Yeˬlaˬmiˇ 31:22 - Akha

²² Saˇ jaˇ maˬ ziꞈ-eu tsawˇ jeuˬ-oˇ, aˇ myah keuˆ ni nyi naˬ-eu lehˇ gʼeh te. Miˇ tsaˬ kʼoeˇ taˆ yaw shuiꞈ tiˬ jeˬ ngaˇ beh paˇ taˬ-euˬ ma. Kʼaˬ dzeˇ zaˬ-ahˇ zaˬ miˬ zaˬ ya haw piˇ paˬ-ehˇ, tahˬ poˆ-ehˇ beh paˇ taˬ-euˬ ma.”

Yeˬlaˬmiˇ 31:22 Referans Kwoze

Yeˬlaˬmiˇ 49:4

Aˬ jeˬ miˇ neh naw maꞈ loꞈ-ehˇ gʼeh-eu saˇ jaˇ maˬ ziꞈ-eu tsawˇ jeuˬ kʼahˬ sehˇ jehˆ te. Naw maꞈ-euˬ gʼaˬ teˬ le luꞈ-eu maˬ siˬ laˇ nya loˇ. Naw maꞈ-euˬ gʼaˬ-ahˇ naw maꞈ gʼoe-awˇ, tsawˇ haˬ tiˬ gʼaˬ-iˬ nga maꞈ-ahˇ guiˇ maꞈ deuˆ laˇ peuˬ-aˇ lehˇ, aˬ jeˬ miˇ neh naw maꞈ ehˇ te.

Yeˬlaˬmiˇ 7:24

Ehˇ kʼawꞈ, aˬ yawꞈ maꞈ naˬ bawˇ maˬ gaˬ leˇ-ehˇ, aˬ yawꞈ maꞈ-euˬ gʼahˇ-eu nui ma hawˇ-eu haiˬ-eu nui ma laꞈ kʼoeˇ kʼaˇ noeˬ doˆ laˇ-euˬ jeˬ mˇ-awˇ, muiˬ laˇ jaˬ laˇ-eu jeˬ maˬ jaˆ-eu uˬ taꞈ, tiˬ jawˇ saˇ-i tiˬ jawˇ doeˇ dzehˬ laˇ-euˬ meh.

Maꞈtehˬ 1:21

Aˬ yawꞈ aˬ li tiˬ li ciˬ tehꞈ-a. Aˬ li kʼoeˇ li-ahˇ Yeˬsuˇ lehˇ nawˇ myahˇ nehˬ-awˬ. Aˬ jeˬ miˇ neh ehˇ naˇ, aˬ li kʼoeˇ li-aˬ, aˬ yawꞈ-euˬ tsawˇ haˬ deuˬ-ahˇ iˬ baˇ laꞈ kʼoeˇ ka kʼoꞈ doˆ nehˬ tehꞈ-a.”

Hawˇseˬ 11:7

Ngaˬ-ahˇ byehˇ-awˇ cehˆ-eu gʼaˇ duˬ, ngaˬ-euˬ tsawˇ haˬ zeuˆ pyawˇ-euˬ meh. Kʼaˆ baꞈ kah dui dui-eu miˇ neh, aˬ yawꞈ maꞈ guˇ guˇ-ehˇ ngoeˇ kʼawꞈ, baꞈ ka nehˬ-eu gʼaˬ maˬ jawˇ-aˇ.

Hawˇseˬ 8:5

Saˬmaˬliˆ meuˬ uˬ duˬ tahˬ-eu, shuiˇ mawˇ neˇ mawˇ kawˇ kʼoeˇ kawˇ-ahˇ, ngaˇ tiˬ pawꞈ-iˬ maˬ haw nahˇ nya. Mawˇ kawˇ kʼoeˇ-ahˇ uˬ duˬ tahˬ-eu, aˬ myah byehˇ dzeh-eu lehˇ gʼeh ta.

Hawˇseˬ 4:16

Mawˇ neˇ mawˇ kʼaˇ yaw gahˇ loꞈ-ehˇ, Iˇsaˬleˬlaˆ nui ma gʼahˇ meh. Muiˬ dui dui-eu gaˆ dzaˬ duˬ-ahˇ, gaˆ dzaˬ luꞈ-eu yawˇ zaˬ loꞈ-ehˇ, Sahˬpaˬ Miˬyehˇ aˬ yawꞈ maꞈ-ahˇ, bi dzaˬ bi dawˇ nya tehꞈ-a loˇ.

Yeˬlaˬmiˇ 4:14

Yeˬluˇsaˬlehˬ meuˬ-oˇ, nawˇ buˬ-iˇ law-iˇ ni, nawˬ-euˬ nui ma laꞈ kʼoeˇ yaw haiˬ jeˬ tsiˬ shawˇ-awˬ. Aˬ myah keuˆ ni yaw haiˬ jeˬ shaˇ noeˬ-eu gʼeh te.

Yeˬlaˬmiˇ 3:22

Sahˬpaˬ Miˬyehˇ-ahˇ kʼaˇ byehˇ dzeh yaꞈ-euˬ tsawˇ haˬ dawˬ tawˆ luꞈ gʼoꞈ laˇ-awˇ, naw maꞈ-euˬ naˇ gawˇ aˬ yawꞈ laˆ saˆ-awˇ, saˇ jaˇ ziꞈ-eu tsawˇ haˬ paˇ bi pyeuꞈ laˇ tehꞈ-a. Naw maꞈ heu loꞈ-ehˇ ehˇ-eu meh. “Sahˬpaˬ Miˬyehˇ-aˬ, nga maꞈ-euˬ Miˬyehˇ pyeuꞈ-eu miˇ neh, aˬ yawꞈ jawˇ gaˇ nga maꞈ gʼoꞈ laˇ-eu ma.

Yeˬlaˬmiˇ 3:6

Yawˇshiˆ sahˬ paˬ geuꞈ-awˇ uˆ lahˇ luꞈ ngeh, Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Saˇ jaˇ maˬ ziꞈ-eu zaˬ miˬ zaˬ pyeuꞈ-eu Iˇsaˬleˬlaˆ aˬ joˆ-ehˇ dehꞈ luꞈ-eu nawˇ mawˇ maˬ loˇ. Aˬ yawꞈ ngaˬ-ahˇ byehˇ dzeh yaꞈ-awˇ, gawˬ duˇ yaw goˇ kʼaˇ jaˆ gaˇ hawˇ-eu aˇ bawˇ naˇ shmˇ kʼaˇ muiˬ gaˇ, meh maˬ laˇ geuꞈ doe-euˬ meh.

Yeˬlaˬmiˇ 2:36

Aˬ cawˬ tsawˇ jeuˬ-euˬ miˬ yehˇ deuˬ-ahˇ caw teh-eu laꞈ kʼoeˇ, naw maꞈ yawˬ haˇ yawˬ ha laˆ shaˬ-eu meh. Aˬshuˇliˆ tsawˇ jeuˬ neh myaˆ pyawˬ bi laˆ cawˆ-euˬ loꞈ-ehˇ, Iˇjiˇtuˆ tsawˇ jeuˬ neh paˇ bi laˆ cawˆ gaˇ keuˆ tehꞈ-a.

Yeˬlaˬmiˇ 2:23

Baˬlaˇ miˬ yehˇ-ahˇ nawˇ uˬ duˬ tahˬ-eu laꞈ kʼoeˇ, yawˬ haˇ yawˬ ha maˬ laˆ jawꞈ-aˬ lehˇ nawˇ aˬ joˆ-ehˇ ehˇ nya nmˇ. Deh kʼawꞈ-ahˇ nawˇ iˬ baˇ mˇ taˬ-euˬ gaˇ haw sheˇ. Nawˬ neh mˇ-euˬ gaˇ deuˬ shaˇ noeˬ haw sheˇ. Nawˇ-aˬ, aˇ caˆ behˇ tsehˆ-awˇ cehˆ luꞈ-eu, law taw aˬ ma-ahˇ duˇ-eu nga.

Yeˬlaˬmiˇ 2:18

Iˇjiˇtuˆ miˇ kʼahˬ-ahˇ iˇ-eu aˬ jeˬ gaˇ dahˇ tsoeˬ nmˇ. Niˬlaˇ lawˇ baˬ iˇ cuꞈ dawˇ-iˇ-eu la. Aˇshuˇliˆ miˇ kʼahˬ-ahˇ le-eu aˬ jeˬ gaˇ dahˇ tsoeˬ nmˇ. Uˇpaˬlaˇ lawˇ baˬ-ahˇ iˇ cuꞈ dawˇ leˇ-eu la.

Iˇsaˬyaˇ 7:14

Toˆ-ehˇ jeˬ maˇ-iˬ, Sahˬpaˬ Miˬyehˇ aˬ yawꞈ-euˬ mawˇ do, nawˬ-euˬ kʼoeˇ taˆ bi siˬ bi mawˇ-eu jeˬ bi keuˆ le tehꞈ-a. Shawˇ jehˆ ni gʼeh-eu zaˬ miˬ zaˬ zaˬ guˬ tiˬ gʼaˬ aˬ nyiˇ pi leˇ-awˇ, aˬ li tiˬ li ciˬ-awˇ, Eˇmaˬnoeˬlaˇ, lehˇ myahˇ nehˬ tehꞈ-a.

Bawˇtsahˬ 16:30

Ehˇ kʼawꞈ, tiˬ jawˇ-iˬ maˬ gaˬ haw-euˬ jeˬ Sahˬpaˬ Miˬyehˇ mˇ-eu laꞈ kʼoeˇ, aˬ yawꞈ maꞈ hawˇ-eu aˬ yawꞈ maꞈ kʼaˇ jaˆ-eu jeˬ dawˬ tawˆ luꞈ tiˬ kawˆ loꞈ-ehˇ shiˇ-eu miˇ kʼahˬ-ahˇ ga keuˆ-iˇ ni, miˇ tsaˬ tsawˬ paˆ laˇ-awˇ aˬ yawꞈ maꞈ-ahˇ myoꞈ ahˇ naˇ, aˬ yawꞈ maꞈ Sahˬpaˬ Miˬyehˇ-ahˇ byehˇ dzeh-euˬ meh lehˇ naw maꞈ ya siˬ tehꞈ-a.”

Aˇ dahˬ 3:15

Nawˇ hawˇ-eu zaˬ miˬ zaˬ naw nyaꞈ yaw kaˬ, tiˬ gʼaˬ tiˇ gʼaˬ muiˇ ni ngaˇ jahˇ ma. Aˬ yawꞈ-euˬ zaˬ deuˬ hawˇ-eu nawˬ-euˬ zaˬ deuˬ, aˬ myah luꞈ tiˬ gʼaˬ tiˇ gʼaˬ muiˇ tehꞈ-a. Aˬ yawꞈ-euˬ zaˬ deuˬ nawˬ-euˬ uˬ duˬ nawˬ pyehˆ-awˇ, aˬ yawꞈ maꞈ-euˬ aˬ kuiˇ kuiˇ nuiꞈ-ahˇ nawˇ toˆ tehꞈ-a” lehˇ ehˇ nehˬ-euˬ meh.

Zaˬkaˬliˇ 7:11

“Ehˇ kʼawꞈ, ngaˬ-euˬ tsawˇ haˬ deuˬ nui ma gʼahˇ-awˇ, maˬ naˇ haˬ geuꞈ-ehˇ, naˬ bawˇ dehˬ tsoeˬ taˬ-euˬ meh.

Hawˇseˬ 14:4

Sahˬpaˬ Miˬyehˇ ehˇ-eu dawˬ-aˬ, “Ngaˬ-euˬ tsawˇ haˬ paˇ sheuˬ kʼoꞈ-awˇ, nui ma laꞈ kʼoeˇ keuˆ ni gaˬ-awˇ, nui ma pehˇ-eu jeˬ byehˇ dzeh ma.

Yeˬlaˬmiˇ 14:7

Ngaˬ-euˬ tsawˇ haˬ deuˬ ngaˬ-ahˇ heu loꞈ-ehˇ shaˇ-eu meh. Nga maꞈ iˬ bahˇ ahˇ-eu bya tsehˆ ni jaˆ luꞈ kʼawꞈ, Sahˬpaˬ Miˬyehˇ nawˬ neh saˇ jaˇ dzaˬ-euˬ loꞈ-ehˇ, nga maꞈ-ahˇ ngehˬ gʼeh nehˬ laꞈ-awˬ. Nga maꞈ nawˬ-ahˇ gʼawˬ mya poˆ byehˇ dzeh-awˇ, nawˬ-ahˇ mˇ bahˬ laˆ bahˬ-euˬ ma.

Yeˬlaˬmiˇ 13:27

Aˬ yawꞈ bye-eu jeˬ naw maꞈ mˇ luꞈ gaˇ, aˬ yawꞈ haw dehˆ laꞈ taˬ-euˬ meh. Aˬ cawˬ miˬ zaˬ-ahˇ bahˬ-eu kʼaˬ dzeˇ zaˬ loꞈ-ehˇ, mahˬ ma mehˬ nah teh-eu mahˬ paˬ yaw gʼeh loꞈ-ehˇ, gawˬ jawˬ gawˬ duˇ hawˇ-eu deh ga doe ni, lawˇ ciꞈ zaˬ-euˬ miˬ yehˇ-ahˇ naw maꞈ caw teh gaˇ, aˬ yawꞈ haw dehˆ laꞈ-euˬ meh. Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ shaˬ zahˬ ya mˇ dui dui tehꞈ-a. Aˬ myah muiˬ laˇ shawˇ laˇ-eu lehˇ gʼeh te.

Yeˬlaˬmiˇ 3:14

“Saˇ jaˇ maˬ ziꞈ-eu tsawˇ haˬ deuˬ-oˇ, gʼoꞈ laˇ-awˬ. Naw maꞈ ngaˬ-euˬ tsawˇ haˬ pyeuꞈ-eu ma. Meuˬ tiˬ meuˬ laꞈ kʼoeˇ naw maꞈ tsawˇ haˬ tiˬ gʼaˬ hawˇ-eu, aˇ jeuˬ tiˬ jeuˬ laꞈ kʼoeˇ nyiˬ gʼaˬ kuˇ doˆ-awˇ, Ziˇoˬ gawˬ jawˬ kʼoeˇ taˆ sheuˬ kʼoꞈ laꞈ ma.

Gaˬlaˬtiˆ 4:4

Ehˇ kʼawꞈ, aˇ yamˬ tsaˬ laˇ ngeh jawˇ, Miˬyehˇ neh aˬ yawꞈ-euˬ Zaˬmaˇ-ahˇ bi oe-euˬ meh. Zaˬ miˬ zaˬ-euˬ uˬ maˆ laꞈ kʼoeˇ neh dehꞈ doˆ le-awˇ, Yuˇdaˆ tsawˇ haˬ-euˬ Zahˇ dawˬ kʼoꞈ dawˬ uˬ moˆ jawˇ-euˬ meh.

Yeˬlaˬmiˇ 3:8

Iˇsaˬleˬlaˆ ngaˬ-ahˇ byehˇ dzeh yaꞈ-awˇ, meh maˬ laˇ geuꞈ iˇ-euˬ baˬ da neh, aˬ yawꞈ-ahˇ ngaˇ kʼoꞈ-awˇ teh dzeh nehˬ-euˬ gaˇ, Yuˇdaˆ mawˇ duˬ taˬ-euˬ meh. Ehˇ kʼawꞈ, Iˇsaˬleˬlaˆ-euˬ aˬ nyiˇ gʼaˬ pyeuꞈ-eu saˇ jaˇ maˬ ziꞈ-eu Yuˇdaˆ-aˬ, guˆ-eu nui ma maˬ ahˇ-ehˇ, aˬ yawꞈ gʼaˬ kʼawꞈ meh maˬ laˇ paˇ geuꞈ-euˬ meh.

Yeˬlaˬmiˇ 3:1

Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ tiˬ gʼaˬ miˬ zaˬ kʼoꞈ-awˇ, aˬ cawˬ-ahˇ paˇ mˇ dzaˬ-iˇ gʼaˬ-euˬ gaˇ, sheuˬ kʼoꞈ geuꞈ nya ta loˇ. Kʼoeˇ loꞈ-ehˇ jahˇ-eu jeˬ miˇ tsaˬ tahˬ kʼawˇ-ahˇ bahˬ-eu meh. Ehˇ kʼawꞈ Iˇsaˬleˬlaˆ nawˇ-aˬ, miˇ kʼahˬ doe ni meh maˬ laˇ geuꞈ doe-awˇ, ngaˇ jawˇ gaˇ paˇ gʼoꞈ poˆ laˇ mawꞈ-eu meh.

Yeˬlaˬmiˇ 3:4

“Ehˇ kʼawꞈ, nawˇ nymˬ-mˇ ngaˬ-ahˇ heu loꞈ-ehˇ ehˇ-eu meh. ‘Nawˇ ngaˬ-euˬ aˬ da pyeuꞈ luꞈ-awˇ, nyiˇ ngeh neh ngaˬ-ahˇ gaˬ-euˬ meh.