Yeˬlaˬmiˇ 25:27 - Akha

²⁷ Kʼoeˇ naˇ, Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Tsawˇ haˬ kʼoeˇ deuˬ-ahˇ heu loꞈ-ehˇ ehˇ nehˬ-awˬ. Aˬ yawꞈ maꞈ kʼmˬ maˬ kʼoeˇ ciˬ dawˇ-awˇ, dawˇ yehꞈ-eu miˇ neh uˬ pehꞈ pehꞈ-eu uˬ taꞈ, coˬ-iˇ-awˇ maˬ tuˇ laˇ nya-ehˇ pyeuꞈ-iˇ ngeh keuˆ ni ya dawˇ meh lehˇ, Iˇsaˬleˬlaˆ-euˬ Miˬyehˇ baoˬ huiˬ-eu Sahˬpaˬ Miˬyehˇ pyeuꞈ-eu ngaˇ, aˬ yawꞈ maꞈ-ahˇ dawˬ biꞈ-eu ma. Aˬ jeˬ miˇ neh ehˇ naˇ, aˬ yawꞈ maꞈ kʼoeˇ taˆ guiˇ deuˆ-eu jeˬ bi keuˆ le luꞈ-eu ma.

Yeˬlaˬmiˇ 25:27 Referans Kwoze

Haˬbaˬkuˆ 2:16

Nawˇ jiˇ baˬ yehꞈ yehꞈ-ehˇ teuˆ-awˇ, aˬ cawˬ maˬ taˬ huiˬ-eu uˬ taꞈ, daˬ ga-awˇ ya shaꞈ dawˇ tehꞈ-a. Sahˬpaˬ Miˬyehˇ laꞈ maˇ laꞈ-ahˇ, ciˬ-eu kʼmˬ maˬ nawˇ ya dawˇ-awˇ, aˇ dzehˬ dzeuˇ ni daˬ ga tehꞈ-a.

Yeˬlaˬmiˇ 25:16

Aˬ yawꞈ maꞈ kʼmˬ maˬ heu kʼmˬ ciˬ dawˇ ngeh, yehꞈ leˇ-awˇ coˬ coˬ-ehˇ cah-eu laꞈ kʼoeˇ, nui ma-ahˇ maˬ noeˬ ni pyeuꞈ-iˇ tehꞈ-a. Aˬ jeˬ miˇ neh ehˇ naˇ, aˬ yawꞈ maꞈ kʼoeˇ taˆ, guiˇ deuˆ-eu jeˬ ngaˇ bi keuˆ le luꞈ-eu ma.”

Ngoeˇ dawˬ 4:21

Eˬdoˬ miˇ kʼahˬ zaˬ deuˬ hawˇ-eu, Uˇzaˆ miˇ kʼahˬ tsawˇ haˬ deuˬ-oˇ, naw maꞈ uiˇ nya ngeh uiˇ tawˬ-awˬ. Naw maꞈ gʼeh shaˬ zahˬ ya mˇ-awˇ, neˇ myawˆ ni ya shaꞈ dawˇ-eu jeˬ, gʼawˬ myahˇ maˬ gʼeh-ehˇ keuˆ le meh.

Iˇsaˬyaˇ 51:21

Jiˇ baˬ yehꞈ-eu loꞈ-ehˇ kuiˇ toꞈ ciˬ lehˬ luꞈ-eu, shaˬ zahˬ naꞈ-eu Yeˬluˇsaˬlehˬ tsawˇ haˬ deuˬ-oˇ,

Yeˬlaˬmiˇ 50:35

Sahˬpaˬ Miˬyehˇ ehˇ-eu, “Baˬbuˇloˬ-ahˇ mi cehˇ keuˆ le luꞈ-uˇ. Aˬ yawꞈ-euˬ tsawˇ haˬ deuˬ hawˇ-eu, sahˬ paˬ sahˬ ma, zaˬ siˬ tsawˇ siˬ dawˬ tawˆ kʼoeˇ taˆ, mi cehˇ keuˆ le luꞈ-uˇ.

Yeˬlaˬmiˇ 46:14

“Iˇjiˇtuˆ miˇ kʼahˬ-ahˇ jaˆ-eu meuˬ deuˬ pyeuꞈ-eu, Miˇgaˬdawˇlaˆ, Meˬpiˇ hawˇ-eu, Taˬpaˬneˬ laꞈ kʼoeˇ, heu loꞈ-ehˇ ehˇ gaˬ-awˬ. ‘Yawˬ haˇ yawˬ ha deuˆ piˇ nya ni lehˬ hmˬ taˬ-awˬ. Naw maꞈ guiˇ deuˆ-awˇ ya shiˇ jiˇ tehꞈ-a.

Yeˬlaˬmiˇ 46:10

Aˇ nah heu Dawˬ tawˆ kʼoeˇ taˆ uˆ lahˇ-eu-aˬ, Baoˬ huiˬ-eu Sahˬpaˬ Miˬyehˇ-euˬ aˇ nah meh. Iˬ nah aˬ yawꞈ laꞈ poˆ poˆ-awˇ, muiˇ-eu deuˬ-ahˇ kʼehˬ nehˬ tehꞈ-a. Aˬ yawꞈ mi cehˇ aˬ yawꞈ maꞈ-euˬ shaˬ jiˇ tiˬ dehˆ dzaˬ-awˇ, aˬ yawꞈ maꞈ-euˬ shiˬ tiˬ dehˆ dawˇ tehꞈ-a. Iˬ nah kʼoeˇ taˆ paw Uˇpaˬlaˇ lawˇ baˬ dawˬ peh, Baoˬ huiˬ-eu gʼaˬ tsawˇ shiˇ kʼoeˇ deuˬ lawˇ tehꞈ-a.

Yeˬlaˬmiˇ 12:12

Kʼaˇ shuiꞈ deh ga gawˬ duˇ yaw goˇ deuˬ nyiˬ tsehˆ-ehˇ, yaw haiˬ jeˬ mˇ le-eu tsawˇ haˬ deuˬ oe luꞈ meh. Miˇ kʼahˬ kʼahˬ lah ni bi laˆ cawˆ jiˇ-eu gʼaˇ duˬ, guiˇ deuˆ-eu jeˬ ngaˇ bi keuˆ le-awˇ, tsawˇ haˬ tiˬ gʼaˬ-iˬ nui saˇ maˬ oꞈ-a.

Iˇsaˬyaˇ 63:6

Nui ma pehˇ dui dui-eu miˇ neh, tsawˇ jeuˬ dawˬ tawˆ luꞈ-ahˇ nawˬ pyehˆ nehˬ-awˇ, aˬ yawꞈ maꞈ-euˬ saꞈ laˇ-euˬ shiˬ, miˇ tsaˬ-ahˇ bi yoeˇ kʼaˇ-euˬ ma.”

Dawˬmehˬ 32:42

Ngaˬ-euˬ kaˆ myaˬ shiˬ dawˇ yehꞈ-awˇ, ngaˬ-euˬ mi cehˇ shaˬ jiˇ dzaˬ-ehˇ, ngaˬ-ahˇ guiˇ kʼaˇ deuˆ laˇ-eu deuˬ, tiˬ gʼaˬ-iˬ maˬ bi dzeuˇ-iˇ ma. Deuˆ tahˬ-awˇ nyehꞈ mi-euˬ deuˬ kʼawꞈ, dawˬ tawˆ luꞈ ya shiˇ jiˇ tehꞈ-a.’

Panmaeq 14:10

Miˬyehˇ-euˬ nui ma pehˇ-eu kʼmˬ maˬ laꞈ kʼoeˇ, taˆ dui dui-eu Miˬyehˇ nui ma pehˇ-eu aˬ gaꞈ dzaˇ uiˇ ya dawˇ tehꞈ-a. Kʼoeˇ loꞈ-ehˇ gʼeh-eu tsawˇ haˬ dawˬ tawˆ luꞈ, muiˬ-eu shawˇ-eu mˬ taˆ gʼaˬ kʼehˇ deuˬ hawˇ-eu Yawˇzaˬ-euˬ mehˬ shi, miˬ dzaˬ hawˇ-eu miˬ dzaˇ dzaˇ shuiˇ neh kʼehˬ nehˬ gaˇ ya daˬ tehꞈ-a.

Yeˬlaˬmiˇ 13:13

Aˬ yawꞈ maꞈ-ahˇ heu loꞈ-ehˇ ehˇ nehˬ-awˬ. Miˇ kʼahˬ heu kʼahˬ laꞈ kʼoeˇ kʼaˇ jawˇ-eu tsawˇ haˬ deuˬ yehꞈ-iˇ jiˇ ngeh keuˆ ni, Sahˬpaˬ Miˬyehˇ pyeuꞈ-eu ngaˇ aˬ gaꞈ dzaˇ uiˇ shehˆ ahˇ nehˬ ma. Daˬbiˇ-euˬ zaˬ deuˬ uˆ deuˬ pyeuꞈ-eu sahˬ paˬ deuˬ maˬ ehˇ, piˇ ma deuˬ maˬ ehˇ, Miˬyehˇ gʼaˇ duˬ ngehˬ dah-eu deuˬ maˬ ehˇ, Yeˬluˇsaˬlehˬ meuˬ laꞈ kʼoeˇ kʼaˇ jawˇ-eu tsawˇ haˬ dawˬ tawˆ luꞈ maˬ ehˇ, aˬ gaꞈ dzaˇ uiˇ yehꞈ-iˇ jiˇ ni ngaˇ shehˆ ahˇ nehˬ ma.

Yeˬlaˬmiˇ 22:10

Yuˇdaˆ tsawˇ haˬ deuˬ-oˇ, sahˬ paˬ Yawˇshiˆ gʼaˇ duˬ taˬ ngoeˇ. Aˬ yawꞈ shiˇ-euˬ miˇ neh tsawˇ ngoeˇ taˬ ngoeˇ. Ehˇ kʼawꞈ, aˬ yawꞈ aˬ li Yoˇaˬhaˆ-euˬ gʼaˇ duˬ tsawˇ ngoeˇ ngoeˇ dui dui-awˬ. Aˬ cawˬ aˬ yawꞈ-ahˇ nyehꞈ byoˆ-awˇ, tiˬ jawˇ-iˬ maˬ paˇ ya gʼoꞈ doˆ laˇ-ehˇ, aˬ yawꞈ dehꞈ le-euˬ miˇ kʼahˬ-ahˇ, tiˬ jawˇ-iˬ maˬ paˇ ya mawˇ meh.

Yeˬlaˬmiˇ 51:39

Aˬ yawꞈ maꞈ aˇ dzehˬ-ehˇ smˇ ta loˇ. Aˬ yawꞈ maꞈ gʼaˇ duˬ ngaˇ dzaˬ byawˇ shaˇ dahˇ nehˬ-awˇ, bi dzaˬ bi dawˇ yehꞈ-awˇ laˬ kʼaˬ bi cehˇ ma. Aˬ yawꞈ maꞈ yuꞈ kʼaˆ-awˇ, tiˬ jawˇ-iˬ maˬ paˇ noeˬ laˇ-aˇ.

Yeˬlaˬmiˇ 51:57

Aˬ yawꞈ maꞈ-euˬ sahˬ paˬ sahˬ ma hawˇ-eu, zaˬ siˬ tsawˇ gahˇ byah loꞈ-eu deuˬ, aˬ yuiꞈ aˬ tsu hawˇ-eu yehˇ deuˬ, jiˇ baˬ dawˇ yehꞈ ni ngaˇ jahˇ ma. Aˬ yawꞈ maꞈ yuꞈ kʼaˆ-awˇ maˬ paˇ noeˬ laˇ meh lehˇ, dzoeˬ dzaˬ sahˬ paˬ pyeuꞈ-eu ngaˇ ehˇ-eu ma. Ngaˇ-aˬ, Baoˬ huiˬ-eu Sahˬpaˬ Miˬyehˇ ma.

Naˬhmˬ 3:11

Niˇnaˬbeˬ nawˇ jiˇ baˬ yehꞈ-awˇ, nawˬ-ahˇ muiˇ-eu deuˬ maˬ mawˇ gaˇ, cehˆ zaꞈ-eu lehˇ leh jeh tehꞈ-a.

Aˬmoˆ 8:14

‘Daˬ miˬ yehˇ-euˬ tsawˇ myahˇ uˬ moˆ’ lehˇ hawˇ-eu ‘Beˬlaˇsheˬba miˬ yehˇ-euˬ tsawˇ myahˇ uˬ moˆ’ lehˇ ehˇ ehˇ-ehˇ, Saˬmaˬliˆ meuˬ-ahˇ jaˆ-eu tahˬ pahˬ aˬ ma mawˇ kawˇ deuˬ-ahˇ laꞈ jeuˬ shaˇ-awˇ toˇ-eu tsawˇ haˬ deuˬ coˬ dzeh-awˇ, tiˬ jawˇ-iˬ maˬ paˇ tuˇ laˇ nya-aˇ.”