Yeˬlaˬmiˇ 30:21 - Akha

²¹ Aˬ yawꞈ maꞈ-ahˇ yawˬ ha-euˬ tsawˇ jeuˬ neh bi sheuˬ gʼeh-awˇ, yawˬ ha-euˬ tsawˇ haˬ neh bi uˆ lahˇ ma. Aˬ yawꞈ-ahˇ ngaˇ kuˇ-eu miˇ neh, ngaˬ-euˬ dawˬ peh aˬ yawꞈ jiˆ laˇ tehꞈ-a. Ngaˬ neh maˬ kuˇ-euˬ tsawˇ haˬ zaˬ, dawˬ peh jiˆ laˇ peuˬ meh loˇ lehˇ, ngaˇ Sahˬpaˬ Miˬyehˇ ehˇ-eu ma.

Yeˬlaˬmiˇ 30:21 Referans Kwoze

Bawˇtsahˬ 16:5

Kʼoeˇ naˇ, Kawˇlaˆ hawˇ-eu Kawˇlaˆ-euˬ mehˬ nah caw teh-eu tsawˇ haˬ deuˬ-ahˇ aˬ yawꞈ ehˇ nehˬ-eu, “Aˬ geu gʼaˬ Sahˬpaˬ Miˬyehˇ-euˬ tsawˇ haˬ pyeuꞈ-eu gaˇ kawˆ, Sahˬpaˬ Miˬyehˇ aˬ dui-ahˇ ni shawˬ uˬ shawˬ bi siˬ bi mawˇ laꞈ tehꞈ-a. Aˬ yawꞈ neh tseˇ doˆ-euˬ aˬ yawꞈ-euˬ tsawˇ haˬ pyeuꞈ-eu gʼaˬ-ahˇ, lawˇ duˬ-ahˇ aˬ yawꞈ jawˇ-eu dawˬ peh bi le laꞈ tehꞈ-a.

Yeˬsaˬgeˬlaˇ 37:24

Ngaˬ-euˬ zaˬ kʼaˆ Daˬbiˇ-ahˇ duˇ-eu sahˬ paˬ tiˬ gʼaˬ, aˬ yawꞈ maꞈ-ahˇ uˆ lahˇ tehꞈ-a. Sahˬ paˬ tiˬ gʼaˬ uˆ lahˇ-eu uˬ moˆ, aˬ yawꞈ maꞈ dawˬ tawˆ luꞈ nui ma gm-awˇ, ngaˬ-euˬ zahˇ dawˬ kʼoꞈ dawˬ deuˬ-ahˇ saˇ jaˇ ziꞈ tehꞈ-a.

Gʼaˬkʼehˇ 5:31

Iˇsaˬleˬlaˆ tsawˇ haˬ deuˬ iˬ baˇ noeˬ poˆ-awˇ, iˬ baˇ pyehˬ nehˬ-eu jeˬ-ahˇ za nya ni, Miˬyehˇ-euˬ aˇ maˇ paw aˬ yawꞈ-ahˇ ciˬ huiˬ keuˆ nehˬ-awˇ, Sheuˬ gʼeh-eu gʼaˬ hawˇ-eu Ka kʼoꞈ-eu gʼaˬ bi pyeuꞈ laˇ-euˬ meh.

1 Yoˇhaˬ 2:2

Aˬ dui-ahˇ iˬ baˇ pyehˬ nehˬ laꞈ-euˬ kʼoeˇ-aˬ, Ka li baˬ da neh meh. Aˬ dui-euˬ iˬ baˇ tehꞈ-ehˇ maˬ ngeuˇ-ehˇ, tsawˇ haˬ yawˬ gʼaˬ na luꞈ-euˬ i baˇ pyehˬ nehˬ laꞈ-euˬ meh.

Yeˬlaˬmiˇ 30:9

Aˬ yawꞈ maꞈ-euˬ Miˬyehˇ Sahˬpaˬ Miˬyehˇ pyeuꞈ-eu ngaˬ-euˬ nui kʼahˇ aˬ yawꞈ maꞈ mˇ-awˇ, Daˬbiˇ-euˬ zaˬ deuˬ uˆ deuˬ laꞈ kʼoeˇ, aˬ yawꞈ maꞈ gʼaˇ duˬ ngaˬ neh tseˇ doˆ nehˬ-euˬ sahˬ paˬ tiˬ gʼaˬ uˬ moˆ, aˬ yawꞈ maꞈ dehꞈ tehꞈ-a.

2 Saˬmeuˬlaˆ 7:13

Aˬ yawꞈ-aˬ, ngaˬ-euˬ gʼaˇ duˬ uˬ duˬ tahˬ nymˇ ya tsoˆ-eu gʼaˬ pyeuꞈ-awˇ, aˬ yawꞈ-euˬ dzoeˬ dzaˬ ziꞈ ni ngaˇ caw ba nehˬ ma.

Dawˬmehˬ 33:5

Iˇsaˬleˬlaˆ tsawˇ jeuˬ dawˬ tawˆ, uiˬ leˇ bymˇ leˇ taˬ-euˬ kʼoeˇ taˆ, Sahˬpaˬ Miˬyehˇ dzoeˬ dzaˬ-euˬ meh.

Dawˬmehˬ 18:18

Nawˇ loꞈ-ehˇ gʼeh-eu ngaˬ-euˬ gʼaˇ duˬ ngehˬ dah-eu tsawˇ haˬ tiˬ gʼaˬ, aˬ yawꞈ maꞈ laꞈ kʼoeˇ ngaˇ bi doˆ laˇ ma. Aˬ joˆ-ehˇ ya ngehˬ ya tmˇ-eu gaˇ kawˆ ngaˇ aˬ yawꞈ-ahˇ ehˇ nehˬ-awˇ, ngaˬ neh dawˬ kʼaˇ biꞈ-euˬ yawˬ jeˬ na luꞈ, aˬ yawꞈ maꞈ-ahˇ aˬ yawꞈ ehˇ nehˬ tehꞈ-a.

Aˇ dahˬ 49:10

Sahˬ paˬ-euˬ gawˬ yoeˬ-ahˇ aˬ yawꞈ tuˆ tehˬ taˬ-awˇ, Aˬ yawꞈ-euˬ zaˬ deuˬ tiˬ ziˇ saˇ-iˬ tiˬ ziˇ dzoeˬ dzaˬ oꞈ tehꞈ-a. Aˬ cawˬ tsawˇ jeuˬ deuˬ aˬ yawꞈ jawˇ gaˇ pyuˇ shuiˇ myawˬ gahˬ taꞈ ha laˇ-awˇ, Aˬ yawꞈ mehˬ shi awˆ byaˆ-eu laꞈ kʼoeˇ aˬ yawꞈ ehˇ dawˬ naˇ haˬ tehꞈ-a.

Panmaeq 19:16

Aˬ yawꞈ-euˬ pehˇ kʼahˬ pehˇ mahˇ hawˇ-eu shaˬ pyaˬ-ahˇ, “Sahˬ paˬ kʼoeˇ taˆ Sahˬpaˬ” lehˇ boꞈ taˬ-euˬ meh.

Maꞈtehˬ 27:37

“Tsawˇ haˬ heu gʼaˬ Yuˇdaˆ tsawˇ haˬ-euˬ sahˬ paˬ pyeuꞈ-eu Yeˬsuˇ meh” lehˇ boꞈ taˬ-euˬ, aˬ yawꞈ-ahˇ yaw lehˬ no-euˬ dawˬ kʼoeˇ dawˬ, aˬ yawꞈ-euˬ uˬ duˬ kʼoeˇ taˆ paw dzeˇ taꞈ myahˬ taˬ-euˬ meh.

Maꞈtehˬ 3:17

“Heu-aˬ, ngaˇ gaˬ dui dui-awˇ nui kʼahˇ shiˇ dui dui-eu ngaˬ-euˬ Zaˬmaˇ ma” lehˇ ehˇ-eu teˇ saˇ, mˬ-ahˇ neh gaˬ doˆ le-euˬ meh.

Maꞈtehˬ 2:2

Aˬ yawꞈ maꞈ ehˇ-eu, “Dehꞈ le-euˬ Yuˇdaˆ tsawˇ haˬ-euˬ sahˬ paˬ kʼoeˇ gʼaˬ aˬ gaˇ jawˇ ta. Nahˇ ma doˆ kʼehˬ paw dzeˇ neh aˬ yawꞈ-euˬ aˬ guiˇ doˆ laˇ gaˇ nga maꞈ ya mawˇ-awˇ, aˬ yawꞈ-ahˇ uˬ duˬ tahˬ laˇ-euˬ ma.”

Yeˬlaˬmiˇ 50:44

“Yawˇdaˬ lawˇ baˬ gawˆ taw sahˬ kʼaˆ uˬ moˆ jawˇ-eu aˇ laˬ jaˬ shiˇ, jeˬ zaˬ gaˆ kʼahˬ-ahˇ tsawˬ doˆ laꞈ-eu loꞈ-ehˇ ngaˇ oe-awˇ, Baˬbuˇloˬ tsawˇ haˬ deuˬ tehˬ law tsaˇ law-ehˇ bi cehˆ byaˆ ma. Kʼoeˇ naˇ, ngaˬ neh tseˇ doˆ-euˬ tsawˇ haˬ, miˇ kʼahˬ kʼoeˇ kʼahˬ-ahˇ paˇ bi uˆ lahˇ ma. Ngaˬ-ahˇ yawꞈ cehˆ haw laˇ peuˬ-eu aˬ suˇ gʼaˬ jawˇ ta. Ngaˬ-ahˇ ciˬ daˬ laˇ peuˬ-eu aˬ suˇ gʼaˬ jawˇ ta. Ngaˬ-ahˇ jahˇ gʼeh haw peuˬ-eu sahˬ paˬ sahˬ ma aˬ gaˇ jawˇ ta.

Yeˬlaˬmiˇ 49:19

Yawˇdaˬ lawˇ baˬ gawˆ taw sahˬ kʼaˆ uˬ moˆ jawˇ-eu aˇ laˬ jaˬ shiˇ, jeˬ zaˬ gaˆ kʼahˬ-ahˇ tsawˬ doˆ laꞈ-eu loꞈ-ehˇ ngaˇ oe-awˇ, Eˬdoˬ tsawˇ haˬ deuˬ aˬ yawꞈ maꞈ-euˬ miˇ kʼahˬ-ahˇ byehˇ-awˇ tehˬ law tsaˇ law-ehˇ bi cehˆ byaˆ ma. Kʼoeˇ naˇ, ngaˬ neh tseˇ doˆ-euˬ tsawˇ haˬ, miˇ kʼahˬ kʼoeˇ kʼahˬ-ahˇ paˇ bi uˆ lahˇ ma. Ngaˬ-ahˇ yawꞈ cehˆ haw laˇ peuˬ-eu aˬ suˇ gʼaˬ jawˇ ta. Ngaˬ-ahˇ ciˬ daˬ laˇ peuˬ-eu aˬ suˇ gʼaˬ jawˇ ta. Ngaˬ-ahˇ jahˇ gʼeh haw peuˬ-eu sahˬ paˬ sahˬ ma aˬ gaˇ jawˇ ta.

Aˇ dahˬ 18:27

Aˬbyaˬhaˬ paˇ ehˇ-eu, “Sahˬpaˬ Miˬyehˇ-oˇ, ngaˇ nawˬ-ahˇ dawˬ ngehˬ cawˬ laˇ gaˇ iˬ baˇ taˬ taˬ nehˬ laꞈ. Ngaˇ-aˬ, tsawˇ haˬ zaˬ tiˬ gʼaˬ pyeuꞈ-eu miˇ neh, nawˬ-ahˇ teh ngehˬ laˇ-eu maˬ tsaˬ-a. Ehˇ kʼawꞈ, oˇ oꞈ-eu laꞈ kʼoeˇ tiˬ poˆ naˇ haˬ nehˬ laꞈ siˬ.

HeˬByehˇ 1:3

Aˬ yawꞈ-euˬ laꞈ kʼoeˇ Miˬyehˇ-euˬ yaw shehꞈ kʼahˬ sehˇ bya doˆ luꞈ-awˇ, Miˬyehˇ-ahˇ duˇ duˇ dehꞈ dehꞈ pyeuꞈ-eu meh. Baoˬ huiˬ dui dui-eu aˬ yawꞈ-euˬ dawˬ-ahˇ gʼoe-awˇ, mˬ hawˇ-eu miˇ dawˬ tawˆ luꞈ-ahˇ haw luꞈ pyaˆ luꞈ-eu meh. Tsawˇ haˬ zaˬ-ahˇ Miˬyehˇ iˬ baˇ pyehˬ nehˬ nya ni mˇ gʼaˬ shaˇ gʼaˬ-awˇ, Dawˬ tawˆ kʼoeˇ taˆ Baoˬ huiˬ-eu gʼaˬ pyeuꞈ-eu Miˬyehˇ-euˬ aˇ maˇ paw, mˬ kʼoeˇ taˆ aˬ yawꞈ nuiˇ luꞈ-eu meh.

Lormav 8:34

Toˆ-ehˇ ngeuˇ naˇ, aˬ yawꞈ maꞈ iˬ baˇ ahˇ meh lehˇ aˬ suˇ gʼaˬ paˇ ehˇ nmˇ. Tiˬ gʼaˬ-iˬ maˬ paˇ ehˇ-aˇ. Shiˇ gʼaˬ-euˬ gaˇ Miˬyehˇ neh paˇ bi gʼoꞈ dehꞈ laˇ-awˇ, Miˬyehˇ-euˬ aˇ maˇ paw jawˇ-awˇ aˬ dui-euˬ gʼaˇ duˬ Miˬyehˇ-ahˇ shaˇ luꞈ-eu gʼaˬ pyeuꞈ-eu Yeˬsuˇ Ka li kʼawꞈ, kʼoeˇ loꞈ-ehˇ maˬ ehˇ-aˇ.

Luˇkaꞈ 24:26

Ka li aˬ yawꞈ yaw shehꞈ kʼahˬ sehˇ laꞈ kʼoeˇ uˇ leˇ nya ni, kʼoeˇ deuˬ-ahˇ jeˬ huˬ ya daˬ-eu maˬ ngeuˇ-a loˇ.”

Yeˬlaˬmiˇ 33:15

Aˇ nah aˇ yamˬ kʼoeˇ keuˆ laˇ ngeh, Daˬbiˇ-euˬ zaˬ deuˬ uˆ deuˬ laꞈ kʼoeˇ, yaw tsaˬ yaw dawˇ tsawˇ haˬ tiˬ gʼaˬ-ahˇ sahˬ paˬ bi geuꞈ-eu gʼaˇ duˬ ngaˇ tseˇ doˆ ma. Sahˬpaˬ kʼoeˇ gʼaˬ-aˬ, miˇ kʼahˬ kʼahˬ lah ni kʼoeˇ taˆ yaw tsaˬ yaw dawˇ jeˬ mˇ tehꞈ-a.

Iˇsaˬyaˇ 63:1

“Eˬdoˬ miˇ kʼahˬ Bawˇzaˬlahˬ meuˬ-ahˇ neh oe-euˬ, tsawˇ haˬ kʼoeˇ gʼaˬ aˬ suˇ gʼaˬ-a. Yaw shehꞈ kʼahˬ sehˇ huiˬ-eu mehˬ tsoeˬ paˇ neˇ dm-awˇ, baoˬ hawˇ-eu gʼaˬ huiˬ dui dui-eu laꞈ kʼoeˇ, mehˬ hu paw oe luꞈ-eu kʼoeˇ gʼaˬ aˬ suˇ gʼaˬ-a. Kʼoeˇ-aˬ, ka kʼoꞈ-eu baoˬ ahˇ-eu Sahˬpaˬ Miˬyehˇ pyeuꞈ-awˇ, aˬ yawꞈ gʼaˬ leˇ-eu gaˇ kawˆ ja gaˬ-eu lehˇ oe-eu meh.”

Jaceuq 89:29

Aˬ yawꞈ-euˬ dzoeˬ dzaˬ mˬ maˬ maˬ byaˆ zaˇ ziˇ ziꞈ-awˇ, aˬ yawꞈ-euˬ zaˬ deuˬ uˆ deuˬ aˬ myah luꞈ sahˬ paˬ geuꞈ tehꞈ-a.

Neˬhaˬmiˇ 7:2

Yeˬluˇsaˬlehˬ meuˬ-ahˇ bi uˆ lahˇ-eu gʼaˇ duˬ tsawˇ haˬ nyiˬ gʼaˬ-ahˇ ngaˇ tseˇ doˆ-euˬ ma. Aˬ yawꞈ nyaꞈ-euˬ, ngaˬ-euˬ aˬ nyiˇ Haˬnaˬniˇ hawˇ-eu Yehˇ-euˬ taˆ-ahˇ aˬ yuiꞈ geuꞈ-eu gʼaˬ pyeuꞈ-eu Haˬnaˬniˇyaˆ meh. Haˬnaˬniˇyaˆ-aˬ, Miˬyehˇ-ahˇ guˆ-eu nui ma ahˇ-awˇ, aˬ cawˬ naˆ maˬ tseˇ gʼoe coeˇ-eu tsawˇ haˬ tiˬ gʼaˬ pyeuꞈ-eu meh.

Eˇzaˬlaˬ 2:2

Aˬ yawꞈ maꞈ-euˬ aˬ yuiꞈ aˬ tsu deuˬ-aˬ, Yeˬluˇbaˬbeˬlaˇ, Yawˇshuˆ, Neˬhaˬmiˇ, Seˬlehˇyaˬ, Yeˬlaˇyaˬ, Mawˬdaˬkehˇ, Biˇlaˬshaˬ, Miˇsaˬpaˬ, Biˇgaˬbeˬ, Leˬhamˬ hawˇ-eu, Baˬnahˬ meh. Baˬbuˇloˬ miˇ kʼahˬ-ahˇ neh gʼoꞈ laˇ-euˬ Iˇsaˬleˬlaˆ tsawˇ jeuˬ tsawˇ ca aˬ yawꞈ jeuˬ yawꞈ hawˇ-eu tsawˇ haˬ aˇ gʼaˬ-euˬ jaˇ laˇ-aˬ, heu loꞈ-ehˇ meh.

Aˇ dahˬ 18:32

“Sahˬpaˬ Miˬyehˇ-oˇ, nui ma taˬ pehˇ nehˬ laꞈ siˬ. Ngaˇ heu loꞈ-ehˇ tiˬ dawˬ paˇ naˇ haˬ la siˬ. Tseˇ gʼaˬ tehꞈ-ehˇ jawˇ naˇ aˬ joˆ-ehˇ jahˇ nehˬ nmˇ” lehˇ, Aˬbyaˬhaˬ paˇ naˇ haˬ ngeh, “Iˬ baˇ maˬ mˇ-eu tsawˇ haˬ tseˇ gʼaˬ tehꞈ-ehˇ jawˇ lawˬ naˇ kʼawꞈ, meuˬ kʼoeˇ meuˬ-ahˇ ngaˇ maˬ laˆ cawˆ” lehˇ, Sahˬpaˬ Miˬyehˇ ehˇ kʼoꞈ nehˬ-euˬ meh.

Aˇ dahˬ 18:30

“Sahˬpaˬ Miˬyehˇ-oˇ, ngaˇ heu loꞈ-ehˇ paˇ naˇ haˬ-eu miˇ neh nui ma taˬ pehˇ nehˬ laꞈ siˬ. Iˬ baˇ maˬ mˇ-eu tsawˇ haˬ smˬ tseˇ gʼaˬ tehꞈ-ehˇ jawˇ lawˬ naˇ, meuˬ kʼoeˇ meuˬ-ahˇ nawˇ laˆ cawˆ nehˬ ma loˇ” lehˇ Sahˬpaˬ Miˬyehˇ-ahˇ Aˬbyaˬhaˬ paˇ naˇ haˬ ngeh, “Smˬ tseˇ gʼaˬ jawˇ naˇ, meuˬ kʼoeˇ meuˬ-ahˇ ngaˇ maˬ laˆ cawˆ” lehˇ Sahˬpaˬ Miˬyehˇ ehˇ-eu meh.

Bawˇtsahˬ 16:40

Heu-aˬ, Aˬloˬ-euˬ zaˬ deuˬ uˆ deuˬ maˬ ngeuˇ naˇ, Sahˬpaˬ Miˬyehˇ-ahˇ yaw saw jeˬ lawˇ-eu gʼaˇ duˬ, tsawˇ haˬ tiˬ gʼaˬ-iˬ lawˇ duˬ dawˬ peh maˬ ya laˇ-eu gaˇ kawˆ Iˇsaˬleˬlaˆ tsawˇ haˬ deuˬ yahˇ ni bi siˬ bi mawˇ-eu jeˬ pyeuꞈ-eu meh. Maˬ ngeuˇ naˇ, Kawˇlaˆ hawˇ-eu aˬ yawꞈ-euˬ tsawˇ haˬ deuˬ loꞈ-ehˇ ya cawˆ-iˇ gaˇ keuˆ tehꞈ-a. Kʼoeˇ naˇ, Sahˬpaˬ Miˬyehˇ neh Moˇseˬ-ahˇ gʼoe-awˇ Eˇlaˬzaˬ-ahˇ dawˬ kʼaˇ biꞈ nehˬ-euˬ loꞈ-ehˇ yawˬ jeˬ na luꞈ mˇ jiˇ-euˬ meh.

Doˆ-iˇ 3:5

Kʼoeˇ ngeh, Miˬyehˇ Moˇseˬ-ahˇ ehˇ nehˬ-eu, “Dawˬ peh taˬ paˇ jiˆ peh laˇ. Aˬ jeˬ miˇ neh ehˇ naˇ, muiˬ-eu shawˇ-eu jawˇ duˬ-ahˇ nawˇ yawꞈ luꞈ-eu meh.

Dawˬmehˬ 17:15

Naw maꞈ neh tseˇ doˆ-euˬ sahˬ paˬ-aˬ, Sahˬpaˬ Miˬyehˇ neh tseˇ doˆ-euˬ gʼaˬ pyeuꞈ ni, yaw muiˬ paˬ-ehˇ shaˇ noeˬ-awˬ. Aˬ yawꞈ-aˬ, naw maꞈ tsawˇ jeuˬ ya bi pyeuꞈ meh. Boeˇ miˬ siˬ kʼaˬ-ahˇ naw maꞈ-euˬ sahˬ paˬ taˬ bi geuꞈ.

Jaceuq 65:4

Nawˬ-euˬ muiˬ-eu shawˇ-eu jawˇ duˬ-ahˇ bi jawˇ-euˬ, nawˬ neh tseˇ doˆ-euˬ tsawˇ haˬ kʼoeˇ deuˬ, laˬ kʼaˬ cehˇ luꞈ-uˇ. Nawˬ-euˬ nymˇ-euˬ muiˬ-eu jaˬ-eu jeˬ hawˇ-eu, muiˬ-eu shawˇ-eu nawˬ-euˬ Uˬ duˬ tahˬ nymˇ nymˇ ma-euˬ guiˬ lahˬ yaw dzahˇ-ahˇ, nga maꞈ nui kʼahˇ shiˇ-eu ma.

Hawˇseˬ 1:11

Yuˇdaˆ tsawˇ haˬ hawˇ-eu Iˇsaˬleˬlaˆ tsawˇ haˬ paˇ tsaˬ paˇ dzoeˇ leˇ-awˇ, nyiˬ muˇ luꞈ-ahˇ uˆ lahˇ-eu aˬ yuiꞈ aˬ tsu tiˬ gʼaˬ tehꞈ-ehˇ paˇ tseˇ doˆ-awˇ, aˬ yawꞈ maꞈ-euˬ miˇ kʼahˬ laꞈ kʼoeˇ tiˬ poˆ paˇ dehꞈ doˆ dzaˬ laˇ-awˇ, baw le za le tehꞈ-a. Yeˬzaˬleˬlaˇ-euˬ aˇ nah kʼoeˇ nah-aˬ, huiˬ dui dui-eu aˇ nah pyeuꞈ tehꞈ-a.