Yeˬlaˬmiˇ 29:12 - Akha

¹² Kʼoeˇ ngeh, naw maꞈ ngaˬ-ahˇ kuˇ tehꞈ-a. Naw maꞈ ngaˇ jawˇ gaˇ guiˬ lahˬ shaˇ laˇ ngeh, naw maꞈ-euˬ shaˇ dawˬ-ahˇ ngaˇ naˇ haˬ nehˬ tehꞈ-a.

Yeˬlaˬmiˇ 29:12 Referans Kwoze

Yeˬlaˬmiˇ 33:3

“Ngaˬ-ahˇ kuˇ naˇ, ngaˇ oˬ toˬ nehˬ ma. Nawˇ tiˬ pawꞈ-iˬ maˬ siˬ nya-eu zahˬ dui dui leˇ paˬ-ehˇ gʼeh-eu gaˇ kawˆ deuˬ, nawˬ-ahˇ ngaˇ ehˇ nehˬ ma.

Jaceuq 50:15

Shaˬ-eu zahˬ-eu jeˬ keuˆ le ngeh ngaˬ-ahˇ kuˇ-awˬ. Ngaˇ naw maꞈ-ahˇ ka kʼoꞈ nehˬ-awˇ, naw maꞈ ngaˬ-ahˇ ja ceuˬ tehꞈ-a.”

Jaceuq 145:19

Aˬ yawꞈ-ahˇ taˬ huiˬ taˬ mahˇ-eu tsawˇ haˬ deuˬ kʼaˇ loˬ-eu jeˬ, aˬ yawꞈ tiˬ loꞈ biꞈ nehˬ-awˇ, aˬ yawꞈ maꞈ aˬ yawꞈ-ahˇ kuˇ ngeh ka kʼoꞈ nehˬ-eu meh.

Jaceuq 10:17

Sahˬpaˬ Miˬyehˇ-oˇ, nui nahˬnui yu ahˇ-eu deuˬ-euˬ shaˇdawˬ-ahˇnaˇhaˬgeuꞈnehˬ-awˇ. nui ma-ahˇgʼaˬbiꞈlahˬnehˬ-awˬ.

Iˇsaˬyaˇ 65:24

Aˬ yawꞈ maꞈ guiˬ lahˬ shaˇ gʼaˬ-euˬ maˬ dah ni, aˬ yawꞈ maꞈ shaˇ-eu jeˬ ngaˇ biꞈ nehˬ ma.

Zaˬkaˬliˇ 13:9

Smˬ bymˇ tiˬ bymˇ dzeˇ-eu deuˬ-ahˇ, miˬ dzaˬ laꞈ kʼoeˇ ngaˇ dzeh puiˆ-awˇ, pyuˇ baw guiˇ-awˇ shawˇ-eu loꞈ-ehˇ, shmˇ yaw muiˬ lawˬ haw-euˬ loꞈ-ehˇ, ngaˇ laˆ muiˬ laˆ shawˇ kʼoꞈ geuꞈ ma. Ngaˬ-euˬ tsawˇ myahˇ yawꞈ maꞈ kuˇ-awˇ, yawꞈ maꞈ-ahˇ ngaˇ oˬ toˬ nehˬ ma. ‘Naw maꞈ ngaˬ-euˬ tsawˇ haˬ ma’ lehˇ aˬ yawꞈ maꞈ-ahˇ ngaˇ ehˇ nehˬ ngeh, ‘Sahˬpaˬ Miˬyehˇ pyeuꞈ-eu Miˬyehˇ’, nga maꞈ-euˬ Miˬyehˇ ngeuˇ ma lehˇ, aˬ yawꞈ maꞈ saˇ kiˇ kamˬ tehꞈ-a.”

Yeˬlaˬmiˇ 31:9

Myaˆ biˇ yoeˇ-awˇ guiˬ lahˬ shaˇ-eu laꞈ kʼoeˇ, ngaˬ-euˬ tsawˇ haˬ ngaˬ-euˬ mehˬ nah caw teh kʼoꞈ laꞈ tehꞈ-a. Iˇ cuꞈ lawˇ gawˆ yoeˇ-eu paw sheuˬ gʼeh-awˇ, pehˆ toˆ kʼaˇ maˬ za-eu gaˇ ma yaw juiˇ paw neh, aˬ yawꞈ maꞈ-ahˇ ngaˇ sheuˬ doˆ kʼoꞈ laꞈ ma. Ngaˇ Iˇsaˬleˬlaˆ-euˬ aˬ da loꞈ-ehˇ gʼeh-awˇ, Eˇpaˬleˬ ngaˬ-euˬ aˬ li aˬ yuiꞈ yuiꞈ saˬ ma.”

Iˇsaˬyaˇ 30:19

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ tiˬ jawˇ-iˬ noeˬ shaˬ-awˇ maˬ paˇ ya ngoeˇ meh. Sahˬpaˬ Miˬyehˇ-aˬ, gʼawˬ shaˬ gaˬ nya-awˇ, caw ba nehˬ laꞈ lehˇ naw maꞈ aˬ yawꞈ-ahˇ shaˇ ngeh, naw maꞈ-euˬ shaˇ dawˬ-ahˇ naˇ haˬ nehˬ laꞈ tehꞈ-a.

Yeˬsaˬgeˬlaˇ 36:37

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu, “Iˇsaˬleˬlaˆ tsawˇ haˬ deuˬ ngaˬ-ahˇ laꞈ jeuˬ paˇ bi shaˇ-awˇ, yawˇ yawˇ maꞈ myaˬ laˇ behˇ laˇ-eu loꞈ-ehˇ, aˬ yawꞈ maꞈ tsawˇ haˬ bi jeuˬ bi o le ma.

2 Laˬsaˬbaˬ 6:38

Miˇ kʼahˬ kʼoeˇ kʼahˬ laꞈ kʼoeˇ aˬ yawꞈ maꞈ aˬ diˇ aˬ maˇ iˬ baˇ noeˬ poˆ-awˇ, nga maꞈ-euˬ aˬ poeˬ aˬ bawˇ deuˬ-ahˇ nawˬ neh biꞈ taˬ-euˬ miˇ kʼahˬ heu kʼahˬ, nawˬ neh tseˇ doˆ taˬ-euˬ meuˬ heu meuˬ hawˇ-eu, nawˬ-euˬ gʼaˇ duˬ ngaˬ neh tsoˆ taˬ-euˬ Uˬ duˬ tahˬ nymˇ nymˇ ma heu nymˇ jaˆ-eu paw aˬ yawꞈ maꞈ ciˬ pyawˇ-awˇ nawˬ-ahˇ guiˬ lahˬ shaˇ ngeh,

2 Laˬsaˬbaˬ 33:13

Maˬnaˇseˬ-euˬ shaˇ dawˬ-ahˇ Sahˬpaˬ Miˬyehˇ naˇ haˬ nehˬ-awˇ, aˬ yawꞈ-ahˇ Yeˬluˇsaˬlehˬ meuˬ-ahˇ bi gʼoꞈ-iˇ-awˇ, aˬ yawꞈ-euˬ miˇ kʼahˬ-ahˇ paˇ bi uˆ lahˇ-euˬ meh. Kʼoeˇ ngeh, Sahˬpaˬ Miˬyehˇ-aˬ, aˬ diˇ aˬ maˇ Miˬyehˇ pyeuꞈ-eu gaˇ kawˆ Maˬnaˇseˬ siˬ duˬ-euˬ meh.

Yawˇbaˆ 22:27

Nawˇ guiˬ lahˬ shaˇ ngeh aˬ yawꞈ naˇ haˬ geuꞈ nehˬ laꞈ-awˇ, nawˬ-euˬ saˇ jaˇ-ahˇ nawˇ ziꞈ tehꞈ-a.

Iˇsaˬyaˇ 26:16

Sahˬpaˬ Miˬyehˇ nawˇ nawˬ-euˬ tsawˇ haˬ-ahˇ, kʼehˬ nehˬ kʼaˆ nehˬ-euˬ baˬ da neh, aˬ yawꞈ maꞈ noeˬ shaˬ dui dui-eu laꞈ kʼoeˇ, nawˬ-ahˇ guiˬ lahˬ shaˇ luꞈ-eu meh.

Yeˬlaˬmiˇ 50:4

Sahˬpaˬ Miˬyehˇ heu loꞈ-ehˇ ehˇ-eu meh. “Aˇ yamˬ kʼoeˇ yamˬ keuˆ le ngeh, Yuˇdaˆ tsawˇ haˬ hawˇ-eu Iˇsaˬleˬlaˆ tsawˇ haˬ deuˬ ngoeˇ ngoeˇ-ehˇ, aˬ yawꞈ maꞈ-euˬ Miˬyehˇ pyeuꞈ-eu ngaˬ-ahˇ poˆ laˇ tehꞈ-a.

Yeˬlaˬmiˇ 51:50

Baˬbuˇloˬ miˇ kʼahˬ laꞈ kʼoeˇ jawˇ-eu aˬ yawꞈ-euˬ tsawˇ haˬ deuˬ-ahˇ, Sahˬpaˬ Miˬyehˇ heu loꞈ-ehˇ ehˇ-eu meh. “Shiˇ-eu jeˬ-ahˇ naw maꞈ dzeuˇ-iˇ-euˬ meh. Maˬ nyi naˬ ni nymˬ-mˇ doˆ-iˇ-awˬ. Naw maꞈ gaˇ mahˇ kaˬ gaˇ jawˇ luꞈ kʼawꞈ, naw maꞈ-euˬ Sahˬpaˬ Miˬyehˇ pyeuꞈ-eu ngaˬ-ahˇ noeˬ mawˇ-awˇ, Yeˬluˇsaˬlehˬ meuˬ-ahˇ taˬ ngehˇ,

Hawˇseˬ 14:9

Zaˬ siˬ tsawˇ gahˇ byah-eu tsawˇ haˬ, gaˇ kawˆ heu deuˬ noeˬ siˬ luꞈ-uˇ. Noeˬ siˬ noeˬ mawˇ nya-eu tsawˇ haˬ, gaˇ kawˆ heu deuˬ gʼoˆ shaw luꞈ-uˇ. Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ gaˇ ma-aˬ, yaw tsaˬ yaw dawˇ gaˇ ma pyeuꞈ-awˇ, kʼaˇ sui kʼaˇ dawˇ-eu tsawˇ haˬ deuˬ, gaˇ ma kʼoeˇ kahˇ-ahˇ cah-eu meh. Ehˇ kʼawꞈ, iˬ baˇ mˇ-eu tsawˇ haˬ, gaˇ ma kʼoeˇ kahˇ-ahˇ maˬ haw ni, pehˆ toˆ-awˇ coˬ dzeh-iˇ-eu meh.