Yeˬlaˬmiˇ 31:18 - Akha

¹⁸ “Iˇsaˬleˬlaˆ tsawˇ haˬ heu loꞈ-ehˇ mahˇ-eu ngaˇ gaˬ-euˬ ma. Sahˬpaˬ Miˬyehˇ-oˇ nga maꞈ-aˬ, jeˬ zaˬ yaw gahˇ tiˬ mawˇ-ahˇ duˇ-euˬ kʼawꞈ, nawˬ neh laˆ yah nehˬ laꞈ-euˬ meh. Nga maꞈ-ahˇ sheuˬ kʼoꞈ laˬ le-awˬ. Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ jawˇ gaˇ gʼoꞈ laˇ-eu gʼaˇ duˬ, nga maꞈ noeˬ jiˇ-euˬ ma.

Yeˬlaˬmiˇ 31:18 Referans Kwoze

Yeˬlaˬmiˇ 31:9

Myaˆ biˇ yoeˇ-awˇ guiˬ lahˬ shaˇ-eu laꞈ kʼoeˇ, ngaˬ-euˬ tsawˇ haˬ ngaˬ-euˬ mehˬ nah caw teh kʼoꞈ laꞈ tehꞈ-a. Iˇ cuꞈ lawˇ gawˆ yoeˇ-eu paw sheuˬ gʼeh-awˇ, pehˆ toˆ kʼaˇ maˬ za-eu gaˇ ma yaw juiˇ paw neh, aˬ yawꞈ maꞈ-ahˇ ngaˇ sheuˬ doˆ kʼoꞈ laꞈ ma. Ngaˇ Iˇsaˬleˬlaˆ-euˬ aˬ da loꞈ-ehˇ gʼeh-awˇ, Eˇpaˬleˬ ngaˬ-euˬ aˬ li aˬ yuiꞈ yuiꞈ saˬ ma.”

Jaceuq 80:3

Miˬyehˇ-oˇ, nga maꞈ-ahˇ gʼeu tuˇ nehˬ laꞈ-awˬ. Nga maꞈ guˆ kʼaˇ maˬ za-ehˇ ya dehꞈ ni, nawˬ-euˬ gʼawˬ shaˬ gaˬ-eu jeˬ bi mawˇ laꞈ-awˬ.

Iˇsaˬyaˇ 9:13

Baoˬ huiˬ-eu Sahˬpaˬ Miˬyehˇ kʼoeˇ naˆ ni kʼehˬ nehˬ kʼawꞈ, Iˇsaˬleˬlaˆ tsawˇ haˬ deuˬ nui ma maˬ paˇ-ehˇ, aˬ yawꞈ jawˇ paw maˬ gʼoꞈ laˇ-aˇ.

Yawˇbaˆ 5:17

“Miˬyehˇ neh bi tsiˬ shawˇ-euˬ tsawˇ haˬ guiˬ lahˬ huiˬ-eu meh. Kʼoeˇ miˇ neh aˬ yawꞈ lawˬ haw-eu jeˬ-ahˇ nui ma taˬ pehˇ.

Panmaeq 3:19

Ngaˇ gaˬ-eu tsawˇ haˬ deuˬ-ahˇ, ngaˇ dehˬ dehˬ-ehˇ zuiˆ-eu ma. Nui ma-ahˇ noeˬ-awˇ, iˬ baˇ noeˬ poˆ-awˬ.

Gʼaˬkʼehˇ 3:26

Kʼoeˇ miˇ neh, naw maꞈ yawˬ gʼaˬ na luꞈ maˬ muiˬ maˬ jaˬ-eu jeˬ laꞈ kʼoeˇ maˬ paˇ dehꞈ ni iˬ baˇ bi noeˬ poˆ-awˇ guiˬ lahˬ biꞈ-eu gʼaˇ duˬ, Miˬyehˇ aˬ yawꞈ-euˬ Zaˬ kʼaˆ-ahˇ tseˇ doˆ-awˇ , naw maꞈ jawˇ gaˇ jeˬ huˬ pyehˬ gʼeh leꞈ-euˬ meh.”

Luˇkaꞈ 15:20

Kʼoeˇ naˇ, aˬ yawꞈ tsawˬ tuˇ laˇ-awˇ, aˬ yawꞈ-euˬ aˬ da jawˇ gaˇ gʼoꞈ leˇ-euˬ meh. “Aˬ yawꞈ gaˇ mahˇ kaˬ gaˇ gʼoꞈ laˇ luꞈ ngeh neh, aˬ yawꞈ-euˬ aˬ da aˬ yawꞈ-ahˇ haw mawˇ-awˇ, gʼawˬ shaˬ gaˬ dui dui-eu miˇ neh cehˆ coeˬ coeˬ gʼeh-awˇ, aˬ yawꞈ-ahˇ byaˇ cuꞈ-awˇ ha-eu laꞈ kʼoeˇ, mehˬ cuˇ cuˇ nehˬ-euˬ meh.

Hawˇseˬ 5:15

“Yawꞈ maꞈ iˬ baˇ noeˬ poˆ leˇ-awˇ, ngaˬ-euˬ myaˆ pyawˬ maˬ poˆ kʼoeˇ keuˆ, yawꞈ maꞈ-ahˇ ngaˇ byehˇ dzeh nehˬ ma. Yawꞈ maꞈ shaˬ zahˬ mˇ doeˇ laꞈ ngeh, ngaˬ-ahˇ poˆ laˇ-eu baw tehꞈ-a.”

Ngoeˇ dawˬ 5:21

Sahˬpaˬ Miˬyehˇ-oˇ, nga maꞈ-ahˇ, nawˇ jawˇ gaˇ sheuˬ kʼoꞈ nehˬ laꞈ-awˬ. Aˇ hu ba-euˬ yaw shehꞈ kʼahˬ sehˇ, nga maꞈ paˇ bi geuꞈ kʼoꞈ laꞈ-awˬ.

Yeˬlaˬmiˇ 17:14

Sahˬpaˬ Miˬyehˇ-oˇ, ngaˬ-euˬ naˇ gawˇ-ahˇ laˆ saˆ nehˬ laꞈ-awˬ. Nawˇ laˆ saˆ nehˬ laꞈ naˇ, ngaˬ-euˬ naˇ gawˇ taˬ leˇ tehꞈ-a. Ngaˬ-ahˇ ka kʼoꞈ nehˬ laꞈ-awˬ. Nawˇ ka kʼoꞈ nehˬ laꞈ naˇ, ngaˇ ya buˬ ya law-iˇ tehꞈ-a. Nawˬ-euˬ guiˬ lahˬ-ahˇ ngaˇ ja ceuˬ-eu ma.

Jaceuq 94:12

Sahˬpaˬ Miˬyehˇ-oˇ, nawˬ neh mehˬ nehˬ tsoˆ nehˬ-euˬ gʼaˬ aˇ naˆ ni laˬ kʼaˬ ya cehˇ-eu nga. Nawˬ neh nawˬ-euˬ zahˇ dawˬ kʼoꞈ dawˬ mehˬ nehˬ-euˬ gʼaˬ aˇ naˆ ni guiˬ lahˬ huiˬ-eu nga.

Jaceuq 80:19

Miˬyehˇ-oˇ, nga maꞈ-ahˇ gʼeu tuˇ nehˬ laꞈ-awˬ. Nga maꞈ guˆ kʼaˇ maˬ za-ehˇ ya dehꞈ ni, nawˬ-euˬ gʼawˬ shaˬ gaˬ-eu jeˬ bi mawˇ laꞈ-awˬ.

Jaceuq 80:7

Miˬyehˇ-oˇ, nga maꞈ-ahˇ gʼeu tuˇ nehˬ laꞈ-awˬ. Nga maꞈ guˆ kʼaˇ maˬ za-ehˇ ya dehꞈ ni, nawˬ-euˬ gʼawˬ shaˬ gaˬ-eu jeˬ bi mawˇ laꞈ-awˬ.

Jaceuq 32:9

Mehˬkaꞈdawˆ-awˇya zuiˆgʼaˬ-eu, haiˬ-eu mahˬpaˬloꞈ-ehˇtaˬgʼeh.”

HeˬByehˇ 12:5

Miˬyehˇ naw maꞈ-ahˇ aˬ yawꞈ-euˬ zaˬ deuˬ loꞈ-ehˇ sawˇ-awˇ gʼaˬ biꞈ-euˬ dawˬ-ahˇ naw maꞈ ngehˇ-euˬ te loˇ. “Ngaˬli nawˇ dehꞈ lehˬ-euˬ miˇ neh, Sahˬpaˬ Miˬyehˇ mehˬ ngeh tsoˆ ngeh, yaw muiˬ paˬ-ehˇ naˇ haˬ geuꞈ-awˬ. Aˬ yawꞈ nawˬ-ahˇ zuiˆ-awˇ mehˬ ngeh, nui ma taˬ baˬ, nui ma taˬcawˆ.

Piˇliˇpiˆ 2:13

Aˬ jeˬ miˇ neh ehˇ naˇ, naw maꞈ nui ma keuˆ ni maˬ ehˇ, Miˬyehˇ-euˬ nui kʼahˇ mˇ nya ni maˬ ehˇ, naw maꞈ laꞈ kʼoeˇ Miˬyehˇ aˬ myah luꞈ gaˇ mˇ luꞈ meh.

Luˇkaꞈ 1:17

Aˬ da hawˇ-eu zaˬ deuˬ tsaˬ leˇ tsahˇ leˇ nya ni maˬ ehˇ, naˬ lehˬ lehˬ-eu tsawˇ haˬ deuˬ yaw tsaˬ yaw dawˇ tsawˇ haˬ-euˬ nui noeˬ mehˬ nah caw teh laˇ ni maˬ ehˇ, Sahˬpaˬ Miˬyehˇ-euˬ tsawˇ jeuˬ-ahˇ Sahˬpaˬ Miˬyehˇ gʼaˇ duˬ bi lehˬ hmˬ dah taˬ-eu gʼaˇ duˬ maˬ ehˇ, Eˇliˇyaˆ-euˬ nui ma hawˇ-eu baoˬ aˬ yawꞈ pi-awˇ, Sahˬpaˬ-euˬ mehˬ hu aˬ yawꞈ iˇ tehꞈ-a.”

Maˬlaˬkiˇ 4:6

Aˬ da hawˇ-eu zaˬ deuˬ dehꞈ taꞈ dehꞈ dzoeˇ nya ni aˬ yawꞈ jahˇ le tehꞈ-a. Kʼoeˇ loꞈ-ehˇ maˬ ngeuˇ naˇ, naw maꞈ-euˬ miˇ kʼahˬ-ahˇ ngaˇ oe-awˇ, yaˬ kʼehˇ yaˬ-awˇ laˆ cawˆ paˬ-ehˇ gʼeh nya.”

Zeˬpaˬniˇ 3:2

Dawˬ muiˬ tmˇ-eu maˬ gʼoˆ geuꞈ-ehˇ, mehˬ gaˇ tsoˆ gaˇ maˬ naˇ haˬ-a. Sahˬpaˬ Miˬyehˇ-ahˇ maˬ gʼoe-ehˇ, Miˬyehˇ dawˬ peh maˬ nyiˬ laˇ-a.

Hawˇseˬ 10:11

“Aˇ hu Iˇsaˬleˬlaˆ tsawˇ haˬ, yaw muiˬ paˬ-ehˇ dzaw nya taˬ-euˬ, cehˇ nawˬ-eu lehˇ lehˬ hmˬ taˬ-euˬ, mawˇ neˇ mawˇ kʼaˇ-ahˇ duˇ-eu meh. Ehˇ kʼawꞈ muiˬ-eu kʼawˬ lahˇ kʼoeˇ taˆ, nyoˬ tsehˬ laꞈ gʼahˬ baꞈ daˆ nehˬ-awˇ, myawˬ kʼaˆ bi mˇ dahˬ beh-euˬ ma. Yuˇdaˆ-ahˇ deh yaˇ bi tsehˬ-awˇ, aˬ yawꞈ jehˆ kaˆ bi gʼeu-euˬ ma.

Hawˇseˬ 4:16

Mawˇ neˇ mawˇ kʼaˇ yaw gahˇ loꞈ-ehˇ, Iˇsaˬleˬlaˆ nui ma gʼahˇ meh. Muiˬ dui dui-eu gaˆ dzaˬ duˬ-ahˇ, gaˆ dzaˬ luꞈ-eu yawˇ zaˬ loꞈ-ehˇ, Sahˬpaˬ Miˬyehˇ aˬ yawꞈ maꞈ-ahˇ, bi dzaˬ bi dawˇ nya tehꞈ-a loˇ.

Yeˬlaˬmiˇ 31:6

Meuˬ-ahˇ loꞈ piˇ-eu tsawˇ haˬ deuˬ, aˬ dui maꞈ-euˬ Miˬyehˇ pyeuꞈ-eu Sahˬpaˬ Miˬyehˇ jawˇ gaˇ, Ziˇoˬ gawˬ jawˬ-ahˇ le beuˇ lehˇ, Eˇpaˬleˬ miˇ kʼahˬ gawˬ jawˬ gawˬ duˇ kʼoeˇ taˆ guˇ tehꞈ-a.”

Yeˬlaˬmiˇ 5:3

Saˇ jaˇ ziꞈ-eu jeˬ-ahˇ Sahˬpaˬ Miˬyehˇ aˬ diˇ poˆ-awˇ, naw maꞈ-ahˇ diˬ kʼawꞈ maˬ diˬ paˇ nya ehˇ, nawˬ pahˬ nehˬ kʼawꞈ naw maꞈ-ahˇ maˬ dzaw paˇ nya-a. Nawˬ-euˬ nui ma gʼahˇ-awˇ iˬ baˇ-ahˇ maˬ byehˇ-a.

Yeˬlaˬmiˇ 3:25

Shaꞈ dawˇ-eu laꞈ kʼoeˇ yuꞈ ja-awˇ, daˬ ga-eu jeˬ neh bi sheu kaˬ paˬ-ehˇ gʼeh miˇ-a. Nga maꞈ hawˇ-eu nga maꞈ-euˬ aˬ poeˬ aˬ bawˇ deuˬ, nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ myah luꞈ puiˬ-awˇ, aˬ yawꞈ-euˬ zahˇ dawˬ kʼoꞈ dawˬ-ahˇ tiˬ jawˇ-iˬ maˬ naˇ haˬ geuꞈ ni dehꞈ-euˬ ma.”

Yeˬlaˬmiˇ 2:30

Ngaˬ neh mehˬ paˇ-euˬ jeˬ nawˇ maˬ geuꞈ-eu miˇ neh, nawˬ-ahˇ ngaˇ kʼehˬ kʼawꞈ gaˇ dahˇ maˬ tsoeˬ-a. Haiˬ dui dui-eu aˇ laˬ jaˬ shiˇ loꞈ-ehˇ, ngaˬ-euˬ gʼaˇ duˬ bi ngehˬ dah-euˬ deuˬ-ahˇ nawˇ sehꞈ-euˬ meh.

Iˇsaˬyaˇ 53:7

“Kʼaˆ dui dui-eu kʼehˬ-eu jeˬ-ahˇ aˬ yawꞈ ya daˬ-euˬ kʼawꞈ, dawˬ gʼoꞈ maˬ doˆ ni daˬ-euˬ meh. Bi diˬ sehꞈ-eu lehˇ tsahˇ taˬ-euˬ yawˇ zaˬ hawˇ-eu, caꞈ hm bi tehˬ geuꞈ-eu lehˇ gʼeh-eu yawˇ loꞈ-ehˇ, aˬ yawꞈ dawˬ gʼoꞈ tiˬ pawꞈ-iˬ maˬ doˆ-a.

Iˇsaˬyaˇ 51:20

Nawˬ-euˬ tsawˇ haˬ deuˬ gʼaˬ jiˇ-awˇ, baw gʼaꞈ-ahˇ coeˬ paꞈ-euˬ kʼaˬ tsehˆ loꞈ-ehˇ, gaˇ ma gaˇ tsmˇ kʼaˇ jaˆ gaˇ coˬ lah-awˇ, Sahˬpaˬ Miˬyehˇ-euˬ nui pehˇ-ahˇ aˬ yawꞈ maꞈ ya siˬ duˬ-euˬ meh.

Iˇsaˬyaˇ 1:5

Aˬ jeˬ miˇ neh teuˆ naˆ naˆ-ehˇ biˬ kʼehˬ mawꞈ-eu nya. Aˬ jeˬ miˇ neh, teu naˆ naˆ-ehˇ puiˬ mawꞈ-euˬ nya. Naw maꞈ-euˬ uˬ duˬ deh leuꞈ deh kʼaw-awˇ, naw maꞈ-euˬ nui ma nyoeˬ-iˇ-euˬ nga.

Dawqdaq 29:1

Ngehˬ-ehˇ mehˬ naˇ ngehˬ-ehˇ nui ma huiˬ-eu tsawˇ haˬ, tiˬ nah ya shaˬ byoˆ leꞈ tehꞈ-a.

Dawqdaq 26:3

Mahˬ-ahˇ aˇ caˆ neh ya juiꞈ-awˇ, mahˬ tahˬ laˆ-ahˇ mehˬ kawꞈ ya dawˆ-eu loꞈ-ehˇ, aˬ dzawˬ-ahˇ ya diˬ paˇ-eu meh.

Dawqdaq 3:11

Ngaˬ li-oˇ, Sahˬpaˬ Miˬyehˇ-euˬ zahˇ sahˇ kʼoꞈ-ahˇ yaw zeu baw-awˇ, aˬ yawꞈ mehˬ nehˬ tsoˆ nehˬ laꞈ ngeh nui ma taˬ cawˆ.

Jaceuq 119:75

Sahˬpaˬ Miˬyehˇ-oˇ, nawˇ yaˇ kʼaˬ daˇ-eu jeˬ yaw tsaˬ yaw dawˇ meh lehˇ ngaˇ siˬ nya ma. Nawˇ saˇ jaˇ ziꞈ-eu miˇ neh ngaˬ-ahˇ kʼehˬ nehˬ laꞈ-euˬ meh lehˇ ngaˇ siˬ nya ma.

Jaceuq 85:4

Nga maꞈ-ahˇ ka kʼoꞈ-eu gʼaˬ pyeuꞈ-eu Miˬyehˇ-oˇ, nga maꞈ-ahˇ sheuˬ kʼoꞈ le nehˬ laꞈ. Nga maꞈ kʼoeˇ taˆ nawˇ nui ma maˬ saˇ-eu jeˬ bi byoˆ-iˇ nehˬ laꞈ.

Iˇsaˬyaˇ 63:16

Sahˬpaˬ Miˬyehˇ nawˇ nga maꞈ-euˬ aˬ da ma. Nga maꞈ-euˬ aˬ da yaw dzahˇ Aˬbyaˬhaˬ hawˇ-eu Yaˬkoˆ, nga maꞈ-ahˇ maˬ siˬ nya-euˬ kʼawꞈ, nawˇ nga maꞈ-euˬ aˬ da pyeuꞈ-awˇ, nga maꞈ-ahˇ aˬ myah luꞈ ka kʼoꞈ-euˬ meh.

Bawˇtsahˬ 2:18

Eˇpaˬleˬ guiˇ maꞈ deuˬ-aˬ, nahˇ ma doˆ kʼehˬ paw pyawˬ-ahˇ, aˬ yawꞈ maꞈ-euˬ paˇ loˬ paˇ lehˇ uˬ moˆ sehˬ gʼawˆ gʼawˆ-awˇ ya jawˇ meh. Eˇpaˬleˬ tsawˇ haˬ kʼoeˇ taˆ aˬ yuiꞈ aˬ tsu geuꞈ-eu gʼaˬ-aˬ, Aˬmiˇhuˆ-euˬ aˬ li Iˇliˇshaˬmaˇ meh.

Jaceuq 118:18

Aˬ yawꞈ ngaˬ-ahˇ yaw kʼaˆ-ehˇ kʼehˬ nehˬ laꞈ-euˬ kʼawꞈ, shiˇ gaˇ maˬ bi keuˆ-a.

Jaceuq 119:67

Nawˇ ngaˬ-ahˇ maˬ kʼehˬ mi naˆ-ehˇ ngaˇ dehꞈ lehˬ-euˬ kʼawꞈ, nymˬ-mˇ ngaˇ nawˬ-euˬ dawˬ-ahˇ naˇ haˬ-eu ma.

Yeˬsaˬgeˬlaˇ 20:43

Kʼoeˇ ngeh jawˇ, naw maꞈ neh mˇ dzeuˇ yaꞈ-euˬ shaꞈ dawˇ paˬ-ehˇ gʼeh-eu gaˇ deuˬ hawˇ-eu, naw maꞈ yawˬ haˇ yawˬ ha laˆ jawꞈ-euˬ gaˇ kawˆ-ahˇ noeˬ mawˇ laˇ tehꞈ-a. Naw maꞈ neh mˇ dzeuˇ yaꞈ-euˬ yaw haiˬ jeˬ baˬ da neh, naw maꞈ yawˬ haˇ yawˬ ha nui daˆ daˆ tehꞈ-a.

Daˬyeˬlaˇ 9:13

Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ kʼaˇ boꞈ taˬ-euˬ kʼehˬ-eu kʼaˆ-eu jeˬ nga maꞈ kʼoeˇ taˆ keuˆ le gʼaˬ-euˬ meh. Ehˇ kʼawꞈ, nga maꞈ-eu Miˬyehˇ pyeuꞈ-eu Sahˬpaˬ Miˬyehˇ-oˇ, nga maꞈ iˬ baˇ mˇ-eu maˬ naˬ leˇ-ehˇ, nymˬ-mˇ keuˆ ni nawˬ-euˬ nui kʼahˇ hawˇ-eu nawˬ-euˬ yaw tsaˬ yaw dawˇ jeˬ-ahˇ maˬ poˆ ni dehꞈ luꞈ-eu ma.

Yawˇnaˆ 3:10

Aˬ yawꞈ maꞈ kʼoeˇ loꞈ-ehˇ jahˇ luꞈ-awˇ, aˬ yawꞈ maꞈ neh mˇ-euˬ yaw haiˬ jeˬ-ahˇ byehˇ dzeh-euˬ gaˇ Miˬyehˇ ya mawˇ ngeh, nui ma paˇ laˇ-awˇ, aˬ yawꞈ maꞈ-ahˇ kʼehˬ nehˬ kʼaˆ nehˬ ma lehˇ ehˇ taˬ gʼaˬ-euˬ kʼawꞈ, maˬ kʼehˬ nehˬ ni byehˇ-euˬ meh.

Maˬlaˬkiˇ 3:16

Kʼoeˇ naˇ, Sahˬpaˬ Miˬyehˇ-ahˇ guˆ-eu tsawˇ haˬ deuˬ tiˬ gʼaˬ tiˇ gʼaˬ dawˬ ja ja cawˬ gaˇ Sahˬpaˬ Miˬyehˇ naˇ haˬ-eu meh. Sahˬpaˬ Miˬyehˇ-ahˇ guˆ-awˇ yaw zeu baw-eu tsawˇ haˬ deuˬ gaˇ kawˆ, aˬ yawꞈ-euˬ mehˬ shi jaˆ-eu sahˬ boꞈ paˇ dmˬ laꞈ kʼoeˇ boꞈ ahˇ taˬ-eu meh.

Jaceuq 31:15

Ngaˬ-euˬaˇnah aˇyamˬdawˬtawˆ, nawˬ-euˬaˬlaꞈlaꞈkʼoeˇjaˆmeh. Muiˇ-eu deuˬ-euˬlaꞈ-ahˇmaˬehˇ, kʼehˬ-eu deuˬ-euˬlaꞈ-ahˇmaˬehˇ, nawˇngaˬ-ahˇka kʼoꞈnehˬlaꞈ-awˬ.