Yeˬlaˬmiˇ 25:17 - Akha

¹⁷ Kʼoeˇ naˇ, Sahˬpaˬ Miˬyehˇ ciˬ luꞈ-eu kʼmˬ maˬ kʼoeˇ kʼmˬ ngaˇ ciˬ-awˇ, Sahˬpaˬ Miˬyehˇ neh ngaˬ-ahˇ kʼehˇ gʼeh-euˬ tsawˇ jeuˬ dawˬ tawˆ luꞈ jawˇ gaˇ iˇ-awˇ, ciˬ nehˬ-awˇ bi dawˇ-euˬ ma.

Yeˬlaˬmiˇ 25:17 Referans Kwoze

Yeˬlaˬmiˇ 1:10

Miˇ kʼahˬ tsawˇ jeuˬ dawˬ tawˆ luꞈ kʼoeˇ taˆ, iˬ nah ngaˇ nawˬ-ahˇ baoˬ biꞈ-eu ma. Aˬ yawꞈ maꞈ-ahˇ ngawˬ lehˆ-awˇ deh kʼehꞈ-eu gʼaˇ duˬ maˬ ehˇ, laˆ cawˆ-awˇ teh byoˆ nehˬ-euˬ gʼaˇ duˬ maˬ ehˇ, tsoˆ muiˬ ka muiˬ nehˬ-eu gʼaˇ duˬ maˬ ehˇ, nawˬ-ahˇ ngaˇ baoˬ biꞈ nehˬ-eu ma.”

Yeˬlaˬmiˇ 25:28

Nawˇ ciˬ luꞈ-eu kʼmˬ maˬ kʼoeˇ aˬ yawꞈ maꞈ maˬ dawˇ lehˇ ehˇ naˇ, ‘Naw maꞈ maˬ dawˇ-ehˇ maˬ gʼeh nya-a’ lehˇ Baoˬ huiˬ-eu Sahˬpaˬ Miˬyehˇ ehˇ-eu meh lehˇ, aˬ yawꞈ maꞈ-ahˇ ehˇ nehˬ-awˬ.

Yeˬsaˬgeˬlaˇ 43:3

Nymˬ-mˇ poˆ ngaˇ ya siˬ ya mawˇ-euˬ heu-aˬ, Yeˬluˇsaˬlehˬ meuˬ-ahˇ Miˬyehˇ laˆ cawˆ le ngeh poˆ hawˇ-eu Ceˬbaˬ lawˇ baˬ dawˬ peh mawˇ-euˬ poˆ-ahˇ duˇ-eu meh. Baˬ ba miˇ tsaˬ tuˆ ni ngaˇ awˆ byaˆ-euˬ ma.

Yeˬlaˬmiˇ 27:3

Kʼoeˇ naˇ, “Eˬdoˬ sahˬ paˬ Mawˇbaˆ sahˬ paˬ, Aˬmoˬ sahˬ paˬ, Duˇlu sahˬ paˬ hawˇ-eu , Siˇdoˬ sahˬ paˬ kʼoeˇ deuˬ-ahˇ, aˬ yawꞈ maꞈ neh Yeˬluˇsaˬlehˬ meuˬ-ahˇ Zeˬdaˬkiˇ jawˇ gaˇ pyehˬ gʼeh laꞈ-euˬ tsawˇ haˬ deuˬ-ahˇ gʼoe-awˇ, dawˬ tsaꞈ tsaꞈ ahˇ nehˬ-awˬ” lehˇ, aˬ yawꞈ ngaˬ-ahˇ ehˇ-eu meh.

Yeˬsaˬgeˬlaˇ 3:2

Kʼoeˇ ngeh, ngaˇ kʼaˬ meh mˇ nga-awˇ, aˬ yawꞈ ngaˬ-ahˇ sahˬ boꞈ paˇ yoˆ kʼoeˇ yoˆ bi dzaˬ laꞈ-euˬ meh.

Haˬbaˬkuˆ 2:16

Nawˇ jiˇ baˬ yehꞈ yehꞈ-ehˇ teuˆ-awˇ, aˬ cawˬ maˬ taˬ huiˬ-eu uˬ taꞈ, daˬ ga-awˇ ya shaꞈ dawˇ tehꞈ-a. Sahˬpaˬ Miˬyehˇ laꞈ maˇ laꞈ-ahˇ, ciˬ-eu kʼmˬ maˬ nawˇ ya dawˇ-awˇ, aˇ dzehˬ dzeuˇ ni daˬ ga tehꞈ-a.

Yeˬlaˬmiˇ 25:9

Laꞈ taˆ paw miˇ kʼahˬ-ahˇ jawˇ-eu tsawˇ haˬ dawˬ tawˆ luꞈ hawˇ-eu, Baˬbuˇloˬ sahˬ paˬ pyeuꞈ-eu ngaˬ-euˬ zaˬ kʼaˆ Neˬbuˬkaˬneˬzaˬ-ahˇ ngaˇ kuˇ uiˬ ma. Yuˇdaˆ miˇ kʼahˬ hawˇ-eu kʼoeˇ gaˇ kʼaˇ jawˇ-eu tsawˇ haˬ dawˬ tawˆ luꞈ-ahˇ maˬ ehˇ, dawˬ peh jawˇ-eu tsawˇ jeuˬ deuˬ-ahˇ maˬ ehˇ, guiˇ bi deuˆ-eu gʼaˇ duˬ tsawˇ haˬ kʼoeˇ deuˬ-ahˇ ngaˇ pyehˬ gʼeh leꞈ ma. Miˇ kʼahˬ heu kʼahˬ hawˇ-eu dawˬ peh jaˆ-eu miˇ kʼahˬ deuˬ-ahˇ ngaˇ laˆ cawˆ-awˇ, tsawˬ guˆ-iˇ paˬ-ehˇ bi jaˆ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.

Yeˬsaˬgeˬlaˇ 29:2

“Tsawˇ haˬ zaˬ-oˇ, Iˇjiˇtuˆ sahˬ paˬ-ahˇ dawˬ heu deuˬ ciˬ pi nehˬ-awˬ. Aˬ yawꞈ hawˇ-eu Iˇjiˇtuˆ miˇ kʼahˬ kʼahˬ lah ni, kʼehˬ-eu kʼaˆ-eu jeˬ-ahˇ ya daˬ meh lehˇ ehˇ nehˬ-awˬ.