Yeˬlaˬmiˇ 25:12 - Akha

¹² Kʼoeˇ jiˇ naˇ, Baˬbuˇloˬ miˇ kʼahˬ hawˇ-eu Baˬbuˇloˬ sahˬ paˬ-ahˇ, iˬ baˇ mˇ-euˬ aˇ poeˬ ngaˇ paˇ kʼehˬ poˆ nehˬ ma. Miˇ kʼahˬ kʼoeˇ kʼahˬ-ahˇ ngaˇ laˆ cawˆ nehˬ-awˇ, mˬ maˬ maˬ byaˆ zaˇ ziˇ yaw cawˆ-ehˇ bi jaˆ ma.

Yeˬlaˬmiˇ 25:12 Referans Kwoze

Daˬyeˬlaˇ 9:2

Aˬ yawꞈ uˆ lahˇ-euˬ nyiˬ kʼoꞈ tiˬ kʼoꞈ-ahˇ, muiˬ-eu shawˇ-eu sahˬ boꞈ deuˬ-ahˇ ngaˇ gui-awˇ, Miˬyehˇ gʼaˇ duˬ ngehˬ dah-eu Yeˬlaˬmiˇ-ahˇ Sahˬpaˬ Miˬyehˇ neh ehˇ nehˬ-euˬ gaˇ kawˆ pyeuꞈ-eu, “Shiꞈ tseˇ kʼoꞈ byah ni Yeˬluˇsaˬlehˬ meuˬ yaw cawˆ-ehˇ jaˆ tehꞈ-a” lehˇ ehˇ taˬ-euˬ gaˇ kawˆ kʼoeˇ ngaˇ shaˇ noeˬ luꞈ-eu ma.

Iˇsaˬyaˇ 13:19

Miˇ kʼahˬ dawˬ tawˆ luꞈ kʼoeˇ taˆ, Baˬbuˇloˬ miˇ kʼahˬ yaw shehꞈ kʼahˬ sehˇ huiˬ-eu miˇ neh, aˬ yawꞈ-euˬ tsawˇ haˬ deuˬ kʼahˬ sehˇ jaˆ kʼawꞈ Sawˇdoˬ meuˬ hawˇ-eu Gawˇmawˇlaˆ meuˬ loꞈ-ehˇ, Sahˬpaˬ Miˬyehˇ pyeuꞈ-eu ngaˇ laˆ luˬ laˆ seˇ nehˬ ma.

Yeˬlaˬmiˇ 29:10

“Sahˬpaˬ Miˬyehˇ ehˇ-eu, ‘Baˬbuˇloˬ miˇ kʼahˬ-ahˇ biꞈ taˬ-euˬ aˇ yamˬ shiꞈ tseˇ kʼoꞈ byah laˇ ngeh, naw maꞈ-ahˇ ngaˇ gʼawˬ shaˬ gaˬ-awˇ, naw maꞈ-ahˇ iˇ kahˇ sheuˬ kʼoꞈ keuˆ nehˬ ma lehˇ ehˇ-euˬ ngaˬ-euˬ saˇ jaˇ-ahˇ ngaˇ ziꞈ ma.

Iˇsaˬyaˇ 14:23

Baˬbuˇloˬ meuˬ-ahˇ lah yaˬ bi yaˬ-iˇ-awˇ, kuiˬ siˆ zaˬ siˆ deuˬ kʼoeˇ gaˇ jawˇ tehꞈ-a. Baˬbuˇloˬ meuˬ laꞈ kʼoeˇ tiˬ jeˬ-iˬ maˬ bi dzeˇ yaꞈ ni, yaˆ pyawˇ yaˆ juiˇ-eu loꞈ-ehˇ laˆ cawˆ ma lehˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ ehˇ tsehˆ-eu ma.”

Yeˬsaˬgeˬlaˇ 35:9

Mˬ maˬ maˬ byaˆ zaˇ ziˇ nawˇ bawˇ tsahˬ pyeuꞈ-iˇ ni ngaˇ jahˇ-awˇ, nawˬ-euˬ meuˬ deuˬ laꞈ kʼoeˇ tsawˇ haˬ tiˬ gʼaˬ-iˬ maˬ paˇ jawˇ laˇ-aˇ. Kʼoeˇ ngeh, ngaˇ Sahˬpaˬ Miˬyehˇ pyeuꞈ-eu nawˇ ya siˬ duˬ tehꞈ-a.

Yeˬlaˬmiˇ 25:14

Baˬbuˇloˬ tsawˇ jeuˬ neh kʼaˇ mˇ-euˬ jeˬ aˇ poeˬ, dziˇ dzoˆ bi tsoeˬ poˆ ma. Tsawˇ jeuˬ gʼawˬ mya jeuˬ hawˇ-eu, tsawˇ myahˇ doˆ-eu sahˬ paˬ gʼawˬ mya gʼaˬ-euˬ laꞈ oˆ, aˬ yawꞈ maꞈ-ahˇ zaˬ kʼaˆ bi geuꞈ ma.”

Yeˬlaˬmiˇ 23:2

Aˬ yawꞈ-euˬ tsawˇ haˬ deuˬ-ahˇ bi haw bi pyaˆ-euˬ aˬ yuiꞈ aˬ tsu deuˬ-ahˇ taꞈ leˇ-awˇ, Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ ngaˬ-euˬ tsawˇ jeuˬ-ahˇ maˬ haw maˬ pyaˆ ni, aˬ yawꞈ maꞈ-ahˇ teh byaˆ nehˬ-euˬ meh. Naw maꞈ neh mˇ-euˬ yaw haiˬ jeˬ gʼaˇ duˬ nymˬ-mˇ naw maꞈ-ahˇ ngaˇ kʼehˬ nehˬ kʼaˆ nehˬ ma.

Iˇsaˬyaˇ 46:1

“Baˬbuˇloˬ miˬ yehˇ deuˬ gʼaˇ duˬ aˇ saˬ saˬ-eu aˇ yamˬ keuˆ le-euˬ meh. Beˇleˇ hawˇ-eu Neˬboˬ-ahˇ yaw beh uˬ duˬ tahˬ-euˬ kʼawꞈ, nymˬ-mˇ mahˬ tahˬ laˆ-ahˇ bi kaꞈ daˆ-awˇ, jeˬ zaˬ-euˬ daˇ tsuiꞈ-ahˇ kʼaˆ behˆ laˆ kah nehˬ-euˬ tehꞈ meh.

Iˇsaˬyaˇ 20:1

Aˬshuˇliˆ sahˬ paˬ Saˬgoˬ neh, Aˬshuˇliˆ guiˇ maꞈ dawꞈ tawˆ luꞈ kʼoeˇ taˆ uˆ lahˇ-eu gʼaˬ-ahˇ dawˬ biꞈ-awˇ, Piˇliˇtiˆ miˇ kʼahˬ Aˬshaˬdoˇ meuˬ-ahˇ guiˇ bi deuˆ-iˇ-euˬ meh.

Iˇsaˬyaˇ 15:6

Nymˇlmˬ lawˇ baˬ gui-iˇ-awˇ, yaˇ moꞈ dawˬ tawˆ luꞈ koˆ-iˇ jiˇ-awˇ, aˇ paꞈ yaw nyoeˇ tiˬ paꞈ-iˬ maˬ baw-a.

2 Sahˬpaˬ 24:1

Yeˬhawˇyaˬkmˬ sahˬ paˬ geuꞈ luꞈ ngeh, Baˬbuˇloˬ sahˬ paˬ Neˬbuˬkaˬneˬzaˬ Yuˇdaˆ miˇ kʼahˬ-ahˇ uˇ le-awˇ, aˬ yawꞈ uˆ lahˇ-eu uˬ moˆ Yeˬhawˇyaˬkmˬ smˇ kʼoꞈ jawˇ-euˬ meh. Kʼoeˇ naˇ, Neˬbuˬkaˬneˬzaˬ-ahˇ Yeˬhawˇyaˬkmˬ puiˬ-euˬ meh.

2 Laˬsaˬbaˬ 36:22

Paˇshaˇ miˇ kʼahˬ-ahˇ sahˬ paˬ Guˇluˆ uˆ lahˇ-euˬ yaw beh kʼoꞈ-ahˇ, Miˬyehˇ gʼaˇ duˬ ngehˬ dah-eu Yeˬlaˬmiˇ-ahˇ gʼoe-awˇ ehˇ taˬ-euˬ dawˬ kʼoeˇ dawˬ byah laˇ ni, Sahˬpaˬ Miˬyehˇ jahˇ-euˬ meh. Guˇluˆ sahˬ paˬ sahˬ boꞈ boꞈ-awˇ, aˬ yawꞈ-euˬ miˇ kʼahˬ doe ni bi gui gaˬ-iˇ-eu gʼaˇ duˬ, aˬ yawꞈ-euˬ nui ma-ahˇ Sahˬpaˬ Miˬyehˇ laˆ saˆ nehˬ-euˬ meh. Sahˬ boꞈ kʼoeˇ taꞈ heu loꞈ-ehˇ boꞈ taˬ-euˬ meh.

Jaceuq 137:8

Baˬbuˇloˬ meuˬ-oˇ, nawˇ ya luˬ ya seˇ-iˇ tehꞈ-a. Nawˬ neh nga maꞈ-ahˇ jahˇ nehˬ laꞈ-euˬ loꞈ-ehˇ, nawˬ-ahˇ paˇ jahˇ kʼoꞈ nehˬ-eu tsawˇ haˬ guiˬ lahˬ huiˬ tehꞈ-a.

Iˇsaˬyaˇ 33:1

Laˆ luˬ laˆ seˇ-eu gʼaˬ-oˇ, nawˇ ya noeˬ shaˬ dui dui tehꞈ-a. Nawˇ ya luˬ ya seˇ-iˇ-eu aˇ nah maˬ keuˆ le dah-aˬ siˬ. Saˇ jaˇ puiˬ-eu gʼaˬ-oˇ, nawˇ ya noeˬ shaˬ dui dui tehꞈ-a. Aˬ cawˬ nawˬ-ahˇ saˇ jaˇ puiˬ-eu aˇ nah maˬ keuˆ le dah-aˬ siˬ. Nawˇ aˬ cawˬ-ahˇ laˆ luˬ laˆ seˇ-eu naˬ leˇ ngeh, aˬ cawˬ nawˬ-ahˇ laˆ luˬ laˆ seˇ nehˬ laꞈ tehꞈ-a. Nawˇ saˇ jaˇ puiˬ-eu naˬ leˇ ngeh, aˬ cawˬ nawˬ-ahˇ saˇ jaˇ puiˬ tehꞈ-a.

Yeˬlaˬmiˇ 27:7

Tsawˇ jeuˬ dawˬ tawˆ luꞈ aˬ yawꞈ-euˬ zaˬ kʼaˆ ya geuꞈ tehꞈ-a. Aˬ yawꞈ-euˬ miˇ kʼahˬ maˬ cawˆ-iˇ kʼoeˇ keuˆ ni , aˬ yawꞈ-euˬ zaˬ ziˇ hawˇ-eu oeˬ paˬ oeˬ ma ziˇ-ahˇ keuˆ ni, aˬ yawꞈ maꞈ zaˬ kʼaˆ ya geuꞈ tehꞈ-a. Kʼoeˇ naˇ, aˬ yawꞈ-euˬ miˇ kʼahˬ-aˬ, baoˬ huiˬ-eu tsawˇ jeuˬ deuˬ hawˇ-eu, huiˬ-eu sahˬ paˬ deuˬ-euˬ zaˬ kʼaˆ paˇ ya geuꞈ poˆ tehꞈ-a.

Yeˬlaˬmiˇ 27:22

Pyuˇ shuiˇ myawˬ gahˬ kʼoeˇ deuˬ Baˬbuˇloˬ miˇ kʼahˬ-ahˇ bi yuˇ daˆ leꞈ-awˇ, ngaˇ myaˆ maˬ haw cawˬ kʼoeˇ keuˆ ni, kʼoeˇ gaˇ jaˆ tehꞈ-a. Kʼoeˇ naˇ, pyuˇ shuiˇ myawˬ gahˬ kʼoeˇ deuˬ-ahˇ ngaˇ yuˇ kʼoꞈ leꞈ-awˇ, jawˇ duˬ heu tsahˇ-ahˇ paˇ bi jaˆ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Haˬbaˬkuˆ 1:17

Za kʼoeˇ aˬ yawꞈ paˇ byuˬ kʼaˇ-awˇ, miˇ kʼahˬ tsawˇ jeuˬ dawˬ tawˆ luꞈ-ahˇ, gʼawˬ shaˬ tiˬ pawꞈ-iˬ maˬ gaˬ ni, laˆ byoˆ leꞈ-eu lehˇ gʼeh ta loˇ.