Yeˬlaˬmiˇ 30:12 - Akha

¹² Sahˬpaˬ Miˬyehˇ aˬ yawꞈ-euˬ tsawˇ haˬ-ahˇ ehˇ-eu, “Naw maꞈ-euˬ maˇ naˇ maˬ laˆ byoˆ nya-ehˇ, naw maꞈ-euˬ maˇ kʼehˬ maˬ yaˇ taˬ nya-a.

Yeˬlaˬmiˇ 30:12 Referans Kwoze

Yeˬlaˬmiˇ 15:18

Aˬ jeˬ miˇ neh ngaˬ-euˬ naˇ gawˇ taˬ leˇ-euˬ maˬ baw ta. Jawˇ la yamˬ-ahˇ gui-iˇ-eu lawˇ gawˆ loꞈ-ehˇ, nawˇ ngaˬ-ahˇ bi shaˬ-eu gʼeh te loˇ.”

Yeˬlaˬmiˇ 30:15

Naw maꞈ maˇ kʼehˬ maˇ naˇ gaˇ kawˆ taˬ toˇ. Taˬ leˇ nya-eu gaˇ ma maˬ paˇ dahˇ meh. Naw maꞈ iˬ baˇ myaˬ dui dui-awˇ, lehˬ-eu ca-eu aˇ dzehˬ dzeuˇ-eu miˇ neh, naw maꞈ-ahˇ ngaˇ heu loꞈ-ehˇ kʼehˬ-eu ma.

Yeˬlaˬmiˇ 14:17

Aˬ yawꞈ maꞈ-ahˇ heu loꞈ-ehˇ ehˇ nehˬ-iˇ-eu gʼaˇ duˬ Sahˬpaˬ Miˬyehˇ ngaˬ-ahˇ dawˬ biꞈ laꞈ-euˬ meh. “Ngaˬ-euˬ tsawˇ haˬ deuˬ yaw kʼaˆ-ehˇ bi laˆ naˇ-awˇ, aˇ dzehˬ-ehˇ deuˬ leˇ-euˬ miˇ neh, ngaˬ-euˬ myaˆ biˇ maˬ tsiˇ leˇ ni yoeˇ-awˇ, maˬ naˬ leˇ ni ya ngoeˇ luꞈ-uˇ.

2 Laˬsaˬbaˬ 36:16

Aˇ saˬ saˬ laˇ ngeh, aˬ yawꞈ-euˬ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ dui dui laˇ-awˇ, buˬ-iˇ law-iˇ-eu gaˇ ma maˬ dahˇ ehˇ pyeuꞈ laˇ ngeh keuˆ ni, Miˬyehˇ neh pyehˬ gʼeh leꞈ-euˬ deuˬ-ahˇ aˬ yawꞈ maꞈ ja bu ja doeˇ-awˇ, aˬ yawꞈ-euˬ ehˇ dawˬ-ahˇ maˬ naˇ haˬ geuꞈ-ehˇ, Miˬyehˇ gʼaˇ duˬ ngehˬ dah-eu deuˬ-ahˇ naˬ gʼa naˬ gʼa-ehˇ uiˇ-euˬ meh.

Yeˬsaˬgeˬlaˇ 37:11

Miˬyehˇ ngaˬ-ahˇ ehˇ-eu, “Tsawˇ haˬ zaˬ-oˇ, Iˇsaˬleˬlaˆ tsawˇ haˬ deuˬ-aˬ, shaˬ yoeˬ heu deuˬ-ahˇ duˇ-eu meh. Aˬ yawꞈ maꞈ-euˬ shaˬ yoeˬ koˆ jiˇ-awˇ, noeˬ tmˬ kʼaˇ maˬ paˇ za-eu uˬ taꞈ, geuꞈ-eu jeˬ tiˬ pawꞈ-iˬ maˬ paˇ ahˇ miˇ-a lehˇ, aˬ yawꞈ maꞈ ehˇ luꞈ meh.

Yeˬlaˬmiˇ 6:7

Lah duˬ laꞈ kʼoeˇ iˇ cuꞈ iˇ beuˆ doˆ-eu loꞈ-ehˇ, Yeˬluˇsaˬlehˬ laꞈ kʼoeˇ yaw haiˬ jeˬ iˇ beuˆ doˆ-eu meh. Meuˬ laꞈ kʼoeˇ kʼehˬ dzaˬ kʼaˆ dzaˬ-eu jeˬ ya gaˬ-awˇ, maˇ kʼehˬ maˇ naˇ hawˇ-eu naˇ gawˇ maˬ tsehˆ leˇ-a.

Ngoeˇ dawˬ 2:13

Oˇ, Yeˬluˇsaˬlehˬ meuˬ-oˇ, nawˬ-ahˇ aˬ joˆ-ehˇ ehˇ paˬ nga. Aˬ jeˬ-ahˇ shaˇ cehˆ mehˬ paˬ nga. Aˬ joˆ-ehˇ muˇ taˬ nehˬ paˬ nga. Oˇ, Yeˬluˇsaˬlehˬ meuˬ-oˇ, nawˬ-euˬ yaw cawˆ, laˆ shaˆ naꞈ-eu, aˬ suˇ gʼaˬ laˆ muiˬ kʼoꞈ nya nmˇ.

Hawˇseˬ 5:13

“Yawˬ ha naˇ gawˇ aˇ naˆ kʼaˆ-eu, Iˇsaˬleˬlaˆ-ahˇ siˬ leˇ-awˇ, yawˬ ha maˇ naˇ aˇ naˆ naꞈ-eu, Yuˇdaˆ miˇ kʼahˬ-ahˇ siˬ leˇ ngeh, huiˬ-eu Suˇliˆ sahˬ paˬ jawˇ gaˇ, Iˇsaˬleˬlaˆ tahˬ shaˇ-euˬ meh. Ehˇ kʼawꞈ, naˇ gawˇ maˬ yaˇ nya-ehˇ, maˇ naˇ maˬ laˆ taˬ nehˬ nya-a.

Miˇkaˬ 1:9

Saˬmaˬliˆ meuˬ-euˬ naˇ gawˇ maˬ paˇ laˆ saˆ nya-ehˇ, Yuˇdaˆ miˇ kʼahˬ kʼawꞈ kʼoeˇ loꞈ-ehˇ duˇ ni ya naˇ ya gawˇ-eu keuˆ le taˬ-euˬ meh. Ngaˬ-euˬ tsawˇ haˬ deuˬ jawˇ-eu Yeˬluˇsaˬlehˬ meuˬ-euˬ lahˇ kʼehˬ-ahˇ, luˬ-iˇ seˇ-iˇ-eu jeˬ keuˆ le taˬ-euˬ meh.”

Naˬhmˬ 3:19

Nawˬ-euˬ maˇ kʼehˬ maˇ naˇ yaw naꞈ, tiˬ jeˬ-iˬ maˬ laˆ taˬ nya-a. Nawˬ neh kʼehˬ nehˬ kʼaˆ nehˬ-euˬ gaˇ, maˬ daˬ haw ni dehꞈ dzeuˇ nya-euˬ, tiˬ gʼaˬ-iˬ maˬ jawˇ-eu miˇ neh, nawˬ-euˬ guiˬ lahˬ doeˇ-eu gaˇ kawˆ, kʼaˇ ya gaˬ-euˬ tsawˇ haˬ dawˬ tawˆ, laꞈ kʼawˆ tehˆ-awˇ cehˇ gʼa tehꞈ-a.

Yeˬlaˬmiˇ 8:22

Giˇlaˆ miˇ kʼahˬ laꞈ kʼoeˇ jaˆ gʼaˬ maˬ jaˆ-a loˇ. Jaˆ gʼaˬ nya-eu tsawˇ haˬ kʼoeˇ gaˇ maˬ jawˇ-a loˇ. Aˬ jeˬ miˇ neh ngaˬ-euˬ tsawˇ jeuˬ-ahˇ maˬ laˆ taˬ nya ta.

Yeˬlaˬmiˇ 14:19

Sahˬpaˬ Miˬyehˇ nawˇ Yuˇdaˆ tsawˇ haˬ-ahˇ, byehˇ tsehˆ tsehˆ nehˬ laꞈ-euˬ ma loˇ. Ziˇoˬ meuˬ-ahˇ nawˇ maˬ haw nahˇ te loˇ. Nga maꞈ jaˆ gʼaˬ maˬ yaˇ taˬ nya gaˇ keuˆ, aˬ jeˬ miˇ neh nawˇ laˆ naˇ nehˬ laꞈ te. Nui saˇ oꞈ-eu jeˬ-ahˇ nga maꞈ poˆ kʼawꞈ, yaw muiˬ tiˬ jeˬ-iˬ maˬ baw-a. Naˇ gawˇ taˬ leˇ gaˇ nga maꞈ noeˬ tmˬ kʼawꞈ, guˆ-eu gaˆ-eu jeˬ paˇ keuˆ le-euˬ meh.