Yeˬlaˬmiˇ 25:33 - Akha

³³ Aˇ yamˬ kʼoeˇ keuˆ le ngeh, Sahˬpaˬ Miˬyehˇ neh sehꞈ dzeh taˬ-euˬ tsawˇ haˬ deuˬ, miˇ tsaˬ tahˬ kʼawˇ kʼoeˇ dzeˇ heu dzeˇ doˆ ni, tiˬ byah ni ga tehꞈ-a. Aˬ yawꞈ maꞈ-ahˇ tsawˇ ngoeˇ ngoeˇ-awˇ baꞈ pahˬ nehˬ-eu gʼaˬ maˬ jawˇ-ehˇ, mawˇ neˇ keˬ loꞈ-ehˇ ga tehꞈ-a.

Yeˬlaˬmiˇ 25:33 Referans Kwoze

Iˇsaˬyaˇ 66:16

Iˬ baˇ kʼaˇ ahˇ-eu miˇ tsaˬ zaˬ deuˬ-ahˇ, miˬ dzaˬ hawˇ-eu mi cehˇ neh kʼehˬ nehˬ-eu miˇ neh, tsawˇ haˬ gʼawˬ mya ni shiˇ tehꞈ-a.

Yeˬlaˬmiˇ 8:2

Shaˬ yoeˬ kʼoeˇ deuˬ-ahˇ gʼoˆ uiˬ-awˇ maˬ duˬ pahˬ nehˬ ni, aˬ nyoˬ mawˇ neˇ keˬ ga-eu loꞈ-ehˇ miˇ tsa ga tehꞈ-a. Tsawˇ haˬ kʼoeˇ deuˬ yaw dehꞈ dehꞈ ngeh uˬ duˬ tahˬ-awˇ caw teh-euˬ nahˇ ma, ba la, aˬ guiˇ, kʼoeˇ deuˬ-euˬ mehˬ shi, shaˬ yoeˬ kʼoeˇ deuˬ bya cehˆ ni ga tehꞈ-a.

Jaceuq 79:3

Nawˬ-euˬ tsawˇ haˬ deuˬ-euˬ shiˬ iˇ cuꞈ loꞈ-ehˇ aˬ yawꞈ maꞈ laˆ yoeˇ-awˇ, Yeˬluˇsaˬlehˬ meuˬ doe ni shiˬ iˇ cuꞈ loꞈ-ehˇ yoeˇ luꞈ kʼawꞈ, tsawˇ shiˇ duˬ pahˬ-eu tiˬ gʼaˬ-iˬ maˬ jawˇ-a.

Iˇsaˬyaˇ 5:25

Kʼoeˇ miˇ neh, aˬ yawꞈ-euˬ tsawˇ jeuˬ-ahˇ Sahˬpaˬ Miˬyehˇ nui ma pehˇ-awˇ, aˬ yawꞈ maꞈ-ahˇ kʼehˬ-eu lehˇ aˬ laꞈ cawˬ doˆ ngeh, gawˬ jawˬ deuˬ luˆ luˆ-ehˇ pyeuꞈ laˇ-awˇ, meuˬ-euˬ lehˆ kawˆ doe ni aˬ yawꞈ maꞈ shiˇ uiˬ taˬ-awˇ, mˇ myawˬ yaw cehˇ byaˆ dzeh taˬ-euˬ loꞈ-ehˇ ga tehꞈ-a. Ehˇ kʼawꞈ, Sahˬpaˬ Miˬyehˇ nui ma pehˇ-eu maˬ taˬ leˇ-ehˇ, aˬ laꞈ maˬ cawˬ kʼoꞈ ni bi jaˆ tehꞈ-a.

Panmaeq 11:9

Miˇ kʼahˬ tsawˇ jeuˬ tsawˇ ca dawˬ tawˆ luꞈ, smˬ nah uˬ taꞈ nah kʼoeˆ tiˬ kʼoeˆ byah ni aˬ yawꞈ nyaꞈ shiˇ taˬ-awˇ ga gaˇ haw-awˇ, maˬ bi baꞈ pahˬ ni bi jaˆ tehꞈ-a.

Zeˬpaˬniˇ 2:12

Suˬdaˬ miˇ kʼahˬ zaˬ deuˬ-ahˇ kʼawꞈ, Sahˬpaˬ Miˬyehˇ sehꞈ dzeh tehꞈ-a.

Jaceuq 83:10

Eˬdawˇlaˆ meuˬ dawˬ peh aˬ yawꞈ maꞈ-ahˇ nawˇ deuˆ gʼaˬ-awˇ, aˬ yawꞈ maꞈ-euˬ gʼawˇ mawˇ miˇ tsa ga buꞈ-euˬ meh.

2 Sahˬpaˬ 9:37

Aˬ yawꞈ-ahˇ tsawˇ haˬ tiˬ gʼaˬ-iˬ maˬ haw siˬ nya-ehˇ pyeuꞈ-iˇ ngeh keuˆ ni, aˬ yawꞈ-euˬ shaˬ jiˇ tiˬ gaˇ tiˬ jehꞈ-ehˇ, aˬ nyoˬ mawˇ neˇ keˬ loꞈ-ehˇ ga tehꞈ-a’ lehˇ ehˇ taˬ-euˬ jaˆ-eu meh.”

Yeˬsaˬgeˬlaˇ 29:5

Nawˇ hawˇ-eu ngaˬ shaˬ kʼoeˇ deuˬ-ahˇ, kʼaˇ shuiꞈ deh ga-ahˇ biˬ dzeh ma. Nawˬ-ahˇ maˬ duˬ pahˬ ni byehˇ-awˇ, miˇ tsa bi ga yaꞈ-eu laꞈ kʼoeˇ, bawˇ tsahˬ jeˬ zaˬ aˇ jiˇ deuˬ neh, nawˬ-euˬ shaˬ jiˇ bi dzaˬ jiˇ ma.

Yeˬsaˬgeˬlaˇ 21:11

Mi cehˇ guiˇ nyiˬ ni siˬ taˆ-awˇ, deuˆ-eu lehˇ lehˬ hmˬ taˬ-euˬ ma. Tsawˇ haˬ sehꞈ-eu deuˬ tuˆ tehˬ ni, siˬ taˆ-awˇ lehˬ hmˬ taˬ-euˬ ma.

Yeˬsaˬgeˬlaˇ 29:4

Nawˬ-euˬ baˬ ngeuˇ kuˆ seuˬ ceuˬ-awˇ, nawˬ-euˬ lawˇ baˬ ngaˬ shaˬ kʼoeˇ deuˬ, nawˬ-ahˇ bi myahˬ tehˬ leˇ jiˇ-awˇ, Ngaˬ shaˬ kʼoeˇ deuˬ nehˬ-ehˇ nawˬ-ahˇ, lawˇ baˬ lawˇ dzeˇ ngaˇ gʼeu doˆ ma.