Yeˬlaˬmiˇ 27:18 - Akha

¹⁸ Aˬ yawꞈ maꞈ Miˬyehˇ gʼaˇ duˬ ngehˬ dah-eu tsawˇ haˬ aˬ diˇ aˬ maˇ pyeuꞈ-awˇ, ngaˬ-euˬ dawˬ aˬ yawꞈ maꞈ za taˬ-euˬ ngeuˇ naˇ, Uˬ duˬ tahˬ nymˇ nymˇ ma laꞈ kʼoeˇ dzeˇ luꞈ-eu pyuˇ shuiˇ myawˬ gahˬ deuˬ hawˇ-eu, sahˬ paˬ-eu nymˇ-ahˇ jaˆ-eu pyuˇ shuiˇ myawˬ gahˬ deuˬ-ahˇ, Baˬbuˇloˬ miˇ kʼahˬ-ahˇ maˬ bi yuˇ gʼeh-eu gʼaˇ duˬ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˬ-ahˇ aˬ yawꞈ maꞈ bi shaˇ haw laˇ sheˇ.”

Yeˬlaˬmiˇ 27:18 Referans Kwoze

1 Saˬmeuˬlaˆ 7:8

“Piˇliˇtiˆ tsawˇ haˬ deuˬ-euˬ aˬ laꞈ laꞈ kʼoeˇ aˬ dui-ahˇ ka kʼoꞈ nehˬ laꞈ ni, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ tehˇ tehˬ-awˬ” lehˇ, Saˬmeuˬlaˆ-ahˇ aˬ yawꞈ maꞈ ehˇ nehˬ-euˬ meh.

Yeˬlaˬmiˇ 18:20

Yaw muiˬ jeˬ mˇ-eu yaw doeˇ oꞈ ta loˇ. Ngaˇ bi ga ahˇ-eu lehˇ aˬ yawꞈ maꞈ duˬ kʼahˬ kʼahˬ-euˬ meh. Nawˬ-euˬ nui pehˇ aˬ yawꞈ maꞈ kʼoeˇ taˆ maˬ bi keuˆ le-eu gʼaˇ duˬ, nawˬ-euˬ mehˬ shi ngaˇ yawꞈ laˇ-awˇ, aˬ yawꞈ maꞈ-euˬ dah zaˇ ngehˬ piˇ tmˇ piˇ-euˬ gaˇ, maˬ ngehˇ ni noeˬ keuˆ laꞈ.

1 Sahˬpaˬ 18:24

Kʼoeˇ naˇ, Baˬlaˇ miˬ yehˇ gʼaˇ duˬ ngehˬ dah-eu deuˬ, aˬ yawꞈ maꞈ-euˬ miˬ yehˇ-ahˇ guiˬ lahˬ bi shaˇ-awˬ. Ngaˇ-aˬ, Sahˬpaˬ Miˬyehˇ-ahˇ guiˬ lahˬ shaˇ ma. Shaˇ dawˬ-ahˇ naˇ haˬ-awˇ miˬ dzaˬ bi doꞈ laˇ-eu miˬ yehˇ-aˬ, Miˬyehˇ aˬ diˇ aˬ maˇ pyeuꞈ tehꞈ-a.” Kʼoeˇ loꞈ-ehˇ ehˇ ngeh, aˬ yawꞈ neh ehˇ-euˬ tsaˬ meh lehˇ, tsawˇ haˬ dawˬ tawˆ luꞈ guˇ-eu meh.

1 Saˬmeuˬlaˆ 12:23

Ngaˇ tehꞈ law nmˇ-aˬ, naw maꞈ gʼaˇ duˬ guiˬ lahˬ maˬ shaˇ ni jawˇ-eu baˬ da neh ngaˬ-euˬ kʼoeˇ taˆ iˬ baˇ maˬ ya jaˆ laˇ ni yahˇ-eu gʼaˇ duˬ, Sahˬpaˬ Miˬyehˇ ngaˬ-ahˇ ehˇ nehˬ laꞈ gʼaˬ-euˬ meh. Yaw muiˬ jeˬ hawˇ-eu yaw tsaˬ yawˬ dawˇ jeˬ-ahˇ naw maꞈ mˇ ni, ngaˇ mehˬ luꞈ tsoˆ luꞈ-eu ma.

1 Saˬmeuˬlaˆ 12:19

Aˬ yawꞈ maꞈ Saˬmeuˬlaˆ-ahˇ ehˇ-eu, “Nga maꞈ maˬ ya shiˇ-eu gʼaˇ duˬ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ nehˬ laꞈ-awˬ. Nga maꞈ mˇ dzeuˇ-euˬ iˬ baˇ nui deuˬ uˬ taꞈ, sahˬ paˬ shaˇ-eu laꞈ kʼoeˇ nga maꞈ iˬ baˇ paˇ mˇ lahˬ-euˬ loꞈ-ehˇ pyeuꞈ luꞈ-eu gaˇ kawˆ nymˬ-mˇ nga maˬ siˬ duˬ-euˬ ma.”

Maˬlaˬkiˇ 1:9

Piˇ ma deuˬ-oˇ, nymˬ-mˇ poˆ jawˇ-aˬ, Miˬyehˇ aˬ dui-ahˇ yaw muiˬ jeˬ mˇ nehˬ laꞈ ni shaˇ haw-awˬ. Naw maꞈ-euˬ shaˇ dawˬ-ahˇ aˬ yawꞈ maˬ naˇ haˬ nehˬ laꞈ-aˇ. Kʼoeˇ-aˬ, naw maꞈ-euˬ yaw lehˬ baˬ da neh meh.

Yeˬsaˬgeˬlaˇ 22:30

Meuˬ meuˬ lahˇ gawˬ nya-awˇ, ngaˇ nui ma pehˇ-eu laꞈ kʼoeˇ miˇ kʼahˬ heu kʼahˬ-ahˇ laˆ cawˆ-eu lehˇ gʼeh ngeh, byaˆ-iˇ-euˬ meuˬ lahˇ yaw kaˬ-ahˇ yawꞈ-awˇ miˇ kʼahˬ heu kʼahˬ maˬ bi cawˆ-iˇ ni laˆ tsoeˬ nya-eu tsawˇ haˬ-ahˇ ngaˇ poˆ luꞈ-eu ma.

Yeˬsaˬgeˬlaˇ 14:14

Noˇaˬ, Daˬneˬlaˇ hawˇ-eu Yawˇbaˆ aˬ ha smˇ gʼaˬ paˇ dehꞈ law hawˇ kʼawꞈ, aˬ yawꞈ ha neh mˇ-euˬ yaw muiˬ jeˬ baˬ da neh, aˬ yawꞈ ha smˇ gʼaˬ-ahˇ maˬ ngeuˇ naˇ, aˬ cawˬ-ahˇ maˬ ka kʼoꞈ nehˬ nya-aˇ” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yeˬlaˬmiˇ 42:2

ngaˇ jawˇ gaˇ oe-awˇ heu loꞈ-ehˇ ehˇ le-euˬ meh. “Nga maꞈ nawˬ-ahˇ shaˇ-eu loꞈ-ehˇ jahˇ nehˬ laꞈ-awˬ. Nga maꞈ gʼaˇ duˬ nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ nehˬ laꞈ-awˬ. Buˬ-iˇ law-iˇ-euˬ tsawˇ haˬ deuˬ pyeuꞈ-eu nga maꞈ dawˬ tawˆ luꞈ gʼaˇ duˬ guiˬ lahˬ shaˇ nehˬ laꞈ-awˬ. Dzeuˇ laˇ ngeh aˬ dui tsawˇ haˬ myaˬ dui dui-euˬ kʼawꞈ, nymˬ-mˇ nawˇ mawˇ luꞈ-eu loꞈ-ehˇ ui cuiˆ dzeˇ-eu tehꞈ meh.

Yeˬlaˬmiˇ 15:1

Sahˬpaˬ Miˬyehˇ ngaˬ-ahˇ ehˇ-eu, “Moˇseˬ hawˇ-eu Saˬmeuˬlaˆ aˬ ha nyaꞈ ngaˬ-euˬ mehˬ shi yawꞈ laˇ-awˇ shaˇ ju kʼawꞈ, tsawˇ haˬ heu deuˬ-ahˇ ngaˇ gʼawˬ shaˬ maˬ gaˬ. Ngaˇ mawˇ gaˇ aˬ yawꞈ maꞈ maˬ bi jawˇ ni, gaˇ mahˇ kaˬ gaˇ bi iˇ byoˆ-awˬ.

Yeˬlaˬmiˇ 7:16

Sahˬpaˬ Miˬyehˇ heu loꞈ-ehˇ ehˇ-eu meh. “Yeˬlaˬmiˇ-oˇ, tsawˇ haˬ heu deuˬ gʼaˇ duˬ guiˬ lahˬ taˬ shaˇ. Aˬ yawꞈ maꞈ-euˬ dah zaˇ ngoeˇ ngoeˇ-ehˇ guiˬ lahˬ taˬ shaˇ. Nawˇ aˬ yawꞈ maꞈ gʼaˇ duˬ tsawˇ kaˬ geuꞈ laˇ gaˇ ngaˇ maˬ naˇ haˬ.

2 Laˬsaˬbaˬ 32:20

Kʼoeˇ ngeh, sahˬ paˬ Heˬsaˬgiˇ hawˇ-eu Aˬmoˆ-euˬ aˬ li Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Iˇsaˬyaˇ aˬ nyaꞈ, Miˬyehˇ bi caw ba le-eu gʼaˇ duˬ guiˬ lahˬ shaˇ-euˬ meh.

1 Sahˬpaˬ 18:26

Aˬ yawꞈ maꞈ-ahˇ tsahˇ nehˬ-euˬ mawˇ neˇ mawˇ gaw aˬ yawꞈ maꞈ sehꞈ-awˇ, lehˬ hmˬ dah gʼaˬ ngeh jawˇ, nah loˆ ceh laˇ ngeh keuˆ ni Baˬlaˇ miˬ yehˇ-ahˇ aˬ yawꞈ maꞈ guiˬ lahˬ shaˇ-euˬ meh. “Baˬlaˇ miˬ yehˇ-oˇ, nga maꞈ-euˬ shaˇ dawˬ-ahˇ naˇ haˬ nehˬ laꞈ-awˬ” lehˇ guˇ guˇ-ehˇ, aˬ yawꞈ maꞈ neh gawˬ taˬ-euˬ lawˇ duˬ jawˬ jawˬ-ehˇ aˬ yawꞈ maꞈ gaˇ nyeh nyeh-eu meh. Ehˇ kʼawꞈ, aˬ yawꞈ maꞈ-euˬ shaˇ dawˬ-ahˇ naˇ haˬ nehˬ-eu gʼaˬ maˬ jawˇ-a.

Aˇ dahˬ 20:17

Aˬbyaˬhaˬ-euˬ miˬ zaˬ Saˬlaˇ kʼoeˇ taˆ kʼoeˇ loꞈ-ehˇ keuˆ le-euˬ baˬ da neh, Aˬbiˇmaˬlehˆ-euˬ nymˇ laꞈ kʼoeˇ kʼaˇ jawˇ-eu zaˬ mi zaˬ dawˬ tawˆ luꞈ, maˬ baw aˬ ma pyeuꞈ jiˇ ni Sahˬpaˬ Miˬyehˇ jahˇ nehˬ-euˬ meh. Kʼoeˇ ngeh, Aˬbiˇmaˬlehˆ-euˬ gʼaˇ duˬ Aˬbyaˬhaˬ guiˬ lahˬ shaˇ nehˬ-awˇ, Aˬbiˇmaˬlehˆ-ahˇ Miˬyehˇ laˆ taˬ nehˬ-euˬ meh. Aˬbiˇmaˬlehˆ-euˬ miˬ zaˬ hawˇ-eu zaˬ miˬ zaˬ zaˬ kʼaˆ deuˬ kʼawꞈ zaˬ paˇ jawˇ le nya ni, Miˬyehˇ neh laˆ saˆ muiˬ kʼoꞈ nehˬ-euˬ meh.