Yeˬlaˬmiˇ 26:17 - Akha

¹⁷ Kʼoeˇ naˇ, sahˬ paˬ sahˬ ma tiˬ paˆ na deuˬ tuˇ laˇ-awˇ, kʼoeˇ gaˇ uiˬ laˇ taˬ-euˬ tsawˇ haˬ deuˬ-ahˇ heu loꞈ-ehˇ ehˇ nehˬ-eu meh.

Yeˬlaˬmiˇ 26:17 Referans Kwoze

Gʼaˬkʼehˇ 5:34

Ehˇ kʼawꞈ, aˬ yawꞈ maꞈ laꞈ kʼoeˇ aˬ cawˬ yaw zeu baw dui dui-eu Zahˇ dawˬ kʼoꞈ dawˬ mehˬ-eu saˬ laˬ pyeuꞈ-eu Gaˬmaˬleˬlaˇ lehˇ myahˇ-euˬ Paˬliˬsehˇ tiˬ gʼaˬ Baꞈ dzah laꞈ kʼoeˇ tuˇ laˇ-awˇ, gʼaˬ kʼehˇ deuˬ-ahˇ laꞈ nyiˇ tiˬ kʼehˬ bi sheuˬ doˆ gʼeh-eu gʼaˇ duˬ dawˬ biꞈ-euˬ meh.

Miˇkaˬ 1:1

Yoˇdaˬ, Aˬkaˆ, Heˬsaˬgiˇ, heu deuˬ Yuˇdaˆ miˇ kʼahˬ-euˬ sahˬ paˬ geuꞈ-euˬ aˇ yamˬ-ahˇ, Mawˇleˇshehˆ meuˬ-ahˇ jawˇ-euˬ Miˇkaˬ jawˇ gaˇ Sahˬpaˬ Miˬyehˇ-euˬ dawˬ keuˆ le-euˬ meh. Saˬmaˬliˆ meuˬ hawˇ-eu Yuˇdaˆ miˇ kʼahˬ-ahˇ taꞈ leˇ-eu gaˇ kawˆ heu deuˬ dawˬ tawˆ luꞈ, Miˇkaˬ-ahˇ Sahˬpaˬ Miˬyehˇ pah mehˬ nehˬ-euˬ meh.

Yeˬlaˬmiˇ 26:18

“Heˬsaˬgiˇ Yuˇdaˆ sahˬ paˬ geuꞈ ngeh, Miˇkaˬ lehˇ myahˇ-euˬ Mawˇleˇshehˆ meuˬ-ahˇ jawˇ-eu Miˬyehˇ gʼaˇ duˬ ngehˬ dah-eu kʼoeˇ gʼaˬ, Yuˇdaˆ miˇ kʼahˬ zaˬ dawˬ tawˆ luꞈ-ahˇ, Sahˬpaˬ Miˬyehˇ neh ehˇ-euˬ dawˬ heu loꞈ-ehˇ dzawˇ nehˬ-euˬ meh. Ziˇoˬ gawˬ jawˬ-ahˇ deh yaˇ loꞈ-ehˇ bi tsehˬ-awˇ, Yeˬluˇsaˬlehˬ meuˬ yaw cawˆ jeˬ pu cu pu lu lu-awˇ, Uˬ duˬ tahˬ nymˇ nymˇ ma jaˆ-euˬ gawˬ duˇ kʼoeˇ aˇ bawˇ sahˬ kʼaˆ pyeuꞈ-iˇ tehꞈ-a. lehˇ dzawˇ nehˬ-euˬ meh.