Yeˬlaˬmiˇ 23:36 - Akha

³⁶ Kʼoeˇ miˇ neh, ‘Sahˬpaˬ Miˬyehˇ-euˬ kʼaˆ behˆ’ lehˇ ehˇ-eu dawˬ aˬ yawꞈ maꞈ ngehˬ-eu maˬ tsaˬ-a. Aˬ jeˬ miˇ neh ehˇ naˇ, tsawˇ haˬ tiˬ gʼaˬ na kʼoeˇ loꞈ-ehˇ ngehˬ naˇ, ngaˬ-euˬ dawˬ aˬ yawꞈ gʼaˇ duˬ maˇ maˇ ni kʼaˆ behˆ bi pyeuꞈ ma. Tsawˇ haˬ heu deuˬ-aˬ, aˬ yawꞈ maꞈ-euˬ Miˬyehˇ dehꞈ luꞈ-eu Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ-euˬ dawˬ-ahˇ laˆ jawꞈ-euˬ meh.

Yeˬlaˬmiˇ 23:36 Referans Kwoze

2 Beˬtuˆluˆ 3:16

Aˬ yawꞈ neh kʼaˇ boꞈ ahˇ gʼeh-euˬ sahˬ boꞈ dawˬ tawˆ luꞈ laꞈ kʼoeˇ, gaˇ kawˆ heu hmˬ-ahˇ taꞈ leˇ-awˇ aˬ myah luꞈ kʼoeˇ loꞈ-ehˇ aˬ yawꞈ ehˇ-eu meh. Jaˇliꞈ aˇ deuˆ nui deuˬ-ahˇ dawˬ tsuiꞈ yuˇ pyawˆ nya-eu loꞈ-ehˇ, Pawˇluˆ neh boꞈ ahˇ gʼeh-euˬ sahˬ boꞈ deuˬ laꞈ kʼoeˇ dawˬ tsuiꞈ naꞈ-awˇ gʼoˆ shaw-eu gʼaˇ duˬ shaˬ-eu pehˇ tsahˇ deuˬ-ahˇ, maˬ siˬ nya-eu deuˬ hawˇ-eu nui ma maˬ ziꞈ-eu deuˬ dawˬ tsuiꞈ yawˬ jeˬ yawˬ-ehˇ yuˇ pyawˇ geuꞈ-eu meh. Kʼoeˇ-aˬ, yawˬ ha ya luˬ ya seˇ-iˇ ni yawˬ haˇ yawˬ ha mˇ gaˇ duˇ-eu meh.

Iˇsaˬyaˇ 3:8

Yeˬluˇsaˬlehˬ meuˬ sahˬ tiꞈ tiꞈ-awˇ, Yuˇdaˆ miˇ kʼahˬ coˬ le-euˬ meh. Aˬ yawꞈ maꞈ ngehˬ-eu tmˇ-eu mˇ-eu shaˇ-eu, Sahˬpaˬ Miˬyehˇ-ahˇ bahˬ leˇ-awˇ, Miˬyehˇ myaˆ pyawˬ-ahˇ kʼaˬ naˆ sawˆ-euˬ meh.

Yeˬlaˬmiˇ 10:10

Ehˇ kʼawꞈ Sahˬpaˬ Miˬyehˇ nawˇ-aˬ, maˇ maˇ ni gʼeh-eu Miˬyehˇ meh. Nawˇ dehꞈ luꞈ-eu Miˬyehˇ pyeuꞈ-awˇ, mˬ maˬ maˬ byaˆ zaˇ ziˇ nawˇ sahˬ paˬ meh. Nawˇ nui ma pehˇ laˇ ngeh, miˇ tsaˬ tahˬ kʼawˇ yaw dzuˬ dzuˬ-awˇ, miˇ kʼahˬ tsawˇ jeuˬ nawˬ-euˬ nui pehˇ maˬ daˬ coeˇ-a.

Jaceuq 120:3

Jaˬ myawꞈ mehˇ shuiˇ deuˬ-oˇ, Miˬyehˇ naw maꞈ-ahˇ aˬ joˆ-ehˇ jahˇ nehˬ nmˇ lehˇ siˬ nya ma loˇ. Aˬ yawꞈ naw maꞈ-ahˇ aˬ joˆ-ehˇ kʼehˬ nehˬ laꞈ nmˇ lehˇ, naw maꞈ siˬ nya ma loˇ.

Jaceuq 64:8

Aˬ yawꞈ maꞈ ngehˬ-euˬ dawˬ kʼoeˇ deuˬ baˬ da neh, aˬ yawꞈ maꞈ-ahˇ Miˬyehˇ laˆ cawˆ tehꞈ-a. Aˬ yawꞈ maꞈ-ahˇ kʼaˇ ya mawˇ-eu tsawˇ haˬ deuˬ, uˬ duˬ juiꞈ gaˇ keuˆ tehꞈ-a.

2 Sahˬpaˬ 19:4

Dehꞈ luꞈ-eu Miˬyehˇ-ahˇ bi naˬ gʼa-eu gʼaˇ duˬ, Aˬshuˇliˆ sahˬ paˬ neh aˬ yawꞈ-euˬ yaw huiˬ yaw mahˇ deuˬ-ahˇ pyehˬ gʼeh leꞈ-euˬ meh. Kʼoeˇ loꞈ-ehˇ naˬ gʼa-eu dawˬ-ahˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ ya gaˬ-awˇ, naˬ gʼa le-euˬ tsawˇ haˬ kʼoeˇ deuˬ-ahˇ kʼehˬ nehˬ kʼaˆ nehˬ luꞈ-uˇ. Kʼoeˇ miˇ neh, maˬ shiˇ dzeuˇ-ehˇ dehꞈ luꞈ-eu tsawˇ haˬ deuˬ gʼaˇ duˬ, Miˬyehˇ-ahˇ guiˬ lahˬ shaˇ-awˬ.”

1 Teˇsaˬloˇni 1:9

Nga maꞈ naw maꞈ jawˇ gaˇ oe ngeh naw maꞈ neh nga maꞈ-ahˇ aˬ joˆ-ehˇ ha geuꞈ nehˬ laꞈ-euˬ gaˇ kawˆ hawˇ-eu, maˇ maˇ ni gʼeh-eu dehꞈ luꞈ-eu Miˬyehˇ-ahˇ uˬ duˬ tahˬ-eu gʼaˇ duˬ, tahˬ pahˬ aˬ ma mawˇ kawˇ deuˬ-ahˇ naw maꞈ aˬ joˆ-ehˇ byehˇ dzeh-euˬ gaˇ kawˆ, tsawˇ haˬ kʼoeˇ deuˬ dawˬ tawˆ luꞈ ja luꞈ-eu meh.

Gaˬlaˬtiˆ 6:5

Aˬ jeˬ miˇ neh ehˇ naˇ, tsawˇ haˬ yawˬ gʼaˬ na luꞈ yawˬ ha ya pi-eu kʼaˆ behˆ yawˬ ha jaˆ meh.

Gʼaˬkʼehˇ 14:15

“Naw maꞈ aˬ jeˬ miˇ neh teu loꞈ-ehˇ jahˇ te. Nga nyaꞈ kʼawꞈ naw maꞈ loꞈ-ehˇ tsawˇ haˬ zaˬ ma. Gaˇ dahˇ maˬ tsoeˬ-eu gaˇ kawˆ heu deuˬ-ahˇ naw maꞈ byehˇ dzeh-awˇ, mˬ, miˇ, iˬ ma laˆ shaˆ hawˇ-eu kʼoeˇ gaˇ kʼaˇ jawˇ kʼaˇ jaˆ-eu yawˬ jeˬ na luꞈ-ahˇ beh-euˬ gʼaˬ pyeuꞈ-eu dehꞈ luꞈ-eu Miˬyehˇ jawˇ paw bi gʼoꞈ pyawˇ laˇ-eu gʼaˇ duˬ, nga nyaꞈ heu gaˇ Laˬ kʼaˬ cehˇ-eu Guiˬ lahˬ dawˬ mehˬ laˇ-euˬ ma.

Luˇkaꞈ 19:22

“Aˬ yawꞈ ehˇ kʼoꞈ nehˬ-eu, ‘Haiˬ dui dui-eu zaˬ kʼaˆ-oˇ, nawˬ-euˬ kʼaˬ meh-ahˇ doˆ le-euˬ dawˬ neh, nawˬ-ahˇ ngaˇ yaˇ kʼaˬ daˇ ma. Ngaˬ neh maˬ yuˇ taˬ-euˬ gaˇ ngaˇ yuˇ geuꞈ-awˇ, ngaˬ neh maˬ sehˬ-euˬ gaˇ ngaˇ yehˬ dzaˬ-euˬ nawˇ siˬ duˬ-eu nga laˬ.

Maꞈtehˬ 12:36

“Ngaˇ naw maꞈ-ahˇ ehˇ nehˬ nyaˇ. Yaˇ kʼaˬ daˇ-eu Aˇ nah keuˆ le ngeh, tsawˇ haˬ yawˬ gʼaˬ na luꞈ, yawˬ ha neh kʼaˇ ngehˬ dzeuˇ-euˬ gaˇ dahˇ maˬ tsoeˬ-eu dawˬ yawˬ dawˬ na luꞈ paˇ ya dzawˇ poˆ tehꞈ-a.

Iˇsaˬyaˇ 28:22

Ngaˇ ehˇ gaˇ cehꞈ lehꞈ taˬ ka. Naw maꞈ maˬ dzeuˇ-iˇ nya ni ya shaˬ nmˬ-mˇ. Miˇ kʼahˬ kʼahˬ lah ni laˆ cawˆ-eu gʼaˇ duˬ, Baoˬ huiˬ-eu Sahˬpaˬ Miˬyehˇ noeˬ tsehˆ taˬ-euˬ gaˇ kawˆ, ngaˇ ya gaˬ gʼaˬ-euˬ ma.

Dawqdaq 17:20

Nui gʼoꞈ ahˇ-eu deuˬ maˬ dehꞈ dzaˬ laˇ-ehˇ, jaˬ myawꞈ mehˇ shuiˇ deuˬ duˬ kʼahˬ-ahˇ ga ahˇ-eu meh.

Jaceuq 149:9

Miˬ yehˇ neh dawˬ biꞈ-euˬ loꞈ-ehˇ aˬ cawˬ tsawˇ jeuˬ-ahˇ kʼehˬ-eu gʼaˇ duˬ, (Mi cehˇ tuˆ tehˬ-awˇ ja ceuˬ ngeh yaw kʼaˆ-ehˇ guˇ luꞈ-uˇ.) Heu-aˬ, Miˬyehˇ-euˬ tsawˇ haˬ deuˬ gʼaˬ leˇ-euˬ bawˬ-iˬ meh. Sahˬpaˬ Miˬyehˇ-ahˇ ja ceuˬ-awˬ.

Jaceuq 12:3

mehˇshuiˇshuiˇ-eu mehˬluˬhawˇ-eu, kʼahˬsehˇjehˆ-eu mehˬlaˇdeuˬ-ahˇ, SahˬpaˬMiˬyehˇ yehˬdzeh luꞈ-uˇ.

1 Saˬmeuˬlaˆ 17:36

Aˇ laˬ jaˬ shiˇ hawˇ-eu kʼaˬ hmˇ deuˬ-ahˇ ngaˇ sehꞈ-euˬ loꞈ-ehˇ, dehꞈ luꞈ-eu Miˬyehˇ-euˬ guiˇ maꞈ-ahˇ guˇ guˇ-ehˇ lmˬ luꞈ-eu, Miˬyehˇ-ahˇ maˬ siˬ nya-eu lawˇ ciꞈ zaˬ pyeuꞈ-eu Piˇliˇtiˆ tsawˇ haˬ kʼoeˇ gʼaˬ-ahˇ kʼawꞈ, kʼoeˇ loꞈ-ehˇ jahˇ nehˬ ma.

1 Saˬmeuˬlaˆ 17:26

Aˬ yawꞈ dawˬ peh jawˇ-eu deuˬ-ahˇ Daˬbiˇ naˇ haˬ-eu, “Tsawˇ haˬ heu gʼaˬ-ahˇ sehꞈ-awˇ, Iˇsaˬleˬlaˆ miˇ kʼahˬ-ahˇ noeˬ shaˬ noeˬ zahˬ-eu jeˬ laꞈ kʼoeˇ neh ka kʼoꞈ nehˬ nya-eu gʼaˬ aˬ jeˬ laꞈ sawˬ za meh ehˇ ta lehˇ. Dehꞈ luꞈ-eu Miˬyehˇ-euˬ guiˇ maꞈ-ahˇ guˇ guˇ-ehˇ lmˬ paˬ-ehˇ, Miˬyehˇ-ahˇ maˬ siˬ nya-eu teu loꞈ-ehˇ gʼeh-eu lawˇ ciꞈ ciꞈ kʼaˆ pyeuꞈ-eu Piˇliˇtiˆ tsawˇ haˬ teu gʼaˬ aˬ pa jeˬ-a.”

Dawˬmehˬ 5:26

Dehꞈ luꞈ-eu Miˬyehˇ miˬ dzaˬ laꞈ kʼoeˇ dawˬ ngehˬ gaˇ ya gaˬ gʼaˬ-awˇ, maˬ shiˇ ni dehꞈ-eu tsawˇ haˬ zaˬ jawˇ meh loˇ.

Yeˬlaˬmiˇ 23:37

Yeˬlaˬmiˇ-oˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ-ahˇ, ‘Sahˬpaˬ Miˬyehˇ naw maꞈ-ahˇ aˬ joˆ-ehˇ ehˇ kʼoꞈ nehˬ laꞈ taˬ’ lehˇ hawˇ-eu, ‘Sahˬpaˬ Miˬyehˇ aˬ jeˬ ehˇ ta’ lehˇ naˇ haˬ-awˬ.

Ngoeˇ dawˬ 2:14

Miˬyehˇ gʼaˇ duˬ ngehˬ dah-eu deuˬ, nawˬ-ahˇ jaˬ myawꞈ myawꞈ nehˬ-euˬ meh. Nawˬ-ahˇ aˬ cawˬ maˬ bi nyehꞈ ni, nawˬ-euˬ yaw lehˬ iˬ baˇ deuˬ-ahˇ, aˬ yawꞈ maꞈ maˬ pah doˆ nehˬ-a. Aˬ yawꞈ maꞈ ngehˬ-euˬ tmˇ-euˬ jeˬ, nawˬ-ahˇ gaˇ ma sheuˬ bahˬ-euˬ meh.