Yeˬlaˬmiˇ 29:13 - Akha

¹³ Naw maꞈ ngaˬ-ahˇ poˆ-awˇ, poˆ mawˇ tehꞈ-a. Aˬ jeˬ miˇ neh ehˇ naˇ, naw maꞈ-euˬ nui ma gʼawˇ mawˇ dawˬ tawˆ luꞈ ngaˬ-ahˇ poˆ tehꞈ-a.

Yeˬlaˬmiˇ 29:13 Referans Kwoze

Jaceuq 119:2

Nui ma gʼawˇ mawˇ dawˬ tawˆ luꞈ aˬ yawꞈ-ahˇ poˆ-awˇ, aˬ yawꞈ-euˬ dawˬ naˇ haˬ geuꞈ-eu tsawˇ haˬ deuˬ guiˬ lahˬ huiˬ luꞈ-uˇ.

Maꞈtehˬ 7:7

“Shaˇ-awˬ. Shaˇ naˇ za tehꞈ-a. Poˆ-awˬ. Poˆ naˇ mawˇ tehꞈ-a. Laˇ gʼoˆ-ahˇ kʼoˆ-awˬ. Kʼoˆ naˇ pah nehˬ laꞈ tehꞈ-a.

Jaceuq 119:10

Ngaˬ-euˬ nui ma gʼawˇ mawˇ dawˬ tawˆ luꞈ nawˬ-ahˇ saˇ jaˇ ziꞈ ma. Nawˬ-euˬ zahˇ dawˬ kʼoꞈ dawˬ-ahˇ ngaˇ maˬ ya byehˇ dzeh ni caw ba nehˬ laꞈ.

Yeˬlaˬmiˇ 24:7

Ngaˇ Sahˬpaˬ Miˬyehˇ pyeuꞈ-eu gaˇ kawˆ siˬ mawꞈ-eu nui ma aˬ yawꞈ maꞈ-ahˇ ngaˇ biꞈ nehˬ ma. Aˬ yawꞈ maꞈ-ahˇ ngaˬ-euˬ tsawˇ haˬ bi pyeuꞈ laˇ-awˇ, ngaˇ aˬ yawꞈ maꞈ-euˬ Miˬyehˇ pyeuꞈ ma. Aˬ jeˬ miˇ neh ehˇ naˇ, aˬ yawꞈ maꞈ-euˬ nui ma gʼawˇ mawˇ dawˬ tawˆ luꞈ, ngaˇ jawˇ gaˇ gʼoꞈ kʼoꞈ laˇ tehꞈ-a.

Yawˇlaˆ 2:12

Nymˬ-mˇ SahˬpaˬMiˬyehˇ ehˇ-eu, “Naw maꞈ nui ma laꞈ kʼoeˇ keuˆ ni, naw maꞈ-euˬ iˬ baˇ noeˬ poˆ-awˇ, maˬ dzaˬ-eu zahˇ jahˇ-eu laꞈ kʼoeˇ, nui noeˬ shaˬ-awˇ ngoeˇ-eu laꞈkʼoeˇ, ngaˇ jawˇ gaˇ paˇ gʼoꞈ kʼoꞈ laˇ-awˬ.

Jaceuq 91:15

Aˬ yawꞈ maꞈ ngaˬ-ahˇ kuˇ ngeh ngaˇ naˇ haˬ nehˬ ma. Aˬ yawꞈ maꞈ shaˬ ngeh zahˬ ngeh ngaˇ aˬ yawꞈ maꞈ nehˬ-ehˇ jawˇ-awˇ, ka kʼoꞈ-awˇ ciˬ huiˬ ciˬ mahˇ nehˬ ma.

Jaceuq 119:145

Nui ma laꞈ kʼoeˇ keuˆ ni nawˬ-ahˇ ngaˇ kuˇ-eu ma. Sahˬpaˬ Miˬyehˇ-oˇ, ngaˬ-euˬ dawˬ-ahˇ naˇ haˬ nehˬ laꞈ. Nawˬ-euˬ dawˬ-ahˇ ngaˇ naˇ haˬ-eu ma.

2 Laˬsaˬbaˬ 31:21

Uˬ duˬ tahˬ nymˇ nymˇ ma gʼaˇ duˬ mˇ-eu paw maˬ ehˇ, zahˇ dawˬ kʼoꞈ dawˬ mehˬ nah caw teh-eu paw maˬ ehˇ, aˬ yawꞈ kʼaˇ mˇ kʼaˇ shaˇ-eu yawˬ jeˬ na luꞈ laꞈ kʼoeˇ Miˬyehˇ-ahˇ saˇ jaˇ ziꞈ-awˇ aˬ yawꞈ nui ma tsaˬ-eu loꞈ-ehˇ tehꞈ-ehˇ mˇ-euˬ miˇ neh, aˬ yawꞈ neh mˇ-euˬ gaˇ deuˬ huiˬ laˇ mahˇ laˇ-euˬ meh.

Jaceuq 119:58

Nawˬ neh saˇ jaˇ dzaˬ taˬ-euˬ loꞈ-ehˇ ngaˬ-ahˇ gʼawˬ shaˬ gaˬ nehˬ laꞈ-eu gʼaˇ duˬ, nui ma laꞈ kʼoeˇ keuˆ ni ngaˇ shaˇ-eu ma.

2 Laˬsaˬbaˬ 22:9

Aˬhaˬziˇ-ahˇ poˆ ngeh, Saˬmaˬliˆ meuˬ-ahˇ dzuˇ zaꞈ-awˇ jawˇ gaˇ ya mawˇ-euˬ meh. Aˬ yawꞈ maꞈ aˬ yawꞈ-ahˇ Yeˬhuˇ jawˇ gaˇ nyehꞈ gʼeh-awˇ sehꞈ-euˬ meh. Ehˇ kʼawꞈ, aˬ yawꞈ-euˬ aˬ bawˇ pyeuꞈ-eu sahˬ paˬ Yeˬhawˇshaˬpaˇ-euˬ myaˆ pyawˬ-ahˇ haw-awˇ, aˬ yawꞈ-ahˇ yaw muiˬ paˬ-ehˇ baꞈ pahˬ nehˬ-euˬ meh. Aˬ jeˬ miˇ neh ehˇ naˇ, sahˬ paˬ Yeˬhawˇshaˬpaˇ-aˬ, aˬ yawꞈ kʼaˇ gʼeh nya gaˇ keuˆ ni Sahˬpaˬ Miˬyehˇ-euˬ nui kʼahˇ mˇ-euˬ meh. Kʼoeˇ ngeh, Aˬhaˬziˇ-euˬ nymˇ jiˇ laꞈ kʼoeˇ Yuˇdaˆ miˇ kʼahˬ-ahˇ uˆ lahˇ nya paˬ-ehˇ gʼeh-eu tiˬ gʼaˬ-iˬ maˬ dzeˇ ni pyeuꞈ-iˇ-euˬ meh.

2 Sahˬpaˬ 23:3

Sahˬpaˬ Miˬyehˇ-euˬ ehˇ dawˬ naˇ haˬ geuꞈ-eu gʼaˇ duˬ maˬ ehˇ, aˬ yawꞈ-euˬ zahˇ dawˬ kʼoꞈ daw hawˇ-eu aˬ yawꞈ neh mehˬ nehˬ tsoˆ nehˬ-euˬ dawˬ deuˬ-ahˇ, nui ma gʼawˇ mawˇ dawˬ tawˆ luꞈ caw teh-eu gʼaˇ duˬ maˬ ehˇ, sahˬ boꞈ paˇ dmˬ kʼoeˇ dmˬ laꞈ kʼoeˇ boꞈ taˬ-euˬ loꞈ-ehˇ, dawˬ ma saˇ jaˇ dzaˬ-euˬ dawˬ deuˬ-ahˇ maˬ gʼawˬ-iˇ ni dehꞈ gʼeh-eu gʼaˇ duˬ maˬ ehˇ, kʼawˇ zeuˇ dawˬ peh aˬ yawꞈ yawꞈ-awˇ saˇ jaˇ dzaˬ-euˬ meh. Tsawˇ haˬ dawˬ tawˆ luꞈ kʼawꞈ, dawˬ ma saˇ jaˇ-ahˇ caw teh-awˇ dehꞈ ma lehˇ saˇ jaˇ dzaˬ-euˬ meh.

Hawˇseˬ 5:15

“Yawꞈ maꞈ iˬ baˇ noeˬ poˆ leˇ-awˇ, ngaˬ-euˬ myaˆ pyawˬ maˬ poˆ kʼoeˇ keuˆ, yawꞈ maꞈ-ahˇ ngaˇ byehˇ dzeh nehˬ ma. Yawꞈ maꞈ shaˬ zahˬ mˇ doeˇ laꞈ ngeh, ngaˬ-ahˇ poˆ laˇ-eu baw tehꞈ-a.”

Jaceuq 119:69

Nui ma huiˬ-eu mahˇ-eu deuˬ ngaˬ-ahˇ ja bu ja doeˇ kʼawꞈ, nawˇ mehˬ nehˬ tsoˆ nehˬ laꞈ-euˬ dawˬ-ahˇ, nui ma laꞈ kʼoeˇ keuˆ ni ngaˇ naˇ haˬ geuꞈ-eu ma.

Yeˬlaˬmiˇ 3:10

Kʼoeˇ loꞈ-ehˇ dehꞈ cawˆ gʼaˬ miˇ tsa, Iˇsaˬleˬlaˆ-euˬ saˇ jaˇ maˬ ziꞈ-eu aˬ nyiˇ pyeuꞈ-eu Yuˇdaˆ-aˬ, ngaˇ jawˇ gaˇ gʼoꞈ kʼoꞈ laˇ-eu jahˇ geuꞈ-euˬ meh. Ehˇ kʼawꞈ nui ma laꞈ kʼoeˇ keuˆ ni gʼoꞈ laˇ-euˬ jeˬ maˬ ngeuˇ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

1 Sahˬpaˬ 2:4

Ngaˬ-euˬ zaˬ ngaˬ-euˬ uˆ deuˬ nui ma gʼawˇ mawˇ dawˬ tawˆ luꞈ aˬ yawꞈ-euˬ zahˇ dawˬ kʼoꞈ dawˬ-ahˇ saˇ jaˇ ziꞈ-awˇ, aˬ yawꞈ-euˬ ehˇ dawˬ-ahˇ yaw muiˬ paˬ-ehˇ kʼaˇ naˇ haˬ kʼoeˇ keuˆ ni, Iˇsaˬleˬlaˆ miˇ kʼahˬ-ahˇ ya uˆ lahˇ tehꞈ-a lehˇ, Sahˬpaˬ Miˬyehˇ neh saˇ jaˇ dzaˬ taˬ-euˬ jaˆ-eu meh. Aˬ yawꞈ-euˬ dawˬ-ahˇ nawˇ naˇ haˬ geuꞈ naˇ, aˬ yawꞈ-euˬ saˇ jaˇ dawˬ-ahˇ aˬ yawꞈ ziꞈ tehꞈ-a.

Jaceuq 32:6

Guˆ-eu gaˆ-eu iˇ jeuˬoe ngeh, luˬgaˇseˇgaˇ maˬya keuˆni, nawˬ-ahˇsaˇjaˇziꞈ-eu tsawˇhaˬ, zahˬngeh guiˬlahˬshaˇnya luꞈ-uˇ.

Gʼaˬkʼehˇ 8:36

Aˬ yawꞈ nyaꞈ gaˇ ma kahˇ li iˇ gʼeh-awˇ, iˇ cuꞈ jaˆ-eu jawˇ duˬ tiˬ tsahˇ-ahˇ iˇ keuˆ ngeh, yaw huiˬ yaw mahˇ kʼoeˇ gʼaˬ ehˇ-eu, “Heu gaˇ iˇ cuꞈ jaˆ ngaˇ. Ngaˇ iˇ cuꞈ shawˇ gaˇ aˬ jeˬ laˆ tsoeˬ-eu jaˆ ta.”

1 Laˬsaˬbaˬ 22:19

Naw maꞈ-euˬ nui ma saꞈ laˇ dawˬ tawˆ luꞈ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ gaˇ mˇ-awˬ. Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ hawˇ-eu, aˬ yawꞈ-ahˇ uˬ duˬ tahˬ gaˇ geuꞈ-eu muiˬ-eu shawˇ-eu mˇ myawˬ keu ka dawˬ tawˆ luꞈ bi jaˆ-eu gʼaˇ duˬ, Uˬ duˬ tahˬ nymˇ nymˇ ma tsoˆ-eu dawꞈ leˇ-awˬ.”

1 Laˬsaˬbaˬ 28:9

Kʼoeˇ naˇ, Sawˇlaˬmoˬ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Ngaˬ li-oˇ, nawˬ da-euˬ Miˬyehˇ-ahˇ nawˇ siˬ nya-awˇ, nawˬ-euˬ nui ma gʼawˇ mawˇ dawˬ tawˆ luꞈ aˬ yawꞈ-euˬ nui kʼahˇ mˇ-awˬ lehˇ, ngaˇ nawˬ-ahˇ dawˬ biꞈ-eu ma. Aˬ dui-euˬ nui noeˬ nui duˇ dawˬ tawˆ luꞈ aˬ yawꞈ siˬ nya meh. Aˬ yawꞈ jawˇ gaˇ nawˇ jiˆ uˇ leˇ naˇ, aˬ yawꞈ nawˬ-ahˇ ha geuꞈ tehꞈ-a. Ehˇ kʼawꞈ, nawˇ aˬ yawꞈ-ahˇ byehˇ dzeh naˇ, aˬ yawꞈ nawˬ-ahˇ tiˬ ziˇ byehˇ dzeh nehˬ laꞈ tehꞈ-a.

Iˇsaˬyaˇ 45:19

Ngaˇ dawˬ zaꞈ maˬ ngehˬ-ehˇ, ngaˬ-euˬ nui kʼahˇ ngaˇ maˬ dehˬ kaˬ taˬ-aˬ. Jawˇ tsaˬ maˬ tsoˆ-eu ngaˬ-ahˇ poˆ-awˬ lehˇ, Iˇsaˬleˬlaˆ tsawˇ haˬ deuˬ-ahˇ ngaˇ maˬ kʼehˇ-aˬ. Ngaˇ Sahˬpaˬ Miˬyehˇ pyeuꞈ-awˇ dawˬ maˇ ngehˬ-eu ma. Yaw tsaˬ yaw dawˇ jeˬ ngaˇ pah mehˬ luꞈ ma.”

Jaceuq 145:18

Aˬ yawꞈ-ahˇ nui ma keuˆ-awˇ kʼaˇ kuˇ-eu deuˬ dawˬ peh, aˬ yawꞈ aˬ myah luꞈ jawˇ-eu meh.

Iˇsaˬyaˇ 65:10

Aˬ yawꞈ maꞈ ngaˬ-ahˇ uˬ duˬ tahˬ-eu laꞈ kʼoeˇ, nahˇ ma ga kʼehˬ paw Shaˬloˬ deh ga-ahˇ maˬ ehˇ, nahˇ ma doˆ kʼehˬ paw Shaˬ zahˬ deh kʼawꞈ-ahˇ maˬ ehˇ, aˬ yawꞈ maꞈ-euˬ yawˇ hawˇ-eu mawˇ neˇ deuˬ ya bo tehꞈ-a.

Yeˬlaˬmiˇ 50:4

Sahˬpaˬ Miˬyehˇ heu loꞈ-ehˇ ehˇ-eu meh. “Aˇ yamˬ kʼoeˇ yamˬ keuˆ le ngeh, Yuˇdaˆ tsawˇ haˬ hawˇ-eu Iˇsaˬleˬlaˆ tsawˇ haˬ deuˬ ngoeˇ ngoeˇ-ehˇ, aˬ yawꞈ maꞈ-euˬ Miˬyehˇ pyeuꞈ-eu ngaˬ-ahˇ poˆ laˇ tehꞈ-a.