Yeˬlaˬmiˇ 31:13 - Akha

¹³ Kʼoeˇ ngeh aˬ buˇ miˬ daꞈ deuˬ gaˇ nyeh nyeh tehꞈ-a. Zaˬ guˬ tsawˇ mawˬ maˬ ehˇ laˬ kʼaˬ ya cehˇ tehꞈ-a. Aˬ yawꞈ maꞈ-euˬ nui ma-ahˇ ngaˇ laˆ saˆ nehˬ-eu miˇ neh, myaˆ biˇ yoeˇ-eu dah zaˇ laˬ kʼaˬ cehˇ-awˇ, shaˬ zahˬ dah zaˇ nui saˇ oꞈ le tehꞈ-a.

Yeˬlaˬmiˇ 31:13 Referans Kwoze

Jaceuq 30:11

Ngaˇnoeˬshaˬnoeˬzahˬ-eu jeˬ-ahˇ, laˬkʼaˬcehˇ-eu jeˬpyeuꞈlaˇni, nawˬneh yuˇpaˇnehˬlaꞈ-euˬmeh. Nui ma shaˬzahˬnyehꞈlehˆlaꞈ-awˇ, laˬkʼaˬcehˇnui saˇza-eu jeˬ, nawˬneh nyehꞈdm nehˬlaꞈ-euˬmeh.

Iˇsaˬyaˇ 61:3

Ziˇoˬ meuˬ-ahˇ ngoeˇ luꞈ-eu tsawˇ haˬ deuˬ, nui noeˬ shaˬ-eu dah zaˇ laˬ kʼaˬ cehˇ laˇ nya ni, shaˬ zahˬ mˇ-eu dah zaˇ ja ceuˬ-eu caˇ dawˬ caˇ nya ni, aˬ yawꞈ ngaˬ-ahˇ pyehˬ leꞈ-euˬ meh. Aˬ yawꞈ maꞈ Sahˬpaˬ Miˬyehˇ neh ka-euˬ aˇ bawˇ-ahˇ duˇ tehꞈ-a. Aˬ yawꞈ maꞈ dawˬ tawˆ yaw tsaˬ yaw dawˇ jeˬ mˇ-eu miˇ neh, Miˬyehˇ-ahˇ aˬ cawˬ ya ja ceuˬ tehꞈ-a.

Iˇsaˬyaˇ 51:11

Nawˬ neh ka kʼoꞈ doˆ nehˬ-euˬ tsawˇ haˬ deuˬ, laˬ kʼaˬ cehˇ-eu caˇ dawˬ caˇ-awˇ guˇ-eu laꞈ kʼoeˇ, Yeˬluˇsaˬlehˬ meuˬ-ahˇ laˬ kʼaˬ tiˬ cehˇ ya gʼoꞈ keuˆ laˇ tehꞈ-a. Mˬ maˬ maˬ byaˆ zaˇ ziˇ aˬ yawꞈ maꞈ laˬ kʼaˬ ya cehˇ-awˇ, noeˬ shaˬ noeˬ zahˬ-eu jeˬ laꞈ kʼoeˇ mˬ maˬ maˬ byaˆ zaˇ ziˇ dzeuˇ-iˇ tehꞈ-a.

Yeˬlaˬmiˇ 31:4

Miˬ shuiꞈ-ahˇ duˇ-eu Iˇsaˬleˬlaˆ-oˇ, nawˬ-ahˇ paˇ bi dehꞈ doˆ laˇ ma. Nawˇ cehˇ lehˇ ciˆ ciˆ-ehˇ, laˬ kʼaˬ cehˇ-awˇ gaˇ nyeh ya nyeh tehꞈ-a.

Yoˇhaˬ 16:22

Naw maꞈ kʼawꞈ, kʼoeˇ gaˇ duˇ-eu meh. Nymˬ-mˇ naw maꞈ ya noeˬ shaˬ-eu meh. Ehˇ kʼawꞈ, naw maꞈ-ahˇ ngaˇ paˇ haw mawˇ le ngeh, naw maꞈ laˬ kʼaˬ cehˇ dui dui tehꞈ-a. Kʼoeˇ ngeh jawˇ, naw maꞈ laˬ kʼaˬ cehˇ-eu jeˬ-ahˇ tiˬ gʼaˬ-iˬ maˬ paˇ lu doˆ geuꞈ gʼeh nya-aˇ.

Iˇsaˬyaˇ 51:3

“Yeˬluˇsaˬlehˬ meuˬ-ahˇ ngaˇ gʼawˬ shaˬ gaˬ nehˬ ma. Meuˬ tsoeˬ kʼoeˇ-euˬ laꞈ kʼoeˇ kʼaˇ jawˇ-eu tsawˇ haˬ-ahˇ ngaˇ haw nehˬ ma. Aˬ yawꞈ-euˬ miˇ tsaˬ kʼaˇ shuiꞈ deh ga-ahˇ duˇ kʼawꞈ, ngaˬ neh mˇ-euˬ Eˬdeˬ yaˇ kmˇ loꞈ-ehˇ duˇ-eu, yaˇ kmˇ tiˬ kmˇ bi pyeuꞈ laˇ ma. Laˬ kʼaˬ cehˇ nui saˇ za-eu jeˬ kʼoeˇ gaˇ byah-awˇ, ngaˬ-ahˇ guiˬ lahˬ huiˬ-eu ja ceuˬ-eu caˇ dawˬ caˇ tehꞈ-a.

Iˇsaˬyaˇ 35:10

Aˬ yawꞈ maꞈ laˬ kʼaˬ cehˇ-eu caˇ dawˬ caˇ-awˇ guˇ guˇ-ehˇ, Yeˬluˇsaˬlehˬ meuˬ-ahˇ laˬ kʼaˬ tiˬ cehˇ le keuˆ tehꞈ-a. Aˬ yawꞈ maꞈ mˬ maˬ maˬ byaˆ zaˇ ziˇ laˬ kʼaˬ cehˇ-awˇ, noeˬ shaˬ noeˬ zahˬ-eu jeˬ hawˇ-eu myaˆ biˇ doˆ-eu jeˬ-ahˇ, mˬ maˬ maˬ byaˆ zaˇ ziˇ buˬ-iˇ law-iˇ tehꞈ-a.

Jaceuq 149:3

Gaˇ nyeh nyeh-awˇ aˬ yawꞈ-euˬ tsawˇ myahˇ-ahˇ ja ceuˬ-awˬ. Tahˬ diˬ, deuˇ-mˬ diˬ-awˇ aˬ yawꞈ-ahˇ ja ceuˬ-awˬ.

Iˇsaˬtaˆ 9:22

Aˇ nah kʼoeˇ nyiˬ nah-ahˇ Yuˇdaˆ tsawˇ haˬ deuˬ aˬ yawꞈ maꞈ-ahˇ muiˇ-eu deuˬ-euˬ laꞈ-ahˇ neh ya buˬ ya law-iˇ-awˇ, ba la kʼoeˇ siˬ laꞈ kʼoeˇ noeˬ shaˬ noeˬ zahˬ-eu aˇ yamˬ kʼoeˇ yamˬ, laˬ kʼaˬ cehˇ nui saˇ za-eu aˇ yamˬ pyeuꞈ laˇ-euˬ meh. Aˇ nah kʼoeˇ nyiˬ nah-ahˇ bawˬ-iˬ gʼeh-awˇ dzaˬ taꞈ dawˇ taꞈ-eu laꞈ kʼoeˇ, tiˬ gʼaˬ tiˇ gʼaˬ dzaˬ dzaˬ dawˇ dawˇ laꞈ sawˬ biꞈ taꞈ-awˇ, shaˬ-eu zahˬ-eu tsawˇ haˬ deuˬ-ahˇ caw ba nehˬ-awˬ lehˇ Yuˇdaˆ tsawˇ haˬ deuˬ-ahˇ ehˇ nehˬ-euˬ meh.

Neˬhaˬmiˇ 12:43

Kʼoeˇ ngeh nah aˬ yawꞈ maꞈ lawˇ-eu shehˇ-eu jeˬ gʼawˬ mya ni mˇ-awˇ, Miˬyehˇ aˬ yawꞈ maꞈ-ahˇ laˬ kʼaˬ cehˇ-eu jeˬ biꞈ-euˬ miˇ neh, aˬ yawꞈ maꞈ laˬ kʼaˬ cehˇ dui dui-eu meh. Zaˬ miˬ zaˬ deuˬ hawˇ-eu zaˬ deuˬ kʼawꞈ bawˬ-iˬ gʼeh gaˇ uiˬ leˇ-awˇ, aˬ yawꞈ maꞈ laˬ kʼaˬ cehˇ cehˇ-ehˇ lawꞈ gʼa-eu teˇ saˇ, gaˇ mahˇ kaˬ gaˇ keuˆ ni gaˬ keuˆ-iˇ-euˬ meh.

Neˬhaˬmiˇ 12:27

Yeˬluˇsaˬlehˬ meuˬ lahˇ Miˬyehˇ-ahˇ a nehˬ ngeh, cehˇ lehˇ ciˆ, deuˇ-mˬ diˬ-awˇ ja ceuˬ-eu caˇ dawˬ bi caˇ-eu gʼaˇ duˬ, doe doe-ehˇ jawˇ luꞈ-eu Leˬbiˇ tsawˇ haˬ deuˬ-ahˇ meuˬ lahˇ a nehˬ-eu bawˬ-iˬ jahˇ gaˇ bi laˇ uiˬ-euˬ meh.

Zaˬkaˬliˇ 8:19

“Ba la oeˬ siˬ tiˬ siˬ, ngaˬ siˬ tiˬ siˬ, shiꞈ siˬ tiˬ siˬ hawˇ-eu, tseˇ siˬ tiˬ siˬ laꞈ kʼoeˇ, maˬ dzaˬ-eu zahˇ jahˇ-eu bawˬ-iˬ gʼeh-eu kʼoeˇ-aˬ, Yuˇdaˆ tsawˇ haˬ gʼaˇ duˬ laˬ kʼaˬ cehˇ-eu bawˬ-iˬ pyeuꞈ laˇ tehꞈ-a. Yaw tsaˬ yaw dawˇ jeˬ hawˇ-eu tsaˬ leˇ dzoeˇ leˇ-eu jeˬ-ahˇ naw maꞈ ya gaˬ meh.”

Iˇsaˬyaˇ 60:20

Shaˬ zahˬ naꞈ-eu nawˬ-euˬ aˇ nah aˇ yamˬ dzeuˇ-awˇ, Sahˬpaˬ Miˬyehˇ pyeuꞈ-eu ngaˇ-aˬ, mˬ maˬ maˬ byaˆ zaˇ ziˇ nawˬ-euˬ yaw shehꞈ pyeuꞈ-awˇ, nahˇ ma hawˇ-eu ba la maˬ tseˇ gmˬ ma.

Eˇzaˬlaˬ 6:22

Shiꞈ nah keuˆ ni, laˬ kʼaˬ tiˬ cehˇ Dehˬ tseˬ maˬ ahˇ-eu kaˬ muˇ dzaˬ-eu bawˬ-iˬ aˬ yawꞈ maꞈ gʼeh-euˬ meh. Aˬshuˇliˆ sahˬ paˬ aˬ yawꞈ maꞈ-ahˇ nui ma taꞈ laˇ-awˇ, Iˇsaˬleˬlaˆ tsawˇ jeuˬ-euˬ Miˬyehˇ-euˬ Uˬ duˬ tahˬ nymˇ nymˇ ma tsoˆ gaˇ aˬ yawꞈ maꞈ-ahˇ caw ba nehˬ laꞈ ni Sahˬpaˬ Miˬyehˇ jahˇ-euˬ miˇ neh, aˬ yawꞈ maꞈ laˬ kʼaˬ cehˇ dui dui-eu meh.

Yaˇ kʼaˬ daˇ 21:21

Shiˇloˬ meuˬ-ahˇ jawˇ-eu zaˬ miˬ aˬ buˇ deuˬ bawˬ-iˬ-ahˇ gaˇ nyeh nyeh le-eu lehˇ doˆ le-eu ya mawˇ ngeh, naw maꞈ doˆ laˇ-awˇ, aˬ yawꞈ gʼaˬ yawꞈ zaˬ miˬ aˬ buˇ kʼoeˇ deuˬ-ahˇ miˬ zaˬ gʼeu geuꞈ-awˇ, Beˬyaˬmiˬ miˇ kʼahˬ-ahˇ naw maꞈ nehˬ-ehˇ sheuˬ kʼoꞈ gʼeh-awˬ.

Iˇsaˬyaˇ 61:2

Sahˬpaˬ Miˬyehˇ aˬ yawꞈ-euˬ tsawˇ haˬ deuˬ-ahˇ ka kʼoꞈ-awˇ, aˬ yawꞈ maꞈ-ahˇ muiˇ-eu deuˬ-ahˇ guiˇ deuˆ gʼaˬ-eu, aˇ nah aˇ yamˬ keuˆ le luꞈ meh lehˇ tsaꞈ gaˬ-eu gʼaˇ duˬ, aˬ yawꞈ ngaˬ-ahˇ pyehˬ leꞈ-euˬ meh. Noeˬ shaˬ noeˬ zahˬ-eu tsawˇ haˬ deuˬ nui ma bi saˇ laˇ ni, aˬ yawꞈ ngaˬ-ahˇ pyehˬ leꞈ-euˬ meh.

Jaceuq 126:5

Myaˆ biˇ yoeˇ-awˇ siˬ yoeˬ sehˬ-euˬ tsawˇ haˬ deuˬ, laˬ kʼaˬ cehˇ taˆ ni cehˇ ya yehˬ-eu guiˬ lahˬ biꞈ-awˬ.

Jaceuq 148:12

Zaˬ miˬ aˬ buˇ dawˬ tawˆ luꞈ ja ceuˬ-awˇ, zaˬ guˬ tsawˇ kʼaˆ dawˬ tawˆ luꞈ ja ceuˬ-awˬ.

Iˇsaˬyaˇ 12:1

Miˇ kʼahˬ zaˬ deuˬ heu loꞈ-ehˇ caˇ dawˬ caˇ-eu aˇ nah keuˆ le tehꞈ-a. “Sahˬpaˬ Miˬyehˇ-oˇ, nawˬ-ahˇ ngaˇ ja ceuˬ-eu ma. Yaw beh nawˇ ngaˬ-ahˇ nui ma pehˇ-euˬ kʼawꞈ, nymˬ-mˇ nui ma maˬ paˇ pehˇ-ehˇ, ngaˬ-euˬ nui ma-ahˇ laˆ saˆ nehˬ laꞈ-euˬ meh.

Yeˬlaˬmiˇ 33:11

Laˬ kʼaˬ cehˇ-awˇ guˇ-eu teˇ saˇ hawˇ-eu, oeˇ mˇ baˇ-awˇ byawˬ gʼa-eu teˇ saˇ nawˇ paˇ ya gaˬ tehꞈ-a. Uˬ duˬ tahˬ nymˇ nymˇ ma laꞈ kʼoeˇ ngaˬ-ahˇ lawˇ-eu shehˇ-eu jeˬ mˇ-eu laꞈ kʼoeˇ, caˇ dawˬ caˇ-eu teˇ saˇ nawˇ ya gaˬ tehꞈ-a. Aˬ yawꞈ maꞈ heu loꞈ-ehˇ caˇ tehꞈ-a. ‘Baoˬ huiˬ-eu Sahˬpaˬ Miˬyehˇ-euˬ guiˬ lahˬ-ahˇ ja ceuˬ-awˬ. Aˬ jeˬ miˇ neh ehˇ naˇ, aˬ yawꞈ muiˬ dui dui-awˇ, aˬ yawꞈ-euˬ gʼoeˇ-eu gaˬ-eu jeˬ maˬ tsehˆ leˇ-a.’ Miˇ kʼahˬ heu kʼahˬ-ahˇ, dzeuˇ laˇ ngeh loꞈ-ehˇ bi baw bi za le ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”