Yeˬlaˬmiˇ 23:28 - Akha

²⁸ Yuꞈ maˆ maˆ-awˇ Miˬyehˇ gʼaˇ duˬ ngehˬ dah-eu deuˬ-aˬ, yuꞈ maˆ gaˇ kawˆ ja luꞈ-uˇ. Ehˇ kʼawꞈ, ngaˬ-euˬ dawˬ za taˬ-eu Miˬyehˇ gʼaˇ duˬ ngehˬ dah-eu deuˬ-aˬ, saˇ jaˇ ziꞈ-eu laꞈ kʼoeˇ ngaˬ-euˬ gʼaˇ duˬ ngehˬ dah luꞈ-uˇ. Gʼo yoeˬ-aˬ, cehˇ cehˇ nmˇ-ahˇ ciˬ cehˆ haw naˇ, aˬ jeˬ gaˇ dahˇ paˇ tsoeˬ nmˇ.

Yeˬlaˬmiˇ 23:28 Referans Kwoze

1 Tiˆmoˇseˬ 1:12

Ngaˇ gaˇ mˇ nya ni gʼaˬ biꞈ nehˬ laꞈ-euˬ gʼaˬ pyeuꞈ-eu aˬ dui-euˬ Sahˬpaˬ Yeˬsuˇ Ka li-euˬ guiˬ lahˬ-ahˇ ja ceuˬ-eu ma. Aˬ yawꞈ-euˬ gaˇ mˇ-eu tsawˇ haˬ lehˇ sawˇ-awˇ bi mˇ bi shaˇ laꞈ-euˬ miˇ neh, aˬ yawꞈ-euˬ guiˬ lahˬ-ahˇ ngaˇ ja ceuˬ-eu ma.

2 Gawˇliˬtu 2:17

Nga maꞈ-aˬ, aˬ cawˬ loꞈ-ehˇ yawˬ ha gʼaˇ duˬ jiˇ jeuˬ ahˇ ni Miˬyehˇ dawˬ kawˬ mehˬ-eu tsawˇ haˬ maˬ ngeuˇ. Ehˇ kʼawꞈ, Miˬyehˇ neh kʼehˇ gʼeh leꞈ-euˬ tsawˇ haˬ pyeuꞈ-eu miˇ neh, Ka li-euˬ zaˬ kʼaˆ loꞈ-ehˇ Miˬyehˇ mehˬ shi dawˇ coe ni ngehˬ-eu tmˇ-eu ma.

Luˇkaꞈ 12:42

Sahˬpaˬ Yeˬsuˇ ehˇ-eu, “Saˇ jaˇ ziꞈ-awˇ zaˬ siˬ tsawˇ gahˇ ahˇ-eu zaˬ kʼaˆ aˬ geu gʼaˬ-a. Aˬ yawꞈ-aˬ, nymˇ jiˇ-ahˇ haw-eu pyaˆ-eu gʼaˇ duˬ hawˇ-eu, zaˬ kʼaˆ nui deuˬ-ahˇ aˇ yamˬ tsaˬ tsaˬ ni bi dzaˬ bi dawˇ-eu gʼaˇ duˬ, baw leˬ neh kʼehˇ taˬ-euˬ zaˬ kʼaˆ kʼoeˇ gʼaˬ meh.

Maꞈtehˬ 24:45

“Saˇ jaˇ ziꞈ-awˇ noeˬ dahˇ doe-eu zaˬ kʼaˆ aˬ geu gʼaˬ-a. Aˬ yawꞈ-aˬ, zaˬ kʼaˆ nui deuˬ-ahˇ aˇ yamˬ tsaˬ tsaˬ ni bi dzaˬ bi dawˇ-awˇ bi haw bi pyaˆ-eu gʼaˇ duˬ, baw leˬ neh kʼehˇ taˬ-euˬ zaˬ kʼaˆ kʼoeˇ gʼaˬ meh.

Dawqdaq 14:5

Saˇ jaˇ jawˇ-eu tsawˇ kaˬ jaˬ myawꞈ maˬ myawꞈ-a. Saˇ jaˇ maˬ jawˇ-eu tsawˇ kaˬ saꞈ gʼawˇ gaˇ jaˬ myawꞈ ahˇ-eu meh.

1 Gawˇliˬtu 4:2

Zaˬ kʼaˆ tiˬ gʼaˬ-aˬ, yawˬ ha-euˬ baw leˬ-ahˇ saˇ jaˇ maˬ ziꞈ-ehˇ maˬ gʼeh nya-a.

Yeˬlaˬmiˇ 9:12

Ngaˇ heu loꞈ-ehˇ naˇ haˬ-euˬ ma. “Sahˬpaˬ Miˬyehˇ-oˇ, aˬ jeˬ miˇ neh miˇ kʼahˬ heu kʼahˬ kʼaˇ shuiꞈ deh ga loꞈ-ehˇ gui coˇ ni pyeuꞈ-iˇ-awˇ, tsawˇ haˬ tiˬ gʼaˬ-iˬ maˬ cah tsehˆ ni pyeuꞈ-iˇ taˬ ta. Gaˇ kawˆ heu deuˬ-ahˇ siˬ nya-awˇ gʼoˆ shaw nya paˬ-ehˇ zaˬ siˬ tsawˇ gahˇ byah-eu aˬ suˇ gʼaˬ jawˇ ta. Gaˇ kawˆ heu deuˬ aˬ cawˬ-ahˇ dzawˇ mehˬ nehˬ nya paˬ-ehˇ, aˬ suˇ gʼaˬ-ahˇ nawˇ mehˬ duˬ nehˬ-euˬ te.”

Yeˬlaˬmiˇ 9:20

Ngaˇ heu loꞈ-ehˇ ehˇ-euˬ ma. “Zaˬ miˬ zaˬ deuˬ Sahˬpaˬ Miˬyehˇ-euˬ dawˬ-ahˇ naˇ haˬ-awˇ, aˬ yawꞈ maꞈ dawˬ ngehˬ gaˇ naˬ bawˇ ciˬ kʼmˇ-awˬ. Zaˬ miˬ deuˬ-ahˇ tsawˇ ngoeˇ dawˬ kawˬ mehˬ-awˇ, aˬ nmˇ deuˬ-ahˇ kuiˇ deuˇ gui-eu mehˬ-awˬ.

Yeˬlaˬmiˇ 23:25

Yuꞈ maˆ maˆ-eu laꞈ kʼoeˇ aˬ yawꞈ maꞈ-ahˇ ngaˇ dawˬ biꞈ le-euˬ meh lehˇ ehˇ-awˇ, ngaˬ-euˬ tsawˇ myahˇ pi-awˇ jaˬ myawꞈ myawꞈ-eu Miˬyehˇ gʼaˇ duˬ ngehˬ dah-eu tsawˇ haˬ kʼoeˇ deuˬ neh kʼaˇ ngehˬ-euˬ dawˬ deuˬ, ngaˇ siˬ nya jiˇ ma.

Yeˬlaˬmiˇ 42:4

Ngaˇ heu loꞈ-ehˇ ehˇ kʼoꞈ nehˬ-euˬ ma. “Muiˬ tehꞈ-a. Naw maꞈ ngaˬ-ahˇ shaˇ-eu loꞈ-ehˇ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ngaˇ guiˬ lahˬ shaˇ-awˇ, aˬ yawꞈ neh kʼaˇ ehˇ nehˬ laꞈ-euˬ jeˬ, tiˬ jeˬ-iˬ maˬ zaꞈ taˬ ni, naw maꞈ-ahˇ ngaˇ paˇ dzawˇ poˆ nehˬ ma.”

Yeˬsaˬgeˬlaˇ 13:3

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Miˬyehˇ gʼaˇ duˬ ngehˬ dah-eu aˬ dzawˬ aˇ gah heu deuˬ shaˬ zahˬ naꞈ dui dui tehꞈ-a. Aˬ yawꞈ maꞈ yawˬ ha neh kʼaˇ noeˬ doˆ-euˬ jeˬ ngehˬ dah-eu meh.

1 Sahˬpaˬ 22:14

Ehˇ kʼawꞈ, Miˇkaˬyaˇ ehˇ-eu,“Sahˬpaˬ Miˬyehˇ neh kʼaˇ bi ehˇ-euˬ jeˬ tehꞈ-ehˇ ngaˇ ehˇ ma lehˇ, dehꞈ luꞈ-eu Sahˬpaˬ Miˬyehˇ mehˬ shi ngaˇ saˇ jaˇ dzaˬ-eu ma.”

1 Sahˬpaˬ 22:16

Ehˇ kʼawꞈ, Aˬhaˆ ehˇ-eu, “Sahˬpaˬ Miˬyehˇ-euˬ tsawˇ myahˇ uˬ moˆ nawˇ ngaˬ-ahˇ dawˬ ngehˬ cawˬ ngeh, dawˇ coe ni ngehˬ-awˬ tmˇ-awˬ lehˇ ngaˇ nawˬ-ahˇ aˇ myaˆ poˆ ya ehˇ nehˬ nmˇ.”

Iˇsaˬyaˇ 21:10

Ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ-oˇ, naw maꞈ cehˇ diˬ-eu loꞈ-ehˇ bi diˬ-euˬ meh. Ehˇ kʼawꞈ, Iˇsaˬleˬlaˆ-euˬ Miˬyehˇ pyeuꞈ-eu, Baoˬ huiˬ-eu Sahˬpaˬ Miˬyehˇ jawˇ gaˇ neh oe-euˬ, laˬ kʼaˬ cehˇ paˬ-ehˇ gʼeh-eu dawˬ, naw maꞈ-ahˇ ngaˇ tsaꞈ gaˬ-eu ma.