Yeˬlaˬmiˇ 27:4 - Akha

⁴ Sahˬpaˬ Miˬyehˇ-euˬ dawˬ heu deuˬ, aˬ yawꞈ maꞈ-euˬ sahˬ paˬ deuˬ-ahˇ bi dzawˇ nehˬ-iˇ-awˬ lehˇ, Iˇsaˬleˬlaˆ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ ngaˬ-ahˇ dawˬ biꞈ laꞈ-euˬ meh.

Yeˬlaˬmiˇ 27:4 Referans Kwoze

Yeˬlaˬmiˇ 51:19

Yaˬkoˆ-euˬ Miˬyehˇ kʼoeˇ loꞈ-ehˇ maˬ ngeuˇ-a. Yawˬ jeˬ na luꞈ aˬ yawꞈ beh-awˇ, Iˇsaˬleˬlaˆ aˬ yawꞈ-euˬ tsawˇ jeuˬ pyeuꞈ laˇ ni, aˬ yawꞈ tseˇ doˆ-euˬ meh. Aˬ yawꞈ-euˬ tsawˇ myahˇ Sahˬpaˬ Miˬyehˇ meh.

Yeˬlaˬmiˇ 25:27

Kʼoeˇ naˇ, Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Tsawˇ haˬ kʼoeˇ deuˬ-ahˇ heu loꞈ-ehˇ ehˇ nehˬ-awˬ. Aˬ yawꞈ maꞈ kʼmˬ maˬ kʼoeˇ ciˬ dawˇ-awˇ, dawˇ yehꞈ-eu miˇ neh uˬ pehꞈ pehꞈ-eu uˬ taꞈ, coˬ-iˇ-awˇ maˬ tuˇ laˇ nya-ehˇ pyeuꞈ-iˇ ngeh keuˆ ni ya dawˇ meh lehˇ, Iˇsaˬleˬlaˆ-euˬ Miˬyehˇ baoˬ huiˬ-eu Sahˬpaˬ Miˬyehˇ pyeuꞈ-eu ngaˇ, aˬ yawꞈ maꞈ-ahˇ dawˬ biꞈ-eu ma. Aˬ jeˬ miˇ neh ehˇ naˇ, aˬ yawꞈ maꞈ kʼoeˇ taˆ guiˇ deuˆ-eu jeˬ bi keuˆ le luꞈ-eu ma.

Yeˬlaˬmiˇ 10:16

Yaˬkoˆ-euˬ Miˬyehˇ aˬ yawꞈ maꞈ-ahˇ maˬ duˇ-a. Yawˬ jeˬ na luꞈ-ahˇ beh-euˬ gʼaˬ aˬ yawꞈ pyeuꞈ-awˇ, aˬ yawꞈ-euˬ tsawˇ jeuˬ bi pyeuꞈ-eu gʼaˇ duˬ, Iˇsaˬleˬlaˆ-ahˇ aˬ yawꞈ neh tseˇ doˆ-euˬ meh. Aˬ yawꞈ tsawˇ myahˇ Baoˬ huiˬ-eu Sahˬpaˬ Miˬyehˇ meh.

Yeˬlaˬmiˇ 10:10

Ehˇ kʼawꞈ Sahˬpaˬ Miˬyehˇ nawˇ-aˬ, maˇ maˇ ni gʼeh-eu Miˬyehˇ meh. Nawˇ dehꞈ luꞈ-eu Miˬyehˇ pyeuꞈ-awˇ, mˬ maˬ maˬ byaˆ zaˇ ziˇ nawˇ sahˬ paˬ meh. Nawˇ nui ma pehˇ laˇ ngeh, miˇ tsaˬ tahˬ kʼawˇ yaw dzuˬ dzuˬ-awˇ, miˇ kʼahˬ tsawˇ jeuˬ nawˬ-euˬ nui pehˇ maˬ daˬ coeˇ-a.

Doˆ-iˇ 5:1

Kʼoeˇ naˇ, Moˇseˬ hawˇ-eu Aˬloˬ aˬ nyaꞈ Iˇjiˇtuˆ sahˬ paˬ jawˇ gaˇ iˇ-awˇ, heu loꞈ-ehˇ ehˇ nehˬ-euˬ meh. “ ‘Bawˇ tsahˬ bawˇ dahˇ laꞈ kʼoeˇ iˇ-awˇ, ngaˬ-ahˇ taˬ huiˬ taˬ mahˇ-eu bawˬ-iˬ jahˇ-eu gʼaˇ duˬ, ngaˬ-euˬ tsawˇ haˬ deuˬ-ahˇ pyehˬ nehˬ-awˬ’ lehˇ, Iˇsaˬleˬlaˆ tsawˇ haˬ-euˬ Sahˬpaˬ Miˬyehˇ nawˬ-ahˇ ehˇ-eu meh.”

Yeˬlaˬmiˇ 27:3

Kʼoeˇ naˇ, “Eˬdoˬ sahˬ paˬ Mawˇbaˆ sahˬ paˬ, Aˬmoˬ sahˬ paˬ, Duˇlu sahˬ paˬ hawˇ-eu , Siˇdoˬ sahˬ paˬ kʼoeˇ deuˬ-ahˇ, aˬ yawꞈ maꞈ neh Yeˬluˇsaˬlehˬ meuˬ-ahˇ Zeˬdaˬkiˇ jawˇ gaˇ pyehˬ gʼeh laꞈ-euˬ tsawˇ haˬ deuˬ-ahˇ gʼoe-awˇ, dawˬ tsaꞈ tsaꞈ ahˇ nehˬ-awˬ” lehˇ, aˬ yawꞈ ngaˬ-ahˇ ehˇ-eu meh.

Yeˬlaˬmiˇ 27:5

“Huiˬ dui dui-eu ngaˬ-euˬ baoˬ hawˇ-eu gʼaˬ-ahˇ gʼoe-awˇ, miˇ tsaˬ tahˬ kʼawˇ maˬ ehˇ, kʼoeˇ-euˬ kʼoeˇ taˆ jawˇ-eu tsawˇ haˬ zaˬ hawˇ-eu jeˬ zaˬ deuˬ maˬ ehˇ, ngaˇ beh-awˇ, ngaˇ nui ma kʼaˇ tsaˬ-eu gʼaˬ-ahˇ miˇ tsaˬ heu ngaˇ biꞈ-eu ma.

Yeˬlaˬmiˇ 28:14

Tsawˇ jeuˬ heu deuˬ dawˬ tawˆ luꞈ kʼoeˇ taˆ, shmˇ kʼaˆ daˬ baꞈ daˆ nehˬ-awˇ, Baˬbuˇloˬ sahˬ paˬ Neˬbuˬkaˬneˬzaˬ-euˬ zaˬ kʼaˆ bi geuꞈ ma lehˇ, Iˇsaˬleˬlaˆ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ ehˇ-eu meh. Jeˬ zaˬ yaw haiˬ deuˬ-ahˇ keuˆ ni, Neˬbuˬkaˬneˬzaˬ-euˬ zaˬ kʼaˆ geuꞈ ni ngaˇ jahˇ ma lehˇ, Sahˬpaˬ Miˬyehˇ ehˇ taˬ-euˬ meh.”