Yeˬlaˬmiˇ 30:14 - Akha

¹⁴ Yaw beh naw maꞈ-ahˇ gaˬ-euˬ tsawˇ haˬ deuˬ, naw maꞈ-ahˇ ngehˇ tsehˆ jiˇ-awˇ, naw maꞈ gaˇ kawˆ maˬ shaˇ noeˬ-a. Naw maꞈ iˬ baˇ myaˬ dui dui-awˇ, lehˬ-eu ca-eu aˇ dzehˬ dzeuˇ-eu miˇ neh, naw maꞈ-ahˇ ngaˇ muiˇ-eu laꞈ kʼoeˇ, yaw kʼaˆ-ehˇ kʼehˬ-euˬ ma.

Yeˬlaˬmiˇ 30:14 Referans Kwoze

Ngoeˇ dawˬ 1:2

Uˬ ciꞈ miˇ lah-ehˇ ngoeˇ bya-awˇ, baˬ ba myaˆ biˇ lawˇ gawˆ yoeˇ kʼawꞈ, aˬ yawꞈ-ahˇ gaˬ-euˬ tsawˇ haˬ deuˬ, haw cawˬ le-eu gʼaˬ maˬ jawˇ-a. Cawˬ deuˬ yawꞈ-ahˇ saˇ jaˇ puiˬ-awˇ, muiˇ-eu tsawˇ haˬ pyeuꞈ jiˇ-euˬ meh.

Yeˬlaˬmiˇ 5:6

Kʼoeˇ baˬ da neh bawˇ tsahˬ aˇ laˬ jaˬ shiˇ neh bi kawꞈ-awˇ, kʼaˇ shuiꞈ deh yaˇ-ahˇ jawˇ-eu kʼaˬ yehˇ deuˬ, aˬ yawꞈ maꞈ-ahˇ gʼeu paˆ dzaˬ-awˇ, kʼaˬ zuiˬ kʼaˬ laˬ aˬ yawꞈ maꞈ-euˬ meuˬ-ahˇ shahˇ-awˇ, meuˬ laꞈ nyiˇ kʼaˇ doˆ-iˇ-eu deuˬ, bi kawꞈ sehꞈ dzaˬ tehꞈ-a. Aˬ jeˬ miˇ neh ehˇ naˇ, aˬ yawꞈ maꞈ iˬ baˇ mˇ myaˬ-awˇ, Miˬyehˇ-ahˇ gʼawˬ mya poˆ byehˇ dzeh-euˬ meh.

Yawˇbaˆ 30:21

Nawˇ ngaˬ-ahˇ tiˬ pawꞈ-iˬ gʼawˬ shaˬ maˬ gaˬ ni, nawˬ-euˬ baoˬ neh ngaˬ-ahˇ kʼehˬ nehˬ laꞈ-eu meh.

Yeˬlaˬmiˇ 22:20

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, Leˬbaˬnoˬ gawˬ jawˬ-ahˇ le-awˇ guˇ-awˬ. Baˬshaˬ miˇ kʼahˬ-ahˇ le-awˇ ngoeˇ leˇ-awˬ. Mawˇbaˆ gawˬ jawˬ doe ni le-awˇ guˇ-awˬ. Aˬ jeˬ miˇ neh ehˇ naˇ, naw maꞈ-ahˇ nui ma gm-euˬ deuˬ, aˬ cawˬ neh deuˆ gʼaˬ jiˇ-euˬ meh.

Yeˬlaˬmiˇ 30:15

Naw maꞈ maˇ kʼehˬ maˇ naˇ gaˇ kawˆ taˬ toˇ. Taˬ leˇ nya-eu gaˇ ma maˬ paˇ dahˇ meh. Naw maꞈ iˬ baˇ myaˬ dui dui-awˇ, lehˬ-eu ca-eu aˇ dzehˬ dzeuˇ-eu miˇ neh, naw maꞈ-ahˇ ngaˇ heu loꞈ-ehˇ kʼehˬ-eu ma.

Yeˬlaˬmiˇ 22:22

Naw maꞈ-euˬ aˬ yuiꞈ aˬ tsu deuˬ, jaˬ lehˇ neh bi baw byoˆ jiˇ-awˇ, naw maꞈ-ahˇ nui ma gm-euˬ deuˬ, guiˇ deuˆ gaˇ bi nyehꞈ mi tehꞈ-a. Naw maꞈ neh mˇ-euˬ yaw haiˬ jeˬ baˬ da, naw maꞈ-euˬ meuˬ daˬ ga-awˇ ya shaꞈ dawˇ tehꞈ-a.

Yeˬlaˬmiˇ 4:30

Yeˬluˇsaˬlehˬ meuˬ-oˇ, nawˬ-euˬ kʼoeˇ taˆ dawˇ keuˆ le luꞈ-eu meh. Aˬ jeˬ miˇ neh aˇ poeˬ kʼaˆ-eu myawˬ guˇ geuꞈ-awˇ, myaˆ nuiˆ-ahˇ naˬ ba lehꞈ muiˬ te. Aˇ gʼehˇ laˆ muiˬ-eu yawˬ ngehꞈ meh. Zaˬ kʼaˆ deuˬ nawˬ-ahˇ byehˇ dzeh-awˇ, nawˬ-ahˇ sehꞈ-eu lehˇ gʼeh-eu meh.

Yeˬlaˬmiˇ 2:36

Aˬ cawˬ tsawˇ jeuˬ-euˬ miˬ yehˇ deuˬ-ahˇ caw teh-eu laꞈ kʼoeˇ, naw maꞈ yawˬ haˇ yawˬ ha laˆ shaˬ-eu meh. Aˬshuˇliˆ tsawˇ jeuˬ neh myaˆ pyawˬ bi laˆ cawˆ-euˬ loꞈ-ehˇ, Iˇjiˇtuˆ tsawˇ jeuˬ neh paˇ bi laˆ cawˆ gaˇ keuˆ tehꞈ-a.

Yawˇbaˆ 19:11

Miˬyehˇ ngaˬ-ahˇ nui ma pehˇ dui dui-awˇ, aˬ yawꞈ-ahˇ muiˇ dui dui-eu gʼaˬ loꞈ-ehˇ jahˇ nehˬ laꞈ-euˬ meh.

Hawˇseˬ 5:14

Haiˬ-eu aˇ laˬ jaˬ shiˇ loꞈ-ehˇ, Iˇsaˬleˬlaˆ-ahˇ tsawˬ kawꞈ ma. Gʼeh-eu aˇ laˬ jaˬ shiˇ loꞈ-ehˇ, Yuˇdaˆ miˇ kʼahˬ-ahˇ tsawˬ kawꞈ ma. Cehˬ pyaˬ cehˬ shaˇ-awˇ bi ga-awˇ, kawꞈ tehˬ-awˇ gʼeu byoˆ gʼeh nehˬ ngeh, ka kʼoꞈ nehˬ-eu gʼaˬ maˬ jawˇ-aˇ.

Hawˇseˬ 2:5

Zaˬ baw aˬ ma meh maˬ laˇ kʼoeˇ, shaꞈ dawˇ-eu maˬ baw ni dehꞈ-awˇ, dawˬ tmˇ heu loꞈ-ehˇ mˇ-eu meh. ‘Dzaˬ-eu dzaˇ muiˬ, dawˇ-eu iˇ cuꞈ, dm-eu saˬ paˇ, yawˇ zaˬ caꞈ hm, aˬ gaꞈ dzaˇ uiˇ, saˬ loˬ loˬ tsiˇ, heu deuˬ biꞈ-eu zaˬ kʼaˬ mehˬ nah, caw teh gʼeh ma’ lehˇ tmˇ-eu meh.

Yeˬsaˬgeˬlaˇ 23:22

“Oˬhoˬliˇbaˬ-oˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, nymˬ-mˇ nawˬ-ahˇ heu loꞈ-ehˇ ehˇ-eu ma. Nawˬ-euˬ zaˬ kʼaˬ kʼoeˇ deuˬ-ahˇ nawˇ nui ma byuˇ laˇ taˬ-euˬ meh. Ehˇ kʼawꞈ, aˬ yawꞈ maꞈ nawˬ-ahˇ nui ma pehˇ-awˇ, nawˬ-euˬ dawˬ peh ga jawˬ le ni ngaˇ jahˇ ma.

Yeˬsaˬgeˬlaˇ 23:9

Kʼoeˇ miˇ neh, aˬ yawꞈ mawꞈ dui dui leˇ-eu Aˬshuˇliˆ tsawˇ haˬ deuˬ-euˬ laꞈ-ahˇ aˬ yawꞈ-ahˇ ngaˇ a ahˇ nehˬ-euˬ ma.

Ngoeˇ dawˬ 1:19

“Nui ma gm-euˬ deuˬ-ahˇ kuˇ kʼawꞈ, ngaˬ-ahˇ byehˇ dzeh nehˬ laꞈ-euˬ meh. Piˇ ma deuˬ hawˇ-eu aˬ yuiꞈ deuˬ, yawˬ ha maˬ shiˇ tiˬ pyaˬ jeuˬ-awˇ, dzaˬ-eu dawˇ-eu jeˬ poˆ poˆ-ehˇ, meuˬ-euˬ laꞈ kʼoeˇ shiˇ jiˇ-euˬ meh.

Yeˬlaˬmiˇ 38:22

Yuˇdaˆ sahˬ paˬ-euˬ hawˇ nymˇ laꞈ kʼoeˇ kʼaˇ dzeˇ-eu zaˬ miˬ zaˬ deuˬ-ahˇ, Baˬbuˇloˬ tsawˇ haˬ yaw huiˬ yaw mahˇ deuˬ jawˇ gaˇ sheuˬ doˆ gʼeh nehˬ-eu ngaˇ ya mawˇ-euˬ ma. Aˬ yawꞈ maꞈ heu loꞈ-ehˇ ehˇ-awˇ doˆ-iˇ luꞈ-eu meh. ‘Sahˬ paˬ-ahˇ gʼoeˇ dui dui-eu cawˬ deuˬ, sahˬ paˬ-ahˇ tsawˇ gahˇ gahˇ gʼaˬ-euˬ meh. Sahˬ paˬ aˬ kuiˇ lah yaˬ-ahˇ nawˬ pahˬ-awˇ, cawˬ deuˬ byehˇ dzeh nehˬ yaꞈ-euˬ meh’ lehˇ ehˇ-eu meh.”

Yeˬlaˬmiˇ 6:23

Aˬ yawꞈ maꞈ kaˆ hawˇ-eu mi cehˇ baꞈ-awˇ, gʼawˬ shaˬ gaˬ-eu maˬ siˬ nya-a. Aˬ yawꞈ maꞈ mahˬ pyehˬ teh sehˇ-awˇ oe-eu, iˬ ma laˆ shaˆ mahˇ gaˇ duˇ-awˇ, Yeˬluˇsaˬlehˬ meuˬ-ahˇ deuˆ-eu lehˇ gʼeh-eu meh.

Yawˇbaˆ 16:9

Miˬyehˇ nui ma pehˇ-awˇ ngaˬ-ahˇ ngawˬ paˆ ngawˬ shaˆ-euˬ meh. Aˬ yawꞈ ngaˬ-ahˇ bye-awˇ mˇ guiˇ haw laˇ-eu meh.

Jaceuq 107:17

Tiˬ paˆ na deuˬ iˬ baˇ baˬ da neh tsawˇ uˬ uˬ-iˇ-awˇ, yaw haiˬ jeˬ mˇ-euˬ baˬ da neh ya shaˬ ya zahˬ-eu meh.

Iˇsaˬyaˇ 57:13

Caw ba nehˬ laꞈ lehˇ naw maꞈ ngoeˇ laˇ ngeh, tahˬ pahˬ aˬ ma mawˇ kawˇ kʼoeˇ deuˬ ngehˬ gʼeh luꞈ-uˇ. Jaˬ lehˇ tiˬ bahˬ laꞈ kʼoeˇ aˬ yawꞈ maꞈ byoˆ-iˇ jiˇ tehꞈ-a. Ehˇ kʼawꞈ ngaˬ-ahˇ jah-eu tsawˇ haˬ deuˬ-aˬ, miˇ kʼahˬ heu kʼahˬ laꞈ kʼoeˇ ziꞈ dah ni ya jawˇ-awˇ, Uˬ duˬ tahˬ nymˇ nymˇ ma laꞈ kʼoeˇ ngaˬ-ahˇ uˬ duˬ ya tahˬ tehꞈ-a.”

Yeˬlaˬmiˇ 14:17

Aˬ yawꞈ maꞈ-ahˇ heu loꞈ-ehˇ ehˇ nehˬ-iˇ-eu gʼaˇ duˬ Sahˬpaˬ Miˬyehˇ ngaˬ-ahˇ dawˬ biꞈ laꞈ-euˬ meh. “Ngaˬ-euˬ tsawˇ haˬ deuˬ yaw kʼaˆ-ehˇ bi laˆ naˇ-awˇ, aˇ dzehˬ-ehˇ deuˬ leˇ-euˬ miˇ neh, ngaˬ-euˬ myaˆ biˇ maˬ tsiˇ leˇ ni yoeˇ-awˇ, maˬ naˬ leˇ ni ya ngoeˇ luꞈ-uˇ.

Yeˬlaˬmiˇ 32:30

Iˇsaˬleˬlaˆ tsawˇ haˬ deuˬ hawˇ-eu Yuˇdaˆ tsawˇ haˬ deuˬ-aˬ, nyiˇ ngeh neh ngaˇ nui ma maˬ saˇ-eu jeˬ tehꞈ-ehˇ mˇ-euˬ meh.

Yeˬlaˬmiˇ 44:22

Iˬ nah naw maꞈ-euˬ miˇ kʼahˬ cawˆ-iˇ-awˇ, tsawˇ haˬ tiˬ gʼaˬ-iˬ maˬ jawˇ-ehˇ, guˆ dui dui laˇ paˬ-ehˇ pyeuꞈ-iˇ taˬ-euˬ miˇ neh, aˬ cawˬ yaˬ kʼehˇ yaˬ ngeh tsawˇ myahˇ kuˇ duˬ pyeuꞈ-iˇ-euˬ maˬ ngeuˇ-a loˇ. Naw maꞈ neh mˇ-euˬ yaw haiˬ jeˬ hawˇ-eu maˬ muiˬ maˬ jaˬ-eu jeˬ-ahˇ, Sahˬpaˬ Miˬyehˇ maˬ oˇ coeˇ laˇ-euˬ miˇ neh, kʼoeˇ loꞈ-ehˇ bi keuˆ le-euˬ maˬ ngeuˇ nga loˇ.

Yeˬlaˬmiˇ 50:42

Kaˆ hawˇ-eu mi cehˇ-ahˇ tuˆ tehˬ taˬ-awˇ, gʼawˬ shaˬ gaˬ-eu maˬ siˬ nya-a. Aˬ yawꞈ maꞈ mahˬ dziˬ-awˇ oe ngeh, laˆ shaˆ iˇ kʼawˇ mahˇ laˇ gaˇ duˇ-eu meh. Baˬbuˇloˬ miˇ kʼahˬ-ahˇ deuˆ-eu gʼaˇ duˬ, aˬ yawꞈ maꞈ lehˬ hmˬ dah-euˬ meh.

Aaˇbaˬdiˇ 1:7

Nawˬ-ahˇ nui ma gm-euˬ deuˬ kʼawꞈ, nawˬ-euˬ miˇ kʼahˬ laꞈ nyiˇ nawˬ-ahˇ, teh dzeh nehˬ laꞈ gaˇ keuˆ tehꞈ-a. Nawˬ-ahˇ tsaˬ leˇ dzoeˇ leˇ-euˬ deuˬ, nawˬ-ahˇ guiˇ paˇ deuˆ gʼaˬ tehꞈ-a. Tiˬ gaˇ dzaˬ tiˬ gaˇ dawˇ-euˬ deuˬ, nawˬ-ahˇ lahˇ ju kʼmˇ paꞈ tehꞈ-a. Nawˬ neh dehꞈ dzaˬ-euˬ aˇ nah kʼoeˇ, aˬ gaˇ iˇ byoˆ jiˇ-euˬ nga lehˇ, aˬ yawꞈ maꞈ ehˇ gaˇ keuˆ tehꞈ-a.

Yeˬlaˬmiˇ 5:5

Aˬ yuiꞈ aˬ tsu geuꞈ luꞈ-eu deuˬ-ahˇ ngaˇ ngehˬ cawˬ-iˇ ma. Miˬyehˇ-euˬ zahˇ sahˇ kʼoꞈ hawˇ-eu aˬ yawꞈ-euˬ nui kʼahˇ-ahˇ, aˬ yawꞈ maꞈ siˬ nya-eu yaw duˬ baw meh.” Ehˇ kʼawꞈ aˬ yawꞈ maꞈ dawˬ tawˆ luꞈ gʼeh-awˇ, Sahˬpaˬ Miˬyehˇ uˆ lahˇ luꞈ-eu jeˬ-ahˇ puiˬ-awˇ, aˬ yawꞈ ehˇ dawˬ maˬ naˇ haˬ-a.

Yeˬlaˬmiˇ 32:29

Baˬbuˇloˬ tsawˇ haˬ kʼoeˇ deuˬ meuˬ laꞈ kʼoeˇ uˇ laˇ-awˇ, nymˇ mˬ kʼoeˇ taˆ Baˬlaˇ miˬ yehˇ-ahˇ yaw saw jeˬ doꞈ damˬ-awˇ, miˬ yehˇ nui deuˬ-ahˇ aˬ gaꞈ dzaˇ uiˇ lawˇ nehˬ-eu laꞈ kʼoeˇ, ngaˇ nui ma pehˇ ni mˇ-euˬ nymˇ kʼoeˇ deuˬ nehˬ-ehˇ tiˬ kawˆ loꞈ-ehˇ, meuˬ kʼoeˇ meuˬ-ahˇ aˬ yawꞈ maꞈ miˬ dzaˬ dzah puiˆ dzeh tehꞈ-a.

Yeˬlaˬmiˇ 32:34

Ngaˬ-ahˇ uˬ duˬ tahˬ-eu gʼaˇ duˬ tsoˆ taˬ-euˬ Uˬ duˬ tahˬ nymˇ nymˇ ma laꞈ kʼoeˇ, nui daˆ daˆ laˇ paˬ-ehˇ gʼeh-eu aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ baꞈ ahˇ taˬ-awˇ, Uˬ duˬ tahˬ nymˇ nymˇ ma-ahˇ laˆ jawꞈ gaˇ keuˆ ni aˬ yawꞈ maꞈ jahˇ keuˆ-euˬ meh.

Yeˬlaˬmiˇ 32:35

Moˇlehˆ miˬ yehˇ-ahˇ aˬ yawꞈ maꞈ-euˬ aˬ buˇ aˬ li deuˬ lawˇ nehˬ-eu gʼaˇ duˬ, Hiˬnoˬ deh kʼawꞈ-ahˇ Baˬlaˇ miˬ yehˇ gʼaˇ duˬ lawˇ duˬ tiˬ tsahˇ aˬ yawꞈ maꞈ tsoˆ-euˬ meh. Kʼoeˇ loꞈ-ehˇ jahˇ-eu gʼaˇ duˬ aˬ yawꞈ maꞈ-ahˇ ngaˇ maˬ mehˬ maˬ tsoˆ-euˬ uˬ taꞈ, aˬ yawꞈ maꞈ kʼoeˇ loꞈ-ehˇ jahˇ-awˇ Yuˇdaˆ tsawˇ haˬ deuˬ iˬ baˇ mˇ ni sheuˬ bahˬ nehˬ tehꞈ-a lehˇ, nui ma laꞈ kʼoeˇ tehꞈ-ehˇ kʼawꞈ ngaˇ maˬ noeˬ haw-aˬ.”

Ngoeˇ dawˬ 2:1

“Sahˬpaˬ Miˬyehˇ nui ma pehˇ-awˇ, zahˇ tsui ni gʼeh-eu mˬ dmˇ neh, Ziˇoˬ meuˬ-ahˇ dehˬ kaˬ-euˬ meh. Iˇsaˬleˬlaˆ yaw shehꞈ kʼahˬ sehˇ, mˬ yaw goˇ-ahˇ bi jaˆ-euˬ kʼoeˇ, miˇ tsaˬ-ahˇ biˬ dzeh nehˬ-euˬ meh. Aˬ yawꞈ nui ma pehˇ-eu kʼoeˇ nah, Uˬ duˬ tahˬ nymˇ nymˇ ma-ahˇ kʼawꞈ, byehˇ dzeh nehˬ peuˬ gaˇ keuˆ ni meh.

Daˬyeˬlaˇ 9:5

“Nga maꞈ iˬ baˇ mˇ-euˬ ma. Nga maꞈ haiˬ-eu tsawˇ haˬ deuˬ pyeuꞈ-awˇ, nawˬ -ahˇ puiˬ-euˬ ma. Nawˬ neh bi mˇ laꞈ-euˬ jeˬ-ahˇ nga maꞈ maˬ mˇ ni, nawˬ neh mehˬ nehˬ laꞈ-euˬ yaw tsaˬ yaw dawˇ jeˬ-ahˇ nga maꞈ byehˇ dzeh-euˬ ma.

Daˬyeˬlaˇ 9:11

Iˇsaˬleˬlaˆ tsawˇ jeuˬ jeuˬ lah ni nawˬ-euˬ zahˇ dawˬ kʼoꞈ dawˬ-ahˇ byehˇ-awˇ, nawˇ ehˇ gaˇ maˬ naˇ haˬ ni dehꞈ-euˬ meh. Nawˬ-euˬ mehˬ shi nga maꞈ iˬ baˇ mˇ-euˬ miˇ neh, nawˬ-euˬ zaˬ kʼaˆ Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ boꞈ ahˇ taˬ-euˬ yaˬ kʼehˇ yaˬ-eu jeˬ, nga maꞈ kʼoeˇ taˆ nawˇ bi keuˆ le-euˬ meh.

Daˬyeˬlaˇ 9:13

Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ kʼaˇ boꞈ taˬ-euˬ kʼehˬ-eu kʼaˆ-eu jeˬ nga maꞈ kʼoeˇ taˆ keuˆ le gʼaˬ-euˬ meh. Ehˇ kʼawꞈ, nga maꞈ-eu Miˬyehˇ pyeuꞈ-eu Sahˬpaˬ Miˬyehˇ-oˇ, nga maꞈ iˬ baˇ mˇ-eu maˬ naˬ leˇ-ehˇ, nymˬ-mˇ keuˆ ni nawˬ-euˬ nui kʼahˇ hawˇ-eu nawˬ-euˬ yaw tsaˬ yaw dawˇ jeˬ-ahˇ maˬ poˆ ni dehꞈ luꞈ-eu ma.