Yeˬlaˬmiˇ 31:10 - Akha

¹⁰ Sahˬpaˬ Miˬyehˇ heu loꞈ-ehˇ ehˇ-eu meh. “Miˇ kʼahˬ tsawˇ jeuˬ dawˬ tawˆ luꞈ naˇ haˬ sheˇ. Iˬ ma laˆ shaˆ kʼoeˇ baˬ keuˆ ni ngaˬ-euˬ dawˬ naˬ gaˬ-awˬ. Ngaˬ-euˬ tsawˇ haˬ deuˬ-ahˇ ngaˇ teh byaˆ-euˬ ngeuˇ ma. Ehˇ kʼawꞈ aˬ yawꞈ maꞈ-ahˇ ngaˇ poˆ kʼoꞈ-awˇ, yawˇ bo-eu gʼaˬ yawˇ yawˇ maꞈ-ahˇ haw-eu loꞈ-ehˇ, aˬ yawꞈ maꞈ-ahˇ ngehˬ gʼeh dah teˬ ma.

Yeˬlaˬmiˇ 31:10 Referans Kwoze

Iˇsaˬyaˇ 40:11

Yawˇ bo-eu yaw sahˇ yawˇ-ahˇ bo saˆ nehˬ-eu loꞈ-ehˇ, aˬ yawꞈ-euˬ yawˇ maꞈ-ahˇ aˬ yawꞈ bo saˆ nehˬ-awˇ, yawˇ zaˬ deuˬ-ahˇ tiˬ gaˇ jaˬ uiˬ jiˇ-eu laꞈ kʼoeˇ, aˬ yawꞈ-euˬ bawˇ kʼahˇ-ahˇ ciˬ-awˇ, yawˇ zaˬ aˬ ma deuˬ-ahˇ aˬ za za-ehˇ sheuˬ gʼeh tehꞈ-a.

Yeˬsaˬgeˬlaˇ 34:12

Cah byaˆ jiˇ-euˬ yawˇ deuˬ-ahˇ yawˇ bo-eu yaw sahˇ poˆ kʼoꞈ uiˬ-eu loꞈ-ehˇ, ngaˬ-euˬ yawˇ deuˬ-ahˇ ngaˇ poˆ kʼoꞈ uiˬ ma. Juˬ kʼoeˬ tmˬ-awˇ mˬ zahˇ tsui ni gʼeh ngeh nah aˬ yawꞈ maꞈ kʼaˇ cehˆ byaˆ taˬ-euˬ gaˇ, ngaˇ poˆ mawˆ kʼoꞈ ma.

Iˇsaˬyaˇ 66:19

Aˬ yawꞈ maꞈ-ahˇ kʼehˬ nehˬ kʼaˆ nehˬ-eu gʼaˬ ngaˇ pyeuꞈ-eu gaˇ kawˆ, aˬ yawꞈ maꞈ ya siˬ duˬ tehꞈ-a. “Ehˇ kʼawꞈ aˬ yawꞈ maꞈ tiˬ paˆ na deuˬ-ahˇ ngaˇ maˬ kʼehˬ ni bi dzeuˇ-iˇ-awˇ, ngaˇ tsawˇ myahˇ doˆ-eu gaˇ kawˆ maˬ ya gaˬ haw-ehˇ, ngaˬ-euˬ baoˬ hawˇ-eu yaw shehꞈ kʼahˬ sehˇ-ahˇ maˬ ya mawˇ haw-euˬ tsawˇ jeuˬ deuˬ hawˇ-eu, gaˇ mahˇ kaˬ gaˇ jaˆ-eu miˇ kʼahˬ deuˬ-ahˇ, aˬ yawꞈ maꞈ-ahˇ ngaˇ pyehˬ gʼeh ma. Saˬbeˬ miˇ kʼahˬ hawˇ-eu Liˆbyaˇ miˇ kʼahˬ-ahˇ maˬ ehˇ, kaˆ beuˆ nya dui dui-eu deuˬ jawˇ-eu Luˇdeˬ miˇ kʼahˬ-ahˇ maˬ ehˇ, Tuˇbaˬlaˇ miˇ kʼahˬ hawˇ-eu Heˬlaˬsaˇ miˇ kʼahˬ-ahˇ maˬ ehˇ, aˬ yawꞈ maꞈ-ahˇ ngaˇ pyehˬ gʼeh ma. Miˇ kʼahˬ heu deuˬ laꞈ kʼoeˇ, ngaˬ-euˬ yaw shehꞈ kʼahˬ sehˇ gaˇ kawˆ aˬ yawꞈ maꞈ ja byah tehꞈ-a.

Dawˬmehˬ 30:4

Nawˬ-euˬ tsawˇ haˬ tiˬ paˆ na deuˬ-aˬ, mˬ dzeˇ miˇ dzeˇ keuˆ ni kaˬ gaˇ cehˆ byaˆ taˬ-euˬ kʼawꞈ, aˬ yawꞈ paˇ sheuˬ kʼoꞈ uiˬ laꞈ tehꞈ-a.

Yoˇhaˬ 11:52

Aˬ yawꞈ maꞈ gʼaˇ duˬ tehꞈ-ehˇ maˬ ngeuˇ ni, miˇ tsaˬ doe ni bi teh byaˆ taˬ-euˬ Miˬyehˇ-euˬ tsawˇ haˬ deuˬ tiˬ maꞈ tiˬ muˇ tehꞈ-ehˇ paˇ bi pyeuꞈ laˇ-eu gʼaˇ duˬ aˬ yawꞈ ya shiˇ dah-eu gaˇ kawˆ ngehˬ dah-eu jeˬ kʼawꞈ pyeuꞈ-eu meh.

Yoˇhaˬ 10:27

Ngaˬ-euˬ yawˇ deuˬ ngaˬ-euˬ dawˬ naˇ haˬ-eu meh. Aˬ yawꞈ maꞈ-ahˇ ngaˇ siˬ nya-awˇ, aˬ yawꞈ maꞈ ngaˬ-euˬ mehˬ nah caw teh-eu meh.

Zeˬpaˬniˇ 3:19

Nawˬ-ahˇ kʼehˬ-eu tsawˇ haˬ deuˬ-ahˇ, ngaˇ paˇ kʼehˬ paˇ kʼaˆ poˆ nehˬ-awˇ, kuiˇ kuˆ deuˬ ka kʼoꞈ doˆ laꞈ-awˇ, teh byaˆ-euˬ deuˬ sheuˬ kʼoꞈ laꞈ-eu, aˇ nah kʼoeˇ nah keuˆ le luꞈ meh. Naw maꞈ ya shaꞈ dawˇ dui dui-euˬ, daˬ ga-euˬ jeˬ poˆ laˆ laˆ-awˇ, ciˬ huiˬ nehˬ-eu jeˬ bi oꞈ ma. Miˇ tsaˬ zaˬ dawˬ tawˆ tuˇ laˇ-awˇ, aˬ yawꞈ maꞈ-ahˇ ja ceuˬ tehꞈ-a.

Luˇkaꞈ 12:32

“Nyiˇ dui dui-eu yawˇ yawˇ maꞈ-oˇ, taˬ guˆ. Aˬ jeˬ miˇ neh ehˇ naˇ, naw maꞈ-ahˇ Miˇkʼahˬ biꞈ-eu gʼaˇ duˬ naw maꞈ-euˬ Aˬda nui ma tsaˬ-eu meh.

Zaˬkaˬliˇ 9:16

Aˇ nah kʼoeˇ nah keuˆ le ngeh jawˇ, yawˇ bo-eu gʼaˬ yawˇ yawˇ maꞈ-ahˇ, haw piˇ-awˇ ka kʼoꞈ-eu loꞈ-ehˇ, aˬ yawꞈ-euˬ tsawˇ haˬ kʼoeˇ deuˬ-ahˇ, Sahˬpaˬ Miˬyehˇ ka kʼoꞈ tehꞈ-a. shuiˇ uˬ kʼoˆ kʼoeˇ taˆ bya luꞈ-eu, poeˬ-eu kʼaˬ lo sehˇ deuˬ loꞈ-ehˇ, aˬ yawꞈ-euˬ miˇ kʼahˬ kʼoeˇ uˬ du, aˬ yawꞈ maꞈ yaw shehꞈ bya tehꞈ-a.

Zeˬpaˬniˇ 2:11

Sahˬpaˬ Miˬyehˇ aˬ yawꞈ maꞈ-ahˇ, yaw kʼaˆ-ehˇ laˆ guˆ nehˬ tehꞈ-a. miˇ taˆ miˬyehˇ dawˬ tawˆ luꞈ-ahˇ, SahˬpaˬMiˬyehˇ laˆ cawˆ jiˇ-awˇ, miˇtsaˬtsawˇjeuˬtsawˇca dawˬtawˆ, yawˬ ha jawˇ-eu miˇ kʼahˬ laꞈ kʼoeˇ, aˬ yawꞈ-ahˇ uˬ duˬ tahˬ tehꞈ-a.

Miˇkaˬ 5:4

Aˬ yawꞈ oe ngeh, Sahˬpaˬ Miˬyehˇ jawˇ gaˇ neh oe-euˬ gʼaˬ hawˇ-eu Miˬyehˇ pyeuꞈ-eu Sahˬpaˬ Miˬyehˇ-euˬ yaw shehꞈ kʼahˬ sehˇ-ahˇ gʼoe-awˇ, aˬ yawꞈ-euˬ tsawˇ haˬ deuˬ-ahˇ uˆ lahˇ tehꞈ-a. Aˬ yawꞈ-euˬ tsawˇ haˬ deuˬ guˆ kʼaˇ maˬ za ni ya dehꞈ tehꞈ-a. Aˬ jeˬ miˇ neh ehˇ naˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ aˬ yawꞈ huiˬ-eu mahˇ-eu gaˇ kawˆ siˬ nya tehꞈ-a.

Miˇkaˬ 4:6

Sahˬpaˬ Miˬyehˇ ehˇ-eu, “Ngaˬ neh kʼehˬ nehˬ kʼaˆ nehˬ-awˇ aˬ cawˬ miˇ kʼahˬ-ahˇ sheuˬ byoˆ gʼeh-euˬ gaˇ ya daˬ-euˬ tsawˇ haˬ deuˬ-ahˇ ngaˇ paˇ kuˇ uiˬ-eu aˇ nah keuˆ le tehꞈ-a.

Miˇkaˬ 2:12

“Ehˇ kʼawꞈ, kʼaˇ dzeuˇ-iˇ-euˬ naw maꞈ Iˇsaˬleˬlaˆ tsawˇ haˬ deuˬ-ahˇ ngaˇ kuˇ uiˬ ma. Kuˆ-ahˇ gʼoꞈ uˇ laˇ-eu yawˇ deuˬ loꞈ-ehˇ naw maꞈ-ahˇ ngaˇ tiˬ gaˇ tehꞈ-ehˇ sheuˬ uiˬ ma. Gaˆ dzaˬ duˬ-ahˇ yawˇ tiˬ byah ni gaˆ luꞈ-eu loꞈ-ehˇ, naw maꞈ miˇ kʼahˬ laꞈ kʼoeˇ tsawˇ haˬ paˇ myaˬ laˇ tehꞈ-a.”

Yeˬsaˬgeˬlaˇ 37:24

Ngaˬ-euˬ zaˬ kʼaˆ Daˬbiˇ-ahˇ duˇ-eu sahˬ paˬ tiˬ gʼaˬ, aˬ yawꞈ maꞈ-ahˇ uˆ lahˇ tehꞈ-a. Sahˬ paˬ tiˬ gʼaˬ uˆ lahˇ-eu uˬ moˆ, aˬ yawꞈ maꞈ dawˬ tawˆ luꞈ nui ma gm-awˇ, ngaˬ-euˬ zahˇ dawˬ kʼoꞈ dawˬ deuˬ-ahˇ saˇ jaˇ ziꞈ tehꞈ-a.

Yeˬsaˬgeˬlaˇ 20:34

Naw maꞈ cehˆ byaˆ taˬ-euˬ miˇ kʼahˬ deuˬ laꞈ kʼoeˇ neh, naw maꞈ-ahˇ ngaˇ paˇ sheuˬ kʼoꞈ uiˬ laꞈ ngeh, ngaˬ-euˬ baoˬ hawˇ-eu ngaˇ nui ma pehˇ-eu jeˬ naw maꞈ-ahˇ bi mawˇ ma.

Yeˬsaˬgeˬlaˇ 11:16

“Nymˬ-mˇ poˆ jawˇ, nawˬ nehˬ-ehˇ tiˬ kawˆ loꞈ-ehˇ bi nyehꞈ daˆ laꞈ-euˬ tsawˇ haˬ deuˬ-ahˇ, ngaˇ heu loꞈ-ehˇ ehˇ-eu meh lehˇ ehˇ nehˬ-awˬ. Aˬ yawꞈ maꞈ-ahˇ gaˇ mahˇ kaˬ-eu tsawˇ jeuˬ deuˬ jawˇ gaˇ biˇ jawˇ laˇ-awˇ, aˬ cawˬ miˇ kʼahˬ doe ni bi jawˇ byaˆ-euˬ gʼaˬ ngaˇ ma. Ehˇ kʼawꞈ, nymˬ-mˇ poˆ jawˇ-aˬ, aˬ yawꞈ maꞈ kʼaˇ jawˇ luꞈ-eu miˇ kʼahˬ laꞈ kʼoeˇ aˬ yawꞈ maꞈ nehˬ-ehˇ ngaˇ jawˇ ma.

Yeˬsaˬgeˬlaˇ 5:10

Kʼoeˇ loꞈ-ehˇ jahˇ nehˬ ngeh jawˇ, Yeˬluˇsaˬlehˬ meuˬ-ahˇ jawˇ-eu deuˬ, aˬ ma aˬ da deuˬ zaˬ deuˬ-euˬ shaˬ jiˇ ya dzaˬ gaˇ keuˆ-awˇ, zaˬ deuˬ aˬ ma aˬ da-euˬ shaˬ jiˇ ya dzaˬ gaˇ keuˆ tehꞈ-a. Nawˬ-ahˇ ngaˇ kʼehˬ-awˇ, yawˬ paw na luꞈ byaˆ dzeh gʼeh ngeh, yaw dehꞈ-ehˇ aˬ suˇ gʼaˬ dzeuˇ-iˇ nya nmˇ.

Yeˬsaˬgeˬlaˇ 5:2

Nawˬ-euˬ uˬ duˬ tsehˇ kahˇ smˬ bymˇ saˆ paˆ-awˬ. Meuˬ-ahˇ loꞈ jawˬ-euˬ aˇ yamˬ jiˇ ngeh, tiˬ bymˇ keuˬ dzeh-awˬ. Tiˬ bymˇ-aˬ, meuˬ-euˬ laꞈ nyiˇ nawˇ cah ngeh, mi cehˇ neh byehˆ byehˆ-ehˇ cah-awˬ. Tiˬ bymˇ-aˬ, jaˬ lehˇ laꞈ kʼoeˇ byaˆ gʼeh-awˬ. Kʼoeˇ-euˬ mehˬ nah ngaˬ-euˬ mi cehˇ neh ngaˇ caw teh gʼeh ma.

Yeˬlaˬmiˇ 50:19

Ehˇ kʼawꞈ, Iˇsaˬleˬlaˆ tsawˇ haˬ deuˬ-ahˇ-aˬ, aˬ yawꞈ maꞈ-euˬ miˇ kʼahˬ-ahˇ sheuˬ kʼoꞈ gʼeh nehˬ ma. Gaˬlaˬmeˬlaˇ gawˬ jawˬ hawˇ-eu Baˬshaˬ gahˬ kaˬ-ahˇ dehꞈ-eu dzaˇ deuˬ aˬ yawꞈ maꞈ dzaˬ-awˇ, Eˇpaˬleˬ miˇ kʼahˬ hawˇ-eu Giˇlaˆ miˇ kʼahˬ laꞈ kʼoeˇ dehꞈ-eu dzaˬ la gʼo cehˇ deuˬ, aˬ yawꞈ maꞈ kʼaˇ dzaˬ mawꞈ-eu dzaˬ tehꞈ-a.

Yeˬlaˬmiˇ 50:17

Sahˬpaˬ Miˬyehˇ heu loꞈ-ehˇ ehˇ-eu meh. “Iˇsaˬleˬlaˆ tsawˇ haˬ deuˬ-aˬ, aˇ laˬ jaˬ shiˇ neh bi teh byaˆ-euˬ yawˇ deuˬ-ahˇ duˇ-eu meh. Yaw beh Aˬshuˇliˆ sahˬ paˬ neh bi kawꞈ sehꞈ dzaˬ-awˇ, kʼoeˇ naˇ, Baˬbuˇloˬ sahˬ paˬ Neˬbuˬkaˬneˬzaˬ neh shaˬ yoeˬ bi teuꞈ byoˆ jiˇ-euˬ meh.

Yeˬlaˬmiˇ 25:22

Duˇlu miˇ kʼahˬ hawˇ-eu Siˇdoˬ miˇ kʼahˬ-euˬ sahˬ paˬ dawˬ tawˆ luꞈ hawˇ-eu, gʼahˇ ceh-euˬ iˬ ma laˆ shaˆ lawˇ deh caw caw-ehˇ jaˆ-eu miˇ kʼahˬ deuˬ-euˬ sahˬ paˬ deuˬ,

Iˇsaˬyaˇ 60:9

Sahˬpaˬ Miˬyehˇ-euˬ tsawˇ haˬ sheuˬ kʼoꞈ ha laˇ-eu gʼaˇ duˬ, gaˇ mahˇ kaˬ gaˇ neh oe-euˬ saˇ baoˬ meh. Tsawˇ jeuˬ dawˬ tawˆ luꞈ aˬ yawꞈ-euˬ tsawˇ jeuˬ-ahˇ taˬ huiˬ ni jahˇ-euˬ, Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu, Sahˬpaˬ Miˬyehˇ-euˬ tsawˇ myahˇ-ahˇ taˬ huiˬ taˬ mahˇ nehˬ-eu gʼaˇ duˬ, pyuˇ hawˇ-eu shuiˇ deuˬ aˬ yawꞈ maꞈ yuˇ laꞈ-euˬ meh.

Iˇsaˬyaˇ 54:7

“Nawˬ-ahˇ ngaˇ tiˬ kʼehˇ laˇ kʼehˬ byehˇ dzeh-euˬ tehꞈ ma. Gaˬ dui dui-eu laꞈ kʼoeˇ nawˬ-ahˇ ngaˇ paˇ sheuˬ kʼoꞈ geuꞈ ma.

Iˇsaˬyaˇ 42:10

Sahˬpaˬ Miˬyehˇ-ahˇ caˇ dawˬ yaw shuiꞈ caˇ-awˇ ja ceuˬ-awˬ. Miˇ tsaˬ dawˬ tawˆ aˬ yawꞈ-ahˇ caˇ-awˇ ja ceuˬ-awˬ. Iˬ ma laˆ shaˆ kʼoeˇ taˆ cah-eu tsawˇ haˬ dawˬ tawˆ, laˆ shaˆ laꞈ kʼoeˇ kʼaˇ uˇ-eu jeˬ dawˬ tawˆ, aˬ yawꞈ-ahˇ ja ceuˬ-awˬ. Gaˇ mahˇ-ahˇ jaˆ-eu miˇ kʼahˬ deuˬ hawˇ-eu, kʼoeˇ gaˇ kʼaˇ jawˇ kʼaˇ deuˬ aˬ yawꞈ-ahˇ ja ceuˬ-awˬ.

Iˇsaˬyaˇ 42:4

Noeˬ tmˬ-eu jeˬ hawˇ-eu nui ma kʼaˬ duˬ ni taˬ-euˬ jeˬ, byoˆ-iˇ ni aˬ yawꞈ maˬ mˇ-ehˇ, miˇ tsaˬ kʼoeˇ taˆ yaw tsaˬ yaw dawˇ jeˬ-ahˇ aˬ yawꞈ laˆ ziꞈ tehꞈ-a. Gaˇ mahˇ kaˬ gaˇ jawˇ-eu miˇ kʼahˬ tsawˇ jeuˬ, aˬ yawꞈ-euˬ zahˇ dawˬ kʼoꞈ dawˬ-ahˇ noeˬ tmˬ tehꞈ-a.”

Iˇsaˬyaˇ 41:1

Miˬyehˇ ehˇ-eu, “Gaˇ mahˇ kaˬ gaˇ jaˆ-eu miˇ kʼahˬ deuˬ-oˇ, ciˬ cuˇ ni jawˇ-awˇ ngaˇ ehˇ gaˇ naˇ haˬ-awˬ. Naw maꞈ yaˇ kʼaˬ ja-eu gʼaˇ duˬ lehˬ hmˬ taˬ-awˬ. Naw maꞈ dawˬ ngehˬ-eu a kawˬ-aˬ jaˆ meh. Aˬ dui tiˬ kawˆ loꞈ-ehˇ uiˬ laˇ jiˇ-awˇ, aˬ geu gʼaˬ lehˬ nga lehˇ daˇ tsehˆ kaˇ-euˇ.

Iˇsaˬyaˇ 27:12

Aˇ nah kʼoeˇ nah keuˆ le ngeh jawˇ, cehˇ baw shawˇ doˆ geuꞈ-eu loꞈ-ehˇ, Uˇpaˬlaˇ lawˇ baˬ-ahˇ neh Iˇjiˇtuˆ miˇ kaˬ-ahˇ keuˆ ni, aˬ yawꞈ-euˬ tsawˇ haˬ tiˬ gʼaˬ saˇ-iˬ tiˬ gʼaˬ-ahˇ Sahˬpaˬ Miˬyehˇ poˆ kʼoꞈ uiˬ geuꞈ tehꞈ-a.

Iˇsaˬyaˇ 24:14

Buˬ-iˇ-euˬ tsawˇ haˬ deuˬ, laˬ kʼaˬ cehˇ-eu caˇ dawˬ caˇ tehꞈ-a. Nahˇ ma ga kʼehˬ paw jawˇ-eu deuˬ Sahˬpaˬ Miˬyehˇ huiˬ-eu mahˇ-eu gaˇ kawˆ ja tehꞈ-a.

Jaceuq 72:10

Saˬbeˬ sahˬ paˬ hawˇ-eu iˇ jaw lahˇ deuˬ-ahˇ jawˇ-eu sahˬ paˬ deuˬ, aˬ yawꞈ-ahˇ laꞈ sawˬ ya biꞈ ha laˇ tehꞈ-a. Sheˬba sahˬ paˬ hawˇ-eu Seˬbaˬ sahˬ paˬ aˬ nyaꞈ aˬ yawꞈ-ahˇ damˬ nehˬ laˇ tehꞈ-a.

Dawˬmehˬ 32:26

Aˬ cawˬ maˬ paˇ noeˬ mawˇ coeˇ ni, kʼaˬ puiˬ kʼaˬ lehˇ lehˇ byoˆ nehˬ ma.

Aˇ dahˬ 10:5

Aˬ yawꞈ maꞈ-aˬ, iˬ ma laˆ shaˆ lawˇ taw jawˇ-eu tsawˇ jeuˬ deuˬ hawˇ-eu, iˇ jaw lahˇ deuˬ laꞈ kʼoeˇ jawˇ-eu tsawˇ jeuˬ deuˬ-euˬ aˬ da yaw dzahˇ deuˬ pyeuꞈ-eu meh. Heu-aˬ, tsawˇ jeuˬ beu gaˇ-awˇ, miˇ kʼahˬ maˬ taꞈ-eu Yaˬpahˇ-euˬ zaˬ deuˬ uˆ deuˬ pyeuꞈ-eu meh. Aˬ yawꞈ maꞈ yawˬ ha tsawˇ jeuˬ-euˬ dawˬ yawˬ ha baw-eu meh.

Uˬ duˬ 26:33

Naw maꞈ kʼoeˇ taˆ guiˇ deuˆ-eu jeˬ ngaˇ bi keuˆ le-awˇ, aˬ cawˬ miˇ kʼahˬ laꞈ kʼoeˇ, tiˬ gaˇ tiˬ gʼaˬ-ehˇ naw maꞈ ya jawˇ byoˆ tehꞈ-a. Naw maꞈ-euˬ miˇ kʼahˬ ciˬ cuˇ ni jaˆ yaꞈ-awˇ, naw maꞈ-euˬ meuˬ deuˬ yaw pyaˆ yaw shaˆ-ehˇ jaˆ yaꞈ tehꞈ-a.

Jaceuq 23:1

SahˬpaˬMiˬyehˇngaˬ-ahˇbo-eu, yawˇbo-eu yaw sahˇmeh. Ngaˇtiˬ jeˬ-iˬloˬ-eu maˬjaˆ.

Dawqdaq 27:23

Yawˬ ha-euˬ yawˇ hawˇ-eu mawˇ neˇ-ahˇ yaw muiˬ paˬ-ehˇ bo saˆ-awˬ.

Iˇsaˬyaˇ 40:1

“Ngaˬ-euˬ tsawˇ haˬ deuˬ-oˇ, nui saˇ za-awˬ. Nui saˇ za-awˬ” lehˇ naw maꞈ-euˬ Miˬyehˇ ehˇ-eu meh.

Iˇsaˬyaˇ 48:20

Baˬbuˇloˬ meuˬ laꞈ kʼoeˇ neh doˆ-iˇ-awˇ, iˇ buˬ iˇ law gʼeh-awˬ. Gaˇ kawˆ kʼoeˇ laˬ kʼaˬ cehˇ taˆ ni guˇ-awˇ, yawˬ gaˇ na luꞈ bi gaˬ doe-awˬ. “Aˬ yawꞈ-euˬ zaˬ kʼaˆ Iˇsaˬleˬlaˆ-ahˇ, Sahˬpaˬ Miˬyehˇ ka kʼoꞈ-euˬ meh” lehˇ guˇ gaˬ-awˬ.

Yeˬlaˬmiˇ 3:15

Ngaˬ-euˬ ehˇ dawˬ naˇ haˬ-awˇ uˆ lahˇ-eu aˬ yuiꞈ aˬ tsu deuˬ, naw maꞈ-ahˇ ngaˇ biꞈ ma. Zaˬ siˬ tsawˇ gahˇ hawˇ-eu noeˬ siˬ noeˬ mawˇ nya-eu jeˬ tiˬ byah ni ahˇ-eu laꞈ kʼoeˇ, naw maꞈ kʼoeˇ taˆ aˬ yawꞈ maꞈ uˆ lahˇ tehꞈ-a.

Yeˬlaˬmiˇ 23:4

Aˬ yawꞈ maꞈ-ahˇ bi sheuˬ gʼeh-eu aˬ yuiꞈ aˬ tsu deuˬ ngaˇ tseˇ doˆ ma. Ngaˬ-euˬ tsawˇ haˬ deuˬ guˆ-eu gaˆ-eu jeˬ-ahˇ maˬ paˇ ya tahˬ puˬ-ehˇ aˬ yawꞈ maꞈ-ahˇ ngaˇ maˬ paˇ kʼehˬ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Daˬyeˬlaˇ 11:18

Kʼoeˇ naˇ, iˬ ma laˆ shaˆ paw neh aˬ cawˬ miˇ kʼahˬ-ahˇ aˬ yawꞈ guiˇ deuˆ-awˇ, gʼawˬ mya kʼahˬ-ahˇ deuˆ gʼaˬ tehꞈ-a. Ehˇ kʼawꞈ, aˬ cawˬ tsawˇ jeuˬ-euˬ aˬ yuiꞈ aˬ tsu tiˬ gʼaˬ aˬ yawꞈ-ahˇ guiˇ deuˆ gʼaˬ-awˇ, aˬ yawꞈ neh aˬ dzawˬ aˇ gah gah-euˬ jeˬ aˇ saˬ bi saˬ tehꞈ-a. Aˬ diˇ aˬ maˇ Suˇliˆ sahˬ paˬ neh mˇ-euˬ yaw doeˇ jeˬ, Suˇliˆ sahˬ paˬ kʼoeˇ taˆ paˇ keuˆ le ni aˬ yawꞈ jahˇ kʼoꞈ nehˬ tehꞈ-a.

Zaˬkaˬliˇ 2:6

“Laˇ-awˬ. Laˇ-awˬ. Laꞈ taˆ pyawˬ-ahˇ jaˆ-eu miˇ kʼahˬ-ahˇ neh cehˆ gʼoꞈ kʼoꞈ laꞈ-awˬ” lehˇ Sahˬpaˬ Miˬyehˇ ehˇ-eu meh. “Mˬ taˆ jaˬ lehˇ lehˇ ma oeˬ pyawˬ neh, naw maꞈ-ahˇ ngaˇ teh byaˆ taˬ-euˬ ma” lehˇ, Sahˬpaˬ Miˬyehˇ ehˇ-eu meh.

Jaceuq 147:2

Yeˬluˇsaˬlehˬ meuˬ-ahˇ Sahˬpaˬ Miˬyehˇ tsoˆ muiˬ luꞈ-awˇ, aˬ cawˬ miˇ kʼahˬ-ahˇ bi nyehꞈ gʼeh-euˬ deuˬ-ahˇ sheuˬ kʼoꞈ leꞈ-eu lehˇ gʼeh-eu meh.

Zaˬkaˬliˇ 10:8

“Ngaˬ-euˬ tsawˇ haˬ-ahˇ ngaˇ kuˇ-awˇ, tiˬ gaˇ bi uiˬ bi bymˇ laˇ ma. Aˬ yawꞈ maꞈ-ahˇ ngaˇ ka kʼoꞈ-awˇ, aˇ hu loꞈ-ehˇ bi behˇ laˇ ma.