Yeˬlaˬmiˇ 28:10 - Akha

¹⁰ Kʼoeˇ ngeh, ngaˬ-euˬ kawˬ lahˇ-ahˇ tawˬ luꞈ-eu kʼaˆ daˬ-ahˇ, Haˬnaˬniˇyaˆ neh yuˇ ka-awˇ, ngawˬ kʼehꞈ ngawˬ kʼoeˆ-euˬ meh.

Yeˬlaˬmiˇ 28:10 Referans Kwoze

Yeˬlaˬmiˇ 27:2

“Yahˬ caˆ hawˇ-eu daˇ kawˬ neh mawˇ neˇ kʼaˆ daˬ jahˇ-awˇ, nawˬ-euˬ kawˬ lahˇ-ahˇ tawˬ-awˬ” lehˇ, Sahˬpaˬ Miˬyehˇ ngaˬ-ahˇ ehˇ-eu meh.

Maˬlaˬkiˇ 3:13

Sahˬpaˬ Miˬyehˇ ehˇ-euˬ, “Ngaˬ-ahˇ coeˬ dui dui laˇ-eu dawˬ naw maꞈ ngehˬ-euˬ meh. Ehˇ kʼawꞈ, ‘Nga maꞈ nawˬ-ahˇ aˬ jeˬ ehˇ taˬ-euˬ jaˆ ta’ lehˇ naw maꞈ ehˇ-eu meh.

Yeˬlaˬmiˇ 28:4

Yeˬhawˇyaˬkmˬ-euˬ aˬ li Yuˇdaˆ sahˬ paˬ Yeˬhawˇyaˬciˬ hawˇ-eu aˬ yawꞈ nehˬ-ehˇ Baˬbuˇloˬ miˇ kʼahˬ-ahˇ bi nyehꞈ daˆ leꞈ-euˬ Yuˇdaˆ miˇ kʼahˬ zaˬ deuˬ dawˬ tawˆ luꞈ-ahˇ kʼawꞈ, ngaˇ sheuˬ kʼoꞈ leꞈ ma. Ngeuˇ ma. Baˬbuˇloˬ sahˬ paˬ-euˬ baoˬ-ahˇ ngaˇ ngawˬ kʼehꞈ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 28:2

Iˇsaˬleˬlaˆ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ, aˬ yawꞈ ehˇ-eu meh. “Baˬbuˇloˬ sahˬ paˬ-euˬ baoˬ-ahˇ ngaˇ ngawˬ kʼehꞈ gʼaˬ-euˬ ma.

1 Sahˬpaˬ 22:11

Aˬ yawꞈ maꞈ laꞈ kʼoeˇ, Sheˬnaˬnahˬ-euˬ aˬ li Zeˬdaˬkiˇ gʼaˬ shmˇ uˬ coeˇ tehˆ-awˇ, “Heu loꞈ-ehˇ gʼeh-eu uˬ coeˇ neh Suˇliˆ tsawˇ haˬ deuˬ-ahˇ naw maꞈ guiˇ deuˆ-awˇ, naw maꞈ deuˆ gʼaˬ tehꞈ-a lehˇ Sahˬpaˬ Miˬyehˇ ehˇ-eu meh” lehˇ ngehˬ dah-euˬ meh.

Yeˬlaˬmiˇ 37:19

Nawˬ-ahˇ maˬ ehˇ, nawˬ-euˬ miˇ kʼahˬ-ahˇ maˬ ehˇ, Baˬbuˇloˬ sahˬ paˬ guiˇ maˬ deuˆ le-aˇ lehˇ ehˇ-eu, Miˬyehˇ gʼaˇ duˬ ngehˬ dah-eu nawˬ-euˬ tsawˇ haˬ kʼoeˇ deuˬ aˬ jeˬ pyeuꞈ jiˇ-euˬ ta.

Yeˬsaˬgeˬlaˇ 30:18

Iˇjiˇtuˆ-euˬ baoˬ ngawˬ kʼehꞈ-awˇ, gʼaˬ gʼaˬ siˬ nyehꞈ paˆ dzeh nehˬ ngeh, Taˬpaˬnehˇ meuˬ zahˬ leˇ tehꞈ-a. Iˇjiˇtuˆ-ahˇ juˬ kʼoeˬ tmˬ-awˇ, Iˇjiˇtuˆ meuˬ doe ni jawˇ-eu, tsawˇ haˬ deuˬ bi nyehꞈ jiˇ tehꞈ-a.