Yeˬlaˬmiˇ 31:15 - Akha

¹⁵ Sahˬpaˬ Miˬyehˇ heu loꞈ-ehˇ ehˇ-eu meh. “Laˬmahˇ meuˬ-ahˇ teˇ saˇ gaˬ doˆ laˇ nya. Shaˬ zahˬ naꞈ-awˇ ngoeˇ-eu teˇ saˇ gaˬ doˆ laˇ nya. Laˬkeˬlaˇ ngoeˇ dui dui luꞈ meh. Aˬ li dawˬ tawˆ luꞈ maˬ paˇ ya mawˇ-eu miˇ neh, maˬ muˇ taˬ nya ni ngoeˇ-eu meh.”

Yeˬlaˬmiˇ 31:15 Referans Kwoze

Yeˬlaˬmiˇ 40:1

Guiˇ maꞈ dawˬ tawˆ luꞈ kʼoeˇ taˆ uˆ lahˇ-eu gʼaˬ pyeuꞈ-eu Neˬbuˬzaˬlaˬdaˬ neh, Laˬmahˇ meuˬ-ahˇ ngaˬ-ahˇ pyehˬ nehˬ laꞈ gʼaˬ ngeh, Sahˬpaˬ Miˬyehˇ ngaˬ-ahˇ dawˬ ngehˬ cawˬ le-euˬ meh. Baˬbuˇloˬ miˇ kʼahˬ-ahˇ bi nyehꞈ daˆ gʼeh-euˬ Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ-ahˇ jawˇ-eu tsawˇ haˬ kʼoeˇ deuˬ nehˬ-ehˇ tiˬ kawˆ loꞈ-ehˇ, ngaˬ-ahˇ shmˇ caˆ bi daˬ laꞈ-awˇ, kʼoeˇ gaˇ sheuˬ gʼeh nehˬ laꞈ-euˬ meh.

Jaceuq 77:2

Ngaˇ shaˬ zahˬ naꞈ ngeh, Sahˬpaˬ Miˬyehˇ-ahˇ guiˬ lahˬ shaˇ-euˬ ma. Uˬ ciꞈ miˇ lah-ehˇ aˬ laꞈ baꞈ diˇ-awˇ guiˬ lahˬ shaˇ kʼawꞈ, nui ma saˇ laˇ duˬ maˬ jaˆ nya.

Aˇ dahˬ 35:19

Laˬkeˬlaˇ-ahˇ, nymˬ-mˇ Behˬlehˬhehˬ meuˬ lehˇ kuˇ luꞈ-eu Eˇpaˬlaˇ meuˬ-ahˇ le-eu gaˇ ma gaˇ dzeˇ duˬ pahˬ nehˬ-euˬ meh.

Yeˬlaˬmiˇ 10:20

Nga maꞈ-euˬ sehˬ gʼawˆ deuˬ coˬ pyaˆ jiˇ-awˇ, aˇ neˬ aˇ caˆ deuˬ tsehˆ-iˇ jiˇ-euˬ meh. Nga maꞈ-euˬ zaˬ iˇ byoˆ jiˇ-awˇ, sehˬ gʼawˆ paˇ ciˬ tuˇ-eu tsawˇ haˬ maˬ paˇ jawˇ-ehˇ, saˬ paˇ lawˆ kaˬ sheu taw-eu gʼaˬ maˬ paˇ jawˇ meh.”

Iˇsaˬyaˇ 22:4

Kʼoeˇ miˇ neh ngaˬ-ahˇ maˬ haw cawˬ laˇ ni, tiˬ gʼaˬ tehꞈ-ehˇ bi ngoeˇ nehˬ laꞈ. Shiˇ dzeuˇ-euˬ ngaˬ-euˬ tsawˇ haˬ deuˬ gʼaˇ duˬ, ngaˇ shaˬ zahˬ mˇ-awˇ ngoeˇ luꞈ ngeh, ngaˬ-ahˇ muˇ taˬ-eu lehˇ taˬ gʼeh.

Aˇ dahˬ 42:13

Aˬ ha mehˇ nmˇ ehˇ-eu, “Ngaˬ ha mehˇ nmˇ tseˇ nyiꞈ gʼaˬ jawˇ-awˇ, dawˬ tawˆ luꞈ Kaˬnaˬ miˇ kʼahˬ-ahˇ jawˇ-eu tsawˇ haˬ tiˬ gʼaˬ-euˬ zaˬ tehꞈ ma. Ngaˬ ha mehˇ nmˇ-euˬ aˬ nyiˇ tiˬ gʼaˬ shiˇ dzeuˇ-awˇ, aˬ nyiˇ nyiˇ saˬ gʼaˬ aˬ da nehˬ-ehˇ jawˇ yaꞈ-euˬ meh.”

Aˇ dahˬ 37:35

Aˬ yawꞈ-euˬ aˬ buˇ aˬ li dawˬ tawˆ luꞈ aˬ yawꞈ jawˇ gaˇ laˇ-awˇ, aˬ yawꞈ nui ma saˇ laˇ ni gʼaˬ biꞈ nehˬ kʼawꞈ, aˬ yawꞈ maˬ naˇ haˬ-ehˇ, “Ngaˬ li jawˇ-eu shiˇ-eu miˇ kʼahˬ-ahˇ maˬ keuˆ kʼoeˇ keuˆ ni, tsawˇ ngoeˇ ngoeˇ ngoeˇ-ehˇ iˇ byoˆ gʼeh-eu ma” lehˇ ehˇ-eu meh. Yaˬkoˆ-aˬ, nah doˆ le ngeh Yoˇsehˆ-ahˇ noeˬ-awˇ, tsawˇ ngoeˇ ngoeˇ ngoeˇ-ehˇ jawˇ-euˬ meh.

Ngoeˇ dawˬ 5:7

Aˬ poeˬ ziˇ-ahˇ mˇ-euˬ iˬ baˇ, nga maꞈ kʼoeˇ taˆ keuˆ le-euˬ meh.

Aˇ dahˬ 42:36

Aˬ ha mehˇ nmˇ-ahˇ Yaˬkoˆ ehˇ nehˬ-eu, “Naw maꞈ ngaˬ-euˬ zaˬ dawˬ tawˆ luꞈ sheuˬ byoˆ jiˇ-eu gʼeh te loˇ. Yoˇsehˆ gʼaˬ maˬ paˇ jawˇ-eu uˬ taꞈ, Suˇmoˬ gʼaˬ gʼeh maˬ paˇ jawˇ ngaˇ. Nymˬ-mˇ poˆ jawˇ-aˬ Beˬyaˬmiˬ-ahˇ gʼeh paˇ sheuˬ byoˆ-eu lehˇ gʼeh te loˇ. Shaˬ zahˬ kʼaˇ ngeuˇ-eu dawˬ tawˆ luꞈ, ngaˬ-euˬ kʼoeˇ taˆ kaꞈ dzahˬ-awˇ keuˆ le-euˬ miˇ-a.”

Yeˬsaˬgeˬlaˇ 2:10

Aˬ laꞈ kʼoeˇ laꞈ sahˬ boꞈ paˇ yoˆ kʼoeˇ puiˇ ka leꞈ ngeh, nyiˬ pyawˬ luꞈ sahˬ boꞈ boꞈ taˬ-eu gaˇ ya mawˇ-euˬ ma. Shaˬ zahˬ naꞈ-awˇ ngoeˇ-eu dawˬ, tsawˇ ngoeˇ ngoeˇ-eu dawˬ hawˇ-eu, noeˬ shaˬ-eu dawˬ deuˬ boꞈ ahˇ taˬ-euˬ meh.

Jaceuq 37:36

Ehˇkʼawꞈngaˇtiˬpoˆpaˇle ngeh, aˬyawꞈkʼoeˇgaˇmaˬpaˇjawˇ-a. Aˬyawꞈ-ahˇngaˇpoˆdoe jiˇkʼawꞈ, maˬmawˇlaˇni byoˆtsehˆ-euˬmeh.

Yawˇbaˆ 7:21

Ngaˬ-euˬ iˬ baˇ-ahˇ nawˇ maˬ pyehˬ nehˬ nya nya loˇ. Ngaˬ neh mˇ lehˬ-euˬ jeˬ-ahˇ maˬ taˬ nehˬ nya-a loˇ. Gʼawˬ myahˇ maˬ gʼeh-ehˇ ngaˇ lmˬ bymˇ-ahˇ ya yuꞈ-awˇ, nawˇ ngaˬ-ahˇ poˆ le ngeh-aˬ, ngaˇ maˬ paˇ dehꞈ-aˇ.”

1 Saˬmeuˬlaˆ 7:17

Kʼoeˇ naˇ, aˬ yawꞈ jawˇ-eu Laˬmahˇ meuˬ-ahˇ paˇ gʼoꞈ-iˇ-awˇ, kʼoeˇ gaˇ kʼawꞈ yaˇ kʼaˬ daˇ nehˬ-euˬ meh. Sahˬpaˬ Miˬyehˇ-ahˇ lawˇ-eu shehˇ-eu gʼaˇ duˬ, Laˬmahˇ meuˬ laꞈ kʼoeˇ lawˇ duˬ tiˬ tsahˇ aˬ yawꞈ gawˬ-euˬ meh.

Yawˇshuˆ 18:25

Kʼoeˇ naˇ, Giˇbyoˬ meuˬ, Laˬmahˇ meuˬ, Biˇyoˆ meuˬ,

Aˇ dahˬ 5:24

Aˬ yawꞈ miˇ tsaˬ kʼoeˇ taˆ yaw dehꞈ dehꞈ-euˬ tiˬ ziˇ, Miˬyehˇ nehˬ-ehˇ cawˬ cawˬ taꞈ-awˇ, aˬ yawꞈ-ahˇ tiˬ jawˇ-iˬ maˬ paˇ ya mawˇ ni byoˆ tsehˆ-euˬ meh. Aˬ jeˬ miˇ neh ehˇ naˇ, aˬ yawꞈ-ahˇ Miˬyehˇ sheuˬ kʼoꞈ gʼeh-euˬ meh.

Yaˇ kʼaˬ daˇ 4:5

Eˇpaˬleˬ miˇ kʼahˬ gawˬ jawˬ gawˬ duˇ-ahˇ, Laˬmahˬ meuˬ hawˇ-eu Beˬdeˬlaˇ meuˬ yaw kaˬ-ahˇ jaˆ-eu daoˇ aˇ bawˬ tiˬ bawˬ dawˬ pehˬ-ahˇ aˬ yawˬ jawˇ-awˇ, Iˇsaˬleˬlaˆ tsawˇ haˬ deuˬ kʼoeˇ gaˇ le-awˇ yaˇ kʼaˬ bi daˇ-euˬ meh.

Iˇsaˬyaˇ 10:29

Aˬ yawꞈ maꞈ gʼaˬ lahˇ oe tsehˆ-awˇ, Geˬbaˬ meuˬ-ahˇ uˬ ciꞈ oe yaꞈ-euˬ meh. Laˬmahˇ meuˬ-ahˇ jawˇ-eu tsawˇ haˬ deuˬ guˆ dui dui-awˇ, Sawˇluˆ-euˬ meuˬ pyeuꞈ-eu Giˇbyaˬ meuˬ-ahˇ jawˇ-eu deuˬ cehˆ byaˆ jiˇ-euˬ meh.