Yeˬlaˬmiˇ 31:14 - Akha

¹⁴ Piˇ ma deuˬ-ahˇ dzaˇ muiˬ oꞈ-awˇ, nui kʼahˇ tiˬ shiˇ bi dzaˬ dehˆ ma. Ngaˬ-euˬ tsawˇ haˬ deuˬ dzaˬ tuiˆ dawˇ tuiˆ jaˆ le tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 31:14 Referans Kwoze

Yeˬlaˬmiˇ 31:25

Nui ma shaˬ zahˬ mˇ-euˬ tsawˇ haˬ deuˬ-ahˇ nui saˇ bi za-awˇ, mehꞈ-eu shuꞈ-eu baˬ da neh gʼaˬ baˬ-eu tsawˇ haˬ deuˬ-ahˇ, bi dzaˬ bi dawˇ dehˆ ma.

1 Beˬtuˆluˆ 2:9

Ehˇ kʼawꞈ, naw maꞈ-aˬ, tseˇ doˆ-euˬ tsawˇ haˬ pyeuꞈ-awˇ, Sahˬpaˬ-euˬ piˇ ma deuˬ pyeuꞈ-eu meh. Muiˬ-eu shawˇ-eu tsawˇ haˬ pyeuꞈ-awˇ, Miˬyehˇ-euˬ tsawˇ haˬ pyeuꞈ-eu meh. Miˬyehˇ neh mˇ-euˬ zahˬ leˇ paˬ-ehˇ gʼeh-eu gaˇ deuˬ aˬ cawˬ-ahˇ bi ja meh-eu gʼaˇ duˬ, naw maꞈ-ahˇ Miˬyehˇ tseˇ doˆ-euˬ meh. Aˬ yawꞈ-aˬ, yaw zahˇ laꞈ kʼoeˇ naw maꞈ-ahˇ kuˇ doˆ-awˇ, zahˬ leˇ paˬ-ehˇ gʼeh-eu aˬ yawꞈ-euˬ yaw shehꞈ laꞈ kʼoeˇ sheuˬ uˇ nehˬ laꞈ-euˬ meh.

Yeˬlaˬmiˇ 33:9

Yeˬluˇsaˬlehˬ meuˬ-aˬ, laˬ kʼaˬ cehˇ-eu jeˬ, taˬ huiˬ taˬ mahˇ nehˬ-eu jeˬ hawˇ-eu, yaw shehꞈ kʼahˇ sehˇ huiˬ-eu jawˇ duˬ pyeuꞈ laˇ tehꞈ-a. Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ ngaˬ neh jahˇ nehˬ-euˬ yaw muiˬ jeˬ hawˇ-eu, Yeˬluˇsaˬlehˬ meuˬ-ahˇ ngaˬ neh biꞈ nehˬ-euˬ baw le za le-eu guiˬ lahˬ gaˇ kawˆ ya gaˬ ngeh, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ guˆ-awˇ yaw dzuˬ dzuˬ tehꞈ-a.”

Panmaeq 5:10

Yawꞈ maꞈ Miˬyehˇ-euˬ gaˇ mˇ-eu, piˇ ma miˇkʼahˬ pyeuꞈ laˇ nya ni, nawˬ neh jahˇ nehˬ gʼaˬ-euˬ loꞈ-ehˇ, yawꞈ maꞈ miˇ tsaˬ heu-euˬ kʼoeˇ taˆ, uˆ lahˇ-eu deuˬ ya geuꞈ tehꞈ-a.”

Eˇpeˇsu 3:19

Aˬ yawꞈ-euˬ gʼoeˇ-eu gaˬ-eu jeˬ-aˬ, tiˬ byah tiˬ loꞈ maˬ siˬ duˬ nya-eu jeˬ pyeuꞈ-eu kʼawꞈ, gʼoeˇ-eu gaˬ-eu kʼoeˇ-ahˇ naw maꞈ siˬ nya laˇ-awˇ, Miˬyehˇ laꞈ kʼoeˇ byah luꞈ-eu jeˬ naw maꞈ laꞈ kʼoeˇ byah laˇ luꞈ-uˇ.

Dawˬ caˇ 5:1

Ngaˬ-euˬ yaˇ kmˇ-ahˇ ngaˇ oe-euˬ ma. Ngaˇ gaˬ-eu ngaˬ-euˬ zaˬ kʼaˬ jawˇ gaˇ ngaˇ oe-euˬ ma. Muˇ laˬ hawˇ-eu tsiˇ yaw saw jeˬ ngaˇ yuˇ uiˬ luꞈ-eu ma. Ngaˬ-euˬ byaˬ byaˬ uiˇ hawˇ-eu byaˬ yaˆ ngaˇ dzaˬ luꞈ-eu ma. Ngaˬ-euˬ aˬ gaꞈ dzaˇ uiˇ hawˇ-eu mawˇ neˇ aˬ coeˇ ngaˇ dawˇ luꞈ-eu ma. Gaˬ-eu cawˬ deuˬ-oˇ, dzaˬ-awˬ dawˇ-awˬ. Dzaˬ yehꞈ dawˇ yehꞈ ngeh keuˆ ni, dzaˬ boˆ dawˇ boˆ boˆ-awˬ.

Jaceuq 107:9

Iˇ cuꞈ mehꞈ-eu tsawˇ haˬ-ahˇ aˬ yawꞈ bi dawˇ dehˆ-awˇ, mehꞈ-eu shuꞈ-eu deuˬ-ahˇ muiˬ-eu guiˬ lahˬ tiˬ byah ni shehˬ nehˬ lawˇ nehˬ-euˬ meh.

Eˇpeˇsu 1:3

Aˬ dui-euˬ Sahˬpaˬ Yeˬsuˇ Ka liˬeuˬ Aˬda pyeuꞈ-eu Miˬyehˇ-euˬ guiˬ lahˬ-ahˇ ja ceuˬ kaˇ-euˇ. Aˬ jeˬ miˇ neh ehˇ naˇ, mˬ taˆ miˇ kʼahˬ-ahˇ jaˆ-eu saꞈ laˇ paw-euˬ guiˬ lahˬ yawˬ jeˬ na luꞈ, Yeˬsuˇ Ka li laꞈ kʼoeˇ aˬ dui-ahˇ aˬ yawꞈ biꞈ laꞈ-euˬ meh.

Maꞈtehˬ 5:6

“Yaw tsaˬ yaw dawˇ jeˬ-ahˇ mehꞈ-eu shuꞈ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, yaw tsaˬ yaw dawˇ jeˬ-ahˇ aˬ yawꞈ maꞈ ya dzaˬ ya dawˇ dehˆ tehꞈ-a.

Iˇsaˬyaˇ 61:6

Naw maꞈ-ahˇ Sahˬpaˬ Miˬyehˇ-euˬ piˇ ma lehˇ kuˇ-awˇ, aˬ dui Miˬyehˇ-euˬ gʼaˬ zaˬ lehˇ myahˇ tehꞈ-a. Miˇ kʼahˬ tsawˇ jeuˬ deuˬ-euˬ pyuˇ shuiˇ naw maꞈ dzaˬ-awˇ, aˬ yawꞈ maꞈ-euˬ pyuˇ shuiˇ myawˬ gahˬ, naw maꞈ-euˬ kʼahˬ sehˇ pyeuꞈ tehꞈ-a.

Iˇsaˬyaˇ 25:6

Ziˇoˬ gawˬ jawˬ heu jawˬ kʼoeˇ taˆ, miˇ tsaˬ tsawˇ jeuˬ dawˬ tawˆ luꞈ gʼaˇ duˬ, Baoˬ huiˬ-eu Sahˬpaˬ Miˬyehˇ hawˬ byawˇ laˆ dawˆ tehꞈ-a. Muiˬ dui dui-eu dzaˬ dzaˬ dawˇ dawˇ deuˬ hawˇ-eu, kuiˇ dui dui-eu aˬ gaꞈ dzaˇ uiˇ aˬ yawꞈ lehˬ hmˬ tehꞈ-a.

Jaceuq 132:16

Ziˇoˬ-euˬ piˇ ma deuˬ kʼaˇ mˇ kʼaˇ shaˇ-eu jeˬ laꞈ kʼoeˇ, ngaˇ guiˬ lahˬ biꞈ nehˬ-awˇ, meuˬ zaˬ deuˬ laˬ kʼaˬ cehˇ-awˇ guˇ tehꞈ-a.

Jaceuq 132:9

Nawˬ-euˬ piˇ ma deuˬ aˬ myah luꞈ, yaw tsaˬ yaw dawˇ dawˇ-ehˇ mˇ-awˇ, nawˬ-euˬ tsawˇ haˬ deuˬ laˬ kʼaˬ cehˇ-awˇ guˇ luꞈ-uˇ.

Jaceuq 65:4

Nawˬ-euˬ muiˬ-eu shawˇ-eu jawˇ duˬ-ahˇ bi jawˇ-euˬ, nawˬ neh tseˇ doˆ-euˬ tsawˇ haˬ kʼoeˇ deuˬ, laˬ kʼaˬ cehˇ luꞈ-uˇ. Nawˬ-euˬ nymˇ-euˬ muiˬ-eu jaˬ-eu jeˬ hawˇ-eu, muiˬ-eu shawˇ-eu nawˬ-euˬ Uˬ duˬ tahˬ nymˇ nymˇ ma-euˬ guiˬ lahˬ yaw dzahˇ-ahˇ, nga maꞈ nui kʼahˇ shiˇ-eu ma.

Jaceuq 63:5

Ngaˬ-euˬ saꞈ laˇ dzaˬ dehˆ dawˇ dehˆ-awˇ, nui kʼahˇ shiˇ tehꞈ-a. Kʼoeˇ naˇ, nawˬ-ahˇ ja ceuˬ-eu caˇ dawˬ laˬ kʼaˬ tiˬ cehˇ ngaˇ caˇ ma.

Jaceuq 36:8

Baw-eu za-eu nawˬ-euˬnymˇ-ahˇ, aˬyawꞈmaꞈdzaˬdehˆdawˇdehˆ-awˇ, nawˬ-euˬ guiˬlahˬlawˇbaˬyoeˇgaˇ, aˬyawꞈmaꞈya kʼawꞈdawˇ-eu meh.

Neˬhaˬmiˇ 10:39

Iˇsaˬleˬlaˆ tsawˇ haˬ deuˬ hawˇ-eu Leˬbiˇ tsawˇ haˬ deuˬ-aˬ, damˬ taˬ-eu cehˇ, aˬ gaꞈ dzaˇ uiˇ hawˇ-eu saˬ loˬ tsiˇ deuˬ-ahˇ, Uˬ duˬ tahˬ nymˇ nymˇ ma laꞈ kʼoeˇ jaˆ-eu mˇ myawˬ keu ka taˬ-eu lawˆ-ahˇ hawˇ-eu, gaˇ mˇ luꞈ-eu piˇ ma deuˬ, Uˬ duˬ tahˬ nymˇ nymˇ ma-ahˇ loꞈ-eu deuˬ hawˇ-eu, Uˬ duˬ tahˬ nymˇ nymˇ ma-ahˇ kawˇ yehˬ caˇ-eu tsawˇ haˬ deuˬ-euˬ aˇ lawˆ deuˬ-ahˇ ya yuˇ taˬ-iˇ meh. Nga maꞈ-euˬ Miˬyehˇ-euˬ Uˬ duˬ tahˬ nymˇ nymˇ ma-ahˇ nga maꞈ maˬ byehˇ dzeh.

2 Laˬsaˬbaˬ 6:41

Miˬyehˇ pyeuꞈ-eu Sahˬpaˬ Miˬyehˇ-oˇ, nymˬ-mˇ tuˇ laˇ-awˇ, nawˬ-euˬ baoˬ pyeuꞈ-eu Dawˬ ma saˇ jaˇ Bahˬ keuˆ nehˬ-ehˇ Uˬ duˬ tahˬ nymˇ nymˇ ma laꞈ kʼoeˇ uˇ le-awˇ, mˬ maˬ maˬ byaˆ zaˇ ziˇ jawˇ-awˬ. Piˇ ma deuˬ kʼaˇ mˇ kʼaˇ shaˇ-eu jeˬ-ahˇ nawˇ guiˬ lahˬ biꞈ-awˬ. Nawˬ-euˬ guiˬ lahˬ baˬ da neh, nawˬ-euˬ tsawˇ haˬ dawˬ tawˆ luꞈ laˬ kʼaˬ cehˇ luꞈ-uˇ.

Jaceuq 17:15

Ehˇkʼawꞈ ngaˇmaˬlehˬ-eu miˇneh, nawˬ-euˬmyaˆpyawˬya haw mawˇ ma. Ngaˇnoeˬlaˇngeh nawˬ-ahˇmawˇ-awˇ, laˬkʼaˬya cehˇdui dui tehꞈ-a.

Jaceuq 90:14

Nga maꞈ-euˬ tiˬ ziˇ laˬ kʼaˬ cehˇ-awˇ caˇ dawˬ caˇ nya ni, maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ yawˬ shawˬ na luꞈ nga maꞈ laꞈ kʼoeˇ bi byah laˇ-awˬ.

Yeˬlaˬmiˇ 50:19

Ehˇ kʼawꞈ, Iˇsaˬleˬlaˆ tsawˇ haˬ deuˬ-ahˇ-aˬ, aˬ yawꞈ maꞈ-euˬ miˇ kʼahˬ-ahˇ sheuˬ kʼoꞈ gʼeh nehˬ ma. Gaˬlaˬmeˬlaˇ gawˬ jawˬ hawˇ-eu Baˬshaˬ gahˬ kaˬ-ahˇ dehꞈ-eu dzaˇ deuˬ aˬ yawꞈ maꞈ dzaˬ-awˇ, Eˇpaˬleˬ miˇ kʼahˬ hawˇ-eu Giˇlaˆ miˇ kʼahˬ laꞈ kʼoeˇ dehꞈ-eu dzaˬ la gʼo cehˇ deuˬ, aˬ yawꞈ maꞈ kʼaˇ dzaˬ mawꞈ-eu dzaˬ tehꞈ-a.

Haˬgaiˇ 2:19

Naw maꞈ dzaˬ-eu cehˇ maˬ paˇ ahˇ-ehˇ, aˬ gaꞈ baw duˆ, siˬ guˬ aˇ bawˇ, aˇ ka uˆ aˇ bawˇ hawˇ-eu, saˬ loˬ aˇ bawˇ heu deuˬ aˇ siˬ maˬ siˬ le dah-euˬ kʼawꞈ, nymˬ-mˇ neh dahˬ beh-awˇ naw maꞈ-ahˇ ngaˇ guiˬ lahˬ biꞈ ma.”

Dawˬmehˬ 33:23

Naˬtaˬliˇ-euˬ gaˇ kawˆ ehˇ-eu, “Sahˬpaˬ Miˬyehˇ haw cawˬ-eu jeˬ, muiˬ dui dui-eu guiˬ lahˬ yaw dzahˇ, Naˬtaˬliˇ kʼoeˇ taˆ byah kʼaˇ meh. Aˬ yawꞈ maꞈ miˇ kʼahˬ laꞈ oˆ dzaˬ, Gaˬliˬlehˇ lah-ahˇ keuˆ ni meh.”

Jaceuq 63:2

Muiˬ-eu shawˇ-eu jawˇ duˬ laꞈ kʼoeˇ, nawˬ-ahˇ bi mawˇ laꞈ. Nawˬ-euˬ baoˬ hawˇ-eu yaw shehꞈ kʼahˬ sehˇ ngaˬ-ahˇ bi mawˇ laꞈ.

Jaceuq 63:6

Ngaˇ yuꞈ zaˇ-ahˇ yuꞈ luꞈ ngeh, nawˬ-ahˇ noeˬ mawˇ-eu ma. Uˬ ciꞈ miˇ lah-ehˇ nawˬ-euˬ gaˇ kawˆ ngaˇ shaˇ noeˬ-euˬ ma.

Jaceuq 85:13

Yaw tsaˬ yaw dawˇ jeˬ Sahˬpaˬ Miˬyehˇ-euˬ mehˬ hu oe-awˇ, aˬ yawꞈ oe-eu gaˇ ma laˆ saˆ nehˬ le tehꞈ-a.

Yeˬsaˬgeˬlaˇ 34:14

Iˇsaˬleˬlaˆ miˇ kʼahˬ laꞈ kʼoeˇ, gawˬ jawˬ-ahˇ yaˇ moꞈ nmˬ gaˇ maˬ ehˇ, deh kʼawꞈ-ahˇ maˬ ehˇ, nyoeˇ jawꞈ ni gʼeh-eu gaˆ dzaˬ duˬ kʼaˇ jaˆ gaˇ, aˬ yawꞈ maꞈ-ahˇ guˆ kʼaˇ maˬ zaˬ ni bi gaˆ ma.