Yeˬlaˬmiˇ 25:6 - Akha

⁶ Miˬ yehˇ nui deuˬ-ahˇ naw maꞈ uˬ duˬ maˬ tahˬ-ehˇ, yawˬ ha neh tehˆ-euˬ tahˬ pahˬ aˬ ma mawˇ kawˇ-ahˇ uˬ duˬ tahˬ-eu laꞈ kʼoeˇ, Sahˬpaˬ Miˬyehˇ nui ma pehˇ ni taˬ mˇ lehˇ, aˬ yawꞈ maꞈ naw maꞈ-ahˇ ehˇ nehˬ-euˬ meh. Sahˬpaˬ Miˬyehˇ-euˬ ehˇ dawˬ-ahˇ naw maꞈ naˇ haˬ geuꞈ-euˬ law nmˇ-aˬ, naw maꞈ-ahˇ aˬ yawꞈ maˬ kʼehˬ maˬ kʼaˆ-aˇ.

Yeˬlaˬmiˇ 25:6 Referans Kwoze

Dawˬmehˬ 8:19

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ngehˇ-awˇ, miˬyehˇ nui deuˬ-ahˇ tiˬ jawˇ-iˬ uˬ duˬ taˬ tahˬ. Naw maꞈ kʼoeˇ loꞈ-ehˇ jahˇ naˇ, aˬ diˇ aˬ maˇ laˆ luˬ laˆ seˇ nehˬ-eu jeˬ-ahˇ ya daˬ tehꞈ-a lehˇ, iˬ nah ngaˇ naw maꞈ-ahˇ ehˇ-eu ma.

Yeˬlaˬmiˇ 35:15

Miˬyehˇ gʼaˇ duˬ ngehˬ dah-eu deuˬ pyeuꞈ-eu ngaˬ-euˬ zaˬ kʼaˆ deuˬ-ahˇ naw maꞈ jawˇ gaˇ maˬ tsehˆ leˇ ni ngaˇ pyehˬ gʼeh leꞈ-awˇ, yaw haiˬ jeˬ mˇ-eu byehˇ-awˇ, yaw tsaˬ yaw dawˇ jeˬ mˇ-awˬ lehˇ bi ehˇ le-euˬ ma. Naw maꞈ-euˬ aˬ poeˬ aˬ bawˇ deuˬ hawˇ-eu naw maꞈ-ahˇ ngaˬ neh biꞈ taˬ-euˬ miˇ kʼahˬ heu kʼahˬ laꞈ kʼoeˇ naw maꞈ dehꞈ daˆ jawˇ daˆ leꞈ nya ni, miˬ yehˇ nui deuˬ-ahˇ uˬ duˬ taˬ tahˬ lehˇ, Miˬyehˇ gʼaˇ duˬ ngehˬ dah-eu kʼoeˇ deuˬ naw maꞈ-ahˇ yaw kʼaˆ kʼaˆ-ehˇ mehˬ nehˬ gʼaˬ-euˬ meh. Ehˇ kʼawꞈ, ngaˬ-euˬ dawˬ naw maꞈ-euˬ naˬ bawˇ-ahˇ maˬ ahˇ leˇ-a.

Yeˬlaˬmiˇ 7:6

Boeˇ miˬ siˬ kʼaˬ deuˬ, muˇ coe aˬ nmˇ deuˬ hawˇ-eu, miˬ coeˬ miˬ ma deuˬ-ahˇ taˬ kʼehˬ taˬ kʼaˆ. Iˬ baˇ maˬ ahˇ-eu tsawˇ haˬ deuˬ-ahˇ sehꞈ-eu jeˬ, miˇ kʼahˬ heu kʼahˬ laꞈ kʼoeˇ taˬ paˇ mˇ. Miˬ yehˇ nui deuˬ-ahˇ uˬ duˬ tahˬ-eu jeˬ kʼawꞈ byehˇ dzeh-awˬ. Aˬ jeˬ miˇ neh ehˇ naˇ, kʼoeˇ loꞈ-ehˇ mˇ-eu baˬ da neh nawˇ ya luˬ ya seˇ-iˇ tehꞈ-a.

2 Sahˬpaˬ 17:35

Yaˬkoˆ-euˬ zaˬ deuˬ uˆ deuˬ-ahˇ Sahˬpaˬ Miˬyehˇ saˇ jaˇ dzaˬ-awˇ, heu loꞈ-ehˇ ehˇ nehˬ taˬ-euˬ meh. “Miˬyehˇ nui deuˬ-ahˇ uˬ duˬ taˬ tahˬ. Miˬyehˇ kʼoeˇ deuˬ-euˬ mehˬ shi taˬ awˆ byaˆ. Aˬ yawꞈ maꞈ-euˬ zahˇ sahˇ kʼoꞈ mehˬ nah taˬ caw teh. Aˬ yawꞈ maꞈ-ahˇ taˬ lawˇ taˬ shehˇ.

Dawˬmehˬ 6:14

Miˬyehˇ nui gʼaˬ-ahˇ uˬ duˬ taˬ tahˬ. Naw maꞈ jawˇ-eu jawˬ jawˬ-ehˇ jawˇ luꞈ-eu tsawˇ jeuˬ deuˬ-euˬ miˬyehˇ deuˬ-ahˇ uˬ duˬ taˬ tahˬ.

Yeˬlaˬmiˇ 7:9

Kʼoeˬ-eu gʼehꞈ-eu jeˬ, tsawˇ haˬ-ahˇ sehꞈ-eu jeˬ, aˬ cawˬ-euˬ miˬ zaˬ yo zaˬ-ahˇ bahˬ-eu jeˬ, jaˬ myawꞈ myawꞈ-awˇ kamˬ-eu jeˬ, Baˬlaˇ miˬ yehˇ-ahˇ lawˇ nehˬ shehˇ nehˬ-eu jeˬ, aˇ hu naw maꞈ maˬ siˬ maˬ mawˇ haw-euˬ miˬ yehˇ nui deuˬ-ahˇ uˬ duˬ tahˬ-eu jeˬ, heu deuˬ-ahˇ naw maꞈ mˇ bahˬ taˬ-euˬ meh.

1 Sahˬpaˬ 14:22

Yuˇdaˆ miˇ kʼahˬ zaˬ deuˬ Sahˬpaˬ Miˬyehˇ-ahˇ mˇ lehˬ-awˇ, aˬ yawꞈ maꞈ-euˬ aˬ poeˬ aˬ bawˇ deuˬ naˆ maˬ tseˇ aˬ yawꞈ nui ma pehˇ-eu jeˬ aˬ yawꞈ maꞈ mˇ-euˬ meh.

Yawˇshuˆ 24:20

Naw maꞈ aˬ yawꞈ-ahˇ byehˇ dzeh-awˇ, boeˇ miˬ shiˬ kʼaˬ deuˬ-euˬ miˬ yehˇ deuˬ-ahˇ uˬ duˬ tahˬ naˇ, aˬ yawꞈ naw maꞈ-ahˇ nui ma pehˇ-awˇ, kʼehˬ nehˬ kʼaˆ nehˬ laꞈ tehꞈ-a. Dzeuˇ laˇ ngeh, naw maꞈ kʼoeˇ taˆ aˬ yawꞈ aˇ naˆ ni muiˬ-eu ehˇ kʼawꞈ, naw maꞈ-ahˇ aˬ yawꞈ laˆ luˬ laˆ seˇ nehˬ laꞈ tehꞈ-a.”

Dawˬmehˬ 28:14

Ehˇ kʼawꞈ, aˬ jeˬ pyeuꞈ kʼawꞈ, zahˇ dawˬ kʼoꞈ dawˬ heu deuˬ-ahˇ nawˇ maˬ naˇ haˬ geuꞈ ni maˬ ya byehˇ-eu uˬ taꞈ, miˬ yehˇ nui deuˬ-ahˇ uˬ duˬ tahˬ-eu laꞈ kʼoeˇ aˬ yawꞈ maꞈ-euˬ zaˬ kʼaˆ maˬ ya geuꞈ-iˇ-a.

Dawˬmehˬ 13:2

naw maꞈ tiˬ jawˇ-iˬ uˬ duˬ maˬ tahˬ haw-euˬ miˬ yehˇ deuˬ-euˬ zaˬ kʼaˆ geuꞈ-awˇ, kʼoeˇ deuˬ-ahˇ uˬ duˬ tahˬ-eu gʼaˇ duˬ naw maꞈ-ahˇ sheuˬ gʼeh ngeh, aˬ yawꞈ ehˇ-eu loꞈ-ehˇ kʼaˆ jeˬ-ehˇ gʼeh-eu jeˬ aˬ diˇ aˬ maˇ pyeuꞈ doˆ laˇ kʼawꞈ,

Doˆ-iˇ 20:23

Ngaˇ uˬ taꞈ, yawˬ ha-euˬ gʼaˇ duˬ, pyuˇ neh maˬ ehˇ, shuiˇ neh maˬ ehˇ, miˬyehˇ tehˆ-awˇ, naw maꞈ uˬ duˬ maˬ ya tahˬ-a.

Doˆ-iˇ 20:3

“Ngaˬ-euˬ mehˬ shi miˬ yehˇ nui gʼaˬ nawˇ maˬ ya bi jawˇ-a.

Yeˬlaˬmiˇ 44:8

Naw maꞈ jawˇ uˇ le-euˬ Iˇjiˇtuˆ miˇ kʼahˬ heu kʼahˬ-ahˇ tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ-awˇ, miˬ yehˇ nui deuˬ-ahˇ lawˇ-eu shehˇ-eu laꞈ kʼoeˇ, aˬ jeˬ miˇ neh ngaˇ nui ma pehˇ ni naw maꞈ mˇ te. Miˇ kʼahˬ tsawˇ jeuˬ dawˬ tawˆ luꞈ naw maꞈ-ahˇ ja doeˇ-awˇ, naw maꞈ-euˬ tsawˇ myahˇ kuˇ kuˇ-ehˇ yaˬ kʼehˇ bi yaˬ gaˇ keuˆ ni, naw maꞈ yawˬ haˇ yawˬ ha laˆ cawˆ-eu lehˇ mˇ-eu gʼeh te loˇ.

Hawˇseˬ 1:7

Ehˇ kʼawꞈ, Yuˇdaˆ miˇ kʼahˬ zaˬ deuˬ-ahˇ ngaˬ-euˬ nui gaˬ bi mawˇ ma. Aˬ yawꞈ maꞈ-euˬ Miˬyehˇ pyeuꞈ-eu ngaˇ Sahˬpaˬ Miˬyehˇ, aˬ yawꞈ maꞈ-ahˇ ka kʼoꞈ nehˬ ma. Ehˇ kʼawꞈ, guiˇ deuˆ-awˇ ka kʼoꞈ nehˬ-eu lehˇ gʼeh-eu maˬ ngeuˇ, mi cehˇ neh maˬ ehˇ, kaˆ neh maˬ ehˇ, kaˆ myaˬ neh maˬ ehˇ, mahˬ neh maˬ ehˇ, mahˬ dziˬ-eu yehˇ deuˬ neh maˬ ehˇ, aˬ yawꞈ maꞈ-ahˇ ka kʼoꞈ-eu lehˇ gʼeh-eu maˬ ngeuˇ.”

Yeˬlaˬmiˇ 32:30

Iˇsaˬleˬlaˆ tsawˇ haˬ deuˬ hawˇ-eu Yuˇdaˆ tsawˇ haˬ deuˬ-aˬ, nyiˇ ngeh neh ngaˇ nui ma maˬ saˇ-eu jeˬ tehꞈ-ehˇ mˇ-euˬ meh.

Yeˬlaˬmiˇ 44:7

“Teu miˇ neh, Iˇsaˬleˬlaˆ-euˬ Miˬyehˇ pyeuꞈ-eu ngaˇ Baoˬ huiˬ-eu Sahˬpaˬ Miˬyehˇ-aˬ, aˬ jeˬ miˇ neh naw maꞈ yawˬ ha-ahˇ bi deuˬ laˇ-eu yaw haiˬ jeˬ mˇ te lehˇ naˇ haˬ-eu ma. Kʼaˬ dzeˇ zaˬ deuˬ, zaˬ miˬ zaˬ deuˬ hawˇ-eu, zaˬ yaw nyiˇ deuˬ-ahˇ keuˆ ni, naw maꞈ-euˬ tsawˇ haˬ tiˬ gʼaˬ-iˬ maˬ dzeˇ-ehˇ pyeuꞈ-iˇ ngeh keuˆ ni, dawˬ tawˆ luꞈ kʼoeˇ taˆ luˬ-iˇ seˇ-iˇ-eu jeˬ bi keuˆ le mawꞈ te loˇ.