Yeˬlaˬmiˇ 25:22 - Akha

²² Duˇlu miˇ kʼahˬ hawˇ-eu Siˇdoˬ miˇ kʼahˬ-euˬ sahˬ paˬ dawˬ tawˆ luꞈ hawˇ-eu, gʼahˇ ceh-euˬ iˬ ma laˆ shaˆ lawˇ deh caw caw-ehˇ jaˆ-eu miˇ kʼahˬ deuˬ-euˬ sahˬ paˬ deuˬ,

Yeˬlaˬmiˇ 25:22 Referans Kwoze

Yeˬlaˬmiˇ 47:4

Piˇliˇtiˆ-ahˇ laˆ cawˆ nehˬ-eu aˇ yamˬ keuˆ le-euˬ meh. Duˇlu hawˇ-eu Siˇdoˬ meuˬ-ahˇ ngehˬ gʼeh le-eu gaˇ ma, dawˬ tawˆ luꞈ bi deuˆ tsehˆ tehꞈ-a. Gaˬlaˬdeˬ laˆ shaˆ lawˇ deh paw neh jawˇ le-euˬ, Piˇliˇtiˆ tsawˇ haˬ kʼaˇ jawˇ kʼaˇ deuˬ-ahˇ Sahˬpaˬ Miˬyehˇ pyeuꞈ-eu ngaˇ laˆ cawˆ ma.

Yeˬsaˬgeˬlaˇ 32:30

“Kʼoeˇ taˆ miˇ kʼahˬ paw jawˇ-eu sahˬ paˬ zaˬ yo deuˬ dawˬ tawˆ luꞈ kʼoeˇ gaˇ ga-awˇ, Siˇdoˬ tsawˇ haˬ deuˬ kʼawꞈ kʼoeˇ gaˇ ga-eu meh. Yaw beh aˬ yawꞈ maꞈ-euˬ baoˬ-ahˇ aˬ cawˬ guˆ dui dui-euˬ meh. Ehˇ kʼawꞈ, nymˬ-mˇ myaˆ pyawˬ naˇ mehˇ maˬ jaˆ ni, guiˇ deuˆ gaˇ bi sehꞈ-euˬ deuˬ nehˬ-ehˇ tiˬ kawˆ loꞈ-ehˇ, baˆ kʼoˆ mehˬ dzaˬ maˬ yehˬ ni shiˇ-eu miˇ kʼahˬ-ahˇ ga keuˆ taˬ-euˬ meh. Shiˇ-eu miˇ kʼahˬ-ahˇ iˇ-eu deuˬ-ahˇ oꞈ-eu shaꞈ dawˇ-eu jeˬ, aˬ yawꞈ maꞈ kʼoeˇ taˆ keuˆ le-euˬ meh.

Yeˬsaˬgeˬlaˇ 29:18

“Tsawˇ haˬ zaˬ-oˇ, Baˬbuˇloˬ sahˬ paˬ Neˬbuˬkaˬneˬzaˬ Duˇlu meuˬ-ahˇ guiˇ deuˆ le-euˬ meh. Aˬ yawꞈ-euˬ yehˇ deuˬ pi-euˬ myawˬ kah dui dui-eu miˇ neh, uˬ duˬ pi deˬ-awˇ, baꞈ pu yawˆ-iˇ jiˇ-euˬ meh. Kʼoeˇ naˆ naˆ-ehˇ shaˬ-euˬ kawꞈ, sahˬ paˬ hawˇ-eu aˬ yawꞈ-euˬ guiˇ maꞈ gʼaˇ duˬ jiˇ jeuˬ tiˬ jeˬ-iˬ maˬ ahˇ-a.

Yeˬlaˬmiˇ 31:10

Sahˬpaˬ Miˬyehˇ heu loꞈ-ehˇ ehˇ-eu meh. “Miˇ kʼahˬ tsawˇ jeuˬ dawˬ tawˆ luꞈ naˇ haˬ sheˇ. Iˬ ma laˆ shaˆ kʼoeˇ baˬ keuˆ ni ngaˬ-euˬ dawˬ naˬ gaˬ-awˬ. Ngaˬ-euˬ tsawˇ haˬ deuˬ-ahˇ ngaˇ teh byaˆ-euˬ ngeuˇ ma. Ehˇ kʼawꞈ aˬ yawꞈ maꞈ-ahˇ ngaˇ poˆ kʼoꞈ-awˇ, yawˇ bo-eu gʼaˬ yawˇ yawˇ maꞈ-ahˇ haw-eu loꞈ-ehˇ, aˬ yawꞈ maꞈ-ahˇ ngehˬ gʼeh dah teˬ ma.

Yeˬlaˬmiˇ 27:3

Kʼoeˇ naˇ, “Eˬdoˬ sahˬ paˬ Mawˇbaˆ sahˬ paˬ, Aˬmoˬ sahˬ paˬ, Duˇlu sahˬ paˬ hawˇ-eu , Siˇdoˬ sahˬ paˬ kʼoeˇ deuˬ-ahˇ, aˬ yawꞈ maꞈ neh Yeˬluˇsaˬlehˬ meuˬ-ahˇ Zeˬdaˬkiˇ jawˇ gaˇ pyehˬ gʼeh laꞈ-euˬ tsawˇ haˬ deuˬ-ahˇ gʼoe-awˇ, dawˬ tsaꞈ tsaꞈ ahˇ nehˬ-awˬ” lehˇ, aˬ yawꞈ ngaˬ-ahˇ ehˇ-eu meh.

Iˇsaˬyaˇ 23:1

Heu-aˬ, Duˇlu meuˬ-ahˇ taꞈ leˇ-eu Miˬyehˇ-euˬ dawˬ meh. Taˬshiˆ meuˬ-ahˇ jawˇ-eu saˇ baoˬ deuˬ-oˇ, noeˬ shaˬ-awˇ ngoeˇ-awˬ. Duˇlu meuˬ luˬ-iˇ seˇ-iˇ jiˇ-awˇ, nymˇ hawˇ-eu saˇ baoˬ naˬ duˬ maˬ paˇ jaˆ meh. Guˇbaˬluˇ miˇ kʼahˬ-ahˇ neh, gaˇ kawˆ heu gaˬ keuˆ laˇ-euˬ meh.

Iˇsaˬyaˇ 23:4

Siˇdoˬ meuˬ-oˇ, shaꞈ dawˇ dui dui-awˬ. Ziꞈ dah ni gʼeh-awˇ naꞈ dui dui-eu iˬ ma laˆ shaˆ nawˬ-ahˇ maˬ haw nahˇ-eu miˇ neh, “Ngaˇ zaˬ ciˬ zaˬ cu maˬ mˇ haw-ehˇ, aˬ buˇ aˬ li maˬ cu huiˬ haw-aˬ” lehˇ ehˇ-eu meh.

Iˇsaˬyaˇ 23:15

Sahˬ paˬ tiˬ gʼaˬ dehꞈ-eu tiˬ ziˇ, shiꞈ tseˇ kʼoꞈ byah ni Duˇlu meuˬ-ahˇ ya ngehˇ byoˆ-eu aˇ yamˬ keuˆ le tehꞈ-a. Aˇ kʼoꞈ aˇ la kʼoeˇ dzeuˇ-iˇ ngeh, Duˇlu meuˬ-euˬ jawˬ gʼehˇ, caˇ dawˬ laꞈ kʼoeˇ ahˇ-eu meh maˬ laˇ-ahˇ duˇ tehꞈ-a.

Yeˬsaˬgeˬlaˇ 39:6

Maˬgawˇgaˆ miˇ kʼahˬ hawˇ-eu iˬ ma laˆ shaˆ lawˇ deh caw caw-ehˇ jaˆ-eu nui ma saˇ lehˆ ni jawˇ luꞈ-eu miˇ kʼahˬ deuˬ-ahˇ ngaˇ miˬ dzaˬ bi doꞈ laˇ-awˇ, ngaˇ Sahˬpaˬ Miˬyehˇ pyeuꞈ-eu yawˬ gʼaˬ na luꞈ ya siˬ duˬ tehꞈ-a.

Yeˬsaˬgeˬlaˇ 27:27

Nawˬ-euˬ jeˬ gaꞈ myawˬ gahˬ dawˬ tawˆ, nawˬ-ahˇ yeuꞈ-eu tsawˇ haˬ dawˬ tawˆ, nawˬ-euˬ laꞈ saˇ maˇ deuˬ dawˬ tawˆ, nawˬ-euˬ baw gaꞈ dawˬ tawˆ hawˇ-eu, nawˬ-ahˇ dziˬ-eu yehˇ deuˬ dawˬ tawˆ, nawˇ laˆ shaˆ gʼahˇ ceh cawˆ-iˇ ngeh, dawˬ tawˆ luꞈ shiˇ byoˆ jiˇ-euˬ meh.

Yeˬsaˬgeˬlaˇ 28:1

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh.

Yeˬsaˬgeˬlaˇ 28:20

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh.

Yeˬsaˬgeˬlaˇ 28:21

“Tsawˇ haˬ zaˬ-oˇ, Siˇdoˬ meuˬ-ahˇ dawˬ heu deuˬ ciˬ pi nehˬ-awˬ.