Yeˬlaˬmiˇ 30:17 - Akha

¹⁷ Ziˇoˬ gawˬ jawˬ-aˬ, biˬ dzeh-euˬ myawˬ kuˬ-ahˇ duˇ-awˇ, myaˆ haw cawˬ nehˬ-eu gʼaˬ maˬ jawˇ-a lehˇ, naw maꞈ-ahˇ muiˇ-eu tsawˇ haˬ deuˬ ehˇ kʼawꞈ, naw maꞈ-ahˇ ngaˇ paˇ bi dehꞈ dzaˬ laˇ-awˇ, naw maꞈ-euˬ naˇ gawˇ laˆ taˬ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 30:17 Referans Kwoze

Jaceuq 107:20

Aˬ yawꞈ-euˬ dawˬ neh aˬ yawꞈ maꞈ-ahˇ laˆ saˆ taˬ-awˇ, shiˇ gaˇ maˬ bi keuˆ ni ka kʼoꞈ-euˬ meh.

Yeˬlaˬmiˇ 33:6

Ehˇ kʼawꞈ, meuˬ heu meuˬ hawˇ-eu meuˬ laꞈ kʼoeˇ jawˇ-eu tsawˇ haˬ deuˬ-ahˇ ngaˇ paˇ laˆ saˆ nehˬ-awˇ, jawˇ saˇ bi doˆ laˇ ma. Aˬ yawꞈ maꞈ-ahˇ guˆ kʼaˇ maˬ za ni bi dehꞈ-awˇ, huiˬ dui dui-eu nui saˇ oꞈ-eu jeˬ ngaˇ bi mawˇ ma.

1 Beˬtuˆluˆ 2:24

Iˬ baˇ laꞈ kʼoeˇ aˬ dui maˬ paˇ dehꞈ ni shiˇ tsehˆ yaꞈ-awˇ, yaw tsaˬ yaw dawˇ jeˬ gʼaˇ duˬ yaw dehˬ dehꞈ nya ni aˬ dui-euˬ iˬ baˇ-ahˇ Ka li aˬ yawꞈ-euˬ gʼawˇ mawˇ laꞈ kʼoeˇ pi-awˇ, laꞈ yaꞈ kʼoeˇ taˆ kamˇ shiˇ-euˬ meh. Aˬ yawꞈ ya daˬ-euˬ maˇ kʼehˬ maˇ naˇ baˬ da neh naw maꞈ-euˬ naˇ gawˇ taˬ leˇ-euˬ meh.

Jaceuq 103:3

Ngaˬ-euˬ iˬ baˇ dawˬ tawˆ luꞈ aˬ yawꞈ pyehˬ nehˬ laꞈ-awˇ ngaˬ-euˬ naˇ gawˇ dawˬ tawˆ luꞈ aˬ yawꞈ laˆ taˬ nehˬ laꞈ-eu meh.

Doˆ-iˇ 15:26

Aˬ yawꞈ ehˇ-eu “Ngaˬ-euˬ dawˬ-ahˇ naw maꞈ tuˆ tehˬ taˬ-awˇ, ngaˬ neh tsaˬ meh lehˇ noeˬ-euˬ jeˬ-ahˇnaw maꞈ mˇ-eu laꞈ kʼoeˇ, ngaˬ-euˬ ehˇ dawˬ-ahˇ naw maꞈ tiˬ byah tiˬ loꞈ naˇ haˬ geuꞈ naˇ, Iˇjiˇtuˆ tsawˇ haˬ kʼoeˇ taˆ bi keuˆ le-euˬ shaˬ zahˬ naˇ gawˇ kʼoeˇ deuˬ naw maꞈ kʼoeˇ taˆ bi keuˆ le-eu laꞈ kʼoeˇ, naw maꞈ-ahˇ kʼehˬ nehˬ kʼaˆ nehˬ-eu jeˬ ngaˇ maˬ mˇ. Ngaˇ-aˬ, naw maꞈ-ahˇ laˆ taˬ nehˬ-eu Sahˬpaˬ Miˬyehˇ pyeuꞈ-eu ma.”

Jaceuq 23:3

Ngaˬ-ahˇgʼaˬyaw shuiꞈbiꞈ-eu meh. Aˬyawꞈ-euˬtsawˇmyahˇbaˬda neh, yaw tsaˬyaw dawˇgaˇma kahˇli, aˬyawꞈngaˬ-ahˇsheuˬgʼeh-eu meh.

Hawˇseˬ 6:1

Aˬ yawꞈ maꞈ heu loꞈ-ehˇ ehˇ-eu, “Laˇ-awˬ. Sahˬpaˬ Miˬyehˇ jawˇ gaˇ, aˬ dui paˇ gʼoꞈ poˆ leˇ kaˇ-euˇ. Aˬ dui-ahˇ aˬ yawꞈ laˆ naˇ-euˬ aˬ yawꞈ laˆ taˬ nehˬ laꞈ tehꞈ-a. Aˬ dui-ahˇ aˬ yawꞈ laˆ tahˬ-eu, aˬ yawꞈ lahˇ cuꞈ nehˬ laꞈ tehꞈ-a.

Maˬlaˬkiˇ 4:2

Ehˇ kʼawꞈ, ngaˬ-euˬ ehˇ dawˬ naˇ haˬ-eu deuˬ pyeuꞈ-eu naw maꞈ kʼoeˇ taˆ, ngaˬ-euˬ ka kʼoꞈ-eu jeˬ nahˇ ma loꞈ-ehˇ doˆ laˇ-awˇ, naˇ gawˇ laˆ taˬ-eu jeˬ nahˇ ma yaw shehꞈ loꞈ-ehˇ keuˆ le tehꞈ-a. Kuˆ-ahˇ neh pyehˬ doˆ nehˬ-euˬ mawˇ neˇ mawˇ zaˬ loꞈ-ehˇ, naw maꞈ laˬ kʼaˬ ya cehˇ dui dui tehꞈ-a.

Yeˬsaˬgeˬlaˇ 34:16

“Byoˆ-iˇ-euˬ yawˇ deuˬ-ahˇ ngaˇ poˆ-awˇ, gaˇ bahˬ iˇ bahˬ taˬ-euˬ deuˬ-ahˇ teh kʼoꞈ laꞈ-awˇ, laˆ tahˬ laˆ naˇ-euˬ deuˬ-ahˇ jaˆ gʼaˬ kaˬ uꞈ nehˬ-eu uˬ taꞈ, naˇ luꞈ-eu deuˬ-ahˇ jaˆ gʼaˬ laˆ saˆ nehˬ ma. Ehˇ kʼawꞈ, yaw tsuˇ tsuˇ-awˇ gʼaˬ kʼaˆ-eu yawˇ deuˬ-ahˇ, ngaˇ laˆ cawˆ ma. Aˬ jeˬ miˇ neh ehˇ naˇ, ngaˇ-aˬ, yaw tsaˬ yaw dawˇ dawˇ-ehˇ mˇ-eu yawˇ bo-eu gʼaˬ ma.

Panmaeq 22:2

Lawˇ baˬ kʼoeˇ gawˆ-aˬ, meuˬ-euˬ laꞈ kʼoeˇ dahˇ-eu gaˇ jawˬ gʼahˇ ceh nyiˬ paˆ-ehˇ yoeˇ ka leꞈ-eu meh. Lawˇ baˬ-euˬ kʼoeˇ dzeˇ heu dzeˇ dehꞈ-eu saꞈ laˇ aˇ bawˇ bawˇ-awˇ, ba la tiˬ siˬ tiˬ poˆ aˇ siˬ siˬ-awˇ, tiˬ kʼoꞈ tseˇ nyiꞈ lehˆ siˬ-eu meh. Aˇ bawˇ kʼoeˇ bawˇ-euˬ aˇ paꞈ-aˬ, miˇ kʼahˬ tsawˇ jeuˬ deuˬ-ahˇ naˇ gawˇ bi taˬ leˇ-eu jaˆ gʼaˬ pyeuꞈ-eu meh.

Iˇsaˬyaˇ 30:26

Ba la yaw shehꞈ nahˇ ma loꞈ-ehˇ bya-eu uˬ taꞈ, nahˇ ma shiꞈ bymˇ bya dzehˬ laˇ-awˇ, shiꞈ nah bya-eu yaw shehꞈ tiˬ nah laꞈ kʼoeˇ bya jiˇ gaˇ duˇ tehꞈ-a. Sahˬpaˬ Miˬyehˇ neh aˬ yawꞈ-euˬ tsawˇ haˬ deuˬ-ahˇ diˬ naˇ laˆ naˇ nehˬ-euˬ naˇ gawˇ deuˬ-ahˇ aˬ yawꞈ paˇ laˆ saˆ taˬ ngeh nah, kʼoeˇ deuˬ dawˬ tawˆ luꞈ keuˆ le tehꞈ-a.

Yeˬlaˬmiˇ 30:13

Naw maꞈ-ahˇ bo saˆ-eu gʼaˬ maˬ jawˇ-ehˇ, maˇ naˇ-ahˇ lehꞈ-eu jaˆ gʼaˬ maˬ jaˆ-eu miˇ neh, taˬ leˇ-eu gaˇ ma maˬ dahˇ-a.

Yeˬlaˬmiˇ 8:22

Giˇlaˆ miˇ kʼahˬ laꞈ kʼoeˇ jaˆ gʼaˬ maˬ jaˆ-a loˇ. Jaˆ gʼaˬ nya-eu tsawˇ haˬ kʼoeˇ gaˇ maˬ jawˇ-a loˇ. Aˬ jeˬ miˇ neh ngaˬ-euˬ tsawˇ jeuˬ-ahˇ maˬ laˆ taˬ nya ta.

Yeˬlaˬmiˇ 3:22

Sahˬpaˬ Miˬyehˇ-ahˇ kʼaˇ byehˇ dzeh yaꞈ-euˬ tsawˇ haˬ dawˬ tawˆ luꞈ gʼoꞈ laˇ-awˇ, naw maꞈ-euˬ naˇ gawˇ aˬ yawꞈ laˆ saˆ-awˇ, saˇ jaˇ ziꞈ-eu tsawˇ haˬ paˇ bi pyeuꞈ laˇ tehꞈ-a. Naw maꞈ heu loꞈ-ehˇ ehˇ-eu meh. “Sahˬpaˬ Miˬyehˇ-aˬ, nga maꞈ-euˬ Miˬyehˇ pyeuꞈ-eu miˇ neh, aˬ yawꞈ jawˇ gaˇ nga maꞈ gʼoꞈ laˇ-eu ma.

Jaceuq 12:5

Ehˇ kʼawꞈSahˬpaˬMiˬyehˇ ehˇ-eu, “Iˇshaˬzaˬ bi kʼehˬbi kʼaˆ-awˇ, tsawˇteˬzaˬmahˇluꞈ-eu miˇneh, aˬyawꞈmaꞈnoeˬtmˬdui dui-eu, nui saˇoꞈ-eu jeˬ biꞈ-eu lehˇ, nymˬ-mˇ ngaˇzaꞈka le-eu ma.”

Iˇsaˬyaˇ 11:12

Tsawˇ jeuˬ dawˬ tawˆ luꞈ-ahˇ aˬ yawꞈ paˇ loˬ paˇ lehˇ ka tuˇ mehˬ nehˬ-awˇ, byehˇ dzeh taˬ-eu Iˇsaˬleˬlaˆ tsawˇ haˬ deuˬ hawˇ-eu, iˇ byoˆ taˬ-euˬ Yuˇdaˆ tsawˇ haˬ deuˬ-ahˇ, miˇ ma oeˬ coeˇ oeˬ pyawˬ doe ni, kuˇ kʼoꞈ uiˬ laꞈ tehꞈ-a.

Yeˬlaˬmiˇ 33:24

“Ngaˬ neh tseˇ doˆ-euˬ nymˇ jiˇ nyiˬ nymˇ-ahˇ duˇ-eu, Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ-ahˇ ngaˬ neh byehˇ dzeh nehˬ-euˬ gaˇ kawˆ-ahˇ, aˬ cawˬ aˬ joˆ-ehˇ ja luꞈ-eu nawˇ gaˬ maˬ loˇ. Aˬ yawꞈ maꞈ ngaˬ-euˬ tsawˇ jeuˬ-ahˇ taˬ nyiˇ-awˇ, tsawˇ jeuˬ tiˬ jeuˬ lehˇ maˬ paˇ sawˇ meh.

Yeˬsaˬgeˬlaˇ 35:12

Nawˬ-euˬ nui ma laꞈ kʼoeˇ haw teˬ haw nyiˇ dui dui-awˇ, ‘Iˇsaˬleˬlaˆ gawˬ jawˬ deuˬ ciˬ cuˇ saˆ ni jaˆ-awˇ, ngaˇ ya dzoeˬ dzaˬ-eu yaw duˬ baw ngaˇ’ lehˇ ehˇ-euˬ dawˬ kʼoeˇ dawˬ-ahˇ ngaˇ gaˬ-euˬ ngaˇ lehˇ nawˇ ya siˬ tehꞈ-a.

Yeˬsaˬgeˬlaˇ 36:20

Aˬ yawꞈ maꞈ kʼaˇ iˇ kʼaˇ laˇ keuˆ gaˇ, ngaˬ-euˬ muiˬ-eu shawˇ-eu tsawˇ myahˇ laˆ cawˆ-euˬ meh. Aˬ jeˬ miˇ neh ehˇ naˇ, ‘Tsawˇ haˬ heu deuˬ Sahˬpaˬ Miˬyehˇ-euˬ tsawˇ haˬ pyeuꞈ kʼawꞈ, aˬ yawꞈ-euˬ miˇ kʼahˬ-ahˇ maˬ ya jawˇ nga’ lehˇ, aˬ cawˬ ehˇ-eu meh.

Ngoeˇ dawˬ 2:15

Iˇ tsehˆ laˇ tsehˆ-eu tsawˇ haˬ deuˬ, nawˬ-ahˇ mawˇ ngeh laꞈ kʼawˆ tehˆ meh. Yeˬluˇsaˬlehˬ meuˬ-ahˇ haw-awˇ, uˬ duˬ juiꞈ juiꞈ-ehˇ uiˇ-eu meh. “Aˇ gʼehˇ muiˬ dui byah dui dui-eu, miˇ kʼahˬ dawˬ tawˆ laˬ kʼaˬ cehˇ duˬ, meuˬ muiˬ ehˇ-eu heu meuˬ meh loˇ.

Jaceuq 142:4

Ngaˬ-euˬ dawˬ peh ngaˇ haw ngeh, caw ba le-eu tsawˇ haˬ-ahˇ maˬ ya mawˇ-a. Ngaˬ-ahˇ haw piˇ-eu tiˬ gʼaˬ-iˬ maˬ jawˇ-a. Ngaˬ-ahˇ ka kʼoꞈ-eu tiˬ gʼaˬ-iˬ maˬ jawˇ-a.

Iˇsaˬyaˇ 33:24

Ziˇoˬ meuˬ laꞈ kʼoeˇ jawˇ-eu tsawˇ haˬ deuˬ, tiˬ gʼaˬ-iˬ naˇ-eu gawˇ-eu maˬ baw-ehˇ, kʼoeˇ gaˇ jawˇ-eu tsawˇ haˬ deuˬ-euˬ iˬ baˇ, dawˬ tawˆ luꞈ pyehˬ nehˬ jiˇ tehꞈ-a.

Iˇsaˬyaˇ 56:8

Aˬ cawˬ-euˬ miˇ kʼahˬ-ahˇ bi nyehꞈ byoˆ-euˬ, aˬ yawꞈ-euˬ tsawˇ jeuˬ-ahˇ sheuˬ doˆ-euˬ gʼaˬ pyeuꞈ-eu, Dawˬ tawˆ kʼoeˇ taˆ uˆ lahˇ luꞈ-eu Sahˬpaˬ Miˬyehˇ, heu loꞈ-ehˇ ehˇ-eu meh. “Ngaˬ neh sheuˬ kʼoꞈ doˆ-euˬ tsawˇ jeuˬ uˬ taꞈ, tsawˇ jeuˬ nui deuˬ-ahˇ ngaˇ paˇ sheuˬ uiˬ ma.”

Iˇsaˬyaˇ 58:8

“Kʼoeˇ loꞈ-ehˇ mˇ naˇ, uˬ shawˬ bya-eu nahˇ ma yaw shehꞈ loꞈ-ehˇ, ngaˇ nui ma tsaˬ-eu jeˬ nawˬ-euˬ kʼoeˇ taˆ bya-awˇ, naw maꞈ-euˬ naˇ gawˇ yaw kawˇ-ehˇ taˬ leˇ tehꞈ-a. Naw maꞈ-ahˇ ka kʼoꞈ-eu gʼaˇ duˬ, naw maꞈ dawˬ peh ngaˇ aˬ myah luꞈ jawˇ-eu miˇ neh, guˆ-eu gaˆ-eu jeˬ-ahˇ yawˬ paw na luꞈ dzeuˇ-iˇ tehꞈ-a.

Iˇsaˬyaˇ 60:15

“Nawˬ-ahˇ bye-awˇ byehˇ dzeh-euˬ kʼawꞈ, meuˬ tsoeˬ bi tsoeˬ-iˇ-awˇ ciˬ cuˇ ni jaˆ-euˬ kʼawꞈ, tsawˇ myahˇ huiˬ-awˇ muiˬ dui dui-eu meuˬ paˇ bi pyeuꞈ laˇ-awˇ, tseˇ ziˇ zaˇ ziˇ laˬ kʼaˬ cehˇ-eu jawˇ duˬ bi pyeuꞈ laˇ ma.

Yeˬlaˬmiˇ 17:14

Sahˬpaˬ Miˬyehˇ-oˇ, ngaˬ-euˬ naˇ gawˇ-ahˇ laˆ saˆ nehˬ laꞈ-awˬ. Nawˇ laˆ saˆ nehˬ laꞈ naˇ, ngaˬ-euˬ naˇ gawˇ taˬ leˇ tehꞈ-a. Ngaˬ-ahˇ ka kʼoꞈ nehˬ laꞈ-awˬ. Nawˇ ka kʼoꞈ nehˬ laꞈ naˇ, ngaˇ ya buˬ ya law-iˇ tehꞈ-a. Nawˬ-euˬ guiˬ lahˬ-ahˇ ngaˇ ja ceuˬ-eu ma.

Hawˇseˬ 11:3

Iˇsaˬleˬlaˆ cah nya laˇ ni, cah dzawˇ dzawˇ nehˬ-euˬ gʼaˬ ngaˇ ma. Ngaˬ neh ciˬ huiˬ ciˬ mahˇ-euˬ kʼawꞈ, aˬ yawꞈ maꞈ-ahˇ ngaˇ haw meh lehˇ, tiˬ pawꞈ-iˬ maˬ noeˬ doˆ leˇ-a.

Yawˇbaˆ 5:18

Miˬyehˇ laˆ tahˬ laˆ naˇ-euˬ gaˇ Miˬyehˇ kaꞈ uꞈ-eu meh. Aˬ yawꞈ-euˬ aˬ laꞈ neh laˆ naˇ-awˇ, aˬ yawꞈ-euˬ aˬ laꞈ neh paˇ laˆ taˬ nehˬ-eu meh.

Iˇsaˬyaˇ 54:6

Iˇsaˬleˬlaˆ-oˇ, kʼaˬ dzeˇ zaˬ neh bi kʼoꞈ-awˇ noeˬ shaˬ-eu, aˇ kʼoꞈ nahˬ-eu zaˬ miˬ zaˬ-ahˇ nawˇ duˇ-eu meh. Ehˇ kʼawꞈ, Sahˬpaˬ Miˬyehˇ nawˬ-ahˇ paˇ kuˇ kʼoꞈ-awˇ, heu loꞈ-ehˇ ehˇ-eu meh.

Iˇsaˬyaˇ 57:18

“Aˬ yawꞈ maꞈ-euˬ dehꞈ jeˬ dehꞈ kawˆ ngaˇ siˬ jiˇ kʼawꞈ, aˬ yawꞈ maꞈ-euˬ naˇ gawˇ ngaˇ laˆ saˆ ma. Aˬ yawꞈ maꞈ-ahˇ ngaˇ sheuˬ gʼeh ngehˬ gʼeh-awˇ, tsawˇ ngoeˇ ngoeˇ luꞈ-eu deuˬ nui ma bi saˇ laˇ ma.

Iˇsaˬyaˇ 57:19

Dawˬ peh gaˇ mahˇ kʼaˇ jawˇ-eu tsawˇ haˬ-ahˇ, nui saˇ oꞈ-eu jeˬ ngaˇ biꞈ ma. Ngaˬ-euˬ tsawˇ haˬ deuˬ-ahˇ ngaˇ naˇ gawˇ laˆ saˆ ma.

Yeˬlaˬmiˇ 10:20

Nga maꞈ-euˬ sehˬ gʼawˆ deuˬ coˬ pyaˆ jiˇ-awˇ, aˇ neˬ aˇ caˆ deuˬ tsehˆ-iˇ jiˇ-euˬ meh. Nga maꞈ-euˬ zaˬ iˇ byoˆ jiˇ-awˇ, sehˬ gʼawˆ paˇ ciˬ tuˇ-eu tsawˇ haˬ maˬ paˇ jawˇ-ehˇ, saˬ paˇ lawˆ kaˬ sheu taw-eu gʼaˬ maˬ paˇ jawˇ meh.”