Yeˬlaˬmiˇ 29:23 - Akha

²³ Aˬ yawꞈ maꞈ aˬ cawˬ-euˬ miˬ zaˬ-ahˇ bahˬ-awˇ, Sahˬpaˬ Miˬyehˇ-euˬ tsawˇ myahˇ uˬ moˆ jaˬ myawꞈ myawꞈ-euˬ miˇ neh, aˬ yawꞈ nyaꞈ-euˬ guiˬ lahˬ kʼoeˇ naˆ ni doeˇ tehꞈ-a. Kʼoeˇ loꞈ-ehˇ mˇ gaˇ Sahˬpaˬ Miˬyehˇ nui ma maˬ tsaˬ-ehˇ, aˬ yawꞈ nyaꞈ neh kʼaˇ mˇ-euˬ jeˬ-ahˇ, Sahˬpaˬ Miˬyehˇ siˬ jiˇ mawˇ jiˇ-eu meh lehˇ, Sahˬpaˬ Miˬyehˇ ehˇ-eu meh.”

Yeˬlaˬmiˇ 29:23 Referans Kwoze

Maˬlaˬkiˇ 3:5

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Yaˇ kʼaˬ daˇ-eu gʼaˇ duˬ naw maꞈ jawˇ gaˇ ngaˇ oe-awˇ, mah loˬ ja maw mˇ-euˬ deuˬ, aˬ cawˬ-euˬ miˬ zaˬ yo zaˬ-ahˇ bahˬ-euˬ deuˬ, maˬ tsaˬ maˬ dawˇ-eu saˇ kiˇ kamˬ-euˬ deuˬ, gʼaˬ gaˇ poeˬ maˬ biꞈ byah ni mehˇ shuiˇ shuiˇ dzaˬ-euˬ deuˬ, miˬ coeˬ miˬ ma, muˇ coeˬ aˬ nmˇ, aˬ cawˬ tsawˇ jeuˬ, heu deuˬ-ahˇ yehˬ bawˬ sehˇ lu-ehˇ gʼeh-euˬ deuˬ hawˇ-eu, ngaˬ-ahˇ yaw zeu maˬ baw-eu tsawˇ haˬ dawˬ tawˆ luꞈ-ahˇ, ngaˇ pyehˆ tseˇ duˬ ma.

Yeˬlaˬmiˇ 23:14

Ehˇ kʼawꞈ Yeˬluˇsaˬlehˬ meuˬ-ahˇ ngaˬ-euˬ gʼaˇ duˬ ngehˬ dah-eu deuˬ, kʼoeˇ naˆ maˬ tseˇ doeˇ gaˇ ngaˇ mawˇ-euˬ ma. Aˬ cawˬ-euˬ miˬ zaˬ-ahˇ aˬ yawꞈ maꞈ bahˬ gʼa muˆ gʼa-awˇ, jaˬ myawꞈ mehˇ shuiˇ dawˬ ngehˬ-eu meh. Tsawˇ haˬ yawˬ gʼaˬ na luꞈ yaw haiˬ jeˬ maˬ byehˇ ni mˇ-eu gʼaˇ duˬ, yaw lehˬ mˇ gaˇ aˬ yawꞈ maꞈ gʼaˬ baꞈ baꞈ-eu meh. Aˬ yawꞈ maꞈ dawˬ tawˆ luꞈ ngaˬ-euˬ mehˬ shi, Sawˇdoˬ hawˇ-eu Gawˇmawˇlaˆ meuˬ loꞈ-ehˇ, doeˇ dui dui-eu tsawˇ haˬ deuˬ pyeuꞈ-eu meh.”

HeˬByehˇ 4:13

Miˬyehˇ-euˬ mehˬ shi dehˬ kaˬ zaꞈ taˬ nya-eu tiˬ jeˬ-iˬ maˬ jaˆ-a. Kʼaˇ beh taˬ-euˬ yawˬ jeˬ na luꞈ aˬ yawꞈ-euˬ myaˆ nuiˆ mehˬ shi bya cehˆ ni pah dzeh taˬ-euˬ gaˇ duˇ-eu meh. Aˬ dui neh kʼaˇ mˇ kʼaˇ shaˇ taˬ-euˬ jeˬ dawˬ tawˆ luꞈ, aˬ yawꞈ mehˬ shi aˬ dui ya dzawˇ mehˬ leˇ-eu meh.

Yeˬlaˬmiˇ 29:21

“Sahˬpaˬ Miˬyehˇ-euˬ tsawˇ myahˇ-ahˇ gʼoe-awˇ, naw maꞈ-ahˇ jaˬ myawꞈ myawꞈ luꞈ-eu Gawˬlaˇyaˬ-euˬ aˬ li Aˬkaˆ hawˇ-eu, Mawˇseˬyaˇ-euˬ aˬ li Zeˬdaˬkiˇ aˬ ha nyaꞈ-euˬ gaˇ kawˆ Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ heu loꞈ-ehˇ ehˇ-eu meh. Aˬ yawꞈ maꞈ-ahˇ Baˬbuˇloˬ sahˬ paˬ Neˬbuˬkaˬneˬzaˬ-euˬ aˬ laꞈ laꞈ kʼoeˇ a nehˬ-awˇ, sahˬ paˬ kʼoeˇ gʼaˬ neh naw maꞈ-euˬ mehˬ shi bi sehꞈ tehꞈ-a lehˇ aˬ yawꞈ ehˇ-eu meh.

Yeˬlaˬmiˇ 16:17

Aˬ yawꞈ maꞈ kʼaˇ mˇ kʼaˇ shaˇ-eu jeˬ ngaˇ mawˇ luꞈ ma. Ngaˬ-euˬ mehˬ shi zaꞈ taˬ-euˬ tiˬ jeˬ-iˬ maˬ jaˆ. Ngaˇ maˬ mawˇ ni aˬ yawꞈ maꞈ iˬ baˇ maˬ mˇ dzeuˇ nya-a.

Dawqdaq 5:21

Tsawˇ haˬ zaˬ-euˬ iˇ jeˬ laˇ kawˆ-ahˇ Sahˬ paˬ Miˬ yehˇ mawˇ-awˇ, aˬ yawꞈ-euˬ kuiˇ toꞈ-ahˇ haw luꞈ meh.

Panmaeq 3:14

“Lawˬdiˬciˆ Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, saˇ jaˇ ziꞈ-eu laꞈ kʼoeˇ dawˇ coe ni saˇ kiˇ kamˬ-eu gʼaˬ pyeuꞈ-awˇ, Miˬyehˇ neh kʼaˇ beh taˬ-eu jeˬ dawˬ tawˆ luꞈ kʼoeˇ taˆ uˆ lahˇ-eu, Aˬmiˬ lehˇ kuˇ-eu gʼaˬ-euˬ dawˬ meh.

Panmaeq 1:5

Saˇ jaˇ ziꞈ-eu tsawˇ haˬ pyeuꞈ-awˇ, shiˇ-euˬ laꞈ kʼoeˇ Miˬyehˇ neh bi gʼoꞈ dehꞈ beh beh laˇ-awˇ, miˇ kʼahˬ sahˬ paˬ sahˬ ma dawˬ tawˆ luꞈ koeˇ taˆ uˆ lahˇ-eu gʼaˬ pyeuꞈ-eu Yeˬsuˇ Ka li jawˇ gaˇ neh doˆ le-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ jaˆ luꞈ-uˇ. Aˬ yawꞈ aˬ dui-ahˇ gaˬ-awˇ gʼawˇ mawˇ shiˇ dah-eu laꞈ kʼoeˇ, iˬ baˇ laꞈ kʼoeˇ bi buˬ-iˇ laꞈ-euˬ meh.

Maˬlaˬkiˇ 2:14

Aˬ jeˬ miˇ neh lawˇ-eu shehˇ-eu jeˬ-ahˇ aˬ yawꞈ maˬ paˇ ha geuꞈ nehˬ laꞈ ta lehˇ, naw maꞈ ehˇ tehꞈ-a. Naw maꞈ zaˬ guˬ pyeuꞈ ngeh neh sheuˬ taˬ-euˬ miˬ zaˬ-ahˇ, naw maꞈ saˇ jaˇ puiˬ-euˬ gaˇ kawˆ aˬ yawꞈ siˬ nya-eu miˇ neh, maˬ ha geuꞈ-eu jeˬ pyeuꞈ-eu meh. Aˬ yawꞈ-aˬ, naw maꞈ-euˬ dehꞈ cawˬ pyeuꞈ-awˇ, aˬ yawꞈ-ahˇ aˬ myah luꞈ saˇ jaˇ ziꞈ ma lehˇ Miˬyehˇ mehˬ shi naw maꞈ saˇ jaˇ dzaˬ taˬ-euˬ jaˆ kʼawꞈ, saˇ jaˇ puiˬ-euˬ meh.

Zeˬpaˬniˇ 3:4

Miˬyehˇ gʼaˇ duˬ ngehˬ dah-eu deuˬ, saˇ jaˇ maˬ ziꞈ-eu deuˬ pyeuꞈ-awˇ, aˬ yawꞈ-euˬ piˇ ma geuꞈ-eu deuˬ, yaw muiˬ yaw shawˇ jeˬ laˆ jawꞈ-awˇ, zahˇ dawˬ kʼoꞈ dawˬ laˆ cawˆ-eu meh.

Yeˬlaˬmiˇ 23:21

Sahˬpaˬ Miˬyehˇ ehˇ-eu, “Miˬyehˇ gʼaˇ duˬ ngehˬ dah-eu heu deuˬ-aˬ, ngaˬ neh maˬ kʼehˇ gʼeh kʼawꞈ aˬ yawꞈ maꞈ iˇ-eu meh. Aˬ yawꞈ maꞈ-ahˇ ngaˬ-euˬ dah zaˇ maˬ bi ngehˬ dah-euˬ kʼawꞈ, ngaˬ-euˬ tsawˇ myahˇ pi-awˇ dawˬ ngehˬ-eu meh.

Yeˬlaˬmiˇ 13:27

Aˬ yawꞈ bye-eu jeˬ naw maꞈ mˇ luꞈ gaˇ, aˬ yawꞈ haw dehˆ laꞈ taˬ-euˬ meh. Aˬ cawˬ miˬ zaˬ-ahˇ bahˬ-eu kʼaˬ dzeˇ zaˬ loꞈ-ehˇ, mahˬ ma mehˬ nah teh-eu mahˬ paˬ yaw gʼeh loꞈ-ehˇ, gawˬ jawˬ gawˬ duˇ hawˇ-eu deh ga doe ni, lawˇ ciꞈ zaˬ-euˬ miˬ yehˇ-ahˇ naw maꞈ caw teh gaˇ, aˬ yawꞈ haw dehˆ laꞈ-euˬ meh. Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ shaˬ zahˬ ya mˇ dui dui tehꞈ-a. Aˬ myah muiˬ laˇ shawˇ laˇ-eu lehˇ gʼeh te.

Aˇ dahˬ 31:50

Laˬbaˬ ehˇ-eu, “Ngaˬ-euˬ zaˬ miˬ deuˬ-ahˇ nawˇ yehˬ bawˬ sehˇ lu-ehˇ jahˇ nehˬ-eu maˬ kaˬ, nawˇ miˬ zaˬ paˇ sheuˬ-eu maˬ kaˬ, ngaˇ maˬ mawˇ nya kʼawꞈ, Miˬyehˇ aˇ nyaꞈ-ahˇ haw luꞈ meh lehˇ, nawˬ-euˬ nui ma laꞈ kʼoeˇ aˬ myah luꞈ noeˬ taˬ-awˬ.

Aˇ dahˬ 34:7

Kʼoeˇ ngeh, Yaˬkoˆ-euˬ aˬ li deuˬ deh yaˇ-ahˇ iˇ-euˬ gʼoꞈ keuˆ laˇ-euˬ tiˬ dehˬ meh. Yaˬkoˆ-euˬ aˬ buˇ-ahˇ Sheˬkmˬ neh yehˬ bawˬ sehˇ lu-ehˇ jahˇ nehˬ-awˇ, kʼoeˇ loꞈ-ehˇ gʼeh-eu maˬ jahˇ kʼmˬ-eu jeˬ Iˇsaˬleˬlaˆ tsawˇ haˬ-ahˇ jahˇ nehˬ laꞈ-euˬ gaˇ kawˆ-ahˇ, Yaˬkoˆ-euˬ aˬ li deuˬ ya gaˬ ngeh, nui ma daˆ laˇ taˬ-euˬ meh.

Yaˇ kʼaˬ daˇ 11:10

Aˬ yawꞈ maꞈ gʼeh, “Nga maꞈ nui ma tsaˬ ma. Sahˬpaˬ Miˬyehˇ-aˬ, aˬ dui-euˬ saˇ kiˇ pyeuꞈ luꞈ-uˇ.”

2 Saˬmeuˬlaˆ 13:12

Taˬmaˬ ehˇ-eu, “Taˬ gʼeh. Heu loꞈ-ehˇ gʼeh-eu jawꞈ dui dui-eu jeˬ taˬ mˇ nehˬ laꞈ. Heu-aˬ, bahˬ dui dui-eu tiˬ jeˬ meh.

Yeˬlaˬmiˇ 5:8

Mah paˬ yaw tsuˇ yaw gʼeh loꞈ-ehˇ, yawˬ gʼaˬ na luꞈ aˬ cawˬ miˬ zaˬ-ahˇ bahˬ-eu meh.

Yeˬlaˬmiˇ 7:11

Ngaˬ-euˬ Uˬ duˬ tahˬ nymˇ nymˇ ma heu, smˇ kʼoeˬ tahˇ joe deuˬ-euˬ cehˆ zaꞈ duˬ meh lehˇ naw maꞈ noeˬ te loˇ. Naw maꞈ neh mˇ-euˬ jeˬ ngaˇ mawˇ luꞈ ma.

Yeˬlaˬmiˇ 29:31

Baˬbuˇloˬ miˇ kʼahˬ-ahˇ bi nyehꞈ daˆ gʼeh-euˬ tsawˇ haˬ dawˬ tawˆ luꞈ-ahˇ, dawˬ heu tsaꞈ-ahˇ gʼeh-awˬ lehˇ aˬ yawꞈ ngaˬ-ahˇ ehˇ-eu meh. “Neˬheˬlamˬ meuˬ-ahˇ jawˇ-eu Sheˬmaˇyaˬ gaˇ kawˆ, Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu meh. Sheˬmaˇyaˬ-ahˇ ngaˬ neh maˬ kʼehˇ gʼeh leꞈ-euˬ gaˇ, Miˬyehˇ gʼaˇ duˬ ngehˬ dah le-awˇ, aˬ yawꞈ jaˬ myawꞈ myawꞈ-euˬ dawˬ-ahˇ naw maꞈ jah leˇ ni leh jeh luꞈ-eu meh.

Yeˬsaˬgeˬlaˇ 35:13

Nawˇ nui ma huiˬ-awˇ kʼahˬ sehˇ jehˆ-eu laꞈ kʼoeˇ, ngaˬ-ahˇ yehˬ bawˬ-ehˇ kʼaˇ ehˇ-euˬ dawˬ ngaˇ gaˬ jiˇ taˬ-euˬ ma.”

Yeˬlaˬmiˇ 23:16

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ, Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Miˬyehˇ gʼaˇ duˬ ngehˬ dah-eu tsawˇ haˬ kʼoeˇ deuˬ ehˇ gaˇ taˬ naˇ haˬ. Aˬ yawꞈ maꞈ naw maꞈ-ahˇ, maˬ tsaˬ maˬ dawˇ-eu noeˬ tmˬ duˬ biꞈ byah nehˬ laꞈ-euˬ meh. Ngaˬ neh bi ehˇ-euˬ dawˬ naw maꞈ-ahˇ maˬ ehˇ nehˬ ni, aˬ yawꞈ maꞈ neh kʼaˇ noeˬ doˆ-euˬ jeˬ tehꞈ-ehˇ ehˇ nehˬ-euˬ meh.

Yeˬlaˬmiˇ 23:32

Naˇ haˬ-awˬ. Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu ma. Jaˬ myawꞈ mehˇ shuiˇ tiˬ byah ni ahˇ-eu, yawˬ ha neh yuꞈ maˆ maˆ mawˇ-euˬ gaˇ kawˆ ja-eu Miˬyehˇ gʼaˇ duˬ ngehˬ dah-eu tsawˇ haˬ kʼoeˇ deuˬ-ahˇ ngaˇ muiˇ-eu ma. Aˬ yawꞈ maꞈ yuꞈ maˆ maˆ mawˇ-euˬ gaˇ kawˆ ja-awˇ, jaˬ myawꞈ mehˇ shuiˇ shuiˇ-awˇ, kʼahˬ sehˇ jehˆ-eu laꞈ kʼoeˇ ngaˬ-euˬ tsawˇ haˬ deuˬ-ahˇ gaˇ ma sheuˬ bahˬ-eu meh. Aˬ yawꞈ maꞈ-ahˇ ngaˇ dawˬ biꞈ-awˇ kʼehˇ gʼeh leꞈ-euˬ maˬ ngeuˇ. Aˬ yawꞈ maꞈ-aˬ, ngaˬ-euˬ tsawˇ haˬ deuˬ gʼaˇ duˬ tiˬ pawꞈ-iˬ gaˇ dahˇ maˬ tsoeˬ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”