Yeˬlaˬmiˇ 25:15 - Akha

¹⁵ Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Ngaˇ nui ma pehˇ-eu jeˬ tiˬ byah ni dahˬ-eu aˬ gaꞈ dzaˇ uiˇ kʼmˬ maˬ heu kʼmˬ-ahˇ haw sheˇ. Ngaˇ nawˬ-ahˇ kʼaˇ kʼehˇ gʼeh-euˬ tsawˇ jeuˬ dawˬ tawˆ luꞈ jawˇ gaˇ kʼmˬ maˬ heu ciˬ gʼeh-awˇ bi dawˇ-awˬ.

Yeˬlaˬmiˇ 25:15 Referans Kwoze

Jaceuq 75:8

Sahˬpaˬ Miˬyehˇ-euˬ aˬ laꞈ-ahˇ kʼmˬ maˬ tiˬ kʼmˬ ciˬ luꞈ-awˇ, aˬ yawꞈ-euˬ nui ma pehˇ-eu jeˬ pyeuꞈ-eu taˆ dui dui-eu aˬ gaꞈ dzaˇ uiˇ shehˆ ahˇ taˬ-euˬ meh. Aˬ gaꞈ dzaˇ uiˇ kʼoeˇ aˬ yawꞈ shehˆ kʼaˇ ngeh, haiˬ-eu tsawˇ haˬ dawˬ tawˆ luꞈ dawˇ-eu meh. Tiˬ dzaˆ-iˬ maˬ bi dzeˇ ni dawˇ jiˇ-eu meh.

Iˇsaˬyaˇ 51:17

Yeˬluˇsaˬlehˬ-oˇ, noeˬ laˇ-awˬ. Mˇ zoˇ-awˇ tuˇ laˇ-awˬ. Sahˬpaˬ Miˬyehˇ nui ma pehˇ laˇ-awˇ ciˬ nehˬ-euˬ, kʼehˬ-euˬ kʼaˆ-euˬ kʼmˬ maˬ nawˇ ya ciˬ shuˆ-euˬ meh. Kʼmˬ maˬ kʼoeˇ dawˇ jiˇ-euˬ miˇ neh, nawˇ kuiˇ toꞈ maˬ ciˬ tsaˬ nya-a.

Panmaeq 14:10

Miˬyehˇ-euˬ nui ma pehˇ-eu kʼmˬ maˬ laꞈ kʼoeˇ, taˆ dui dui-eu Miˬyehˇ nui ma pehˇ-eu aˬ gaꞈ dzaˇ uiˇ ya dawˇ tehꞈ-a. Kʼoeˇ loꞈ-ehˇ gʼeh-eu tsawˇ haˬ dawˬ tawˆ luꞈ, muiˬ-eu shawˇ-eu mˬ taˆ gʼaˬ kʼehˇ deuˬ hawˇ-eu Yawˇzaˬ-euˬ mehˬ shi, miˬ dzaˬ hawˇ-eu miˬ dzaˇ dzaˇ shuiˇ neh kʼehˬ nehˬ gaˇ ya daˬ tehꞈ-a.

Yawˇbaˆ 21:20

Iˬ baˇ mˇ-eu tsawˇ haˬ deuˬ yawˬ ha-euˬ iˬ baˇ yawˬ ha pi luꞈ-uˇ. Baoˬ huiˬ-eu Miˬyehˇ nui ma pehˇ-eu jeˬ-ahˇ aˬ yawꞈ maꞈ ya daˬ luꞈ-uˇ.

Iˇsaˬyaˇ 51:22

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ, naw maꞈ-ahˇ kʼahˇ kʼoꞈ-awˇ heu loꞈ-ehˇ ehˇ-eu meh. “Ngaˇ nui ma pehˇ ngeh ciˬ nehˬ-euˬ, kʼmˬ maˬ kʼoeˇ ngaˇ ciˬ kʼoꞈ-eu ma. Nawˬ-ahˇ gaˇ ma maˬ cah gahˇ nya ni bi shaˬ-euˬ, kʼmˬ maˬ kʼoeˇ nawˇ tiˬ jawˇ-iˬ maˬ paˇ ya dawˇ meh.

Panmaeq 14:19

Kʼoeˇ ngeh, mˬ taˆ gʼaˬ kʼehˇ kʼoeˇ gʼaˬ aˬ yawꞈ-euˬ yehˬ kʼoꞈ neh miˇ tsaˬ kʼoeˇ taˆ diˬ lahˇ-awˇ, aˬ gaꞈ yaˇ kmˇ-ahˇ aˬ gaꞈ aˇ puˇ pyehˆ-awˇ, Miˬyehˇ nui ma pehˇ-eu aˬ gaꞈ dzaˇ uiˇ nawˬ duˬ-ahˇ biˬ ahˇ-euˬ meh.

Yeˬlaˬmiˇ 51:7

Baˬbuˇloˬ miˇ kʼahˬ-aˬ, ngaˬ-euˬ aˬ laꞈ-ahˇ ciˬ luꞈ-eu shuiˇ kʼmˬ maˬ-ahˇ duˇ-eu ma. Kʼmˬ maˬ kʼoeˇ miˇ tsaˬ dawˬ tawˆ luꞈ-ahˇ bi yehꞈ leˇ-eu meh. Miˇ kʼahˬ tsawˇ jeuˬ deuˬ kʼoeˇ gaˇ dahˬ-eu aˬ gaꞈ dzaˇ uiˇ dawˇ-awˇ, nui ma-ahˇ maˬ noeˬ ni pyeuꞈ jiˇ-euˬ meh.

Jaceuq 11:6

Miˬlmˇdoˆ-eu miˬjiˆhawˇ-eu, miˬdzaˬdoꞈ-eu miˬdzaˇdzaˇshuiˇ, tsawˇdoeˇkʼoeˇtaˆtahˬdaˆleꞈ-awˇ, lahˇdui dui-eu jaˬlehˇbaw-awˇ, aˬyawꞈmaꞈ-ahˇkʼehˬnehˬ-eu meh.

Jaceuq 60:3

Nawˬ-euˬ tsawˇ haˬ deuˬ ya shaˬ ya zahˬ dui dui ni, nawˇ jahˇ nehˬ laꞈ-euˬ meh. Jiˇ baˬ dawˇ yehꞈ-awˇ shaˬ-eu loꞈ-ehˇ, nga maꞈ coˬ coˬ-ehˇ cah-eu ma.

Iˇsaˬyaˇ 51:23

Naw maꞈ-ahˇ gaˇ ma doe ni bi ga-awˇ, kʼaˬ lehˇ-ahˇ nawˬ-eu loꞈ-ehˇ naw maꞈ kʼoeˇ taˆ nawˬ-awˇ cah-eu, naw maꞈ-ahˇ kʼehˬ-eu tsawˇ haˬ kʼoeˇ deuˬ-ahˇ, kʼmˬ maˬ kʼoeˇ ngaˇ ciˬ nehˬ-awˇ bi dawˇ ma.”

Yeˬlaˬmiˇ 1:5

“Nawˬ ma-euˬ uˬ maˆ laꞈ kʼoeˇ nawˇ maˬ tsehˆ leˇ mi naˆ-ehˇ nawˬ-ahˇ ngaˇ siˬ nya-awˇ, nawˇ maˬ dehꞈ doˆ le mi naˆ-ehˇ, miˇ kʼahˬ tsawˇ jeuˬ dawˬ tawˆ luꞈ-ahˇ, ngaˬ-euˬ gʼaˇ duˬ bi ngehˬ dah-eu gʼaˇ duˬ, nawˬ-ahˇ ngaˇ tseˇ doˆ taˬ-euˬ ma.”

Yeˬlaˬmiˇ 43:11

Neˬbuˬkaˬneˬzaˬ oe-awˇ, Iˇjiˇtuˆ miˇ kʼahˬ-ahˇ deuˆ gʼaˬ tehꞈ-a. Naˇ gawˇ gawˇ sehꞈ-eu jeˬ oꞈ-eu tsawˇ haˬ deuˬ-ahˇ naˇ gawˇ bi gawˇ sehꞈ-awˇ, bi paꞈ byoˆ gʼeh-eu jeˬ oꞈ-eu tsawˇ haˬ deuˬ-ahˇ bi paꞈ byoˆ gʼeh-awˇ, guiˇ deuˆ gaˇ bi deuˆ sehꞈ-eu jeˬ oꞈ-eu tsawˇ haˬ deuˬ-ahˇ, guiˇ bi deuˆ sehꞈ tehꞈ-a.

Yeˬlaˬmiˇ 46:1

Miˇ kʼahˬ tsawˇ jeuˬ deuˬ-ahˇ taꞈ leˇ-awˇ, Sahˬpaˬ Miˬyehˇ-euˬ dawˬ ngaˇ jawˇ gaˇ keuˆ le-euˬ meh.

Yeˬlaˬmiˇ 48:26

Sahˬpaˬ Miˬyehˇ heu loꞈ-ehˇ ehˇ-eu meh. “Mawˇbaˆ miˇ kʼahˬ ngaˬ-ahˇ puiˬ-euˬ miˇ neh, aˬ gaꞈ dzaˇ uiˇ bi dawˇ yehꞈ-awˬ. Mawˇbaˆ-aˬ, yawˬ ha uˬ pehꞈ pehꞈ taˬ-euˬ gaˇ yawˬ ha mahˬ poˆ poˆ lehꞈ-awˇ, aˬ cawˬ bi uiˇ tehꞈ-a.

Yeˬlaˬmiˇ 49:12

“Kʼehˬ-eu kʼaˆ-eu jeˬ-ahˇ ya daˬ paˬ-ehˇ maˬ gʼeh-eu tsawˇ haˬ deuˬ kʼawꞈ kʼehˬ-eu kʼaˆ-eu kʼmˬ maˬ ya ciˬ dawˇ gaˇ keuˆ-euˬ-aˬ, naw maꞈ dzeuˇ-iˇ nya ma lehˇ noeˬ te loˇ. Maˬ dzeuˇ-iˇ nya-a. Naw maꞈ kʼawꞈ kʼehˬ-eu kʼaˆ-eu kʼmˬ maˬ ya ciˬ dawˇ meh.

Yeˬsaˬgeˬlaˇ 23:32

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nawˬ-euˬ aˬ yuiꞈ neh dawˇ dzeuˇ-euˬ, huiˬ-eu naꞈ-eu kʼmˬ maˬ kʼoeˇ kʼmˬ, nawˇ ciˬ-awˇ paˇ dawˇ poˆ tehꞈ-a. Kʼmˬ maˬ tiˬ byah dahˬ-eu miˇ neh, aˬ cawˬ nawˬ-ahˇ naˬ gʼa tehꞈ-a.

Yeˬsaˬgeˬlaˇ 23:33

Aˬ yuiꞈ Saˬmaˬliˆ-euˬ kʼmˬ maˬ, guˆ gaˆ hawˇ-eu yaw cawˆ dahˬ-eu nawˇ dawˇ yehꞈ-awˇ noeˬ shaˬ tehꞈ-a.

Yeˬsaˬgeˬlaˇ 29:12

Iˇjiˇtuˆ miˇ kʼahˬ-ahˇ, miˇ tsaˬ kʼoeˇ taˆ aˬ cawˬ naˆ maˬ tseˇ cawˆ-iˇ-euˬ miˇ kʼahˬ bi pyeuꞈ-iˇ ma. Iˇjiˇtuˆ meuˬ deuˬ oeˬ tseˇ kʼoꞈ keuˆ ni cawˆ-iˇ-awˇ jaˆ tehꞈ-a. Cawˆ-iˇ-eu kʼoeˇ-aˬ, miˇ tsaˬ kʼoeˇ taˆ maˬ puˬ maˬ mawˇ haw-euˬ cawˆ-iˇ-eu jeˬ pyeuꞈ tehꞈ-a. Iˇjiˇtuˆ tsawˇ haˬ deuˬ bi cehˆ byaˆ jiˇ-awˇ, aˬ cawˬ miˇ kʼahˬ doe ni bi jawˇ byaˆ jiˇ ma.”

Yeˬsaˬgeˬlaˇ 36:5

“Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ nui ma pehˇ dui dui-eu laꞈ kʼoeˇ, dawˬ peh jawˇ-eu tsawˇ jeuˬ deuˬ-ahˇ heu loꞈ-ehˇ ehˇ-eu ma. Eˬdoˬ miˇ kʼahˬ-ahˇ ngaˇ kʼaˆ kʼaˆ ni ehˇ mawꞈ-eu ma. Aˬ yawꞈ maꞈ myaˆ naˆ-eu laꞈ kʼoeˇ, ngaˬ-euˬ miˇ kʼahˬ deuˆ geuꞈ-awˇ, jeˬ zaˬ gaˆ kʼahˬ yuˇ geuꞈ-euˬ meh.

Aaˇbaˬdiˇ 1:16

Ngaˬ-euˬ shawˇ-eu gawˬ duˇ kʼoeˇ taˆ, kʼehˬ-eu kʼaˆ-eu kʼmˬ maˬ yaw kʼaˬ, ngaˬ-euˬ tsawˇ haˬ deuˬ dawˇ-euˬ meh. Ehˇ kʼawꞈ, jawˬ jawˬ-ehˇ kʼaˇ jawˇ-eu, tsawˇ jeuˬ kʼoeˇ deuˬ dawˬ tawˆ luꞈ kʼawꞈ, kʼoeˇ naˆ maˬ tseˇ kʼaˬ dui dui-eu, kʼehˬ-eu kʼaˆ-eu kʼmˬ maˬ dawˇ-awˇ, dawˬ tawˆ luꞈ ya myoꞈ ahˇ jiˇ-awˇ, ya shiˇ byoˆ jiˇ gaˇ keuˆ tehꞈ-a.

Haˬbaˬkuˆ 2:16

Nawˇ jiˇ baˬ yehꞈ yehꞈ-ehˇ teuˆ-awˇ, aˬ cawˬ maˬ taˬ huiˬ-eu uˬ taꞈ, daˬ ga-awˇ ya shaꞈ dawˇ tehꞈ-a. Sahˬpaˬ Miˬyehˇ laꞈ maˇ laꞈ-ahˇ, ciˬ-eu kʼmˬ maˬ nawˇ ya dawˇ-awˇ, aˇ dzehˬ dzeuˇ ni daˬ ga tehꞈ-a.

Jaceuq 75:9

Ehˇ kʼawꞈ, Yaˬkoˆ-euˬ Miˬyehˇ gaˇ kawˆ maˬ naˬ leˇ ni ngaˇ ja-awˇ, maˬ tsehˆ leˇ ni caˇ-awˇ ja ceuˬ ma.

Iˇsaˬyaˇ 14:26

Miˇ tsaˬ dawˬ tawˆ luꞈ kʼoeˇ taˆ heu loꞈ-ehˇ keuˆ le ni, ngaˇ noeˬ tsehˆ taˬ-euˬ ma. Tsawˇ jeuˬ dawˬ tawˆ luꞈ-ahˇ kʼehˬ-eu gʼaˇ duˬ, ngaˇ aˬ laꞈ cawˬ ja taˬ-euˬ ma.”

Iˇsaˬyaˇ 34:2

Tsawˇ jeuˬ dawˬ tawˆ luꞈ-ahˇ Sahˬpaˬ Miˬyehˇ nui ma pehˇ-awˇ, guiˇ maꞈ dawˬ tawˆ luꞈ-ahˇ aˬ yawꞈ nui ma daˆ luꞈ-eu meh. Aˬ yawꞈ maꞈ-ahˇ aˬ yawꞈ laˆ cawˆ nehˬ-awˇ, bi sehꞈ byoˆ jiˇ tehꞈ-a.

Yeˬlaˬmiˇ 36:2

“Shaˬ kʼoˆ paˇ yoˆ tiˬ yoˆ yuˇ-awˇ, Iˇsaˬleˬlaˆ miˇ kʼahˬ, Yuˇdaˆ miˇ kʼahˬ hawˇ-eu, miˇ kʼahˬ nui deuˬ dawˬ tawˆ luꞈ gaˇ kawˆ, ngaˬ neh nawˬ-ahˇ kʼaˇ ehˇ nehˬ-euˬ jeˬ boꞈ ahˇ taˬ-awˬ. Yawˇshiˆ sahˬ paˬ geuꞈ ngeh neh dahˬ beh-awˇ, iˬ nah keuˆ ni ngaˬ neh kʼaˇ ehˇ taˬ-euˬ jeˬ dawˬ tawˆ luꞈ boꞈ ahˇ taˬ-awˬ.

Yeˬlaˬmiˇ 45:5

Nawˬ-ahˇ muiˬ laˇ-eu jeˬ-ahˇ nawˇ poˆ te loˇ. Kʼoeˇ loꞈ-ehˇ taˬ gʼeh. Tsawˇ haˬ dawˬ tawˆ luꞈ kʼoeˇ taˆ, luˬ-iˇ seˇ-iˇ-eu jeˬ ngaˇ bi keuˆ le ma. Ehˇ kʼawꞈ, nawˇ aˬ geu gaˇ jawˇ-eu maˬ kaˬ, maˬ ya shiˇ ni dzeuˇ-iˇ tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”