Yeˬlaˬmiˇ 25:16 - Akha

¹⁶ Aˬ yawꞈ maꞈ kʼmˬ maˬ heu kʼmˬ ciˬ dawˇ ngeh, yehꞈ leˇ-awˇ coˬ coˬ-ehˇ cah-eu laꞈ kʼoeˇ, nui ma-ahˇ maˬ noeˬ ni pyeuꞈ-iˇ tehꞈ-a. Aˬ jeˬ miˇ neh ehˇ naˇ, aˬ yawꞈ maꞈ kʼoeˇ taˆ, guiˇ deuˆ-eu jeˬ ngaˇ bi keuˆ le luꞈ-eu ma.”

Yeˬlaˬmiˇ 25:16 Referans Kwoze

Naˬhmˬ 3:11

Niˇnaˬbeˬ nawˇ jiˇ baˬ yehꞈ-awˇ, nawˬ-ahˇ muiˇ-eu deuˬ maˬ mawˇ gaˇ, cehˆ zaꞈ-eu lehˇ leh jeh tehꞈ-a.

Yeˬlaˬmiˇ 51:7

Baˬbuˇloˬ miˇ kʼahˬ-aˬ, ngaˬ-euˬ aˬ laꞈ-ahˇ ciˬ luꞈ-eu shuiˇ kʼmˬ maˬ-ahˇ duˇ-eu ma. Kʼmˬ maˬ kʼoeˇ miˇ tsaˬ dawˬ tawˆ luꞈ-ahˇ bi yehꞈ leˇ-eu meh. Miˇ kʼahˬ tsawˇ jeuˬ deuˬ kʼoeˇ gaˇ dahˬ-eu aˬ gaꞈ dzaˇ uiˇ dawˇ-awˇ, nui ma-ahˇ maˬ noeˬ ni pyeuꞈ jiˇ-euˬ meh.

Panmaeq 18:3

Aˬ jeˬ miˇ neh ehˇ naˇ, miˇ kʼahˬ tsawˇ jeuˬ dawˬ tawˆ luꞈ taˆ dui dui-eu aˬ gaꞈ dzaˇ uiˇ dawˇ yehꞈ-euˬ loꞈ-ehˇ, aˬ yawꞈ nehˬ-ehˇ joe-eu jeˬ-ahˇ dawˇ yehꞈ jiˇ-awˇ, miˇ tsaˬ kʼoeˇ taˆ jeˬ gaꞈ jeˬ ka mˇ-eu tsawˇ haˬ deuˬ aˬ yawꞈ-euˬ byawˬ gʼa mo gʼa-eu pyuˇ shuiˇ myawˬ gahˬ baˬ da neh smˇ muiˬ muiˬ laˇ jiˇ-euˬ meh.”

Panmaeq 14:10

Miˬyehˇ-euˬ nui ma pehˇ-eu kʼmˬ maˬ laꞈ kʼoeˇ, taˆ dui dui-eu Miˬyehˇ nui ma pehˇ-eu aˬ gaꞈ dzaˇ uiˇ ya dawˇ tehꞈ-a. Kʼoeˇ loꞈ-ehˇ gʼeh-eu tsawˇ haˬ dawˬ tawˆ luꞈ, muiˬ-eu shawˇ-eu mˬ taˆ gʼaˬ kʼehˇ deuˬ hawˇ-eu Yawˇzaˬ-euˬ mehˬ shi, miˬ dzaˬ hawˇ-eu miˬ dzaˇ dzaˇ shuiˇ neh kʼehˬ nehˬ gaˇ ya daˬ tehꞈ-a.

Ngoeˇ dawˬ 4:21

Eˬdoˬ miˇ kʼahˬ zaˬ deuˬ hawˇ-eu, Uˇzaˆ miˇ kʼahˬ tsawˇ haˬ deuˬ-oˇ, naw maꞈ uiˇ nya ngeh uiˇ tawˬ-awˬ. Naw maꞈ gʼeh shaˬ zahˬ ya mˇ-awˇ, neˇ myawˆ ni ya shaꞈ dawˇ-eu jeˬ, gʼawˬ myahˇ maˬ gʼeh-ehˇ keuˆ le meh.

Yeˬlaˬmiˇ 51:39

Aˬ yawꞈ maꞈ aˇ dzehˬ-ehˇ smˇ ta loˇ. Aˬ yawꞈ maꞈ gʼaˇ duˬ ngaˇ dzaˬ byawˇ shaˇ dahˇ nehˬ-awˇ, bi dzaˬ bi dawˇ yehꞈ-awˇ laˬ kʼaˬ bi cehˇ ma. Aˬ yawꞈ maꞈ yuꞈ kʼaˆ-awˇ, tiˬ jawˇ-iˬ maˬ paˇ noeˬ laˇ-aˇ.

Yeˬlaˬmiˇ 25:27

Kʼoeˇ naˇ, Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Tsawˇ haˬ kʼoeˇ deuˬ-ahˇ heu loꞈ-ehˇ ehˇ nehˬ-awˬ. Aˬ yawꞈ maꞈ kʼmˬ maˬ kʼoeˇ ciˬ dawˇ-awˇ, dawˇ yehꞈ-eu miˇ neh uˬ pehꞈ pehꞈ-eu uˬ taꞈ, coˬ-iˇ-awˇ maˬ tuˇ laˇ nya-ehˇ pyeuꞈ-iˇ ngeh keuˆ ni ya dawˇ meh lehˇ, Iˇsaˬleˬlaˆ-euˬ Miˬyehˇ baoˬ huiˬ-eu Sahˬpaˬ Miˬyehˇ pyeuꞈ-eu ngaˇ, aˬ yawꞈ maꞈ-ahˇ dawˬ biꞈ-eu ma. Aˬ jeˬ miˇ neh ehˇ naˇ, aˬ yawꞈ maꞈ kʼoeˇ taˆ guiˇ deuˆ-eu jeˬ bi keuˆ le luꞈ-eu ma.

Panmaeq 14:8

Mˬ taˆ gʼaˬ kʼehˇ nyiˬ gʼaˬ tiˬ gʼaˬ, mˬ taˆ gʼaˬ kʼehˇ yaw beh gʼaˬ-euˬ mehˬ nah caw teh-awˇ ehˇ-eu, “Aˬ yawꞈ coˬ dzeh-euˬ meh. Huiˬ dui dui-eu Baˬbuˬloˬ meuˬ coˬ dzeh-euˬ meh. Aˬ yawꞈ-euˬ taˆ dui dui-eu kʼaˬ miˬ sheu-eu aˬ gaꞈ dzaˇ uiˇ kʼoeˇ, tsawˇ jeuˬ dawˬ tawˆ luꞈ-ahˇ aˬ yawꞈ bi dawˇ-euˬ meh.”

Ngoeˇ dawˬ 3:15

Jaˆ gaˆ yaw kʼaˬ bi dzaˬ laꞈ-awˇ, pyaˬ kuiˇ bi dawˇ nehˬ laꞈ-euˬ meh.

Aaˇbaˬdiˇ 1:16

Ngaˬ-euˬ shawˇ-eu gawˬ duˇ kʼoeˇ taˆ, kʼehˬ-eu kʼaˆ-eu kʼmˬ maˬ yaw kʼaˬ, ngaˬ-euˬ tsawˇ haˬ deuˬ dawˇ-euˬ meh. Ehˇ kʼawꞈ, jawˬ jawˬ-ehˇ kʼaˇ jawˇ-eu, tsawˇ jeuˬ kʼoeˇ deuˬ dawˬ tawˆ luꞈ kʼawꞈ, kʼoeˇ naˆ maˬ tseˇ kʼaˬ dui dui-eu, kʼehˬ-eu kʼaˆ-eu kʼmˬ maˬ dawˇ-awˇ, dawˬ tawˆ luꞈ ya myoꞈ ahˇ jiˇ-awˇ, ya shiˇ byoˆ jiˇ gaˇ keuˆ tehꞈ-a.

Yeˬlaˬmiˇ 13:12

Sahˬpaˬ Miˬyehˇ pyeuꞈ-eu Miˬyehˇ ngaˬ-ahˇ heu loꞈ-ehˇ ehˇ-eu meh. “Yeˬlaˬmiˇ-oˇ, aˬ gaꞈ dzaˇ uiˇ ciˬ cuˇ yawˬ siˬ na luꞈ-ahˇ, aˬ gaꞈ dzaˇ uiˇ ya shehˆ byah taˬ meh lehˇ, Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ. Kʼoeˇ ngeh, ‘Aˬ gaꞈ dzaˇ uiˇ ciˬ cuˇ yawˬ siˬ na luꞈ-ahˇ aˬ gaꞈ dzaˇ uiˇ ya shehˆ byah meh lehˇ, nga maꞈ siˬ nya ma’ lehˇ, aˬ yawꞈ maꞈ ehˇ laˇ tehꞈ-a.

Yeˬlaˬmiˇ 13:14

Kʼoeˇ naˇ, ciˬ cuˇ tiˬ siˬ tiˇ siˬ biˬ paˆ-eu loꞈ-ehˇ, zaˬ huiˬ zaˬ nyiˇ maˬ tsehˇ ni aˬ yawꞈ maꞈ-ahˇ ngaˇ jahˇ nehˬ ma. Aˬ yawꞈ maꞈ-ahˇ ngaˇ sehꞈ ngeh, gʼawˬ shaˬ gaˬ-eu jeˬ neh laˆ tsoeˬ le kʼawꞈ, maˬ laˆ tsoeˬ nya-aˇ.”

Yeˬlaˬmiˇ 45:5

Nawˬ-ahˇ muiˬ laˇ-eu jeˬ-ahˇ nawˇ poˆ te loˇ. Kʼoeˇ loꞈ-ehˇ taˬ gʼeh. Tsawˇ haˬ dawˬ tawˆ luꞈ kʼoeˇ taˆ, luˬ-iˇ seˇ-iˇ-eu jeˬ ngaˇ bi keuˆ le ma. Ehˇ kʼawꞈ, nawˇ aˬ geu gaˇ jawˇ-eu maˬ kaˬ, maˬ ya shiˇ ni dzeuˇ-iˇ tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 48:26

Sahˬpaˬ Miˬyehˇ heu loꞈ-ehˇ ehˇ-eu meh. “Mawˇbaˆ miˇ kʼahˬ ngaˬ-ahˇ puiˬ-euˬ miˇ neh, aˬ gaꞈ dzaˇ uiˇ bi dawˇ yehꞈ-awˬ. Mawˇbaˆ-aˬ, yawˬ ha uˬ pehꞈ pehꞈ taˬ-euˬ gaˇ yawˬ ha mahˬ poˆ poˆ lehꞈ-awˇ, aˬ cawˬ bi uiˇ tehꞈ-a.