Yeˬlaˬmiˇ 30:19 - Akha

¹⁹ Kʼoeˇ gaˇ jawˇ-eu tsawˇ haˬ deuˬ ja ceuˬ-eu caˇ dawˬ caˇ-awˇ, laˬ kʼaˬ cehˇ cehˇ-ehˇ guˇ tehꞈ-a. Ngaˬ-euˬ guiˬ lahˬ baˬ da aˬ yawꞈ maꞈ jeuˬ le o le-awˇ, aˬ yawꞈ maꞈ-ahˇ aˬ cawˬ taˬ huiˬ taˬ mahˇ tehꞈ-a.

Yeˬlaˬmiˇ 30:19 Referans Kwoze

Yeˬlaˬmiˇ 33:22

Mˬ taˆ tsehˬ-eu aˬ guiˇ hawˇ-eu laˆ shaˆ lawˇ deh kʼaˇ shuiꞈ maˬ gui jiˇ coeˇ-eu loꞈ-ehˇ, ngaˬ-euˬ zaˬ kʼaˆ Daˬbiˇ-euˬ zaˬ deuˬ uˆ deuˬ hawˇ-eu, Leˬbiˇ tsawˇ jeuˬ laꞈ kʼoeˇ piˇ ma geuꞈ-eu tsawˇ haˬ deuˬ, maˬ gui jiˇ coeˇ gaˇ keuˆ ni bi jeuˬ bi o le ma.”

Iˇsaˬyaˇ 51:11

Nawˬ neh ka kʼoꞈ doˆ nehˬ-euˬ tsawˇ haˬ deuˬ, laˬ kʼaˬ cehˇ-eu caˇ dawˬ caˇ-awˇ guˇ-eu laꞈ kʼoeˇ, Yeˬluˇsaˬlehˬ meuˬ-ahˇ laˬ kʼaˬ tiˬ cehˇ ya gʼoꞈ keuˆ laˇ tehꞈ-a. Mˬ maˬ maˬ byaˆ zaˇ ziˇ aˬ yawꞈ maꞈ laˬ kʼaˬ ya cehˇ-awˇ, noeˬ shaˬ noeˬ zahˬ-eu jeˬ laꞈ kʼoeˇ mˬ maˬ maˬ byaˆ zaˇ ziˇ dzeuˇ-iˇ tehꞈ-a.

Iˇsaˬyaˇ 60:22

Teˬ dui nyiˇ dui dui-eu nawˬ-euˬ nymˇ jiˇ tiˬ nymˇ keuˆ ni, huiˬ dui dui-eu tsawˇ jeuˬ tiˬ jeuˬ loꞈ-ehˇ pyeuꞈ laˇ tehꞈ-a. Aˇ yamˬ tsaˬ laˇ ngeh jawˇ, kʼoeˇ loꞈ-ehˇ yaw kawˇ-ehˇ bi pyeuꞈ laˇ ma. Ngaˇ Sahˬpaˬ Miˬyehˇ ma.”

Iˇsaˬyaˇ 35:10

Aˬ yawꞈ maꞈ laˬ kʼaˬ cehˇ-eu caˇ dawˬ caˇ-awˇ guˇ guˇ-ehˇ, Yeˬluˇsaˬlehˬ meuˬ-ahˇ laˬ kʼaˬ tiˬ cehˇ le keuˆ tehꞈ-a. Aˬ yawꞈ maꞈ mˬ maˬ maˬ byaˆ zaˇ ziˇ laˬ kʼaˬ cehˇ-awˇ, noeˬ shaˬ noeˬ zahˬ-eu jeˬ hawˇ-eu myaˆ biˇ doˆ-eu jeˬ-ahˇ, mˬ maˬ maˬ byaˆ zaˇ ziˇ buˬ-iˇ law-iˇ tehꞈ-a.

Yeˬsaˬgeˬlaˇ 36:37

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu, “Iˇsaˬleˬlaˆ tsawˇ haˬ deuˬ ngaˬ-ahˇ laꞈ jeuˬ paˇ bi shaˇ-awˇ, yawˇ yawˇ maꞈ myaˬ laˇ behˇ laˇ-eu loꞈ-ehˇ, aˬ yawꞈ maꞈ tsawˇ haˬ bi jeuˬ bi o le ma.

Zaˬkaˬliˇ 10:8

“Ngaˬ-euˬ tsawˇ haˬ-ahˇ ngaˇ kuˇ-awˇ, tiˬ gaˇ bi uiˬ bi bymˇ laˇ ma. Aˬ yawꞈ maꞈ-ahˇ ngaˇ ka kʼoꞈ-awˇ, aˇ hu loꞈ-ehˇ bi behˇ laˇ ma.

Yeˬlaˬmiˇ 31:4

Miˬ shuiꞈ-ahˇ duˇ-eu Iˇsaˬleˬlaˆ-oˇ, nawˬ-ahˇ paˇ bi dehꞈ doˆ laˇ ma. Nawˇ cehˇ lehˇ ciˆ ciˆ-ehˇ, laˬ kʼaˬ cehˇ-awˇ gaˇ nyeh ya nyeh tehꞈ-a.

Zaˬkaˬliˇ 12:8

Aˇ yamˬ kʼoeˇ yamˬ keuˆ laˇ ngeh, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ Sahˬpaˬ Miˬyehˇ haw piˇ-awˇ, gʼaˬ baˬ dui dui-eu tsawˇ haˬ tiˬ gʼaˬ-ahˇ keuˆ ni, Daˬbiˇ naˆ ni gʼaˬ ahˇ tehꞈ-a. Daˬbiˇ-euˬ zaˬ deuˬ uˆ deuˬ, Sahˬpaˬ Miˬyehˇ-euˬ gʼaˬ kʼehˇ loꞈ-ehˇ maˬ ehˇ, Miˬyehˇ-euˬ mawˇ do loꞈ-ehˇ maˬ ehˇ, aˬ yawꞈ maꞈ-ahˇ sheuˬ gʼeh tehꞈ-a.

Zaˬkaˬliˇ 8:19

“Ba la oeˬ siˬ tiˬ siˬ, ngaˬ siˬ tiˬ siˬ, shiꞈ siˬ tiˬ siˬ hawˇ-eu, tseˇ siˬ tiˬ siˬ laꞈ kʼoeˇ, maˬ dzaˬ-eu zahˇ jahˇ-eu bawˬ-iˬ gʼeh-eu kʼoeˇ-aˬ, Yuˇdaˆ tsawˇ haˬ gʼaˇ duˬ laˬ kʼaˬ cehˇ-eu bawˬ-iˬ pyeuꞈ laˇ tehꞈ-a. Yaw tsaˬ yaw dawˇ jeˬ hawˇ-eu tsaˬ leˇ dzoeˇ leˇ-eu jeˬ-ahˇ naw maꞈ ya gaˬ meh.”

Yeˬsaˬgeˬlaˇ 37:26

Aˬ yawꞈ maꞈ-ahˇ mˬ maˬ maˬ byaˆ zaˇ ziˇ nui saˇ bi oꞈ-eu dawˬ ma saˇ jaˇ ngaˇ dzaˬ ma. Aˬ yawꞈ maꞈ-ahˇ bi dehꞈ dzaˬ laˇ-awˇ, bi jeuˬ bi o le ma. Aˬ yawꞈ maꞈ-euˬ miˇ kʼahˬ laꞈ kʼoeˇ, ngaˬ-euˬ uˬ duˬ tahˬ nymˇ nymˇ ma mˬ maˬ maˬ byaˆ zaˇ ziˇ bi jaˆ ma.

Iˇsaˬyaˇ 12:1

Miˇ kʼahˬ zaˬ deuˬ heu loꞈ-ehˇ caˇ dawˬ caˇ-eu aˇ nah keuˆ le tehꞈ-a. “Sahˬpaˬ Miˬyehˇ-oˇ, nawˬ-ahˇ ngaˇ ja ceuˬ-eu ma. Yaw beh nawˇ ngaˬ-ahˇ nui ma pehˇ-euˬ kʼawꞈ, nymˬ-mˇ nui ma maˬ paˇ pehˇ-ehˇ, ngaˬ-euˬ nui ma-ahˇ laˆ saˆ nehˬ laꞈ-euˬ meh.

Neˬhaˬmiˇ 8:12

Kʼoeˇ ngeh, tsawˇ haˬ kʼoeˇ deuˬ iˇ kahˇ-ahˇ gʼoꞈ-iˇ-awˇ, laˬ kʼaˬ cehˇ taˆ ni dzaˬ-awˇ dawˇ-awˇ, yawˬ ha kʼaˇ jaˆ-eu jeˬ aˬ cawˬ-ahˇ kʼawꞈ biˇ nehˬ-euˬ meh. Aˬ jeˬ miˇ neh ehˇ naˇ, aˬ yawꞈ maꞈ-ahˇ mehˬ nehˬ-euˬ jeˬ-ahˇ aˬ yawꞈ maꞈ gʼoˆ shaw-euˬ meh.

Eˇzaˬlaˬ 6:22

Shiꞈ nah keuˆ ni, laˬ kʼaˬ tiˬ cehˇ Dehˬ tseˬ maˬ ahˇ-eu kaˬ muˇ dzaˬ-eu bawˬ-iˬ aˬ yawꞈ maꞈ gʼeh-euˬ meh. Aˬshuˇliˆ sahˬ paˬ aˬ yawꞈ maꞈ-ahˇ nui ma taꞈ laˇ-awˇ, Iˇsaˬleˬlaˆ tsawˇ jeuˬ-euˬ Miˬyehˇ-euˬ Uˬ duˬ tahˬ nymˇ nymˇ ma tsoˆ gaˇ aˬ yawꞈ maꞈ-ahˇ caw ba nehˬ laꞈ ni Sahˬpaˬ Miˬyehˇ jahˇ-euˬ miˇ neh, aˬ yawꞈ maꞈ laˬ kʼaˬ cehˇ dui dui-eu meh.

1 Beˬtuˆluˆ 1:7

Lawˬ haw-eu kʼoeˇ-aˬ, naw maꞈ-euˬ jah-eu jeˬ maˇ jawˆ ni gʼeh-eu gaˇ kawˆ bi siˬ duˬ laˇ-eu gʼaˇ duˬ meh. Laˆ piˬ laˆ byoˆ nya-eu jeˬ pyeuꞈ-eu shuiˇ-ahˇ kʼawꞈ miˬ dzaˬ neh ya lawˬ haw-eu-aˬ, shuiˇ naˆ maˬ tseˇ poeˬ dui lawˬ dui dui-eu naw maꞈ-euˬ jah-eu jeˬ-ahˇ kʼawꞈ ya bi lawˬ haw tehꞈ-a. Kʼoeˇ naˇ, Yeˬsuˇ Ka li-ahˇ bya cehˆ ni ya mawˇ ngeh nah Miˬyehˇ naw maꞈ-ahˇ ja ceuˬ nehˬ laꞈ-awˇ, yaw shehꞈ kʼahˬ sehˇ bi za-eu uˬ taꞈ, ciˬ huiˬ ciˬ mahˇ nehˬ laꞈ tehꞈ-a.

Iˇsaˬyaˇ 60:19

“Nah gʼahˇ paw nahˇ ma yaw shehꞈ-ahˇ nawˇ maˬ paˇ ya gʼoe-ehˇ, uˬ ciꞈ paw ba la yaw shehꞈ-ahˇ nawˇ maˬ paˇ ya gʼoe meh. Sahˬpaˬ Miˬyehˇ pyeuꞈ-eu ngaˇ-aˬ, mˬ maˬ maˬ byaˆ zaˇ ziˇ nawˬ-euˬ yaw shehꞈ pyeuꞈ ma. Ngaˬ-euˬ yaw shehꞈ kʼahˬ sehˇ nawˬ-euˬ kʼoeˇ taˆ bya ma.

Iˇsaˬyaˇ 52:9

Yeˬluˇsaˬlehˬ laꞈ kʼoeˇ cawˆ-iˇ taˬ-euˬ jawˇ duˬ dawˬ tawˆ, laˬ kʼaˬ tiˬ cehˇ guˇ kʼaˆ leꞈ-awˬ. Sahˬpaˬ Miˬyehˇ aˬ yawꞈ-euˬ meuˬ-ahˇ ka kʼoꞈ-awˇ, aˬ yawꞈ-euˬ tsawˇ haˬ-ahˇ nui saˇ bi oꞈ tehꞈ-a.

Zaˬkaˬliˇ 2:4

Mˬ taˆ gʼaˬ kʼehˇ yaw beh gʼaˬ, aˬ yawꞈ jawˇ gaˇ oe-euˬ mˬ taˆ gʼaˬ kʼehˇ kʼoeˇ gʼaˬ-ahˇ heu loꞈ-ehˇ ehˇ nehˬ-euˬ meh. “Yaw kawˇ-ehˇ cehˆ coeˬ coeˬ-awˇ, daˇ dza aˇ caˆ yuˇ luꞈ-eu zaˬ guˬ kʼoeˇ gʼaˬ-ahˇ heu loꞈ-ehˇ ehˇ nehˬ-iˇ-awˬ. Yeˬluˇsaˬlehˬ meuˬ laꞈ kʼoeˇ, jeˬ zaˬ hawˇ-eu tsawˇ haˬ aˇ dzehˬ myaˬ dzeuˇ-eu miˇ neh, meuˬ meuˬ lahˇ kʼoeˇ maˬ deˇ leˇ-a. Teu miˇ neh meuˬ meuˬ lahˇ maˬ bi jaˆ nya-a lehˇ ehˇ nehˬ-awˬ.

Yeˬlaˬmiˇ 31:27

“Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ laꞈ kʼoeˇ, tsawˇ haˬ hawˇ-eu jeˬ zaˬ deuˬ ngaˇ bi byah laˇ-eu aˇ yamˬ dawˬ peh peh le luꞈ meh lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.

Iˇsaˬyaˇ 51:3

“Yeˬluˇsaˬlehˬ meuˬ-ahˇ ngaˇ gʼawˬ shaˬ gaˬ nehˬ ma. Meuˬ tsoeˬ kʼoeˇ-euˬ laꞈ kʼoeˇ kʼaˇ jawˇ-eu tsawˇ haˬ-ahˇ ngaˇ haw nehˬ ma. Aˬ yawꞈ-euˬ miˇ tsaˬ kʼaˇ shuiꞈ deh ga-ahˇ duˇ kʼawꞈ, ngaˬ neh mˇ-euˬ Eˬdeˬ yaˇ kmˇ loꞈ-ehˇ duˇ-eu, yaˇ kmˇ tiˬ kmˇ bi pyeuꞈ laˇ ma. Laˬ kʼaˬ cehˇ nui saˇ za-eu jeˬ kʼoeˇ gaˇ byah-awˇ, ngaˬ-ahˇ guiˬ lahˬ huiˬ-eu ja ceuˬ-eu caˇ dawˬ caˇ tehꞈ-a.

Iˇsaˬyaˇ 27:6

Mehˬ hu paw le-eu aˇ yamˬ-ahˇ, Yaˬkoˆ-euˬ zaˬ Iˇsaˬleˬlaˆ tsawˇ haˬ deuˬ, duˬ ciˇ toeˬ ziꞈ leˇ-awˇ, aˇ cuˬ aˇ yehˆ yehˆ-eu laꞈ kʼoeˇ, miˇ tsaˬ kʼoeˇ taˆ aˇ siˬ siˬ byah tehꞈ-a.

Jaceuq 53:6

Iˇsaˬleˬlaˆ tsawˇ jeuˬ aˬ cawˬ-ahˇ gʼaˬ leˇ-eu jeˬ, Ziˇoˬ gawˬ jawˬ-ahˇ neh doˆ le tehꞈ-a. Iˇsaˬleˬlaˆ tsawˇ jeuˬ-ahˇ caw ba-awˇ, baw le za le-awˇ baoˬ ahˇ laˇ ngeh, aˇ naˆ ni laˬ kʼaˬ cehˇ paˬ-ehˇ gʼeh-eu nga.

Neˬhaˬmiˇ 8:17

Baˬbuˇloˬ miˇ kʼahˬ-ahˇ neh kʼaˇ gʼoꞈ laˇ-euˬ tsawˇ haˬ dawˬ tawˆ luꞈ, sehˬ gʼawˆ gʼawˆ-awˇ, sehˬ gʼawˆ laꞈ kʼoeˇ jawˇ-euˬ meh. Kʼoeˇ poˆ-aˬ, Nuˬ-euˬ aˬ li Yawˇshuˆ-euˬ ziˇ-ahˇ neh naˇ sehˬ gʼawˆ-euˬ bawˬ-iˬ jahˇ beh beh-eu poˆ pyeuꞈ-awˇ, yawˬ gʼaˬ na luꞈ laˬ kʼaˬ cehˇ dui dui-euˬ meh.

Yoˇhaˬ 17:22

Aˇ nyaꞈ Da zaˬ nui ma tiˬ siˬ tehꞈ-ehˇ taˬ-eu loꞈ-ehˇ, aˬ yawꞈ maꞈ kʼawꞈ nui ma tiˬ siˬ tehꞈ-ehˇ taˬ nya laˇ ni, nawˬ neh ngaˬ-ahˇ biꞈ-euˬ yaw shehꞈ kʼahˬ sehˇ kʼoeˇ, aˬ yawꞈ maꞈ-ahˇ ngaˇ biꞈ-eu ma.

Iˇsaˬyaˇ 60:9

Sahˬpaˬ Miˬyehˇ-euˬ tsawˇ haˬ sheuˬ kʼoꞈ ha laˇ-eu gʼaˇ duˬ, gaˇ mahˇ kaˬ gaˇ neh oe-euˬ saˇ baoˬ meh. Tsawˇ jeuˬ dawˬ tawˆ luꞈ aˬ yawꞈ-euˬ tsawˇ jeuˬ-ahˇ taˬ huiˬ ni jahˇ-euˬ, Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu, Sahˬpaˬ Miˬyehˇ-euˬ tsawˇ myahˇ-ahˇ taˬ huiˬ taˬ mahˇ nehˬ-eu gʼaˇ duˬ, pyuˇ hawˇ-eu shuiˇ deuˬ aˬ yawꞈ maꞈ yuˇ laꞈ-euˬ meh.

Iˇsaˬyaˇ 55:5

Boeˇ miˬ siˬ kʼaˬ tsawˇ jeuˬ deuˬ-ahˇ nawˇ dawˬ biꞈ tehꞈ-a. Dzeuˇ laˇ ngeh aˬ yawꞈ maꞈ nawˬ-ahˇ maˬ siˬ nya kʼawꞈ, nymˬ-mˇ nawˇ jawˇ paw cehˆ uˇ laˇ tehꞈ-a. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu ngaˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ gʼaˬ, kʼoeˇ loꞈ-ehˇ pyeuꞈ laˇ ni mˇ ma. Taˬ huiˬ taˬ mahˇ-eu jeˬ hawˇ-eu yaw shehꞈ kʼahˬ sehˇ, naw maꞈ-ahˇ ngaˇ biꞈ ma.”

Yeˬlaˬmiˇ 17:26

Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ-ahˇ jawˇ-eu tsawˇ haˬ deuˬ hawˇ-eu, Yeˬluˇsaˬlehˬ meuˬ-euˬ jawˬ jawˬ-ehˇ jawˇ-eu tsawˇ haˬ deuˬ laˇ tehꞈ-a. Beˬyaˬmiˬ miˇ kʼahˬ-ahˇ neh maˬ ehˇ, gawˬ jawˬ dawˬ dahˬ-ahˇ neh maˬ ehˇ, gawˬ jawˬ gawˬ duˇ-ahˇ neh maˬ ehˇ, Yuˇdaˆ miˇ kʼahˬ laꞈ oˆ dzaˬ-ahˇ neh maˬ ehˇ, aˬ yawꞈ maꞈ laˇ tehꞈ-a. Miˬ dzaˬ dzah puiˆ-awˇ, lawˇ-eu jeˬ maˬ ehˇ, lawˇ-eu shehˇ-eu nui jeˬ maˬ ehˇ, dzaˬ la gʼo cehˇ lawˇ-eu jeˬ maˬ ehˇ, tsiˇ yaw saw lawˇ-eu jeˬ maˬ ehˇ, guiˬ lahˬ-ahˇ noeˬ keuˆ-eu lawˇ-eu jeˬ maˬ ehˇ, ngaˬ-euˬ Uˬ duˬ tahˬ nymˇ nymˇ ma-ahˇ aˬ yawꞈ maꞈ yuˇ laꞈ tehꞈ-a.

Yeˬsaˬgeˬlaˇ 37:10

Ngaˬ-ahˇ kʼaˇ ehˇ nehˬ laꞈ-euˬ loꞈ-ehˇ ngaˇ ngehˬ dah ngeh, gʼawˇ mawˇ kʼoeˇ deuˬ laꞈ kʼoeˇ saꞈ ahˇ leˇ-euˬ miˇ neh, dehꞈ laˇ jiˇ-awˇ gawˬ yawꞈ yawꞈ laˇ-euˬ meh. Aˬ yawꞈ maꞈ-aˬ, guiˇ guiˇ maꞈ tiˬ maꞈ geuꞈ nya paˬ-ehˇ myaˬ dui dui-eu meh.

Iˇsaˬyaˇ 26:15

Nga maꞈ miˇ kʼahˬ bi huiˬ bi mahˇ laˇ-awˇ, miˇ kaˬ oeˬ pyawˬ luꞈ bi jeˇ laˇ-euˬ miˇ neh, nawˬ-euˬ yaw shehꞈ kʼahˬ sehˇ huiˬ dui dui meh.

Yeˬlaˬmiˇ 3:16

Kʼoeˇ naˇ, miˇ kʼahˬ kʼoeˇ kʼahˬ laꞈ kʼoeˇ naw maꞈ-euˬ tsawˇ haˬ myaˬ laˇ behˇ laˇ ngeh, ngaˬ-euˬ Dawˬ ma saˇ jaˇ Bahˬ keuˆ gaˇ kawˆ aˬ yawꞈ maꞈ maˬ paˇ ja ni pyeuꞈ-iˇ tehꞈ-a. Bahˬ keuˆ kʼoeˇ-euˬ gaˇ kawˆ aˬ yawꞈ maꞈ maˬ paˇ shaˇ noeˬ ni ngehˇ jiˇ tehꞈ-a. Bahˬ keuˆ kʼoeˇ-ahˇ aˬ yawꞈ maꞈ maˬ paˇ loˬ-ehˇ, bahˬ keuˆ yaw shuiꞈ kʼawꞈ maˬ jahˇ paˇ ni jawˇ tehꞈ-a.