Yeˬlaˬmiˇ 25:14 - Akha

¹⁴ Baˬbuˇloˬ tsawˇ jeuˬ neh kʼaˇ mˇ-euˬ jeˬ aˇ poeˬ, dziˇ dzoˆ bi tsoeˬ poˆ ma. Tsawˇ jeuˬ gʼawˬ mya jeuˬ hawˇ-eu, tsawˇ myahˇ doˆ-eu sahˬ paˬ gʼawˬ mya gʼaˬ-euˬ laꞈ oˆ, aˬ yawꞈ maꞈ-ahˇ zaˬ kʼaˆ bi geuꞈ ma.”

Yeˬlaˬmiˇ 25:14 Referans Kwoze

Yeˬlaˬmiˇ 51:6

Baˬbuˇloˬ miˇ kʼahˬ-ahˇ neh cehˆ doˆ-awˬ. Uˬ kʼawˇ buˬ ni cehˆ-awˬ. Baˬbuˇloˬ miˇ kʼahˬ-euˬ iˬ baˇ baˬ da neh shiˇ gaˇ taˬ bi keuˆ. Miˇ kʼahˬ kʼoeˇ kʼahˬ-ahˇ oꞈ-eu geuˇ-eu loꞈ-ehˇ, nymˬ-mˇ ngaˇ kʼehˬ nehˬ luꞈ-eu ma.

Yeˬlaˬmiˇ 50:9

Laꞈ taˆ paw pyawˬ-ahˇ jawˇ-eu gʼaˬ kʼaˆ-eu tsawˇ jeuˬ deuˬ-ahˇ ngaˇ laˆ luˆ-awˇ, Baˬbuˇloˬ miˇ kʼahˬ-ahˇ guiˇ bi deuˆ le ma. Baˬbuˇloˬ miˇ kʼahˬ mehˬ shi aˬ yawꞈ maꞈ guiˇ daˬ daˬ cehˆ gʼeh-awˇ, deuˆ gʼaˬ tehꞈ-a. Aꞈ yawꞈ maꞈ guiˇ deuˆ-eu nya dui dui-awˇ, kaˆ beuˆ-eu tiˬ laꞈ-iˬ maˬ lehˬ-iˇ-a.

Yeˬlaˬmiˇ 27:7

Tsawˇ jeuˬ dawˬ tawˆ luꞈ aˬ yawꞈ-euˬ zaˬ kʼaˆ ya geuꞈ tehꞈ-a. Aˬ yawꞈ-euˬ miˇ kʼahˬ maˬ cawˆ-iˇ kʼoeˇ keuˆ ni , aˬ yawꞈ-euˬ zaˬ ziˇ hawˇ-eu oeˬ paˬ oeˬ ma ziˇ-ahˇ keuˆ ni, aˬ yawꞈ maꞈ zaˬ kʼaˆ ya geuꞈ tehꞈ-a. Kʼoeˇ naˇ, aˬ yawꞈ-euˬ miˇ kʼahˬ-aˬ, baoˬ huiˬ-eu tsawˇ jeuˬ deuˬ hawˇ-eu, huiˬ-eu sahˬ paˬ deuˬ-euˬ zaˬ kʼaˆ paˇ ya geuꞈ poˆ tehꞈ-a.

Yeˬlaˬmiˇ 50:41

“Laꞈ taˆ pyawˬ-ahˇ jaˆ-eu miˇ kʼahˬ-ahˇ neh, tsawˇ haˬ zaˬ yoeˇ ka leꞈ tehꞈ-a. Huiˬ-eu miˇ kʼahˬ hawˇ-eu sahˬ paˬ tiˬ deuˬ, guiˇ deuˆ-eu lehˇ lehˬ hmˬ luꞈ meh.

Daˬyeˬlaˇ 5:28

PEˬLEˬ lehˇ ehˇ-eu-aˬ, biˇ paˆ gaˇ ehˇ-eu meh. Dawˬ tsuiꞈ-aˬ, nawˬ-euˬ miˇ kʼahˬ deuˆ paˆ biˇ paˆ-awˇ, Meˬdiˇ tsawˇ jeuˬ hawˇ-eu Paˇshaˇ tsawˇ jeuˬ-ahˇ biꞈ nehˬ gaˇ ehˇ mawꞈ-eu meh.”

Iˇsaˬyaˇ 66:6

Meuˬ-ahˇ lawꞈ gʼa luꞈ-eu teˇ saˇ hawˇ-eu Uˬ duˬ tahˬ nymˇ nymˇ ma laꞈ kʼoeˇ guˇ-eu teˇ saˇ-ahˇ naˇ haˬ sheˇ. Muiˇ-eu deuˬ-ahˇ Sahˬpaˬ Miˬyehˇ kʼehˬ luꞈ-eu teˇ saˇ meh.

Iˇsaˬyaˇ 14:2

Iˇsaˬleˬlaˆ tsawˇ haˬ deuˬ aˬ yawꞈ maꞈ-euˬ miˇ kʼahˬ laꞈ kʼoeˇ gʼoꞈ jawˇ leˇ nya ni, tsawˇ jeuˬ gʼawˬ mya jeuˬ aˬ yawꞈ maꞈ-ahˇ caw ba nehˬ-awˇ, tsawˇ jeuˬ kʼoeˇ deuˬ Iˇsaˬleˬlaˆ miˇ kʼahˬ laꞈ kʼoeˇ aˬ yawꞈ maꞈ-euˬ zaˬ kʼaˆ geuꞈ laˇ tehꞈ-a. Yaw beh aˬ yawꞈ maꞈ-ahˇ deuˆ gʼaˬ-euˬ tsawˇ haˬ deuˬ-ahˇ aˬ yawꞈ maꞈ paˇ deuˆ gʼaˬ-awˇ, aˬ yawꞈ maꞈ-ahˇ kʼehˬ-euˬ tsawˇ haˬ deuˬ kʼoeˇ taˆ, aˬ yawꞈ maꞈ paˇ uˆ lahˇ tehꞈ-a.

Jaceuq 137:8

Baˬbuˇloˬ meuˬ-oˇ, nawˇ ya luˬ ya seˇ-iˇ tehꞈ-a. Nawˬ neh nga maꞈ-ahˇ jahˇ nehˬ laꞈ-euˬ loꞈ-ehˇ, nawˬ-ahˇ paˇ jahˇ kʼoꞈ nehˬ-eu tsawˇ haˬ guiˬ lahˬ huiˬ tehꞈ-a.

Hawˇseˬ 9:7

Oꞈ-eu geuˇ-eu loꞈ-ehˇ kʼehˬ-eu, kʼehˬ nah kʼaˆ nah keuˆ le luꞈ meh. Aˇ nah aˇ yamˬ kʼoeˇ keuˆ le ngeh, Iˇsaˬleˬlaˆ siˬ le tehꞈ-a. “Bawˇlawˇpeh heu gʼaˬ tsawˇ uˬ nga.” “Shaˆ ma heu gʼaˬ aˬ dzawˬ nga” lehˇ, naw maꞈ dawˬ doeˇ ngehˬ daˆ-euˬ meh. Naw maꞈ iˬ baˇ myaˬ-eu miˇ neh, naw maꞈ ngaˬ-ahˇ bye dui dui meh.

Iˇsaˬyaˇ 13:4

Tsawˇ haˬ uiˬ leˇ bymˇ leˇ taˬ-euˬ teˇ saˇ loꞈ-ehˇ, gawˬ jawˬ-ahˇ lawꞈ gʼa gaˇ naˇ haˬ sheˇ. Miˇ kʼahˬ tsawˇ jeuˬ yoeˇ uiˬ leꞈ-euˬ loꞈ-ehˇ, miˇ kʼahˬ luiˬ gʼa gaˇ naˇ haˬ sheˇ. Baoˬ huiˬ-eu Sahˬpaˬ Miˬyehˇ guiˇ deuˆ-eu lehˇ, guiˇ maꞈ lehˬ hmˬ-eu teˇ saˇ meh.

Yeˬlaˬmiˇ 32:19

Nawˬ-euˬ nui noeˬ nui duˇ zahˬ dui dui leˇ paˬ-ehˇ gʼeh-awˇ, nawˬ neh mˇ-euˬ gaˇ deuˬ huiˬ dui dui-eu meh. Tsawˇ haˬ zaˬ kʼaˇ mˇ kʼaˇ shaˇ-eu jeˬ-ahˇ nawˇ mawˇ nya-awˇ, aˬ yawꞈ maꞈ neh kʼaˇ mˇ-euˬ loꞈ-ehˇ nawˇ guiˬ lahˬ biꞈ-eu meh.