Yeˬlaˬmiˇ 31:12 - Akha

¹² Aˬ yawꞈ maꞈ Ziˇoˬ gawˬ jawˬ-ahˇ laˇ-awˇ, laˬ kʼaˬ cehˇ-eu caˇ dawˬ caˇ laˇ tehꞈ-a. Ngaˬ neh biꞈ-euˬ laꞈ sawˬ pyeuꞈ-eu, dzaˬ la gʼo cehˇ, aˬ gaꞈ dzaˇ uiˇ, saˬ loˬ tsiˇ deuˬ hawˇ-eu, mawˇ nyoˬ jeˬ kaˇ deuˬ-ahˇ aˬ yawꞈ maꞈ nui kʼahˇ shiˇ tehꞈ-a. Iˇ cuꞈ tiˬ loꞈ za-eu yaˇ kmˇ tiˬ kmˇ loꞈ-ehˇ, aˬ yawꞈ maꞈ ehˇ kʼaˇ maˬ za ni dehꞈ dzaˬ tehꞈ-a.

Yeˬlaˬmiˇ 31:12 Referans Kwoze

Iˇsaˬyaˇ 35:10

Aˬ yawꞈ maꞈ laˬ kʼaˬ cehˇ-eu caˇ dawˬ caˇ-awˇ guˇ guˇ-ehˇ, Yeˬluˇsaˬlehˬ meuˬ-ahˇ laˬ kʼaˬ tiˬ cehˇ le keuˆ tehꞈ-a. Aˬ yawꞈ maꞈ mˬ maˬ maˬ byaˆ zaˇ ziˇ laˬ kʼaˬ cehˇ-awˇ, noeˬ shaˬ noeˬ zahˬ-eu jeˬ hawˇ-eu myaˆ biˇ doˆ-eu jeˬ-ahˇ, mˬ maˬ maˬ byaˆ zaˇ ziˇ buˬ-iˇ law-iˇ tehꞈ-a.

Yawˇlaˆ 3:18

Aˇ nah aˇ yamˬ kʼoeˇ keuˆ le ngeh, gawˬ jawˬ aˬ gaꞈ yaˇ mˇ byah-awˇ, gawˬ duˇ jeˬ zaˬ gaˆ byah jiˇ-awˇ, Yuˇdaˆ miˇ kʼahˬ lawˇ gawˆ lawˇ baˬ, iˇ cuꞈ tiˬ byah ni yoeˇ tehꞈ-a. Sahˬpaˬ Miˬyehˇ-euˬ Nymˇ-ahˇ neh, lawˇ gawˆ tiˬ gawˆ yoeˇ doˆ le-awˇ, Aˬ kaˬ shaˆ Deh kʼawꞈ kʼoeˇ kʼawꞈ-ahˇ iˇ cuꞈ tiˬ loꞈ biꞈ le tehꞈ-a.

Iˇsaˬyaˇ 58:11

Kʼoeˇ naˇ naw maꞈ-ahˇ ngaˇ aˬ myah luꞈ sheuˬ gʼeh-awˇ, muiˬ-eu guiˬ lahˬ shehˬ byah lawˇ byah nehˬ-eu laꞈ kʼoeˇ, gʼoeˇ mˇ-awˇ jawˇ saˇ bi doˆ-eu miˇ neh, iˇ cuꞈ tiˬ byah za-eu yaˇ kmˇ hawˇ-eu, maˬ tsiˇ leˇ-eu lawˇ gawˆ-ahˇ naw maꞈ duˇ tehꞈ-a.

Yoˇhaˬ 16:22

Naw maꞈ kʼawꞈ, kʼoeˇ gaˇ duˇ-eu meh. Nymˬ-mˇ naw maꞈ ya noeˬ shaˬ-eu meh. Ehˇ kʼawꞈ, naw maꞈ-ahˇ ngaˇ paˇ haw mawˇ le ngeh, naw maꞈ laˬ kʼaˬ cehˇ dui dui tehꞈ-a. Kʼoeˇ ngeh jawˇ, naw maꞈ laˬ kʼaˬ cehˇ-eu jeˬ-ahˇ tiˬ gʼaˬ-iˬ maˬ paˇ lu doˆ geuꞈ gʼeh nya-aˇ.

Yeˬsaˬgeˬlaˇ 17:23

Iˇsaˬleˬlaˆ gawˬ jawˬ laꞈ kʼoeˇ, goˇ dzehˬ-eu jawˬ kʼoeˇ taˆ ka ma. Uˬ laꞈ sahˇ-awˇ aˇ siˬ loˆ-eu, kʼahˬ sehˇ za-eu siˬ daˬ pyeuꞈ-awˇ, aˇ jiˇ yawˬ jeˬ na luꞈ kuꞈ ni, aˇ bawˇ naˇ shmˇ awˆ le tehꞈ-a.

Iˇsaˬyaˇ 65:19

Yeˬluˇsaˬlehˬ hawˇ-eu kʼoeˇ gaˇ jawˇ-eu tsawˇ haˬ deuˬ-ahˇ, ngaˬ-euˬ gʼawˇ mawˇ laˬ kʼaˬ ya cehˇ tehꞈ-a. Kʼoeˇ gaˇ noeˬ shaˬ noeˬ zahˬ-eu maˬ jaˆ-ehˇ, caw ba nehˬ laꞈ lehˇ ngoeˇ-eu maˬ paˇ ya gaˬ meh.

Iˇsaˬyaˇ 60:20

Shaˬ zahˬ naꞈ-eu nawˬ-euˬ aˇ nah aˇ yamˬ dzeuˇ-awˇ, Sahˬpaˬ Miˬyehˇ pyeuꞈ-eu ngaˇ-aˬ, mˬ maˬ maˬ byaˆ zaˇ ziˇ nawˬ-euˬ yaw shehꞈ pyeuꞈ-awˇ, nahˇ ma hawˇ-eu ba la maˬ tseˇ gmˬ ma.

Panmaeq 21:4

Aˬ yawꞈ maꞈ-euˬ myaˆ biˇ dawˬ tawˆ luꞈ-ahˇ aˬ yawꞈ siˆ shawˇ nehˬ tehꞈ-a. Shiˇ-eu jeˬ maˬ paˇ jaˆ-ehˇ, noeˬ shaˬ noeˬ zahˬ-eu jeˬ, ngoeˇ-eu jeˬ hawˇ-eu, naˇ-eu gawˇ-eu jeˬ maˬ paˇ jaˆ meh. Yaw oeˇ kʼoeˇ deuˬ dawˬ tawˆ luꞈ byoˆ jiˇ-euˬ meh.”

Panmaeq 7:17

Aˬ jeˬ miˇ neh ehˇ naˇ, dzoeˬ dzaˬ nuiˇ mahˬ-euˬ gʼahˇ ceh nuiˇ luꞈ-eu Yawˇzaˬ-aˬ, aˬ yawꞈ maꞈ-ahˇ bo-eu yawˇ bo-eu yaw sahˇ pyeuꞈ-awˇ, dehꞈ-eu saꞈ laˇ lawˇ gawˆ-ahˇ aˬ yawꞈ maꞈ-ahˇ sheuˬ gʼeh tehꞈ-a. Aˬ yawꞈ maꞈ-euˬ myaˆ biˇ dawˬ tawˆ luꞈ-ahˇ Miˬyehˇ siˆ shawˇ nehˬ tehꞈ-a.

Lormav 2:4

Maˬ ngeuˇ naˇ, aˬ yawꞈ-euˬ huiˬ dui dui-eu gʼawˬ shaˬ gaˬ-eu jeˬ, oˇ coeˇ-eu jeˬ, nui ma mahˇ-eu jeˬ, heu deuˬ-ahˇ nawˇ yehˬ bawˬ sehˇ lu-ehˇ gʼeh te loˇ. Miˬyehˇ gʼawˬ shaˬ gaˬ-eu jeˬ ahˇ meh lehˇ nawˇ siˬ duˬ meh. Aˬ jeˬ miˇ neh ehˇ naˇ, nawˇ iˬ baˇ noeˬ poˆ laˇ ni aˬ yawꞈ leh jeh luꞈ-eu meh.

Hawˇseˬ 3:5

Ehˇ kʼawꞈ, Iˇsaˬleˬlaˆ tsawˇ haˬ deuˬ aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ hawˇ-eu, aˬ yawꞈ maꞈ-euˬ sahˬ paˬ Daˬbiˇ-euˬ tsuiꞈ laꞈ oˆ dehꞈ le-euˬ tsawˇ haˬ tiˬ gʼaˬ jawˇ paw paˇ gʼoꞈ kʼoꞈ laˇ-eu aˇ nah tiˬ nah jaˆ tehꞈ-a. Kʼoeˇ ngeh jawˇ, aˬ yawꞈ maꞈ Sahˬpaˬ Miˬyehˇ-ahˇ guˆ-awˇ, aˬ yawꞈ neh biꞈ-euˬ muiˬ-eu guiˬ lahˬ deuˬ za tehꞈ-a.

Jaceuq 130:4

Ehˇ kʼawꞈ nawˬ-euˬ mehˬ shi nga maꞈ guˆ-awˇ yawꞈ laˇ coeˇ ni, iˬ baˇ pyehˬ nehˬ laꞈ-awˬ.

Yeˬsaˬgeˬlaˇ 20:40

Ngaˬ-euˬ muiˬ-eu shawˇ-eu gawˬ jawˬ pyeuꞈ-eu Iˇsaˬleˬlaˆ gawˬ jawˬ yaw goˇ kʼoeˇ taˆ, naw maꞈ Iˇsaˬleˬlaˆ tsawˇ haˬ dawˬ tawˆ luꞈ ngaˬ-ahˇ uˬ duˬ tahˬ tehꞈ-a. Naw maꞈ-ahˇ ngaˇ nui kʼahˇ shiˇ-awˇ, naw maꞈ-euˬ lawˇ-eu shehˇ-eu jeˬ, damˬ-eu jeˬ hawˇ-eu, muiˬ-eu shawˇ-eu laꞈ sawˬ deuˬ-ahˇ ngaˇ ha geuꞈ ma.

Iˇsaˬyaˇ 51:11

Nawˬ neh ka kʼoꞈ doˆ nehˬ-euˬ tsawˇ haˬ deuˬ, laˬ kʼaˬ cehˇ-eu caˇ dawˬ caˇ-awˇ guˇ-eu laꞈ kʼoeˇ, Yeˬluˇsaˬlehˬ meuˬ-ahˇ laˬ kʼaˬ tiˬ cehˇ ya gʼoꞈ keuˆ laˇ tehꞈ-a. Mˬ maˬ maˬ byaˆ zaˇ ziˇ aˬ yawꞈ maꞈ laˬ kʼaˬ ya cehˇ-awˇ, noeˬ shaˬ noeˬ zahˬ-eu jeˬ laꞈ kʼoeˇ mˬ maˬ maˬ byaˆ zaˇ ziˇ dzeuˇ-iˇ tehꞈ-a.

Iˇsaˬyaˇ 1:30

Aˇ paꞈ ga-euˬ tsuiꞈ kaˆ aˇ bawˇ loꞈ-ehˇ, naw maꞈ ya nyoeˬ-iˇ-awˇ, iˇ cuꞈ maˬ jaˆ-eu yaˇ kmˇ loꞈ-ehˇ, naw maꞈ ya koˆ-iˇ tehꞈ-a.

Yeˬlaˬmiˇ 31:4

Miˬ shuiꞈ-ahˇ duˇ-eu Iˇsaˬleˬlaˆ-oˇ, nawˬ-ahˇ paˇ bi dehꞈ doˆ laˇ ma. Nawˇ cehˇ lehˇ ciˆ ciˆ-ehˇ, laˬ kʼaˬ cehˇ-awˇ gaˇ nyeh ya nyeh tehꞈ-a.

Yeˬlaˬmiˇ 3:14

“Saˇ jaˇ maˬ ziꞈ-eu tsawˇ haˬ deuˬ-oˇ, gʼoꞈ laˇ-awˬ. Naw maꞈ ngaˬ-euˬ tsawˇ haˬ pyeuꞈ-eu ma. Meuˬ tiˬ meuˬ laꞈ kʼoeˇ naw maꞈ tsawˇ haˬ tiˬ gʼaˬ hawˇ-eu, aˇ jeuˬ tiˬ jeuˬ laꞈ kʼoeˇ nyiˬ gʼaˬ kuˇ doˆ-awˇ, Ziˇoˬ gawˬ jawˬ kʼoeˇ taˆ sheuˬ kʼoꞈ laꞈ ma.

Yeˬlaˬmiˇ 31:6

Meuˬ-ahˇ loꞈ piˇ-eu tsawˇ haˬ deuˬ, aˬ dui maꞈ-euˬ Miˬyehˇ pyeuꞈ-eu Sahˬpaˬ Miˬyehˇ jawˇ gaˇ, Ziˇoˬ gawˬ jawˬ-ahˇ le beuˇ lehˇ, Eˇpaˬleˬ miˇ kʼahˬ gawˬ jawˬ gawˬ duˇ kʼoeˇ taˆ guˇ tehꞈ-a.”

Yeˬlaˬmiˇ 31:7

Sahˬpaˬ Miˬyehˇ heu loꞈ-ehˇ ehˇ-eu meh. “Dawˬ tawˆ kʼoeˇ taˆ huiˬ-eu tsawˇ jeuˬ pyeuꞈ-eu, Iˇsaˬleˬlaˆ gʼaˇ duˬ laˬ kʼaˬ cehˇ-eu caˇ dawˬ caˇ-awˬ. Sahˬpaˬ Miˬyehˇ aˬ yawꞈ-euˬ tsawˇ jeuˬ ka kʼoꞈ-awˇ, kʼaˇ dzeˇ luꞈ-eu deuˬ-ahˇ sheuˬ kʼoꞈ laꞈ-euˬ meh lehˇ, ja ceuˬ-eu caˇ dawˬ caˇ-awˬ.

Yeˬlaˬmiˇ 31:24

Yuˇdaˆ miˇ kʼahˬ hawˇ-eu kʼoeˇ gaˇ kʼaˇ jaˆ-eu meuˬ deuˬ laꞈ kʼoeˇ, aˬ yawꞈ maꞈ jawˇ byah jiˇ-awˇ, deh yaˇ mˇ dzaˬ-eu deuˬ hawˇ-eu, yawˇ yawˇ maꞈ teh-awˇ bo-eu yawˇ cu-eu tsawˇ haˬ deuˬ tiˬ byah ni jawˇ laˇ tehꞈ-a.

Yeˬlaˬmiˇ 31:25

Nui ma shaˬ zahˬ mˇ-euˬ tsawˇ haˬ deuˬ-ahˇ nui saˇ bi za-awˇ, mehꞈ-eu shuꞈ-eu baˬ da neh gʼaˬ baˬ-eu tsawˇ haˬ deuˬ-ahˇ, bi dzaˬ bi dawˇ dehˆ ma.

Yeˬlaˬmiˇ 32:15

Miˇ kʼahˬ heu kʼahˬ laꞈ kʼoeˇ, nymˇ, deh yaˇ hawˇ-eu aˬ gaꞈ yaˇ kmˇ deuˬ paˇ ya zeuˇ geuꞈ-eu aˇ nah keuˆ le tehꞈ-a’ lehˇ, Iˇsaˬleˬlaˆ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ ehˇ taˬ-euˬ meh.”

Yeˬlaˬmiˇ 33:12

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Kʼaˇ shuiꞈ deh ga loꞈ-ehˇ jaˆ-awˇ, tsawˇ haˬ hawˇ-eu jeˬ zaˬ maˬ jawˇ-eu miˇ kʼahˬ heu kʼahˬ laꞈ kʼoeˇ, yawˇ bo-eu deuˬ yawˇ gaˆ kʼahˬ jaˆ laˇ tehꞈ-a.

Yeˬlaˬmiˇ 33:13

Gawˬ jawˬ gawˬ duˇ paw jaˆ-eu meuˬ deuˬ laꞈ kʼoeˇ maˬ ehˇ, gawˬ jawˬ dawˬ dahˬ-ahˇ jaˆ-eu meuˬ deuˬ laꞈ kʼoeˇ maˬ ehˇ, Yuˇdaˆ miˇ kʼahˬ laꞈ oˆ dzaˬ-ahˇ maˬ ehˇ, Beˬyaˬmiˬ miˇ kʼahˬ laꞈ kʼoeˇ maˬ ehˇ, Yeˬluˇsaˬlehˬ meuˬ-euˬ tahˬ gʼoꞈ tahˬ jawˇ jaˆ-eu pu deuˬ laꞈ kʼoeˇ maˬ ehˇ, Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ laꞈ kʼoeˇ maˬ ehˇ, yawˇ bo-eu tsawˇ haˬ deuˬ aˬ yawꞈ maꞈ-euˬ yawˇ deuˬ-ahˇ gui haw gui haw-ehˇ jawˇ-eu aˇ nah paˇ keuˆ le tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬsaˬgeˬlaˇ 34:14

Iˇsaˬleˬlaˆ miˇ kʼahˬ laꞈ kʼoeˇ, gawˬ jawˬ-ahˇ yaˇ moꞈ nmˬ gaˇ maˬ ehˇ, deh kʼawꞈ-ahˇ maˬ ehˇ, nyoeˇ jawꞈ ni gʼeh-eu gaˆ dzaˬ duˬ kʼaˇ jaˆ gaˇ, aˬ yawꞈ maꞈ-ahˇ guˆ kʼaˇ maˬ zaˬ ni bi gaˆ ma.

Haˬgaiˇ 2:19

Naw maꞈ dzaˬ-eu cehˇ maˬ paˇ ahˇ-ehˇ, aˬ gaꞈ baw duˆ, siˬ guˬ aˇ bawˇ, aˇ ka uˆ aˇ bawˇ hawˇ-eu, saˬ loˬ aˇ bawˇ heu deuˬ aˇ siˬ maˬ siˬ le dah-euˬ kʼawꞈ, nymˬ-mˇ neh dahˬ beh-awˇ naw maꞈ-ahˇ ngaˇ guiˬ lahˬ biꞈ ma.”

Iˇsaˬyaˇ 52:8

Sahˬpaˬ Miˬyehˇ Ziˇoˬ meuˬ-ahˇ gʼoꞈ le luꞈ gaˇ, myaˆ nuiˆ ya mawˇ duˬ-eu miˇ neh, meuˬ-ahˇ loꞈ piˇ-eu deuˬ laˬ kʼaˬ tiˬ cehˇ, tiˬ kawˆ loꞈ-ehˇ guˇ dui dui meh.

Yeˬsaˬgeˬlaˇ 36:30

Aˬ cawˬ tsawˇ jeuˬ heu myaˆ ni gʼeh-eu mehˬ shi, naw maꞈ hawˬ mehꞈ shaˬ-awˇ daˬ maˬ ya ga ni, naw maꞈ-euˬ aˇ siˬ aˇ bawˇ deuˬ aˇ siˬ bi sahˇ le-awˇ, naw maꞈ-euˬ deh yaˇ deuˬ dzaˬ la gʼo cehˇ bi za le ma.

Zaˬkaˬliˇ 8:12

Aˬ yawꞈ maꞈ nui saˇ oꞈ-eu laꞈ kʼoeˇ siˬ yoeˬ ya sehˬ dzaˬ tehꞈ-a. Aˬ yawꞈ maꞈ-euˬ aˬ gaꞈ baw duˆ aˇ siˬ siˬ le-awˇ, dzaˬ la gʼo cehˇ za le-eu uˬ taꞈ, uˬ yehˇ jaˆ tehꞈ-a. Ngaˬ-euˬ miˇ kʼahˬ heu laꞈ kʼoeˇ kʼaˇ dzeˇ-eu tsawˇ haˬ deuˬ-ahˇ, guiˬ lahˬ kʼoeˇ deuˬ dawˬ tawˆ luꞈ ngaˇ biꞈ ma.