Yeˬlaˬmiˇ 23:22 - Akha

²² Ngaˬ-euˬ nui noeˬ aˬ yawꞈ maꞈ siˬ nya law nmˇ-aˬ, ngaˬ-euˬ tsawˇ haˬ deuˬ-ahˇ ngaˬ-euˬ dawˬ ngehˬ dah-awˇ, aˬ yawꞈ maꞈ-euˬ haiˬ-eu dehꞈ jeˬ dehꞈ kawˆ hawˇ-eu, aˬ yawꞈ maꞈ mˇ luꞈ-eu yaw lehˬ jeˬ-ahˇ, byehˇ dzeh ni mehˬ paˇ nya tehꞈ-a.

Yeˬlaˬmiˇ 23:22 Referans Kwoze

Zaˬkaˬliˇ 1:4

Naw maꞈ-euˬ aˬ poeˬ aˬ bawˇ deuˬ loꞈ-ehˇ taˬ dehꞈ. Aˇ hu ba, Miˬyehˇ gʼaˇ duˬ ngehˬ dah-euˬ tsawˇ haˬ deuˬ, yaw haiˬ jeˬ maˬ mˇ ni dehꞈ-awˬ lehˇ, aˬ yawꞈ maꞈ-ahˇ mehˬ nehˬ tsoˆ nehˬ-euˬ meh. Ehˇ kʼawꞈ, aˬ yawꞈ maꞈ maˬ naˇ haˬ geuꞈ-aˬ.

Yeˬlaˬmiˇ 25:5

Naw maꞈ hawˇ-eu naw maꞈ-euˬ aˬ poeˬ aˬ bawˇ deuˬ-ahˇ Sahˬpaˬ Miˬyehˇ neh biꞈ tsehˆ tsehˆ taˬ-euˬ miˇ kʼahˬ heu kʼahˬ laꞈ kʼoeˇ naw maꞈ ya jawˇ daˆ leꞈ ni, maˬ tsaˬ maˬ dawˇ-eu naw maꞈ-euˬ dehꞈ jeˬ dehꞈ kawˆ hawˇ-eu, naw maꞈ mˇ luꞈ shaˇ luꞈ-eu yaw haiˬ jeˬ-ahˇ byehˇ dzeh-awˬ lehˇ, Miˬyehˇ gʼaˇ duˬ ngehˬ dah-euˬ kʼoeˇ deuˬ, naw maꞈ-ahˇ ehˇ nehˬ-euˬ meh.

Yeˬlaˬmiˇ 23:18

Ngaˇ heu loꞈ-ehˇ ehˇ-eu ma. “Miˬyehˇ gʼaˇ duˬ ngehˬ dah luꞈ-eu heu deuˬ, Sahˬpaˬ Miˬyehˇ nui noeˬ aˬ geu gʼaˬ siˬ nya ta. Aˬ yawꞈ neh bi ngehˬ dah-euˬ dawˬ, aˬ yawꞈ maꞈ maˬ ya gaˬ haw-ehˇ, gʼoˆ shaw nya-eu tiˬ gʼaˬ-iˬ maˬ ahˇ-a. Sahˬpaˬ Miˬyehˇ neh ngehˬ-euˬ dawˬ deuˬ-ahˇ, yaw muiˬ-ehˇ naˇ haˬ-eu tiˬ gʼaˬ-iˬ maˬ jawˇ-a.

Gʼaˬkʼehˇ 20:27

Aˬ jeˬ miˇ neh ehˇ naˇ, Miˬyehˇ-euˬ nui noeˬ dawˬ tawˆ luꞈ, naw maꞈ-ahˇ ngaˇ maˬ zaꞈ taˬ ni ja mehˬ jiˇ gʼaˬ-euˬ ma.

Yeˬsaˬgeˬlaˇ 13:22

“Ngaˇ maˬ bi mˇ coeˬ mawꞈ-eu tsawˇ muiˬ deuˬ-ahˇ, naw maꞈ jaˬ myawꞈ mehˇ shuiˇ neh guˆ tsiˬ nyehꞈ-euˬ meh. Haiˬ-eu tsawˇ haˬ deuˬ yaw haiˬ jeˬ byehˇ dzeh-awˇ, saꞈ laˇ buˬ-iˇ ni maˬ bi mˇ-eu gʼaˇ duˬ, naw maꞈ laˆ tsoeˬ-euˬ meh.

Yeˬlaˬmiˇ 35:15

Miˬyehˇ gʼaˇ duˬ ngehˬ dah-eu deuˬ pyeuꞈ-eu ngaˬ-euˬ zaˬ kʼaˆ deuˬ-ahˇ naw maꞈ jawˇ gaˇ maˬ tsehˆ leˇ ni ngaˇ pyehˬ gʼeh leꞈ-awˇ, yaw haiˬ jeˬ mˇ-eu byehˇ-awˇ, yaw tsaˬ yaw dawˇ jeˬ mˇ-awˬ lehˇ bi ehˇ le-euˬ ma. Naw maꞈ-euˬ aˬ poeˬ aˬ bawˇ deuˬ hawˇ-eu naw maꞈ-ahˇ ngaˬ neh biꞈ taˬ-euˬ miˇ kʼahˬ heu kʼahˬ laꞈ kʼoeˇ naw maꞈ dehꞈ daˆ jawˇ daˆ leꞈ nya ni, miˬ yehˇ nui deuˬ-ahˇ uˬ duˬ taˬ tahˬ lehˇ, Miˬyehˇ gʼaˇ duˬ ngehˬ dah-eu kʼoeˇ deuˬ naw maꞈ-ahˇ yaw kʼaˆ kʼaˆ-ehˇ mehˬ nehˬ gʼaˬ-euˬ meh. Ehˇ kʼawꞈ, ngaˬ-euˬ dawˬ naw maꞈ-euˬ naˬ bawˇ-ahˇ maˬ ahˇ leˇ-a.

1 Teˇsaˬloˇni 5:6

Kʼoeˇ miˇ neh, aˬ cawˬ yuꞈ kʼaˆ-eu loꞈ-ehˇ maˬ yuꞈ kʼaˆ ni jawˇ kaˇ-euˇ.

Yeˬsaˬgeˬlaˇ 3:17

“Tsawˇ haˬ zaˬ-oˇ, ngaˇ nawˬ-ahˇ Iˇsaˬleˬlaˆ tsawˇ jeuˬ-ahˇ haw-eu gʼaˬ bi geuꞈ ma. Aˬ yawꞈ maꞈ nui ma paˇ laˇ ni ngaˬ neh mehˬ-euˬ dawˬ deuˬ aˬ yawꞈ maꞈ-ahˇ nawˇ ya biꞈ meh.

Yeˬsaˬgeˬlaˇ 2:7

Aˬ yawꞈ maꞈ naˇ haˬ-eu maˬ kaˬ, maˬ naˇ haˬ-eu maˬ kaˬ, ngaˬ neh bi ngehˬ-euˬ dawˬ nawˇ ya ngehˬ meh. Aˬ yawꞈ maꞈ ngaˬ-ahˇ puiˬ-eu tsawˇ haˬ pyeuꞈ luꞈ gaˇ taˬ ngehˇ.

Yeˬsaˬgeˬlaˇ 18:30

“Nymˬ-mˇ poˆ jawˇ-aˬ, naw maꞈ Iˇsaˬleˬlaˆ tsawˇ haˬ yawˬ gʼaˬ na luꞈ-ahˇ, yawˬ ha neh kʼaˇ mˇ kʼaˇ shaˇ-euˬ gaˇ haw-awˇ yaˇ kʼaˬ daˇ nehˬ ma lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma. Naw maꞈ-euˬ iˬ baˇ neh naw maꞈ-ahˇ maˬ bi laˆ cawˆ ni, naw maꞈ mˇ luꞈ-eu yaw haiˬ jeˬ byehˇ dzeh jiˇ-awˬ.

Yeˬlaˬmiˇ 36:3

Ngaˬ neh lehˬ hmˬ taˬ-euˬ luˬ-iˇ seˇ-iˇ-eu jeˬ dawˬ tawˆ luꞈ gaˇ kawˆ Yuˇdaˆ tsawˇ haˬ deuˬ ya gaˬ ngeh, aˬ yawꞈ maꞈ yaw haiˬ jeˬ maˬ mˇ ni byehˇ -eu baw le. Kʼoeˇ loꞈ-ehˇ byehˇ naˇ, aˬ yawꞈ maꞈ-euˬ yaw lehˬ hawˇ-eu iˬ baˇ-ahˇ ngaˇ pyehˬ nehˬ ma.”

Yeˬlaˬmiˇ 9:12

Ngaˇ heu loꞈ-ehˇ naˇ haˬ-euˬ ma. “Sahˬpaˬ Miˬyehˇ-oˇ, aˬ jeˬ miˇ neh miˇ kʼahˬ heu kʼahˬ kʼaˇ shuiꞈ deh ga loꞈ-ehˇ gui coˇ ni pyeuꞈ-iˇ-awˇ, tsawˇ haˬ tiˬ gʼaˬ-iˬ maˬ cah tsehˆ ni pyeuꞈ-iˇ taˬ ta. Gaˇ kawˆ heu deuˬ-ahˇ siˬ nya-awˇ gʼoˆ shaw nya paˬ-ehˇ zaˬ siˬ tsawˇ gahˇ byah-eu aˬ suˇ gʼaˬ jawˇ ta. Gaˇ kawˆ heu deuˬ aˬ cawˬ-ahˇ dzawˇ mehˬ nehˬ nya paˬ-ehˇ, aˬ suˇ gʼaˬ-ahˇ nawˇ mehˬ duˬ nehˬ-euˬ te.”

Yeˬlaˬmiˇ 23:14

Ehˇ kʼawꞈ Yeˬluˇsaˬlehˬ meuˬ-ahˇ ngaˬ-euˬ gʼaˇ duˬ ngehˬ dah-eu deuˬ, kʼoeˇ naˆ maˬ tseˇ doeˇ gaˇ ngaˇ mawˇ-euˬ ma. Aˬ cawˬ-euˬ miˬ zaˬ-ahˇ aˬ yawꞈ maꞈ bahˬ gʼa muˆ gʼa-awˇ, jaˬ myawꞈ mehˇ shuiˇ dawˬ ngehˬ-eu meh. Tsawˇ haˬ yawˬ gʼaˬ na luꞈ yaw haiˬ jeˬ maˬ byehˇ ni mˇ-eu gʼaˇ duˬ, yaw lehˬ mˇ gaˇ aˬ yawꞈ maꞈ gʼaˬ baꞈ baꞈ-eu meh. Aˬ yawꞈ maꞈ dawˬ tawˆ luꞈ ngaˬ-euˬ mehˬ shi, Sawˇdoˬ hawˇ-eu Gawˇmawˇlaˆ meuˬ loꞈ-ehˇ, doeˇ dui dui-eu tsawˇ haˬ deuˬ pyeuꞈ-eu meh.”

Yeˬsaˬgeˬlaˇ 13:5

Meuˬ meuˬ lahˇ byaˆ-iˇ-euˬ tsahˇ-ahˇ aˬ yawꞈ maꞈ loꞈ piˇ-eu maˬ ngeuˇ-a. Meuˬ meuˬ lahˇ paˇ gawˬ muiˬ-eu kʼawꞈ maˬ geuˇ-a. Kʼoeˇ miˇ neh, Sahˬpaˬ Miˬyehˇ-euˬ aˇ nah keuˆ le-awˇ, guiˇ deuˆ ngeh, Iˇsaˬleˬlaˆ miˇ kʼahˬ-ahˇ maˬ ceh piˇ nya-a.

Aˬmoˆ 3:7

Baoˬ huiˬ-eu Sahˬpaˬ Miˬyehˇ-aˬ, aˬ yawꞈ-euˬ zaˬ kʼaˆ pyeuꞈ-eu Miˬyehˇ gʼaˇ duˬ ngehˬ dah-eu deuˬ-ahˇ maˬ pah mehˬ nehˬ ni tiˬ jeˬ-iˬ maˬ mˇ dzeuˇ-a.

Maˬlaˬkiˇ 2:6

Aˬ yawꞈ maꞈ yaw lehˬ jeˬ maˬ mehˬ maˬ tsoˆ ni, yaw tsaˬ yaw dawˇ jeˬ tehꞈ-ehˇ mehˬ-euˬ tsoˆ-euˬ meh. Aˬ yawꞈ maꞈ ngaˇ nui ma tsaˬ ni yaw dehꞈ dehꞈ-euˬ meh. Aˬ yawꞈ maꞈ mawˇ do yaw tsaˬ yaw dawˇ jeˬ mˇ-eu uˬ taꞈ, aˬ cawˬ yaw haiˬ jeˬ mˇ-eu byehˇ ni caw ba nehˬ-euˬ meh.