Yeˬlaˬmiˇ 25:11 - Akha

¹¹ Miˇ kʼahˬ heu kʼahˬ kʼahˬ lah ni cawˆ-iˇ jiˇ-awˇ, tsawˬ guˆ-iˇ paˬ-ehˇ jaˆ tehꞈ-a. Dawˬ peh jaˆ-eu miˇ kʼahˬ deuˬ, Baˬbuˇloˬ sahˬ paˬ-euˬ zaˬ kʼaˆ shiꞈ tseˇ kʼoꞈ ya geuꞈ tehꞈ-a.

Yeˬlaˬmiˇ 25:11 Referans Kwoze

Daˬyeˬlaˇ 9:2

Aˬ yawꞈ uˆ lahˇ-euˬ nyiˬ kʼoꞈ tiˬ kʼoꞈ-ahˇ, muiˬ-eu shawˇ-eu sahˬ boꞈ deuˬ-ahˇ ngaˇ gui-awˇ, Miˬyehˇ gʼaˇ duˬ ngehˬ dah-eu Yeˬlaˬmiˇ-ahˇ Sahˬpaˬ Miˬyehˇ neh ehˇ nehˬ-euˬ gaˇ kawˆ pyeuꞈ-eu, “Shiꞈ tseˇ kʼoꞈ byah ni Yeˬluˇsaˬlehˬ meuˬ yaw cawˆ-ehˇ jaˆ tehꞈ-a” lehˇ ehˇ taˬ-euˬ gaˇ kawˆ kʼoeˇ ngaˇ shaˇ noeˬ luꞈ-eu ma.

Zaˬkaˬliˇ 1:12

Kʼoeˇ ngeh, mahˬ yaw neˇ dziꞈ luꞈ-eu mˬ taˆ gʼaˬ kʼehˇ kʼoeˇ gʼaˬ ehˇ-eu, “Baoˬ huiˬ-eu Sahˬpaˬ Miˬyehˇ-oˇ, Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ-ahˇ nawˇ nui ma pehˇ luꞈ-eu shiꞈ tseˇ kʼoꞈ byah laˇ-euˬ meh. Aˬ yawꞈ maꞈ-ahˇ nawˇ gʼawˬ shaˬ maˬ gaˬ nehˬ ni aˇ myah keuˆ ni paˇ byehˇ taˬ-eu gʼeh te.”

Zaˬkaˬliˇ 7:5

“Miˇ kʼahˬ zaˬ deuˬ hawˇ-eu piˇ ma deuˬ-ahˇ heu loꞈ-ehˇ ehˇ nehˬ-awˬ. Dzeuˇ laˇ-euˬ heu shiꞈ tseˇ kʼoꞈ aˇ yamˬ laꞈ kʼoeˇ, ba la ngaˬ siˬ tiˬ siˬ hawˇ-eu shiꞈ siˬ tiˬ siˬ-ahˇ, maˬ dzaˬ-eu zahˇ jahˇ-awˇ tsawˇ ngoeˇ ngoeˇ-euˬ-aˬ, ngaˬ-ahˇ taˬ huiˬ-euˬ jeˬ maˬ ngeuˇ-a.

Yeˬlaˬmiˇ 25:12

Kʼoeˇ jiˇ naˇ, Baˬbuˇloˬ miˇ kʼahˬ hawˇ-eu Baˬbuˇloˬ sahˬ paˬ-ahˇ, iˬ baˇ mˇ-euˬ aˇ poeˬ ngaˇ paˇ kʼehˬ poˆ nehˬ ma. Miˇ kʼahˬ kʼoeˇ kʼahˬ-ahˇ ngaˇ laˆ cawˆ nehˬ-awˇ, mˬ maˬ maˬ byaˆ zaˇ ziˇ yaw cawˆ-ehˇ bi jaˆ ma.

Yeˬlaˬmiˇ 4:27

Sahˬpaˬ Miˬyehˇ heu loꞈ-ehˇ ehˇ-eu meh. “Miˇ tsaˬ tahˬ kʼawˇ heu-ahˇ ngaˇ laˆ byoˆ nehˬ gaˇ maˬ keuˆ kʼawꞈ, bawˇ tsahˬ bawˇ dahˇ ya pyeuꞈ-iˇ jiˇ tehꞈ-a.”

Uˬ duˬ 26:32

Naw maꞈ-euˬ miˇ kʼahˬ-ahˇ ngaˇ nui kʼahˇ tiˬ shiˇ laˆ cawˆ-euˬ miˇ neh, naw maꞈ miˇ kʼahˬ-ahˇ deuˆ gʼaˬ-euˬ naw maꞈ-ahˇ muiˇ-eu tsawˇ haˬ deuˬ kʼawꞈ, ya tsawˬ guˆ-iˇ gaˇ keuˆ tehꞈ-a.

Iˇsaˬyaˇ 5:6

Yaˇ kmˇ kʼoeˇ ngaˇ maˬ laˆ saˆ nehˬ ni byehˇ tsehˆ-awˇ, yaˇ moꞈ bi uˆ byoˆ ma. kʼoeˇ gaˇ uˬ yehˇ taˬ yehˇ shehˬ lehˇ, mˬ dmˇ-ahˇ ngaˇ dawˬ biꞈ ma.”

Yeˬlaˬmiˇ 27:22

Pyuˇ shuiˇ myawˬ gahˬ kʼoeˇ deuˬ Baˬbuˇloˬ miˇ kʼahˬ-ahˇ bi yuˇ daˆ leꞈ-awˇ, ngaˇ myaˆ maˬ haw cawˬ kʼoeˇ keuˆ ni, kʼoeˇ gaˇ jaˆ tehꞈ-a. Kʼoeˇ naˇ, pyuˇ shuiˇ myawˬ gahˬ kʼoeˇ deuˬ-ahˇ ngaˇ yuˇ kʼoꞈ leꞈ-awˇ, jawˇ duˬ heu tsahˇ-ahˇ paˇ bi jaˆ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 28:14

Tsawˇ jeuˬ heu deuˬ dawˬ tawˆ luꞈ kʼoeˇ taˆ, shmˇ kʼaˆ daˬ baꞈ daˆ nehˬ-awˇ, Baˬbuˇloˬ sahˬ paˬ Neˬbuˬkaˬneˬzaˬ-euˬ zaˬ kʼaˆ bi geuꞈ ma lehˇ, Iˇsaˬleˬlaˆ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ ehˇ-eu meh. Jeˬ zaˬ yaw haiˬ deuˬ-ahˇ keuˆ ni, Neˬbuˬkaˬneˬzaˬ-euˬ zaˬ kʼaˆ geuꞈ ni ngaˇ jahˇ ma lehˇ, Sahˬpaˬ Miˬyehˇ ehˇ taˬ-euˬ meh.”

Yeˬlaˬmiˇ 29:10

“Sahˬpaˬ Miˬyehˇ ehˇ-eu, ‘Baˬbuˇloˬ miˇ kʼahˬ-ahˇ biꞈ taˬ-euˬ aˇ yamˬ shiꞈ tseˇ kʼoꞈ byah laˇ ngeh, naw maꞈ-ahˇ ngaˇ gʼawˬ shaˬ gaˬ-awˇ, naw maꞈ-ahˇ iˇ kahˇ sheuˬ kʼoꞈ keuˆ nehˬ ma lehˇ ehˇ-euˬ ngaˬ-euˬ saˇ jaˇ-ahˇ ngaˇ ziꞈ ma.

Yeˬlaˬmiˇ 43:10

Kʼoeˇ naˇ, Iˇsaˬleˬlaˆ-euˬ Miˬyehˇ pyeuꞈ-eu ngaˇ Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ, aˬ yawꞈ maꞈ-ahˇ ehˇ nehˬ-awˬ. Ngaˬ-euˬ zaˬ kʼaˆ Baˬbuˇloˬ sahˬ paˬ Neˬbuˬkaˬneˬzaˬ-ahˇ ngaˇ heu gaˇ sheuˬ leꞈ-awˇ, nawˬ neh baꞈ pahˬ taˬ-euˬ kʼaˬ lo heu deuˬ kʼoeˇ taˆ aˬ yawꞈ-euˬ dzoeˬ dzaˬ nuiˇ mahˬ ka tuˇ-awˇ, aˬ yawꞈ jawˇ-eu dzoeˬ dzaˬ sehˬ gʼawˆ kʼoeˇ tsahˇ nyiˬ paˆ-ehˇ gʼawˆ tehꞈ-a.

Yeˬlaˬmiˇ 44:22

Iˬ nah naw maꞈ-euˬ miˇ kʼahˬ cawˆ-iˇ-awˇ, tsawˇ haˬ tiˬ gʼaˬ-iˬ maˬ jawˇ-ehˇ, guˆ dui dui laˇ paˬ-ehˇ pyeuꞈ-iˇ taˬ-euˬ miˇ neh, aˬ cawˬ yaˬ kʼehˇ yaˬ ngeh tsawˇ myahˇ kuˇ duˬ pyeuꞈ-iˇ-euˬ maˬ ngeuˇ-a loˇ. Naw maꞈ neh mˇ-euˬ yaw haiˬ jeˬ hawˇ-eu maˬ muiˬ maˬ jaˬ-eu jeˬ-ahˇ, Sahˬpaˬ Miˬyehˇ maˬ oˇ coeˇ laˇ-euˬ miˇ neh, kʼoeˇ loꞈ-ehˇ bi keuˆ le-euˬ maˬ ngeuˇ nga loˇ.

Miˇkaˬ 7:13

Ehˇ kʼawꞈ, miˇ tsaˬ kʼoeˇ taˆ jawˇ-eu tsawˇ haˬ zaˬ deuˬ yaw haiˬ jeˬ mˇ-eu baˬ da neh, miˇ kʼahˬ nui deuˬ dawˬ tawˆ luꞈ ciˬ cuˇ ni gʼeh-eu kʼaˇ shuiꞈ shuiꞈ yaˇ loꞈ-ehˇ pyeuꞈ jiˇ tehꞈ-a.

2 Laˬsaˬbaˬ 36:20

Maˬ shiˇ-ehˇ kʼaˇ dzeˇ-eu deuˬ-ahˇ Baˬbuˇloˬ miˇ kʼahˬ-ahˇ aˬ yawꞈ nyehꞈ kʼoꞈ gʼeh-awˇ, Paˇshaˇ miˇ kʼahˬ dzoeˬ dzaˬ-eu yamˬ maˬ keuˆ laˇ kʼoeˇ keuˆ ni, aˬ yawꞈ hawˇ-eu aˬ yawꞈ-euˬ zaˬ deuˬ uˆ deuˬ-euˬ zaˬ kʼaˆ bi geuꞈ-euˬ meh.

Yeˬlaˬmiˇ 4:26

Sahˬpaˬ Miˬyehˇ nui ma pehˇ dui dui-eu miˇ neh, miˇ muiˬ muiˬ-eu miˇ tsaˬ, kʼaˇ shuiꞈ deh yaˇ pyeuꞈ-iˇ jiˇ-awˇ, meuˬ dawˬ tawˆ luꞈ yaw cawˆ-ehˇ jaˆ-eu meh.

Yeˬlaˬmiˇ 25:38

Lo kʼahˬ byehˇ-awˇ cah-eu aˇ laˬ jaˬ shiˇ loꞈ-ehˇ, Sahˬpaˬ Miˬyehˇ aˬ yawꞈ-euˬ tsawˇ haˬ-ahˇ, byehˇ dzeh-awˇ cah-euˬ meh. Sahˬpaˬ Miˬyehˇ-euˬ nui ma pehˇ-eu jeˬ hawˇ-eu, guiˇ deuˆ-eu mi zaˬ mi cehˇ baˬ da neh, aˬ yawꞈ maꞈ-euˬ muiˬ-eu miˇ kʼahˬ, kʼaˇ shuiꞈ deh ga pyeuꞈ tsehˆ-euˬ meh.”

Yeˬlaˬmiˇ 27:7

Tsawˇ jeuˬ dawˬ tawˆ luꞈ aˬ yawꞈ-euˬ zaˬ kʼaˆ ya geuꞈ tehꞈ-a. Aˬ yawꞈ-euˬ miˇ kʼahˬ maˬ cawˆ-iˇ kʼoeˇ keuˆ ni , aˬ yawꞈ-euˬ zaˬ ziˇ hawˇ-eu oeˬ paˬ oeˬ ma ziˇ-ahˇ keuˆ ni, aˬ yawꞈ maꞈ zaˬ kʼaˆ ya geuꞈ tehꞈ-a. Kʼoeˇ naˇ, aˬ yawꞈ-euˬ miˇ kʼahˬ-aˬ, baoˬ huiˬ-eu tsawˇ jeuˬ deuˬ hawˇ-eu, huiˬ-eu sahˬ paˬ deuˬ-euˬ zaˬ kʼaˆ paˇ ya geuꞈ poˆ tehꞈ-a.

Yeˬsaˬgeˬlaˇ 6:14

Ngaˬ-euˬ aˬ laꞈ cawˬ ja-awˇ, aˬ yawꞈ maꞈ-euˬ miˇ kʼahˬ-ahˇ laˆ cawˆ nehˬ ma. Laꞈ oˆ paw pyawˬ-ahˇ jaˆ-eu kʼaˇ shuiꞈ deh-ahˇ neh, laꞈ taˆ paw Yiˇbaˬlahˬ meuˬ-ahˇ keuˆ ni, Iˇsaˬleˬlaˆ tsawˇ haˬ deuˬ kʼaˇ jawˇ-euˬ jawˇ duˬ tiˬ tsahˇ-iˬ maˬ bi dzeuˇ-iˇ ni bi cawˆ-iˇ jiˇ-awˇ ciˬ cuˇ ni bi pyeuꞈ-iˇ ma. Kʼoeˇ ngeh jawˇ, ngaˇ Sahˬpaˬ Miˬyehˇ pyeuꞈ-eu gaˇ kawˆ, yawˬ gʼaˬ na luꞈ ya siˬ duˬ tehꞈ-a.”

Yeˬsaˬgeˬlaˇ 12:19

Heu-aˬ, maˬ jiˆ maˬ pawˇ-ehˇ yawˬ ha-euˬ miˇ kʼahˬ laꞈ kʼoeˇ ya jawˇ luꞈ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ neh ehˇ taˬ-euˬ dawˬ meh lehˇ, Iˇsaˬleˬlaˆ miˇ kʼahˬ kʼahˬ lah ni-ahˇ ehˇ gaˬ nehˬ-awˬ. Aˬ yawꞈ maꞈ dzaˬ ngeh dawˇ ngeh, guˆ-awˇ yaw dzuˬ ya dzuˬ tehꞈ-a. Aˬ yawꞈ maꞈ-euˬ miˇ kʼahˬ zaˬ dawˬ tawˆ luꞈ zahˇ sahˇ kʼoꞈ maˬ baw ni dehꞈ-eu miˇ neh, aˬ yawꞈ maꞈ-euˬ miˇ kʼahˬ neˇ myawˆ ni ya pyeuꞈ-iˇ tehꞈ-a.

Yeˬsaˬgeˬlaˇ 29:11

Kʼoeˇ gaˇ tsawˇ haˬ hawˇ-eu jeˬ zaˬ cah tsehˆ-eu maˬ jawˇ ni pyeuꞈ-iˇ tehꞈ-a. Oeˬ tseˇ kʼoꞈ byah ni tiˬ jeˬ-iˬ maˬ dehꞈ maˬ jawˇ ni pyeuꞈ-iˇ tehꞈ-a.