Yeˬlaˬmiˇ 25:32 - Akha

³² Baoˬ huiˬ-eu Sahˬpaˬ Miˬyehˇ ehˇ gaˇ naˇ haˬ sheˇ. Haw yawˬ. Miˇ kʼahˬ tiˬ kʼahˬ saˇ-iˬ tiˬ kʼahˬ-ahˇ, guˆ-eu gaˆ-eu jeˬ keuˆ le luꞈ-eu meh. Huiˬ dui dui-eu mˬ jeˬ jaˬ lehˇ, mˬ dzeˇ miˇ dzeˇ paw neh laˇ luꞈ-eu meh.

Yeˬlaˬmiˇ 25:32 Referans Kwoze

Yeˬlaˬmiˇ 23:19

Aˬ yawꞈ nui ma pehˇ-eu jeˬ-aˬ, haiˬ-eu tsawˇ haˬ deuˬ-euˬ uˬ duˬ-ahˇ ciˬ tahˬ-eu, mˬ jeˬ jaˬ lehˇ-ahˇ duˇ-eu meh.

Iˇsaˬyaˇ 34:2

Tsawˇ jeuˬ dawˬ tawˆ luꞈ-ahˇ Sahˬpaˬ Miˬyehˇ nui ma pehˇ-awˇ, guiˇ maꞈ dawˬ tawˆ luꞈ-ahˇ aˬ yawꞈ nui ma daˆ luꞈ-eu meh. Aˬ yawꞈ maꞈ-ahˇ aˬ yawꞈ laˆ cawˆ nehˬ-awˇ, bi sehꞈ byoˆ jiˇ tehꞈ-a.

2 Laˬsaˬbaˬ 15:6

Miˇ kʼahˬ tiˬ kʼahˬ tiˇ kʼahˬ kʼaˆ dzaˬ-awˇ, meuˬ tiˬ meuˬ tiˇ meuˬ nawˬ dzaˬ-eu meh. Aˬ jeˬ miˇ neh ehˇ naˇ, shaˬ-eu zahˬ-eu jeˬ hawˇ-eu guˆ-eu gaˆ-eu jeˬ, aˬ yawꞈ maꞈ kʼoeˇ taˆ Miˬyehˇ bi keuˆ le luꞈ-eu meh.

Yeˬlaˬmiˇ 30:23

Haw yawˬ. Sahˬpaˬ Miˬyehˇ nui ma pehˇ-eu mˬ jeˬ jaˬ lehˇ, miˬ dzaˬ loꞈ-ehˇ luˬ doˆ laˇ-awˇ, haiˬ-eu tsawˇ haˬ deuˬ-euˬ uˬ duˬ uˬ taˆ, jaˬ lehˇ lehˇ zeuˆ loꞈ-ehˇ keuˆ le tehꞈ-a.

Iˇsaˬyaˇ 30:30

Sahˬpaˬ Miˬyehˇ-aˬ, baoˬ huiˬ-eu aˬ yawꞈ-euˬ dawˬ tsawˇ haˬ yawˬ gʼaˬ na luꞈ-ahˇ bi gaˬ-awˇ, aˬ yawꞈ nui ma pehˇ-eu jeˬ aˇ naˆ ni guˆ laˇ paˬ-ehˇ gʼeh-eu gaˇ kawˆ, tsawˇ haˬ yawˬ gʼaˬ na luꞈ-ahˇ bi siˬ bi mawˇ tehꞈ-a. Miˬ dzaˬ miˬ lmˇ doˆ le-awˇ miˬ dzaˬ doꞈ luꞈ-eu mˬ dmˇ ya mawˇ-eu uˬ taꞈ, uˬ yehˇ aˇ siˬ ga le-awˇ, mˬ jeˬ jaˬ lehˇ oe tehꞈ-a.

Luˇkaꞈ 21:25

“Nahˇ ma, ba la, aˬ guiˇ laꞈ kʼoeˇ, bi siˬ bi mawˇ-eu gʼawˬ mya jeˬ pyeuꞈ doˆ laˇ tehꞈ-a. Miˇ tsaˬ tsawˇ jeuˬ deuˬ iˬ ma laˆ shaˆ iˇ luˆ dzeh-awˇ teˇ saˇ mahˇ gaˇ guˆ dui dui-awˇ, zahˬ leˇ tsoˆ leˇ tehꞈ-a.

Luˇkaꞈ 21:10

Kʼoeˇ naˇ, aˬ yawꞈ maꞈ-ahˇ aˬ yawꞈ paˇ ehˇ nehˬ-eu, “Miˇ kʼahˬ tiˬ kʼahˬ tiˇ kʼahˬ guiˇ deuˆ-awˇ, tsawˇ jeuˬ tiˬ jeuˬ tiˇ jeuˬ ceh tehꞈ-a.

Zeˬpaˬniˇ 3:8

Sahˬpaˬ Miˬyehˇ ehˇ-eu, “Aˇ yamˬ tiˬ kʼehˇ kʼehˬ dawˬ tawˬ siˬ. Ngaˇ tuˇ laˇ-awˇ yaw lehˬ poˆ ngeh, miˇ kʼahˬ tsawˇ jeuˬ kuˇ uiˬ jiˇ-awˇ, ngaˬ-euˬ nui ma ngaˇ bi mawˇ ma. Ngaˬ-euˬ nui pehˇ miˬ dzaˬ doꞈ ngeh, miˇ tsaˬ tahˬ kʼawˇ puiˆ dzaˬ tehꞈ-a.

Iˇsaˬyaˇ 66:18

Aˬ yawꞈ maꞈ-euˬ nui noeˬ hawˇ-eu aˬ yawꞈ maꞈ neh mˇ-euˬ gaˇ deuˬ ngaˇ siˬ luꞈ mawˇ luꞈ ma. Miˇ kʼahˬ tsawˇ jeuˬ dawˬ tawˆ luꞈ kuˇ uiˬ-eu gʼaˇ duˬ ngaˇ oe-eu ma. Aˬ yawꞈ maꞈ tiˬ gaˇ uiˬ laˇ jiˇ ngeh, ngaˬ-euˬ baoˬ-ahˇ gʼoe-awˇ mˇ nya-eu gaˇ deuˬ-ahˇ aˬ yawꞈ maꞈ ya mawˇ tehꞈ-a.

Iˇsaˬyaˇ 5:28

Aˬ yawꞈ maꞈ-euˬ kaˆ myaˬ taˆ dui dui-awˇ, kaˆ kʼaˇ ngeuˇ-eu ngoꞈ daˆ jiˇ taˬ-euˬ meh. Aˬ yawꞈ maꞈ-euˬ mahˬ deuˬ kuiˇ sehˬ diˬ lo loꞈ-ehˇ gʼahˇ-awˇ, mahˬ laˆ lawˬ aˇ beuˆ jaˬ lehˇ lehˇ zeuˆ loꞈ-ehˇ buiˇ-eu meh.

Yeˬlaˬmiˇ 6:22

Sahˬpaˬ Miˬyehˇ heu loꞈ-ehˇ ehˇ-eu meh. “Laˬ taˆ paw jaˆ-eu miˇ kʼahˬ tiˬ kʼahˬ-ahˇ jawˇ-eu tsawˇ haˬ deuˬ oe luꞈ meh. Gaˇ mahˇ kaˬ gaˇ jawˇ-eu huiˬ-eu tsawˇ jeuˬ tiˬ jeuˬ, guiˇ deuˆ-eu gʼaˇ duˬ lehˬ hmˬ dah luꞈ meh.

Yeˬlaˬmiˇ 6:23

Aˬ yawꞈ maꞈ kaˆ hawˇ-eu mi cehˇ baꞈ-awˇ, gʼawˬ shaˬ gaˬ-eu maˬ siˬ nya-a. Aˬ yawꞈ maꞈ mahˬ pyehˬ teh sehˇ-awˇ oe-eu, iˬ ma laˆ shaˆ mahˇ gaˇ duˇ-awˇ, Yeˬluˇsaˬlehˬ meuˬ-ahˇ deuˆ-eu lehˇ gʼeh-eu meh.