baw dui dui-euˬ meuˬ kʼoeˇ, miˬ coeˬ coeˬ-iˇ gaˇ duˇ-eu meh. Meuˬ kʼaˇ jaˆ-eu dawˬ tawˆ mehˬ shi, sahˬ paˬ zaˬ miˬ-ahˇ duˇ-euˬ meuˬ, aˬ cawˬ zaˬ kʼaˆ pyeuꞈ-iˇ-euˬ meh.

Jaceuq 126:2

Aˬ dui laˬ kʼaˬ cehˇ dui dui-awˇ uiˇ-euˬ laꞈ kʼoeˇ, laˬ kʼaˬ cehˇ-eu caˇ dawˬ caˇ dui dui-euˬ ma. Kʼoeˇ ngeh, aˬ dui gʼaˇ duˬ Sahˬpaˬ Miˬyehˇ, huiˬ-eu jeˬ mˇ-euˬ gaˇ kawˆ-ahˇ, miˇ kʼahˬ tsawˇ jeuˬ deu ja-eu meh.

Iˇsaˬyaˇ 52:8

Sahˬpaˬ Miˬyehˇ Ziˇoˬ meuˬ-ahˇ gʼoꞈ le luꞈ gaˇ, myaˆ nuiˆ ya mawˇ duˬ-eu miˇ neh, meuˬ-ahˇ loꞈ piˇ-eu deuˬ laˬ kʼaˬ tiˬ cehˇ, tiˬ kawˆ loꞈ-ehˇ guˇ dui dui meh.