Yeˬlaˬmiˇ 23:29 - Akha

²⁹ Ngaˬ-euˬ dawˬ-aˬ, miˬ dzaˬ-ahˇ duˇ-awˇ, kʼaˬ lo-ahˇ deh meuˇ nya-eu diˬ puˬ puˬ ma-ahˇ duˇ-eu meh.

Yeˬlaˬmiˇ 23:29 Referans Kwoze

HeˬByehˇ 4:12

Miˬyehˇ-euˬ dawˬ-aˬ, yaw dehꞈ dehꞈ luꞈ-awˇ baoˬ tiˬ byah ni ahˇ-eu uˬ taꞈ, mi seuˬ nyiˬ pyawˬ tsoꞈ-eu mi cehˇ naˆ maˬ tseˇ taˆ dui dui-eu miˇ neh, nui ma hawˇ-eu saꞈ laˇ tsmˇ leˇ gaˇ keuˆ ni maˬ ehˇ, yoeˬ tsuiꞈ yoeˬ laꞈ dzmˇ leˇ gaˇ keuˆ ni maˬ ehˇ, ceuꞈ paˇ doˆ gʼeh nya-awˇ, tsawˇ haˬ zaˬ-euˬ nui noeˬ nui loˆ dawˬ tawˆ luꞈ-ahˇ caw duˬ nya-eu meh.

Yeˬlaˬmiˇ 5:14

Kʼoeˇ miˇ neh Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Yeˬlaˬmiˇ-oˇ, tsawˇ haˬ heu deuˬ kʼoeˇ loꞈ-ehˇ ehˇ-eu baˬ da neh, nawˬ-euˬ kʼaˬ meh laꞈ kʼoeˇ ahˇ-eu ngaˬ-euˬ dawˬ deuˬ, miˬ dzaˬ doꞈ gaˇ bi duˇ leˇ ma. Tsawˇ haˬ kʼoeˇ deuˬ miˬ dzaˬ miˬ kawˬ loꞈ-ehˇ, miˬ dzaˬ neh bi puiˆ jiˇ tehꞈ-a.”

Luˇkaꞈ 24:32

Aˬ yawꞈ nyaꞈ yaw kaˬ ehˇ-eu, “Gaˇ pehˇ-ahˇ aˬ yawꞈ aˇ nyaꞈ-ahˇ dawˬ ngehˬ cawˬ laˇ-awˇ Jaˇliꞈ gaˇ kawˆ ja mehˬ nehˬ laꞈ ngeh, nui ma laꞈ kʼoeˇ miˬ dzaˬ doꞈ-eu loꞈ-ehˇ gʼeh law miˇ-a ehˇ lawˬ.”

Yeˬlaˬmiˇ 20:9

Ehˇ kʼawꞈ, Sahˬpaˬ Miˬyehˇ-ahˇ ngehˇ byoˆ-awˇ, aˬ yawꞈ tsawˇ myahˇ uˬ moˆ dawˬ dzawˇ maˬ paˇ mˇ ma ehˇ ngeh, nawˬ-euˬ dawˬ kawˬ ngaˬ-euˬ nui ma laꞈ kʼoeˇ, miˬ dzaˬ doꞈ gaˇ duˇ nya. Ngaˇ kʼaˇ dzahˬ tehˬ coeˇ-eu jahˬ kʼawꞈ, maˬ dzahˬ tehˬ gʼaˬ coeˇ nya.

Panmaeq 11:5

Tsawˇ haˬ tiˬ gʼaˬ na aˬ yawꞈ nyaꞈ-ahˇ laˆ coeˬ laˆ ciˆ-eu lehˇ gʼeh naˇ, aˬ yawꞈ nyaꞈ-euˬ kʼaˬ meh-ahˇ miˬ dzaˬ doˆ le-awˇ, aˬ yawꞈ nyaꞈ-ahˇ muiˇ-eu deuˬ-ahˇ laˆ cawˆ tehꞈ-a. Aˬ yawꞈ nyaꞈ-ahˇ laˆ coeˬ laˆ ciˆ-eu lehˇ kʼaˇ leh jeh-eu tsawˇ haˬ-aˬ, kʼoeˇ loꞈ-ehˇ ya shiˇ tehꞈ-a.

Yoˇhaˬ 6:63

Naw maꞈ-ahˇ dehꞈ-eu saꞈ laˇ biꞈ-euˬ-aˬ, Miˬyehˇ-euˬ Yaw sahˇ meh. Tsawˇ haˬ zaˬ-euˬ baoˬ neh tiˬ jeˬ-iˬ maˬ gʼeh nya-a. Ngaˬ neh naw maꞈ-ahˇ ehˇ-euˬ gaˇ kawˆ heu-aˬ, dehꞈ-eu saꞈ laˇ biꞈ-eu Miˬyehˇ-euˬ Yaw sahˇ-ahˇ naw maꞈ bi za nya-eu gʼaˇ duˬ pyeuꞈ-eu ma.

Gʼaˬkʼehˇ 2:3

Kʼoeˇ ngeh, miˬ dzaˬ miˬ lmˇ-ahˇ duˇ-eu mehˬ laˇ deuˬ-ahˇ aˬ yawꞈ maꞈ ya mawˇ-euˬ meh. Mehˬ laˇ kʼoeˇ deuˬ oe kʼawˬ gʼeh-awˇ, kʼoeˇ gaˇ kʼaˇ jawˇ-eu tsawˇ haˬ yawˬ gʼaˬ na luꞈ-ahˇ toeˬ ciˆ-euˬ meh.

Gʼaˬkʼehˇ 2:37

Beˬtuˆluˆ kʼoeˇ loꞈ-ehˇ ehˇ gaˇ tsawˇ haˬ kʼoeˇ deuˬ ya gaˬ ngeh, aˬ yawꞈ maꞈ-euˬ nui ma-ahˇ zaw dui dui leˇ-awˇ, Beˬtuˆluˆ hawˇ-eu gʼaˬ kʼehˇ kʼoeˇ deuˬ-ahˇ ehˇ-eu, “Aˬ yuiꞈ aˬ nyiˇ deuˬ-oˇ, nga maꞈ aˬ joˆ-ehˇ jahˇ paˬ nga.”

2 Gawˇliˬtu 2:16

Piˬ-iˇ byoˆ-iˇ luꞈ-eu deuˬ gʼaˇ duˬ-aˬ, bi shiˇ-eu yaw buꞈ behꞈ laꞈ gaˇ duˇ-awˇ, ka kʼoꞈ-eu jeˬ za gʼaˬ-euˬ deuˬ gʼaˇ duˬ-aˬ, bi dehꞈ laˇ-eu yaw saw jeˬ-ahˇ duˇ-eu meh. Heu loꞈ-ehˇ gʼeh-eu gaˇ mˇ nya-eu aˬ suˇ gʼaˬ jawˇ ta.

Hawˇseˬ 6:5

Kʼoeˇ baˬ da neh naw maꞈ jawˇ gaˇ, Bawˇlawˇpeh deuˬ ngaˇ pyehˬ leꞈ-awˇ, Yaˇ kʼaˬ daˇ-eu gaˇ kawˆ hawˇ-eu, ya luˬ ya seˇ-iˇ-eu gaˇ kawˆ, bi tsaꞈ bi dzawˇ gaˬ le-euˬ ma. Naw maꞈ yaw dawˇ dawˇ-ehˇ dehꞈ gaˇ, ngaˇ nui kʼahˇ jaˆ dui dui-eu ma.