Yeˬlaˬmiˇ 30:13 - Akha

¹³ Naw maꞈ-ahˇ bo saˆ-eu gʼaˬ maˬ jawˇ-ehˇ, maˇ naˇ-ahˇ lehꞈ-eu jaˆ gʼaˬ maˬ jaˆ-eu miˇ neh, taˬ leˇ-eu gaˇ ma maˬ dahˇ-a.

Yeˬlaˬmiˇ 30:13 Referans Kwoze

Yeˬlaˬmiˇ 46:11

Iˇjiˇtuˆ tsawˇ haˬ-oˇ, Giˇlaˆ miˇ kʼahˬ-ahˇ jaˆ gʼaˬ poˆ leˇ sheˇ. Naw maꞈ-euˬ jaˆ gʼaˬ deuˬ gaˇ dahˇ maˬ paˇ tsoeˬ-ehˇ, naw maꞈ naˇ gawˇ maˬ paˇ yaˇ taˬ nya meh.

Yeˬlaˬmiˇ 8:22

Giˇlaˆ miˇ kʼahˬ laꞈ kʼoeˇ jaˆ gʼaˬ maˬ jaˆ-a loˇ. Jaˆ gʼaˬ nya-eu tsawˇ haˬ kʼoeˇ gaˇ maˬ jawˇ-a loˇ. Aˬ jeˬ miˇ neh ngaˬ-euˬ tsawˇ jeuˬ-ahˇ maˬ laˆ taˬ nya ta.

Yeˬlaˬmiˇ 33:6

Ehˇ kʼawꞈ, meuˬ heu meuˬ hawˇ-eu meuˬ laꞈ kʼoeˇ jawˇ-eu tsawˇ haˬ deuˬ-ahˇ ngaˇ paˇ laˆ saˆ nehˬ-awˇ, jawˇ saˇ bi doˆ laˇ ma. Aˬ yawꞈ maꞈ-ahˇ guˆ kʼaˇ maˬ za ni bi dehꞈ-awˇ, huiˬ dui dui-eu nui saˇ oꞈ-eu jeˬ ngaˇ bi mawˇ ma.

Yeˬlaˬmiˇ 30:17

Ziˇoˬ gawˬ jawˬ-aˬ, biˬ dzeh-euˬ myawˬ kuˬ-ahˇ duˇ-awˇ, myaˆ haw cawˬ nehˬ-eu gʼaˬ maˬ jawˇ-a lehˇ, naw maꞈ-ahˇ muiˇ-eu tsawˇ haˬ deuˬ ehˇ kʼawꞈ, naw maꞈ-ahˇ ngaˇ paˇ bi dehꞈ dzaˬ laˇ-awˇ, naw maꞈ-euˬ naˇ gawˇ laˆ taˬ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

1 Yoˇhaˬ 2:1

Ngaˇ gaˬ dui dui-eu zaˬ deuˬ-oˇ, naw maꞈ iˬ baˇ maˬ bi mˇ-eu gʼaˇ duˬ, gaˇ kawˆ heu deuˬ naw maꞈ jawˇ gaˇ ngaˇ boꞈ ahˇ laꞈ-eu jeˬ pyeuꞈ-eu ma. Ehˇ kʼawꞈ, tsawˇ haˬ tiˬ gʼaˬ na iˬ baˇ mˇ lawˬ naˇ, aˬ dui-euˬ dah zaˇ Aˬda Miˬyehˇ-ahˇ tahˬ shaˇ leˇ-eu gʼaˬ jawˇ ma. Kʼoeˇ-aˬ, yaw tsaˬ yaw dawˇ tsawˇ haˬ pyeuꞈ-eu Yeˬsuˇ Ka li meh.

1 Beˬtuˆluˆ 2:24

Iˬ baˇ laꞈ kʼoeˇ aˬ dui maˬ paˇ dehꞈ ni shiˇ tsehˆ yaꞈ-awˇ, yaw tsaˬ yaw dawˇ jeˬ gʼaˇ duˬ yaw dehˬ dehꞈ nya ni aˬ dui-euˬ iˬ baˇ-ahˇ Ka li aˬ yawꞈ-euˬ gʼawˇ mawˇ laꞈ kʼoeˇ pi-awˇ, laꞈ yaꞈ kʼoeˇ taˆ kamˇ shiˇ-euˬ meh. Aˬ yawꞈ ya daˬ-euˬ maˇ kʼehˬ maˇ naˇ baˬ da neh naw maꞈ-euˬ naˇ gawˇ taˬ leˇ-euˬ meh.

Naˬhmˬ 3:19

Nawˬ-euˬ maˇ kʼehˬ maˇ naˇ yaw naꞈ, tiˬ jeˬ-iˬ maˬ laˆ taˬ nya-a. Nawˬ neh kʼehˬ nehˬ kʼaˆ nehˬ-euˬ gaˇ, maˬ daˬ haw ni dehꞈ dzeuˇ nya-euˬ, tiˬ gʼaˬ-iˬ maˬ jawˇ-eu miˇ neh, nawˬ-euˬ guiˬ lahˬ doeˇ-eu gaˇ kawˆ, kʼaˇ ya gaˬ-euˬ tsawˇ haˬ dawˬ tawˆ, laꞈ kʼawˆ tehˆ-awˇ cehˇ gʼa tehꞈ-a.

Hawˇseˬ 14:4

Sahˬpaˬ Miˬyehˇ ehˇ-eu dawˬ-aˬ, “Ngaˬ-euˬ tsawˇ haˬ paˇ sheuˬ kʼoꞈ-awˇ, nui ma laꞈ kʼoeˇ keuˆ ni gaˬ-awˇ, nui ma pehˇ-eu jeˬ byehˇ dzeh ma.

Hawˇseˬ 6:1

Aˬ yawꞈ maꞈ heu loꞈ-ehˇ ehˇ-eu, “Laˇ-awˬ. Sahˬpaˬ Miˬyehˇ jawˇ gaˇ, aˬ dui paˇ gʼoꞈ poˆ leˇ kaˇ-euˇ. Aˬ dui-ahˇ aˬ yawꞈ laˆ naˇ-euˬ aˬ yawꞈ laˆ taˬ nehˬ laꞈ tehꞈ-a. Aˬ dui-ahˇ aˬ yawꞈ laˆ tahˬ-eu, aˬ yawꞈ lahˇ cuꞈ nehˬ laꞈ tehꞈ-a.

Yeˬsaˬgeˬlaˇ 22:30

Meuˬ meuˬ lahˇ gawˬ nya-awˇ, ngaˇ nui ma pehˇ-eu laꞈ kʼoeˇ miˇ kʼahˬ heu kʼahˬ-ahˇ laˆ cawˆ-eu lehˇ gʼeh ngeh, byaˆ-iˇ-euˬ meuˬ lahˇ yaw kaˬ-ahˇ yawꞈ-awˇ miˇ kʼahˬ heu kʼahˬ maˬ bi cawˆ-iˇ ni laˆ tsoeˬ nya-eu tsawˇ haˬ-ahˇ ngaˇ poˆ luꞈ-eu ma.

Iˇsaˬyaˇ 59:16

Kʼehˬ nehˬ kʼaˆ nehˬ gaˇ ya daˬ-euˬ tsawˇ haˬ deuˬ-ahˇ, caw ba nehˬ-eu gʼaˬ maˬ jawˇ gaˇ aˬ yawꞈ zahˬ leˇ-eu meh. Kʼoeˇ miˇ neh aˬ yawꞈ-euˬ baoˬ zmˬ-awˇ, aˬ yawꞈ maꞈ-ahˇ ka kʼoꞈ nehˬ-eu laꞈ kʼoeˇ, yaw tsaˬ yaw dawˇ jeˬ neh laˆ gʼaˬ tehꞈ-a.

Iˇsaˬyaˇ 1:6

Aˬ kuiˇ pehˬ zaˬ-ahˇ neh uˬ duˬ-ahˇ doˆ ni, geuꞈ-eu maˬ paˇ ahˇ ngaˇ. Maˇ kʼehˬ maˇ naˇ hawˇ-eu shiˬ dzahˬ maˇ lu tehꞈ-ehˇ jaˆ-awˇ, shiˬ doˆ dui dui luꞈ nga. Nawˬ-euˬ maˇ naˇ maˬ laˆ taˬ-ehˇ, saˬ paˇ maˬ lahˇ taˬ-aˬ. Jaˆ gʼaˬ maˬ laˆ saˆ-aˬ.

Jaceuq 142:4

Ngaˬ-euˬ dawˬ peh ngaˇ haw ngeh, caw ba le-eu tsawˇ haˬ-ahˇ maˬ ya mawˇ-a. Ngaˬ-ahˇ haw piˇ-eu tiˬ gʼaˬ-iˬ maˬ jawˇ-a. Ngaˬ-ahˇ ka kʼoꞈ-eu tiˬ gʼaˬ-iˬ maˬ jawˇ-a.

Jaceuq 106:23

Aˬ yawꞈ-euˬ tsawˇ jeuˬ-ahˇ laˆ cawˆ ma lehˇ Miˬyehˇ ehˇ ngeh, nui ma pehˇ-eu laꞈ kʼoeˇ tsawˇ haˬ kʼoeˇ deuˬ-ahˇ maˬ bi laˆ cawˆ-eu gʼaˇ duˬ, aˬ yawꞈ neh tseˇ doˆ-euˬ zaˬ kʼaˆ pyeuꞈ-eu Moˇseˬ, aˬ yawꞈ mehˬ shi yawꞈ daˬ leˇ-euˬ meh.

Yawˇbaˆ 34:29

Miˬyehˇ tiˬ jeˬ-iˬ maˬ paˇ mˇ ma lehˇ noeˬ tsehˆ shaw naˇ, tiˬ gʼaˬ-iˬ aˬ yawꞈ-ahˇ iˬ baˇ maˬ taˬ nya-a. Aˬ yawꞈ-euˬ myaˆ pyawˬ-ahˇ aˬ yawꞈ dehˬ kaˬ taˬ naˇ, tsawˇ haˬ zaˬ neh maˬ paˇ laˆ luˆ nya meh.

Yawˇbaˆ 5:18

Miˬyehˇ laˆ tahˬ laˆ naˇ-euˬ gaˇ Miˬyehˇ kaꞈ uꞈ-eu meh. Aˬ yawꞈ-euˬ aˬ laꞈ neh laˆ naˇ-awˇ, aˬ yawꞈ-euˬ aˬ laꞈ neh paˇ laˆ taˬ nehˬ-eu meh.

Dawˬmehˬ 32:39

“‘Ngaˇ tiˬ gʼaˬ tehꞈ-ehˇ Miˬyehˇ ma. Nui deuˬ-aˬ miˬ yehˇ maˬ ngeuˇ-a. Toeˬ dehꞈ toeˬ shiˇ ngaˇ pyeuꞈ-eu ma. Laˆ naˇ-awˇ laˆ taˬ-eu ngaˇ ma. Ngaˬ-euˬ nui loˆ ngaˇ dzoeˬ luꞈ gaˇ, laˆ tsoeˬ peuˬ-eu gʼaˬ maˬ jawˇ-a.

Doˆ-iˇ 15:26

Aˬ yawꞈ ehˇ-eu “Ngaˬ-euˬ dawˬ-ahˇ naw maꞈ tuˆ tehˬ taˬ-awˇ, ngaˬ neh tsaˬ meh lehˇ noeˬ-euˬ jeˬ-ahˇnaw maꞈ mˇ-eu laꞈ kʼoeˇ, ngaˬ-euˬ ehˇ dawˬ-ahˇ naw maꞈ tiˬ byah tiˬ loꞈ naˇ haˬ geuꞈ naˇ, Iˇjiˇtuˆ tsawˇ haˬ kʼoeˇ taˆ bi keuˆ le-euˬ shaˬ zahˬ naˇ gawˇ kʼoeˇ deuˬ naw maꞈ kʼoeˇ taˆ bi keuˆ le-eu laꞈ kʼoeˇ, naw maꞈ-ahˇ kʼehˬ nehˬ kʼaˆ nehˬ-eu jeˬ ngaˇ maˬ mˇ. Ngaˇ-aˬ, naw maꞈ-ahˇ laˆ taˬ nehˬ-eu Sahˬpaˬ Miˬyehˇ pyeuꞈ-eu ma.”

Yeˬlaˬmiˇ 17:14

Sahˬpaˬ Miˬyehˇ-oˇ, ngaˬ-euˬ naˇ gawˇ-ahˇ laˆ saˆ nehˬ laꞈ-awˬ. Nawˇ laˆ saˆ nehˬ laꞈ naˇ, ngaˬ-euˬ naˇ gawˇ taˬ leˇ tehꞈ-a. Ngaˬ-ahˇ ka kʼoꞈ nehˬ laꞈ-awˬ. Nawˇ ka kʼoꞈ nehˬ laꞈ naˇ, ngaˇ ya buˬ ya law-iˇ tehꞈ-a. Nawˬ-euˬ guiˬ lahˬ-ahˇ ngaˇ ja ceuˬ-eu ma.

Yeˬlaˬmiˇ 14:19

Sahˬpaˬ Miˬyehˇ nawˇ Yuˇdaˆ tsawˇ haˬ-ahˇ, byehˇ tsehˆ tsehˆ nehˬ laꞈ-euˬ ma loˇ. Ziˇoˬ meuˬ-ahˇ nawˇ maˬ haw nahˇ te loˇ. Nga maꞈ jaˆ gʼaˬ maˬ yaˇ taˬ nya gaˇ keuˆ, aˬ jeˬ miˇ neh nawˇ laˆ naˇ nehˬ laꞈ te. Nui saˇ oꞈ-eu jeˬ-ahˇ nga maꞈ poˆ kʼawꞈ, yaw muiˬ tiˬ jeˬ-iˬ maˬ baw-a. Naˇ gawˇ taˬ leˇ gaˇ nga maꞈ noeˬ tmˬ kʼawꞈ, guˆ-eu gaˆ-eu jeˬ paˇ keuˆ le-euˬ meh.

Yeˬlaˬmiˇ 6:7

Lah duˬ laꞈ kʼoeˇ iˇ cuꞈ iˇ beuˆ doˆ-eu loꞈ-ehˇ, Yeˬluˇsaˬlehˬ laꞈ kʼoeˇ yaw haiˬ jeˬ iˇ beuˆ doˆ-eu meh. Meuˬ laꞈ kʼoeˇ kʼehˬ dzaˬ kʼaˆ dzaˬ-eu jeˬ ya gaˬ-awˇ, maˇ kʼehˬ maˇ naˇ hawˇ-eu naˇ gawˇ maˬ tsehˆ leˇ-a.

Yeˬsaˬgeˬlaˇ 30:21

“Tsawˇ haˬ zaˬ-oˇ, Iˇjiˇtuˆ sahˬ paˬ-euˬ aˬ laꞈ ngaˇ ngawˬ kʼehꞈ-euˬ ma. Aˬ laꞈ kʼoeˇ taˬ leˇ-awˇ mi cehˇ paˇ baꞈ nya laˇ ni, jaˆ gʼaˬ uꞈ-awˇ kaꞈ dawˇ nehˬ-eu tiˬ gʼaˬ-iˬ maˬ jawˇ-a.

Ngoeˇ dawˬ 2:13

Oˇ, Yeˬluˇsaˬlehˬ meuˬ-oˇ, nawˬ-ahˇ aˬ joˆ-ehˇ ehˇ paˬ nga. Aˬ jeˬ-ahˇ shaˇ cehˆ mehˬ paˬ nga. Aˬ joˆ-ehˇ muˇ taˬ nehˬ paˬ nga. Oˇ, Yeˬluˇsaˬlehˬ meuˬ-oˇ, nawˬ-euˬ yaw cawˆ, laˆ shaˆ naꞈ-eu, aˬ suˇ gʼaˬ laˆ muiˬ kʼoꞈ nya nmˇ.