Yeˬlaˬmiˇ 25:24 - Akha

²⁴ Aˬleˬbyaˇ miˇ kʼahˬ-euˬ sahˬ paˬ dawˬ tawˆ luꞈ hawˇ-eu, kʼaˇ shuiꞈ deh yaˇ miˇ kʼahˬ-ahˇ jawˇ keuˬ jawˇ so luꞈ-eu tsawˇ jeuˬ deuˬ-euˬ sahˬ paˬ dawˬ tawˆ luꞈ,

Yeˬlaˬmiˇ 25:24 Referans Kwoze

2 Laˬsaˬbaˬ 9:14

Baw gaꞈ deuˬ hawˇ-eu jeˬ gaꞈ jeˬ kʼa gʼeh-eu deuˬ neh kawˬ doˆ nehˬ-euˬ deuˬ maˬ gui ahˇ-ehˇ, kʼoeˇ myaˆ ni gʼeh-eu shuiˇ aˬ yawꞈ za-euˬ meh. Aˬleˬbyaˇ sahˬ paˬ deuˬ hawˇ-eu, Iˇsaˬleˬlaˆ miˇ kʼahˬ laꞈ kʼoeˇ jaˆ-eu meuˬ deuˬ-ahˇ uˆ lahˇ-eu yaw huiˬ yaw mahˇ deuˬ kʼawꞈ, aˬ yawꞈ-ahˇ pyuˇ hawˇ-eu shuiˇ yuˇ ha laˇ-eu meh.

Yeˬlaˬmiˇ 25:20

aˬ yawꞈ maꞈ nehˬ-ehˇ kʼaˇ jawˇ-euˬ aˬ cawˬ tsawˇ jeuˬ deuˬ, Uˇzaˆ miˇ kʼahˬ laꞈ kʼoeˇ kʼaˇ jawˇ-eu sahˬ paˬ deuˬ, Piˇliˇtiˆ miˇ kʼahˬ laꞈ kʼoeˇ jaˆ-eu Aˬshaˇgaˬloˇ meuˬ, Gaˬzaˬ meuˬ, Eˇkaˬloˬ meuˬ heu deuˬ-euˬ sahˬ paˬ deuˬ hawˇ-eu, Aˬshaˬdoˇ meuˬ-ahˇ kʼaˇ dzeˇ-eu tsawˇ haˬ deuˬ,

Yeˬsaˬgeˬlaˇ 30:5

“Guiˇ kʼoeˇ poˆ deuˆ-euˬ baˬ da neh, Suˬdaˬ miˇ kʼahˬ Luˇdeˬ miˇ kʼahˬ, Liˆbyaˇ miˇ kʼahˬ, Aˬleˬbyaˇ miˇ kʼahˬ hawˇ-eu Kuˇbaˆ miˇ kʼahˬ-ahˇ jawˇ-eu yehˇ deuˬ ya shiˇ-eu uˬ taꞈ, ngaˬ-euˬ tsawˇ jeuˬ laꞈ kʼoeˇ tiˬ paˆ na deuˬ kʼawꞈ ya shiˇ tehꞈ-a.”

Yeˬlaˬmiˇ 50:37

Mahˬ deuˬ hawˇ-eu mahˬ laˆ lawˬ deuˬ kʼoeˇ taˆ maˬ ehˇ, aˬ yawꞈ neh kuˇ taˬ-euˬ aˬ cawˬ-euˬ yehˇ deuˬ-ahˇ maˬ ehˇ, mi cehˇ bi keuˆ le-awˇ, zaˬ miˬ zaˬ bi pyeuꞈ jiˇ luꞈ-uˇ. Pyuˇ shuiˇ myawˬ gahˬ kʼoeˇ taˆ mi cehˇ bi keuˆ le-awˇ, bi yuˇ geuꞈ jiˇ luꞈ-uˇ.

Yeˬsaˬgeˬlaˇ 27:21

Aˬleˬbyaˇ tsawˇ haˬ deuˬ hawˇ-eu, Geˬdaˬ miˇ kʼahˬ-ahˇ uˆ lahˇ-eu sahˬ paˬ sahˬ ma deuˬ, yawˇ hawˇ-eu ciꞈ myehꞈ deuˬ teh leꞈ-awˇ, nawˬ-euˬ myawˬ paˇ geuꞈ le-eu meh.

Iˇsaˬyaˇ 21:13

Heu-aˬ, Aˬleˬbyaˇ miˇ kʼahˬ-ahˇ taꞈ leˇ-eu Miˬyehˇ-euˬ dawˬ meh. Aˬleˬbyaˇ bawˇ tsahˬ-ahˇ sehˬ gʼawˆ gʼawˆ-awˇ yaꞈ-eu, Deˬdaˬ tsawˇ haˬ baw gaꞈ deuˬ-oˇ,

1 Sahˬpaˬ 10:15

Baw gaꞈ deuˬ neh kawˬ doˆ-euˬ maˬ ahˇ leˇ-ehˇ, jeˬ gaꞈ kʼaˇ gaꞈ jeuˬ-euˬ deuˬ maˬ ehˇ, Aˬleˬbyaˇ sahˬ paˬ deuˬ neh kawˬ doˆ nehˬ-euˬ deuˬ maˬ ehˇ, Iˇsaˬleˬlaˆ miˇ kʼahˬ laꞈ kʼoeˇ biˇ taˬ-euˬ miˇ kʼahˬ kʼahˬ zaˬ deuˬ kʼoeˇ taˆ uˆ lahˇ-eu sahˬ paˬ sahˬ ma deuˬ neh kawˬ doˆ nehˬ-euˬ deuˬ maˬ ehˇ, tiˬ pawꞈ-iˬ maˬ sawˇ ahˇ ni, kʼoeˇ myaˆ ni gʼeh-eu shuiˇ aˬ yawꞈ za taˬ-euˬ meh.